„ადრეულ ეტაპზე მოძალადის ძალადობრივი ქცევის კორექციის მნიშვნელობა და არსებული საუკეთესო გამოცდილება“
ქალთა ფონდი „სოხუმი“ წარმოგიდგენთ მონიტორინგის ახალ ანგარიშს: „ადრეულ ეტაპზე მოძალადის ძალადობრივი ქცევის კორექციის მნიშვნელობა და არსებული საუკეთესო გამოცდილება“. დოკუმენტის მიზანია, ადრეულ ეტაპზე მოძალადის ქცევის კორექციის პროგრამის დანერგვის საკითხზე დაინტერესებულ პირთა დამოკიდებულებების შესწავლა და აღნიშნული თემის ირგვლივ აქტიური დისკუსიების წამოწყება. ეს ხელს შეუწყობს შესაბამისი პროგრამის საკანონმდებლო დარეგულირებას და მის პრაქტიკაში ამოქმედებას.
კვლევის შედეგად გამოიკვეთა, რომ ოჯახში ძალადობრივი გარემოს აღმოსაფხვრელად და ეფექტიანი პრევენციისთვის არასაკმარისია მხოლოდ ძალადობის მსხვერპლის მიმართ გატარებული ღონისძიებები. აუცილებელია, დაინერგოს მოძალადესთან ადრეულ ეტაპზე მუშაობის პრაქტიკა, გაძლიერდეს მოძალადეების გამოვლენის ხარისხი, შემუშავდეს მოძალადის ქცევის კორექციის პროგრამა და უზრუნველყოფილ იქნას მოძალადეთა ჩართვა ამ პროგრამაში. ასევე, მნიშვნელოვანია გაიზარდოს საზოგადოების მიმღებლობა ქცევის კორექციის პროგრამების მიმართ, საინფორმაციო კამპანიის წარმოების გზით.
- სოლიდარობა, ფემინიზმი, ქალთა მოძრაობა საქართველოში - ამ საკითხებზე გაიმართა დისკუსია სენაკის ახალგაზრდული საინიციატივო ჯგუფის შეხვედრაზე.
-სოლიდარობა არის ძალა, პასუხისმგებლობა, დადებითი იმპულსები, სოლიდარობა გვაახლოებს მიზანთან.
-ასეთი იყო ახალგაზრდების პოზიცია სოლიდარობის აღქმაზე.
მონაწილეებმა მოისმინეს პირველი ფემინისტი ქალების ისტორიები, როგორ ცდილობდნენ ისინი საკუთარი საქმიანობით ქალთა მხარდაჭერას, მათი უფლებების გაძლიერებას საქართველოში!
მონაწილეთა შეფასებით, მსგავსი ინფორმაციები დადებითად მოქმედებს მათ ცნობიერებაზე. მიაჩნიათ, რომ ქალთა სოლიდარობა დღესაც მნიშვნელოვანი და აქტუალურია, რადგან ქალებს ისევ უწევთ საუბარი მათი უფლებების დაცვაზე.
პროექტი ხორციელდება USAID-ის მხარდაჭერით
რატომ არის მნიშვნელოვანი სოლიდარობა? - ამ საკითხზე ინტერაქტიული ფორმატით წარიმართა მსჯელობა.
მონაწილეთა შეფასებით სოლიდარობა ზრდის შედეგებს, მასშტაბებს და მისი ძალა განუსაზღვრელია.
ასეთივე ინტერესით გაეცნენ მონაწილეები ქართველი ფემინისტი ქალების ისტორიებს, რომლებმაც მნიშვნელოვანი როლი შეასრულეს ქალთა განვითარებისა და მხარდაჭერის საქმეში.
შეხვედრის დასასრულს მონაწილეებმა უკუკავშირით დააფიქსირეს, რომ ნებისმიერ საქმეში, ნებისმიერ სიტუაციაში სოლიდარობა მნიშვნელოვანია.
პროექტი ხორციელდება USAID-ის მხარდაჭერით
თამარ ქავთარაძე - ტელეკომპანია „მეგა ტვ“-ის ჟურნალისტი, ოპერატორი, კონკურსში „ჟურნალისტები სოციალური ცვლილებებისთვის“ გამარჯვებული...
ქალთა ფონდი „სოხუმის“ მორიგი ვიდეორგოლის გმირი სწორედ თამარია - მულტიმედია ჟურნალისტი, რომელიც კამერით დადის გადაღებებზე და ასე ამსხვრევს სტერეოტიპს, რომ ოპერატორობა არ არის ქალის საქმე.
გენდერული სტერეოტიპი არის საზოგადოებაში გაბატონებული შეხედულება ქალისა და მამაკაცის როლების შესახებ. ასეთი სტერეოტიპი ზღუდავს ქალებისა და მამაკაცების შესაძლებლობებს, განავითარონ თავიანთი პიროვნული უნარები და გააკეთონ პროფესიული არჩევანი.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ყვითელ-ცისფერ ფერებში. მიმოზებით და ნარცისებით. მოწოდებებით, ბანერებით. ქუთაისის თეატრის კიბეებზე იდგა ქალთა ფონდი „სოხუმი“: ქუთაისის სათაო ოფისი, თბილისის წარმომადგენლობა, ქალთა მხარდაჭერის ცენტრები, ქალთა და ახალგაზრდული საინიციატივო ჯგუფები, ახალგაზრდობის გაძლიერების ცენტრები, ფორუმ-თეატრი, დევნილ ქალთა საინიციატივო ჯგუფები, ქალები და ახალგაზრდები 13 მუნიციპალიტეტიდან (ქუთაისი, წყალტუბო, ხონი, თერჯოლა, ბაღდათი, ვანი, ტყიბული, სამტრედია, ზუგდიდი, წალენჯიხა, სენაკი, ქობულეთი, ჩოხატაური).
ყველანი ერთად - სოლიდარობისთვის, მშვიდობიანი ხვალინდელი დღისთვის!
მშვიდობა შინ და მშვიდობა გარეთ! - ამ ტრადიციული მოწოდების გარდა იყო სხვა სლოგანებიც:
მშვიდობა უკრაინას!
ჩვენ გამოვცადეთ ომი! ჩვენ გვახსოვს ომი! ჩვენ ვგმობთ ომს!
აქტიური დისკუსია;
საინტერესო პრეზენტაციები;
როლური თამაშები და დავალებები;
ასეთ ფორმატში 9 მარტს ფონდი „სოხუმის“ ტრენერებმა ლალი შენგელიამ და ანჟელა ჩიხლაძემ ჩაატარეს ტრენინგი თემაზე - „სტრეოტიპები და ტოლერანტობა“.
მონაწილეები აქტიურად ერთვებოდნენ პროცესში და გამოთქვამდნენ თავიანთპოზიაციას საკითხთან დაკავშირებით.
პროექტი ხორციელდება USAID-ის მხარდაჭერით
ხონის ქალთა საინიციატივო ჯგუფები კვლევის პროცესში არიან ჩართულები. მალე პირველი შედეგებიც გამოჩნდება. მორიგ შეხვედრებზე ორივე ჯგუფის წევრებმა განიხილეს ფოკუს-ჯგუფების და ჩაღრმავებული ინტერვიუების ჩატარების ტექნიკა და ვადები, განსაზღვრეს რესპონდენტთა კატეგორიები. ჯგუფის წევრების გამოცდილება ხელშემწყობი ფაქტორია დავალების წარმატებით შესრულებისთვის.
ახალგაზრდული ჯგუფის წევრებთან იურისტმა ბავშვთა უფლებებისა და ნაადრევი ქორწინების შესახებ ისაუბრა. შეხვედრა ინტერაქტიული იყო. მოსწავლეებმა ბევრი შეკითხვა დასვეს და ამომწურავი პასუხებიც მიიღეს.
პროექტი ხორციელდება USAID-ის მხარდაჭერით
ამ ვიდეორგოლის გმირები არიან ქუთაისის 1-ლი ბაგა-ბაღის მენეჯერი ზაალ ხონელიძე და მისი პატარა მეგობრები. აქ არის საინტერესო დიალოგები და თამაშები, რომლებიც გენდერული სტერეოტიპების რღვევას უწყობს ხელს. ამ კუთხით ქალთა ფონდი „სოხუმი“ აქტიურად მუშაობს სკოლამდელი აღზრდის დაწესებულებებსა და სკოლებში. ვიდეორგოლი „აღზრდა გენდერული სტერეოტიპების გარეშე“ ორგანიზაციის თბილისის წარმომადგენლობამ მოამზადა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
უკრაინის ქალები და ბავშვები! მათი გმირობა და გამძლეობა დღეს!
ქალების როლი პოლიტიკაში, მნიშვნელოვანი გადაწყვეტილებების მიღებაში.
რა სერვისების სრულყოფაა სახელმწიფოში საჭირო, რომ ქალი რეალიზებული გახდეს
და ბევრი სხვა რამ ქალთა თავდადებაზე და, რა თქმა უნდა, უკრაინის სოლიდარობაზე!
ქალთა ფონდი „სოხუმის“ თბილისის წარმომადგენლობის ხელმძღვანელი - ეკა გამახარია საზოგადოებრივი მაუწყებლის გადაცემაში „დღის კოდი“ დედის დღეს, რომელიც საქართველოში 1991 წლიდან აღინიშნება.
„დღეს ინტერნეტს დიდი ადგილი უჭირავს ინფორმირების კუთხით და ამ სივრცეში ასეთი სერიოზული ინფორმაციული ბაზის არსებობა მნიშვნელოვნად მიმაჩნია“.
„ამ საიტზე ერთად მოიყარა თავი ყველაფერმა, რასაც სამთავრობო თუ არასამთავრობო სტრუქტურები აკეთებენ. ამიტომ აქტიურად უნდა ჩავერთოთ მისი პოპულარიზაციის პროცესში.“
ეს არის იმ გამოხმაურებების ნაწილი, რომლებიც მონიტორინგის ფარგლებში გამოიკვეთა.
თებერვალში ჩატარდა პროექტის „ძალადობის მსხვერპლთა სერვისების ციფრული რესურსცენტრი“ შიდა მონიტორინგი, შეფასდა აქტივობების ეფექტურობა და მიღწევები, მოხდა მიღებული გაკვეთილების იდენტიფიცირება და შემუშავდა რეკომენდაციები საქმიანობის გაუმჯობესებისთვის.