ტყიბულის, თერჯოლის და სენაკის ქალთა მხარდაჭერის ცენტრების ბენეფიციარებისთვის ქალთა ფონდი „სოხუმის“ იურისტმა საკონსულტაციო შეხვედრები მოაწყო.
იურისტმა ასევე სამი ონლაინ კონსულტაცია გაუწია სამტრედიის, ვანის და ჩოხატაურის ქალთა მხარდაჭერის ცენტრების ბენეფიციარებს - გვარის შეცვლის, ალიმენტების და განქორწინების საკითხებზე.
იურისტი აქტიურად მუშაობდა სარეაბილიტაციო ცენტრში ქალთა ფონდი „სოხუმის“ სოციალურ მუშაკთან და ფსიქოლოგთან ერთად. ცენტრში მყოფ ძალადობის მსხვერპლ ქალებს მათთვის საინტერესო საკითხებზე ესაუბრა და სათანადო რჩევები მისცა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ერთობლივი კომპლექსური ყოველდღიური ინტენსიური ფსიქორეაბილიტაციური მუშაობა მიმდინარეობდა ქალთა ფონდი „სოხუმის“ სარეაბილიტაციო ცენტრში ორ ქალთან. ერთი მათგანს 4 მცირეწლოვანი შვილი ჰყავს, მეორე კი ორი ბავშვის დედაა.
ახალგაზრდა ქალები ოჯახში ძალადობის მსხვერპლები არიან, ბავშვობიდან ტრავმირებულები, სოციალურად დაუცველები. მართალია, თავიანთ მუნიციპალიტეტში იღებენ გარკვეულ დახმარებას და მხარდაჭერას, მაგრამ კომპლექსური მუშაობაც აუცილებელი იყო მათთვის.
სარეაბილიტაციო ცენტრში ორი კვირის მანძილზე მათი რამდენიმე პრობლემა მოგვარდა, გაირკვა სხვა პრობლემების მოგვარების გზებიც. ქალებთან და ბავშვებთან მუშაობაში ჩართულები იყვნენ სოციალური მუშაკი, იურისტი და ფსიქოლოგი.
ქალთა ფონდი „სოხუმის“ ფსიქოლოგმა ჩაატარა ტყიბულის და თერჯოლის ქალთა მხარდაჭერის ცენტრების ორგანიზებული გასვლითი შეხვედრები. ონლაინ ჯგუფური შეხვედრები გაიმართა ჩოხატაურის, ბაღდათის და ხურჩის (ზუგდიდის მუნიციპალიტეტი) ქალთა მხარდაჭერის ცენტრების ბენეფიციარებთან.
მუშაობა მიმდინარეობდა სხვა მიმართულებებითაც: ონლაინ სესიები ორ ოჯახურ წყვილთან, ონლაინ ინდივიდუალური ფსიქოთერაპიული სესიები, რომლებშიც მონაწილეობდა 18 ბენეფიციარი რეგიონიდან და 13 - ქუთაისიდან. მარტში ფსიქოლოგს დახმარებისთვის პირველად მიმართა 5-მა ადამიანმა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ის ერთ-ერთია იმ მოსწავლეთაგან, ვინც პოლიმერული თიხის კურსს გადის. კურსი წარმატებით ფუნქციონირებს ქალთა ფონდი „სოხუმის“ დღის სარებილიტაციო ცენტრში.
- ვერ წარმოიდგენთ, როგორ ლაგდება ჩემი ცხოვრება. თურმე ბევრი ავადმყოფობა მართლაც შიშებისგან და სტრესისგან იწყება. მადლობელი ვარ მოპოვებული კარგი განწყობისა და მშვიდი ძილისთვის, - ამბობს ის.
ეს დღის სარებილიტაციო ცენტრის ბენეფიციარებთან ფსიქოლოგის მუშაობის ერთ-ერთი შედეგია. ფსიქოლოგი ყოველკვირეულად 5 სარეაბილიტაციო სესიას ატარებს ოჯახში ძალადობის მსხვერპლ ქალებთან, რომლებიც სიღარიბის ზღვარს ქვემოთ ცხოვრობენ. ფსიქოლოგთან ერთად მუშაობაში აქტიურად არიან ჩართულები ქალთა ფონდი „სოხუმის“ სოციალური მუშაკი და იურისტი.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
2022 წლის 17 მარტი, ბერლინი
ძვირფასო დებო და ძმებო,
ძვირფასო მეგობრებო და კოლეგებო,
ძვირფასო პარტნიორებო უკრაინასა და მეზობელ ქვეყნებში!
რთულია, წარმოვიდგინოთ თქვენი მდგომარეობა ამ სიტუაციაში. სიტყვები არ გვყოფნის ჩვენი გრძნობების გამოსახატავად, რადგან ამ დღეებში განუზომელი ტანჯვის მოწმენი ვართ. ომი წარმოუდგენლად საშინელი და სასტიკია, ომს მივყავართ ნგრევამდე და სიკვდილამდე - ომი მოიცავს ყველაფერს, რისი გადალახვაც გვსურდა საერთო ძალისხმევით და პარტნიორობით ღირსეული სიცოცხლისთვის. ომი კავშირების გაწყვეტისა და ადამიანების გაყოფის საშინელი მცდელობაა, იგი ხორციელდება ახლო და გრძელვადიანი ურთიერთობების გასანადგურებლად.
ამ მოცემულობაში, ჩვენი საშუალებები ამ სიტუაციის შესაცვლელად შეზღუდულია. მაგრამ გვსურს დაგამშვიდოთ, რომ გავაკეთებთ თქვენთვის ყველაფერს, რაც შესაძლებელია. ჩვენ გვსურს შეძლებისდაგვარად დაგიჭიროთ მხარი და გვერდით დაგიდგეთ. გთხოვთ, გვიამბეთ თქვენს საჭიროებებზე და სიტუაციაზე, რა შეგვიძლია გავაკეთოთ თქვენთვის ახლა - რადგან მდგომარეობა და საჭიროებები სწრაფად იცვლება. გადაწყვეტილების მიღებისას ჩვენ ვეყრდნობით თქვენი მხრიდან მიღებულ ინფორმაციას. ჩვენ ვცდილობთ ვიმოქმედოთ რაც შეიძლება სწრაფად და ვიყოთ მაქსიმალურად მოქნილები. ჩვენმა ჰუმანიტარულმა ფილიალმა Diakonie Katastrophenhilfe-მ შექმნა გადაუდებელი საჭიროების ფონდი და ჩვენ ვიღებთ შემოწირულობებს ამ ფონდის გასაფართოებლად.
საკონსულტაციო შეხვედრა გაიმართა ზუგდიდის დევნილ ქალთა საინიციატივო ჯგუფთან. ჯგუფის წევრები ანკეტირების ჩასატარებლად მოემზადნენ.
ზუგდიდის მუნიციპალიტეტში მოხდება სხვადასხვა სტატუსის კოლექტიურ ცენტრში მცხოვრები 40 ქალის გამოკითხვა. გამოკითხვა მიზნად ისახავს დევნილთა კოლექტიური ცენტრების და პრივატიზებული ობიექტების სოციალური პროფილის ჩამოყალიბებას.
პროექტი ხორციელდება გაეროს ქალთა ორგანიზაციის
მხარდაჭერით
წყალტუბოში აქტიურად მუშაობს დევნილ ქალთა საინიციატივო ჯგუფი. ჯგუფის წევრებმა დევნილთა კოლექტიურ დასახლებებში სოციალური საჭიროებების და პრობლემების იდენტიფიცირებისთვის გამოკითხვის პროცესი დაიწყეს. ანკეტირების მიზანია, დევნილთა პრობლემური საკითხების წარმოჩენა, შემდგომში მათი ადვოკატირება პრიორიტეტულობის მიხედვით და მოგვარება ადგილობრივ თვითმმართველობასთან თანამშრომლობით.
პროექტი ხორციელდება გაეროს ქალთა ორგანიზაციის
მხარდაჭერით
შეხვედრა-კონსულტაცია გაიმართა ქუთაისის მუნიციპალიტეტის დევნილ ქალთა საინიციატივო ჯგუფთან, რომელშიც მიიღო მონაწილეობა 12 წევრმა.
შეხვედრის დღის წესრიგის თანახმად, მონაწილეებთან განხილულ იქნა შემუშავებული კითხვარი, რომელიც ითვალისწინებს კოლექტიურ ცენტრებში მცხოვრებ დევნილთა საჭიროებების შესწავლას. შემდეგში კი დაგეგმილია ამ საკითხების ადვოკატირება და მოგვარება.
შეხვედრაზე პერსონალურად განაწილდა დავალებები და ყველა ტექნიკურ კითხვაზე მიღებული იქნა გადაწყვეტილება.
პროექტი ხორციელდება გაეროს ქალთა ორგანიზაციის
მხარდაჭერით
ხონის მუნიციპალიტეტის დევნილ ქალთა საინიციატივო ჯგუფის წევრებთან ჩატარდა საინფორმაციო შეხვედრა. შეხვედრაზე განხილულ იქნა ანკეტირების პროცესი, რომელშიც ჯგუფის წევრები იქნებიან ჩართულები. ანკეტირების ფარგლებში მოხდება ხონის მუნიციპალიტეტში მცხოვრები იძულებით გადაადგილებული ადამიანების საჭიროებების შესწავლა, შემდგომ კი დაიწყება გამოკვეთილი საკითხების ადვოკატირება მათი მოგვარების მიზნით.
პროექტი ხორციელდება გაეროს ქალთა ორგანიზაციის
მხარდაჭერით
ქალთა ფონდი „სოხუმი“ წლებია, მუნიციპალიტეტებში აქტიურად ატარებს შეხვედრებს მრგვალი მაგიდის ფორმატით, ძალადობის წინააღმდეგ მიმართული კანონით გათვალისწინებული რეფერირების სუბიექტების ჩართულობით, რათა ხელი შეუწყოს ადგილობრივ დონეზე უწყებებს შორის კოორდინაციის სისტემის დანერგვას.
შეხვედრებმა გამოავლინა ადგილებზე უწყებათაშორისი კომისიის ჩამოყალიბების საჭიროება. ამ ინიციატივის რეალიზებისთვის აქტიური მუშაობა დაიწყო სამიზნე მუნიციპალიტეტებში. ჩატარდა სამი სამუშაო შეხვედრა ბაღდათის, სენაკის და ჩოხატაურის მუნიციპალიტეტების წარმომადგენლებთან. შეხვედრებს ესწრებოდნენ მერის მოადგილეები, მერიის იურიდიული, ახალგაზრდული, სოციალური და ჯანდაცვის განყოფილებების ხელმძღვანელები, ბავშვთა განყოფილების კოორდინატორები, გენდერულ საკითხებზე პასუხისმგებელი პირები.