„ქალთა ლიდერობა, კომუნიკაციის ფორმები, სამოქალაქო ჩართულობის მექანიზმები“ - ქალთა ფონდი „სოხუმის“ ოფისში ამ თემაზე ჩატარდა ტრენინგი ქუთაისის სხვადასხვა თემში მცხოვრები დევნილი ქალებისა და გოგონებისთვის.
ინფორმაციის ნაკლებობა, მიგრაცია, პასიურობა, უპასუხისმგებლობა, დროის სიმცირე, გულგრილობა - მონაწილეებმა აღნიშნეს, რომ ეს მოკლე ჩამონათვალია იმის, რაც უშლის ხელს სამოქალაქო ჩართულობას ადგილობრივ დონეზე.
ტრენინგზე ისაუბრეს იმაზე, თუ როგორ უნდა ამაღლდეს ლიდერული უნარები, კომუნიკაციის ხარისხი და მოტივაცია, რათა გაიზარდოს მოქალქეთა ჩართულობა ადგილობრივი პოლიტიკის ფორმირებაში
მონაწილეთა უკუკავშირიდან:
„ძალიან საინტერესო ტრენინგი იყო.“
„ლიდერი მარტო ვერაფერს იზამს გუნდის გარეშე და პირიქით, ამიტომ საჭიროა ყველამ თავისი შესაძლებლობები გამოიყენოს საერთო საქმის კეთების დროს.“
„საჭირო ინფორმაციები მივიღე. გავეცანი მოქალაქეთა ჩართულობის ფორმებს“
„მიღებულ ცოდნას ხშირად გამოვიყენებ.“
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
შეხვედრის მონაწილეებმა - ქუთაისის სხვადასხვა დევნილთა დასახლებაში მცხოვრებმა ქალებმა და გოგონებმა - ისაუბრეს პრიორიტეტულ პრობლემებსა და გამოწვევებზე, რომლებიც წლების განმავლობაში დაუგროვდათ თავიანთ თემებში. მთავარ ნუსხაში ინფრასტრუქტურული პრობლემები დაასახელეს: გაუმართავი სანიაღვრე სისტემა, სარდაფებში არსებული წყალი, ფასადების ავარიული მდგომარეობა, გადახურვა, შიდა გზების გაუმართაობა და ა,შ. ასევე გამახვილდა ყურადღება ჯანდაცვის სერვისებზე ხელმისაწვდომობაზე (რეპროდუქციული, ონკოლოგიური და შშმპ საჭიროებებისთვის). ახალგაზრდებმა აღნიშნეს, რომ ბევრგან არ არის სპორტული მოედანი და სკვერი.
შეხვედრის მონაწილეებმა გადაწყვიტეს, რომ დაესწრებიან საკრებულოს სხდომებს, აქტიურად ჩაერთვებიან ადგილობრივი გადაწყვეტილებების მიღების პროცესში, რაც ხელს შეუწყობს დევნილთა თემებში იდენტიფიცირებული პრობლემების მოგვარებას.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
მონიტორინგის ჯგუფმა ჩაატარა საინფორმაციო შეხვედრა სოფელ ფახულანში (წალენჯიხის მუნიციპალიტეტი).
შეხვედრის მონაწილეებს მიეწოდათ ინფორმაცია ქვეყანაში არსებულ მექანიზმებზე ძალადობის მსხვერპლთა დახმარებისა და გაძლიერების კუთხით და ადგილობრივი თვითმმართველობის პროგრამების შესახებ.
ქალთა ფონდი „სოხუმის“ იურისტმა შეკრებილებს გააცნო პედაგოგებისა და სამედიცინო პერსონალისთვის მნიშვნელოვანი დოკუმენტი - ქალთა მიმართ ძალადობის ან/და ოჯახში ძალადობის მსხვერპლთა გამოვლენის, მათი დაცვის, დახმარებისა და რეაბილიტაციის ეროვნული რეფერირების პროცედურების დამტკიცების შესახებ.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდმა „სოხუმმა“ ადგილობრივი რეფერირების სუბიექტების მონაწილეობით მრგვალი მაგიდის ფორმატის შეხვედრა გამართა ბაღდათის მუნიციპალიტეტში.
შეხვედრას ესწრებოდნენ საკრებულოს გენდერული თანასწორობის საბჭოს წევრები, მერიის სამსახურების და პოლიციის სამმართველოს წარმომადგენლები. შეკრებილებმა ისაუბრეს ოჯახში ძალადობის პრევენციასა და მსხვერპლთა დაცვაზე, სოციალურ პარტნიორობაზე. აქცენტი გაკეთდა ძალადობის პრობლემაზე და ადგილობრივ სტრუქტურებთან ეფექტიან თანამშრომლობაზე.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
აქტიური იყო თებერვალი ფსიქოლოგ მანანა გოცირიძისთვის:
- მან ჯგუფური ფსიქოლოგიური შეხვედრა გამართა თერჯოლაში. 12 ქალთან გაიმართა საუბარი იმაზე, თუ როგორ ვლინდება მსხვერპლის სინდრომი და როგორ უნდა დაძლიოს მსხვერპლის პოზიცია. ასევე ჩატარდა ინდივიდუალური კონსულტაცია ძალადობის მსხვერპლთან.
- 12-დან 23 თებერვლამდე ქუთაისის სარეაბილიტაციო ცენტრში ძალადობის მსხვერპლთა კიდევ ერთი ჯგუფი იმყოფებოდა - ორი ქალი და ექვსი ბავშვი. მათ მიიღეს იურისტის, ფსიქოლოგისა და სოციალური მუშაკის კომპლექსური დახმარება. წასვლის წინ ერთ-ერთმა თქვა: „ძალიან ბედნიერი ვარ, რომ ასეთ შესანიშნავ ადგილას მოვხვდი. ყველა ქალი უნდა ჩამოვიდეს აქ, რათა გაიგოს თავისი მდგომარეობა და მოუსმინოს საკუთარ თავს. ჩემს უფროს ქალიშვილს ეშინოდა ფსიქოლოგის, მაგრამ იმდენად მოსწონდა, რომ ყოველდღე ელოდა საინტერესო, სასარგებლო საუბრებს“.
- პარასკევობით მიმდინარეობდა ფსიქოლოგიური რეაბილიტაცია ქუთაისის დღის ცენტრის პოლიმერულ თიხასთან მუშაობის ახალ ჯგუფთან.
- შემოვიდა 8 ზარი - ფსიქოლოგი გამოეხმაურა ბენეფიციარების ემოციურ მდგომარეობას და დაეხმარა მათ საჭიროებისამებრ.
- ონლაინ 11 ინდივიდუალური კონსულტაცია ჩატარდა რეგიონებში სხვადასხვა პლატფორმის მეშვეობით.
- ქუთაისში გაიმართა 12 ინდივიდუალური ფსიქოთერაპიული სესია.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
იანა კოშელეცი 37 წლისაა, ქმართან და 15 წლის შვილთან ერთად ცხოვრობს ქუთაისში. მარიუპოლიდან ომს გაექცნენ. თავიდან გერმანიაში ცხოვრობდნენ, მაგრამ ბიჭუნა იქ სწავლას ვერ მიეჩვია და საქართველოში გადაწყვიტეს ჩამოსვლა...
იანა ერთ-ერთია, ვინც ქალთა ფონდი „სოხუმის“ ფსიქოლოგის კონსულტაციით სარგებლობს. ფსიქოლოგმა მანანა გოცირიძემ თებერვალში 4 შეხვედრა ჩაატარა უკრაინიდან ჩამოსულ ოჯახებთან. 13 ლტოლვილს შეხვდა პირველად და დაგეგმა შემდგომი თერაპია, 6 ადამიანთან კი მიმდინარეობს ინდივიდუალური ფსიქორეაბილიტაცია.
განსაკუთრებით უნდა აღინიშნოს ფსიქოლოგის მუშაობა ბავშვებთან - დედები კმაყოფილებით ამბობენ, რომ სეანსების შემდეგ მათი შვილები საგრძნობლად შეიცვალნენ, უკეთესები გახდნენ...
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
წყალტუბოს ინოვაციების ცენტრში ჩატარდა ტრენინგი „მტიცებულებაზე დაფუძნებული ადვოკატირება“, რომელსაც დევნილთა სხვადასხვა თემში მცხოვრები აქტიური ლიდერი ქალები და გოგონები დაესწრნენ.
მონაწილეებმა გაიგეს ადვოკატირების არსი, მოახდინეს საკუთარ ჩასახლებებში არსებული პრობლემების იდენტიფიცირება და ჩამოაყალიბეს ადვოკატირების სტრატეგიული გეგმა.
პრაქტიკული მაგალითებით და სავარჯიშოებით მონაწილეებმა გააანალიზეს ადვოკატირების ხელშემწყობი და ხელშემშლელი ფაქტორები. ყურადღება გამახვილდა SWOT ანალიზზე, რამაც მონაწილეებს დაანახა ადვოკატირების ჯგუფის ძლიერი და სუსტი მხარეები. ტრენინგის ბოლოს მათ აღნიშნეს, რომ შეძენილი ცოდნა და უნარ-ჩვევები დაეხმარება მათ ადვოკატირების წარმატებით წარმართვაში.
მუშაობა მიმდინარეობს ცენტრ „აფხაზეთთან“ პარტნიორობით, პროექტის „კონფლიქტების ტრანსფორმაციის მხარდაჭერა სამხრეთ კავკასიაში და მოლდოვაში“ ფარგლებში.
ზუგდიდის მუნიციპალიტეტის სოფელ დიდინეძის ქალთა და ახალგაზრდული ჯგუფის წევრებმა პროექტის კოორდინატორს ,გიორგი ხეჩინაშვილს უმასპინძლეს.აღინიშნა რომ,დონორების მხრიდან , ინფორმაციის მიღების თვალსაზრისით, მსაგავსი სახის პრეზენტაციები,ორივე მხარისთვის მნიშვნელოვანია.USAID_ის პროგრამის წარმომადგენელმა თითქმის 3 საათიანი შეხვედრის მანძილზე კლუბის წევრებისგან მოისმინა ინფორმაცია პროექტის ფარგლებში გაწეული მუშაობის შესახებ.ადგილზე გაეცნო გამყოფ ხაზთან მცხოვრები მოქალაქეების პრობლემებსა და საჭიროებებს.კლუბის ლიდერმა ისაუბრა პროექტის სარგებელის შესახებ.გამოიკვეთა ,რა საკითხები მოგვარდა სოფელში და რა იგეგმება სამომავლოდ.შეხვედრა ნაყოფიერი აღმოჩნდა თითოეული მონაწილისთვის.
ხონის ქალთა საინიციატივო ჯგუფის წევრები აგრძელებენ კვლევას „ადამიანური უსაფრთხოების ხარისხის შეფასების“ კუთხით. ეს ჯგუფი ამ ეტაპზე, ოთხ ფოკუს ჯგუფს ჩაატარებს. წევრები გაეცნენ კვლევის ძირითად მიზნებს, ამოცანებს, განსაზღვრეს სამიზნე ჯგუფები და გადაინაწილეს პასუხისმგებლობები. შეხვედრას ადგილობრივი თვითმმართველობის წარმომადგენლები ესწრებოდნენ.
ხონის, ქალთა მეორე საინიციატივო ჯგუფის წევრები, კვლევას „ადამიანური უსაფრთხოების ხარისხის შეფასების“ კუთხით, ჩაღრმავებული ინტერვიუს მეთოდის გამოყენებით გააგრძელებენ. ეს ჯგუფი, ამ ეტაპზე, წინასწარ განსაზღვრულ და შერჩეულ ოთხ რესპონდენტთან იმუშავებს.
ხონის ახალგაზრდული კლუბის წევრებს ტრენინგი ჩაუტარდათ თემაზე"დეზინფორმაცია და მასთან ბრძოლის მექანიზმენზე", მედიაწიგნიერების არსა და მნიშვნელობაზე. მონაწილეები ტრენინგის თეორიულ და პრაქტიკულ ნაწილში ჩაერთნენ. ახალგაზრდებმა მოისმინეს, თუ როგორ გაარჩიონ რეალური და ყალბი ინფორმაცია ერთმანეთისგან, შეიძინეს დეზინფორმაციასთან ბრძოლისთვის საჭირო უნარები .
წყალტუბოს ქალთა საინიციატივო ჯგუფის წევრები აქტიურად აგრძელებენ გამოკითხვის პროცესს, რომელიც წინა თვეს დაიწყო. ჯგუფის წევრები პროცესს ფოკუს-ჯგუფების და ჩაღრმავებული ინტერვიუების მეთოდით ახორციელებენ. მიღებული ინფორმაცია საერთო კვლევაში აისახება, რომლის მიზანია ადამიანური უსაფრთხოების საკითხების გენდერულ ჭრილში გამოკვეთა.
ახალგაზრდული ჯგუფის წევრებმა სამშვიდობო ინიციატივებზე გააკეთეს აქცენტი. დაიგეგმა რამდენიმე აქტივობა, რომელსაც ჯგუფის ლიდერები სხვადასხვა კლასში ჩაატარებენ. მათი მოსაზრებით, ეს აქტივობები ხელს შეუწყობს სამშვიდობო თემების პოპულარიზებას.