ჟურნალისტური და პედაგოგიური საქმიანობის თითქმის 40 წლის მანძილზე, შეიძლება ითქვას, განუწყვეტლივ ვმუშაობდი საკუთარ თავზე, ძალიან ბევრს ვკითხულობდი, ვსწავლობდი, სისტემატურად სრულვყოფდი წერის კულტურას, ვიმდიდრებდი ლექსიკას, ვამუშავებდი გამოსახვის ფორმებსა და ჟანრულ სპეციფიკას, თვალს ვადევნებდი მედიის განვითარებასა და ახალ ტექნოლოგიებს.შეიძლება ითქვას, არასოდეს არავისთვის მომითხოვია საკუთარი მოვალეობის შესრულება ისე მკაცრად, როგორც საკუთარი თავისთვის. ჟურნალისტს ხომ, პროფესიული ცოდნის გარდა, ეთიკური სტანდარტების დაცვა და საზოგადოებრივი ინტერესების მუდმივი თანადგომა ევალება.
ჩემი გზა საქალაქო და რეგიონულ პრესაში ასეთია: სხვადასხვა დროს ვიყავი გაზეთ „ქუთაისის“ კორესპონდენტი და ლიტერატურული მუშაკი, „იმერეთის მოამბის“ განყოფილების რედაქტორი, „ახალი ქუთაისის“ რედაქტორის“ მოადგილე, „პოსტსკრიპტუმის“ (“P.S.“)რედაქტორი, ერთდროული თემატური ჟურნალ-გაზეთების რედაქტორი. პარალელურად ვმუშაობდი ახალგაზრდობასთან: გარდა იმისა, რედაქციებში ახალგაზრდა ჟურნალისტების თაობებს ვზრდიდი, წლების მანძილზე ვიყავი მოსწავლე ახალგაზრდობის სასახლის ნორჩ ჟურნალისტთა წრის ხელმძღვანელი, ლექციებს ვკითხულობდი სახელმწიფო და კერძო უმაღლესი სასწავლებლების, პროფესიული კოლეჯების ჟურნალისტიკის ფაკულტეტებზე. ჩემს შეგირდებს შორის ბევრი ცნობილი ჟურნალისტია, რედაქტორია, ან წარმატებით საქმიანობს სამეცნიერო,შემოქმედებით, პედაგოგიურ, საზოგადოებრივ ასპარეზზე, არასამთავრობო ორგანიზაციებში, 15-მდე პროფესორია, ორი „საბას“ პრემიის ლაურეატი - სამწერლო მიღწევებისათვის, არაერთი წარმატებულ სამეცნიერო - შემოქმედებით საქმიანობას ეწევა საზღვარგარეთ.
ახალგაზრდული საინიციატივო ჯგუფების პროექტები დასასრულს მიუახლოვდა.
30-ზე მეტი საინტერესო და სასარგებლო აქტივობა განახორციელეს ჯგუფების წევრებმა:
დასუფთავებისა და გამწვანების აქციები, საინფორმაციო შეხვედრები, სპორტული შეჯიბრებები და თამაშები, ესსეების კონკურსები, ვორქშოპები და ტრენინგები. ეს ის მცირე ჩამონათვალია, რომელიც ჩვენმა აქტიურმა ბავშვებმა თავისი ინიციატივით განახორციელეს.
აქტივობებში ჩართული იყო 6 სამიზნე მუნიციპალიტეტის ახალგაზრდული კლუბი: სენაკის, ზუგდიდის, წალენჯიხის, წყალტუბოსი, ქუთაისისა და ხონის.
ცალკე მადლობას ფონდი „სოხუმი“ უხდის სკოლების პედაგოგებსა და ადმინისტრაციულ აპარატს, რომლებიც, ასევე, აქტიურად იყვნენ ჩართულები ღონისძიებების განხორციელების პროცესში.
პროექტი ხორციელდება USAID-ის მხარდაჭერით
ფონდი „სოხუმის“ სუბ-გრანტებით გამოცხადებული მინი-პროექტის განხორციელებით წყალტუბოს მუნიციპალიტეტის საკრებულოსთან არსებულმა ახალგაზრდულმა ჯგუფმა ახალ ინიციატივას დაუდო საფუძველი.
მუნიციპალიტეტის ვებგვერდზე უკვე მოქმედებს ფანჯარა “ონლაინ პეტიცია“.
წყალტუბოში მცხოვრებ მოქალაქეებს 18 წლიდან ონლაინ პეტიციის დახმარებით შეუძლიათ მიაწვდინონ ხმა თვითმმართველობას და საკუთარი საჭიროებები შეახსენონ.
პირველი პეტიცია უკვე დარეგისტრიდა. ინიციატორები ახალგაზრდული ჯგუფის წევრები არიან.
სიმბოლურია, რომ პეტიცია თავისი შინაარსით ახალგაზრდულ ინიციატივას ახმოვანებს და წყალტუბოს მუნიციპალიტეტში მცხოვრები წარმატებული სტუდენტებისათვის 300 ლარიანი დახმარების გაცემას გულისხმობს.
პეტიციას წინ უძღოდა სამუშაო შეხვედრები თვთმმართველობის წარმომადგენლებთან, რომელთა მხარდაჭერით შესაძლებელი გახდა აღნიშნული პლატფორმის გააქტიურება.
პროექტში გათვალისწინებული იყო შეხვედრები მოსახლეობასთან, საზოგადოების სხვადასხვა ჯგუფებთან. ახალგაზრდებმა ონლაინ პეტიციის მნიშვნელობაზე და სარგებელზე ინფორმაცია მიაწოდეს მოსახლეობას.
საქართველოში ქალთა პოლიტიკური ჩართულობა, პოლიტიკური მონაწილეობის ისტორია და არსებული მდგომარეობა, კვოტირების სისტემა და მისი დანერგვის მექნიზმები, სხვა ქვეყნების გამოცდილება და წარმატებული ისტორიები - ამ საკითხებზე გაიმართა ონლაინ ტრენინგი, რომელსაც ესწრებოდნენ ქუთაისის, წყალტუბოს, ხონის, სენაკის და ზუგდიდის ქალთა საინიციატივო ჯგუფების წევრები.
ჯგუფური მუშაობისას მონაწილეებმა იმსჯელეს იმ ძირითად ბარიერებზე, რომლებიც ქალთა პოლიტიკურ ჩართულობას უშლის ხელს.
დისკუსიის პროცესში მათ დაასაბუთეს, რამდენად მნიშვნელოვანია კვოტების - ეფექტიანი სპეციალური ზომების - დანერგვა საქართველოში.
პროექტი ხორციელდება გაეროს ქალთა ორგანიზაციის
მხარდაჭერით
ზუგდიდის ქალთა საინიციატივო ჯგუფის წევრებისთვის ჩატარდა ტრენინგი „ერთი ფანჯრის“ პრინციპის მეთოდოლოგიის შესახებ.
ტრენინგი მიზნად ისახავდა მონაწილეთა კომპეტენციის ამაღლებას, მათ აღჭურვას საჭირო უნარ-ჩვევებით, რათა შეძენილი ცოდნა გამოიყენონ დევნილთა პრობლემების იდენტიფიცირებასა და გადაჭრაში.
მონაწილეებმა ჯგუფებში იმუშავეს კონკრეტულ მაგალითებზე და დაინახეს ამ მეთოდის უპირატესობა და ეფექტი.
პროექტი ხორციელდება გაეროს ქალთა ორგანიზაციის
მხარდაჭერით
„ერთი ფანჯრის“ პრიციპის სიმარტივისა და მოხერხებულობიდან გამომდინარე, ამ მეთოდს აუცილებლად გამოვიყენებ პრაქტიკაში“.
„უკვე ვფიქრობ, რომელი პრობლემა ავარჩიო იმათგან, რომლებიც დევნილებს აწუხებთ და ამ მეთოდით გადავჭრა“.
ასე ამბობდნენ მონაწილეები ტრენინგის ბოლოს.
ტრენინგი ხონის ქალთა საინიციატივო ჯგუფის წევრებისთვის ჩატარდა. პრეზენტაციის მეშვეობით მონაწილეებმა გაიგეს „ერთი ფანჯრის“ პრინციპსა და მნიშვნელობაზე. ინფორმაცია მაგალითებსა და სავარჯიშოებზე იყო დაფუძნებული. ინტერაქტიულმა მუშაობამ კი მონაწილეებს უშუალო გარემო შეუქმნა, რომ უკეთ გარკვეულიყვნენ საკითხში.
პროექტი ხორციელდება გაეროს ქალთა ორგანიზაციის
მხარდაჭერით
Injicio ლათინური სიტყვაა და გამოწვევას ნიშნავს. ინიცირება ქიმიური პროცესია, როცა ჯაჭვური რეაქცია იწყება რაიმე ზემოქმედებით...
რომ არ დაგაბნიოთ, ეს ინიციატივის გამოჩენაა.
ახალგაზრდებზე გიამბობთ და ჩვენი ჩანაფიქრიც ეს არის - აქტიურმა ახალგაზრდებმა ინიციატივები გამოავლინონ.
ქალთა ფონდი „სოხუმი“ 10 მუნიციპალიტეტში მუშაობს - სამტრედია, თერჯოლა, ბაღდათი, ვანი, ტყიბული, სენაკი, ზუგდიდი, წალენჯიხა, ჩოხატაური, ქობულეთი. ადრე ქალაქის/სოფლის ცალკეულ სკოლებში ყალიბდებოდა ახალგაზრდული კლუბები, ტარდებოდა შეხვედრები. ახლა კი მუნიციპალიტეტში იქმნება ახალგაზრდობის გაძლიერების ცენტრი, რომელშიც სხვადასხვა სკოლის წარმომადგენლები არიან გაერთიანებულნი.
6-თვიანი სატრენინგო კურსის დროს მონაწილეები ეცნობიან სხვადასხვა თემას, შეხვედრის ჩატარების ტექნიკას. და უკვე პირველი თვის შემდეგ ატარებენ აქტივობებს თავიანთ სკოლებში. სრული კურსის დასრულების შემდეგ კი ყველაზე აქტიურებს ტრენერის წოდება ენიჭება.
ვერცერთ სკოლას ვერ გამოარჩევ, ინიცირებული ღონისძიებები ყველგან ტარდება. ბავშვები პრაქტიკულად ახორციელებენ იმას, რაც ისწავლეს და ეს ძალიან მოსწონთ.
რას ატარებენ? ეს არის: საინფორმაციო შეხვედრა, ფილმის ჩვენება, როლური თამაში, გამოკითხვა, ვიდეორგოლის მომზადება, აქცია...
„ყოველი ახალი თვე ახალი შესაძლებლობაა, გაიზარდო სამოქალაქო განათლების თვალსაზრისით, მიხარია თქვენთან ურთიერთობა, რადგან იმ თემებზე ვსაუბრობთ, რომლებიც დღეს ყველაზე დიდი გამოწვეევა ჩვენი თაობისთვის.“
„პანდემიამ მოგვიტანა ჩაკეტილობა, გაუცხოება... ეს ტრენინგები კი გულახდილი საუბრის, აზრების გაცვლის და საკუთარი როლის განსაზღვრის შესაძლებლობას გვაძლევს“.
ეს ტრენინგის მონაწილეთა სიტყვებია.
ქალთა ფონდმა „სოხუმმა“ ივნისის ბოლო ტრენინგები გამართა სენაკის, სამტრედიის და ქობულეთის მუნიციპალიტეტების ახალგაზრდობის გაძლიერების ცენტრებში.
10 მუნიციპალიტეტში დასრულდა აქტიური სატრენინგო კურსი კონფლიქტის ესკალაციის და გენდერული თანასწორობის თემებზე.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
მარინა სტეპანენკო ამ გაზაფხულზე ქუთაისში აპირებდა ჩამოსვლას. მეგობარი ეპატიჟებოდა და, რახანია, უნდოდა ენახა აქაურობა.
უფრო ადრე მოხვდა, ვიდრე ელოდა. უკრაინის ომის გამო. შვილებთან ერთად 8 მარტს ჩამოფრინდა პოლონეთიდან.
მისი ფეისბუქგვერდის პოსტიდან:
„საქართველო. თბილი, საყვარელი, მყუდრო. აეროპორტში გამოსვლისას იწერენ ჩამოსულების კონტაქტებს, სთავაზობენ საცხოვრებელს და უფასო სადილს. იძლევიან ნომერს საგანგებო სიტუაციაში დაკავშირებისთვის. ბავშვებთან ერთად სტუმრად ვარ. კრაკოვიდან გამოვფრინდით“.
ფონდი „სოხუმის“ წარმომადგენლები პირველივე დღეებში ვესტუმრეთ მარინას ოჯახს. გავიზიარეთ მისი დარდი ოჯახის, კიევში დარჩენილი მეუღლის და მშობლების გამო. სურსათი მივუტანეთ, სათამაშოები, ტანსაცმელი. მაშინ გავიგეთ, რომ ფსიქოლოგია. მივხვდით, რომ მას ყველაზე უკეთ შეეძლო თანაკუთხელების დახმარება.
მარინა აღნიშნავს:
კარგი სიახლე გვაქვს: ქუთაისის მერიაში მხარი დაუჭირეს ჩვენს წინადადებას - უკრაინელებისთვის საქალაქო ტრანსპორტში უფასო მგზავრობის თაობაზე. ასევე გაიცემა 100-ლარიანი სასურსათო ვაუჩერები და კვლავინდებურად ხდება ბინების დაქირავება.
122 ადამიანი – ასეთია ჩვენი საკონტაქტო ბაზა. ეს უკრაინელი ლტოლვილები ამჟამად საქართველოში იმყოფებიან და ჩვენ გვიკავშირდებიან.
ივნისში 16 ოჯახს გაეწია დახმარება, ზოგიერთს მეორედ, ერთ ოჯახს კი მესამედ, რადგან ჩვენი ორგანიზაციის გარდა მას არავინ ეხმარება.
ივსება მოხალისეთა სია: გვწერენ ადამიანები, რომელთაც უნდათ განსაცდელში ჩავარდნილი ადამიანების დახმარება. ზოგიერთს თანხა გადაურიცხეს, ზოგს საყოფაცხოვრებო ნივთები შეუძინეს. ვიპოვეთ ეტლი ახალშობილისთვის, გავაგზავნეთ რუსთავში ბავშვისთვის საჭირო სხვა ნივთებთან ერთად.
ჩვენი ძვირფასი უკრაინელები მონაწილეობდნენ ქალთა ფონდი „სოხუმის“ ორგანიზებულ ორ ღონისძიებაში:
1 ივნისს, ბავშვთა დაცვის საერთაშორისო დღეს, ოფისში მოვიწვიეთ უკრაინელი ქალები და ბავშვები. მათთვის მოეწყო ჩვენი თანამშრომლების მომზადებული გემრიელი ქართული კერძების პრეზენტაცია. მათ ასევე სამახსოვრო საჩუქრები გადავეცით. სტუმრებმა თავიანთი ამბები გვიამბეს. ბევრი სახალისო და სევდიანი მომენტი იყო.