ონლაინ შეხვედრა ქალებთან | წყალტუბო & ქუთაისი

Zoom-ის საშუალებით ჩატარდა ონლაინ შეხვედრა წყალტუბოსა და ქუთაისის მუნიციპალიტეტების 12 ქალის მონაწილეობით. შეხვედრას უძღვებოდნენ ქალთა ფონდი „სოხუმის“ წარმომადგენლები — ლელა შენგელია და ანჟელა ჩიხლაძე.

დისკუსიის მთავარი თემა იყო ტექნოლოგიებით ჩადენილი ძალადობა და ქალთა უსაფრთხოება ციფრულ სივრცეში. მონაწილეებმა ისაუბრეს ონლაინ გარემოში არსებულ გამოცდილებებსა და გამოწვევებზე, ასევე მიიღეს პრაქტიკული ინფორმაცია ძალადობის თანამედროვე ფორმების, მტკიცებულებების სწორად შეგროვებისა და სამართლებრივი მექანიზმების შესახებ.

მონაწილეებმა შეხვედრა შეაფასეს როგორც საჭირო და პრაქტიკული, განსაკუთრებით იმ ცოდნის გამო, რომელიც მათ საკუთარი უსაფრთხოების დაცვისა და დახმარების მიღების შესაძლებლობებზე მისცა.

შეხვედრამ კიდევ ერთხელ გაუსვა ხაზი ინფორმირებული და გაძლიერებული ქალების მნიშვნელობას უსაფრთხო ციფრული გარემოს შექმნასა და ძალადობის პრევენციაში.

პროექტი ხორციელდება WAVE Network-ის მხარდაჭერით