ფორუმ-თეატრი (76)
ფორუმ-თეატრი – მუშაობის ინოვაციური მეთოდიკა, რომელიც მიმართულია სოციალური პრობლემების მოგვარებისკენ თეატრალური სცენების მეშვეობით. ფონდი „სოხუმის“ ახალგაზრდული თეატრი 2009 წლიდან მუშაობს და აქტუალურ თემებზე (კონფლიქტები, ძალადობა) წარმოდგენებს მართავს დასავლეთ საქართველოს 4 რეგიონში (იმერეთი, სამეგრელო, გურია, აჭარა).
განსაკუთრებული სანახაობა შესთავაზა პატარებს ფონდი „სოხუმის“ ჩრდილების თეატრმა წყალტუბოს 1-ლ საჯარო სკოლაში. დაწყებითი კლასების 100-მდე მოსწავლე სიამოვნებით უყურებდა მუსიკალურ, ლამაზ ფერებში წამოდგენილ სპექტაკლს „პირიმზე“, რომელიც ფონდი „სოხუმის“ ექსკლუზივია - შეიქმნა ბავშვებისთვის თანასწორობის თემაზე.
წარმოდგენამ გაახალისა მაყურებელი. პედაგოგებმა აღნიშნეს, რომ ეს არის ორიგინალური, შემეცნებითი სპექტაკლი, რომელმაც ბავშვებს დაანახა მეგობრობის და თანასწორობის ძალა.
ფონდი „სოხუმის“ ფორუმ-თეატრმა 5 წარმოდგენა ჩაატარა ფოთის მე-7 საჯარო სკოლაში. მაყურებელს მოეწონა სცენიდან ნათქვამი სიმართლე. შეკრებილებმა წარმოდგენებში ჩართვის სურვილი ნაკლებად გამოხატეს, მაგრამ დისკუსიის დროს გამოიკვეთა მათი შეურიგებელი დამოკიდებულება ძალადობის მიმართ.
1 ივნისი ბავშვთა დაცვის საერთაშორისო დღეა. ამ დღეს ფონდი „სოხუმის“ ფორუმ-თეატრთან არსებული ჩრდილების თეატრი ქუთაისში ბაგა-ბაღ „ვარსკვლავებს“ ესტუმრა. ეს ნამდვილი დღესასწაული იყო ბავშვებისთვის. მათ პირველად ნახეს ასეთი სპექტაკლი. ახალგაზრდა მსახიობებმა ხალისიანად მიულოცეს ბავშვთა დღე პატარებს.
ფორუმ-თეატრის წარმოდგენების ჩვენება გაიმართა ხონში, სამხედრო ქალაქის დევნილთა დასახლებაში. მართალია, მაყურებელი შედარებით პასიურობდა, ერთგვარ უკმაყოფილებასაც გამოთქვამდა ზოგიერთი ძალადობრივი სცენის ნახვის შემდეგ, მაგრამ ბოლომდე დარჩა და უყურა წარმოდგენებს.
როგორც ახალგაზრდა მსახიობები აცხადებენ, ესეც პოზიტიური შედეგია, რადგან ადამიანი ყოველთვის უფიქრდება ნანახს, დასკვნებს აკეთებს და იცვლება კიდეც...
ხონის ცენტრალურ პარკში ჩატარდა ფორუმ-თეატრის ჩვენება: 5 სცენა და საინტერესო დისკუსია ყოველი სცენის შემდეგ. განსაკუთრებით დასამახსოვრებელი იყო ახალგაზრდა ქალის გულახდილი საუბარი, დახმარების თხოვნა. ის ძალადობის მსხვერპლია და არ იცის, როგორ მოიქცეს. მსახიობებმა მას მისცეს ფონდი „სოხუმის“ ხონის ქალთა მხარდაჭერის ცენტრის მისამართი, გააცნეს, რომ არის უფასო ფსიქოლოგიური და იურიდიული სერვისის მიღების შესაძლებლობა.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ფონდი „სოხუმის“ ფორუმ-თეატრმა 6 წარმოდგენა გამართა წყალტუბოს 1-ლ საჯარო სკოლაში. შეხვედრას ესწრებოდა 68 მოსწავლე, მასწავლებლები და სკოლის დირექტორი.
26 აგვისტოს ქუთაისის ცენტრალურ პარკში ჩატარდა ფორუმ-თეატრის წარმოდგენები. ნაჩვენები სცენებიდან მამის და შვილების კონფლიქტი ყველაზე აქტიური დისკუსიის მიზეზი გახდა.
27 აგვისტოს წყალტუბოს ქალაქის სკვერში გაიმართა ფორუმ-თეატრი. როდესაც ოჯახური ძალადობის სცენა თამაშდებოდა, მოვიდნენ პატრულის თანამშრომლები და დაიწყეს გამორკვევა, რა ხდებოდა. ერთ-ერთმა მსახიობმა მისცა ინფორმაცია თეატრის შესახებ. მათ უხეშად გამოთქვეს, რომ მსგავსი სცენები თეატრებში ეთამაშათ, რადგანაც ბევრი დამსვენებელია და ისინი ვერ გაიგებენ ამას.
ფორუმ-თეატრის აქტიური მაყურებელი გახდა არა მარტო ახალგაზრები, არამედ უფროსი თაობაც. ორივე შეხვედრის დროს იყო დასამახსოვრებელი დისკუსიები. მაყურებელმა ყველა პრობლემა გულთან ახლოს მიიტანა.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
