როლური თამაშები,
პრეზენტაციები,
აქტიური დისკუსია,
მოკლე ფილმების ჩვენება...
სწორედ ასეთ რეჟიმში ჩატარდა ზუგდიდის ახალგაზრდულ საინიციატივო ჯგუფთან ტრენინგი თემაზე „სტერეოტიპები და ტოლერანტობა“.
ასეთი იყო მონაწილეთა უკუკავშირი:
„ძალიან მნიშვნელოვანი თემები მოგვაწოდეთ დღეს, ძალიან მარტივ, გასაგებ ენაზე, გავიგეთ რა არის ტოლერანტობა, რამდენად მნიშვნელოვანია ურთიერთობებში და რა არის სტერეოტიპები, სტერეოტიპული მიდგომები“.
სოლიდარობის თემა დღეს განსაკუთრებით აქტუალურია. სწორედ ამ საკითხის განხილვა მოხდა ზუგდიდის ქალთა საინიციატივო ჯგუფის შეხვედრაზე.
ქალბატონები შეუერთდნენ უკრაინის მხარდამჭერ აქციას.
პროექტი ხორციელდება USAID-ის მხარდაჭერით
„ადგილობრივ დონეზე სამოქალაქო ჩართულობის ფორმები და ქალთა მონაწილეობის უზრუნველყოფა.“- ამ თემაზე გაიმართა ტრენინგი წყალტუბოს ქალთა საინიციატივო ჯგუფის წევრებთან.
მონაწილეებმა განიხილეს სამოქალაქო ჩართულობის ფორმების სამართლებრივი ასპექტები. თვითმმართველობის როლი და კომპეტენცია, მოქალაქეთა პასუხისმგებლობა და სარგებელი ამ პროცესში.
გაანალიზდა კონკრეტული ისტორიები, რატომ არის სამოქალაქო ჩართულობა მნიშვნელოვანი. რა ეტაპებს გულისხმობს, რას ნიშნავს ეს პროცესი თვითმმართველობისთვის, ცალკეული მოქალაქეებისთვის.
მარტს ჩატარებული შეხვედრა ეხებოდა ქალთა საერთაშორისო დღის წარმოშობასა და სოლიდარობის თემას.
მონაწილეებმა გამოთქვეს თავიანთი პოზიციები დღევანდელ მდგომარეობასთან დაკავშირებით, გააკეთეს მცირე მოხსენებები და პრეზენტაციები.
პროექტი ხორციელდება USAID-ის მხარდაჭერით
კოალიცია „მეტი ჩართულობის“ ორგანიზებით ჩატარდა სამოქალაქო საზოგადოების წარმომადგენელთა ონლაინ შეხვედრა. შეხვედრა მიეძღვნა უკრაინაში მიმდინარე კრიზისს, სადაც კოალიციის წევრებმა იმსჯელეს საქართველოში უკრაინიდან ლტოლვილთა ძირითად საჭიროებებზე და მათ დასახმარებლად განსახორციელებელ სტრატეგიებზე.
უკრაინაში არსებული მდგომარეობის და საქართველოში უკრაინელ ლტოლვილთა საჭიროებების შესახებ ამომწურავი ინფორმაცია მიაწოდა საერთაშორისო საქველმოქმედო ჰუმანიტარული ცენტრი „აფხაზეთის“ აღმასრულებელმა დირექტორმა ნუკრი მილორავამ (ორგანიზაციას გააჩნია ფილიალი კიევში). მისი თქმით, ოფიციალური მონაცემების თანახმად, საქართველოში დაახლოებით 200 უკრაინელი ტურისტი და 250-მდე ლტოლვილია, რომელთა საჭიროებებზე ყველაზე ქმედით რეაგირებას ამ ეტაპზე უმეტესწილად კერძო სექტორი, მოქალაქეები და სამოქალაქო საზოგადოება ახორციელებენ. საკმაოდ სუსტია სახელმწიფო სტრუქტურების კოორდინაციის ხარისხი და ამ ეტაპამდე არ არსებობს უკრაინელ ლტოლვილთა დახმარების სტრატეგია.
ქალთა ფონდი „სოხუმის“ წარმომადგენელმა - ეკატერინე გამახარიამ აღნიშნა საქართველოში ჩარჩენილი უკრაინელი ტურისტების და ლტოლვილების რეგიონების მიხედვით აღრიცხვის მწყობრი მექანიზმის შექმნის აუცილებლობისა და დაინტერესებულ პირთათვის ლტოლვილთა არსებული სტატისტიკის ხელმისაწვდომობის საჭიროების შესახებ. ასევე მიუთითა, რომ სასურველია კოალიციის წევრთა ბაზის შექმნა, რომელშიც განისაზღვრება დახმარების თუ სერვისების ნუსხა, რომლის შეთავაზებაც შეუძლიათ კოალიციაში შემავალ ორგანიზაციებს.
შეხვედრაზე გამოიკვეთა ინტერსექტორული თანამშრომლობის და უწყებათაშორისი საკოორდინაციო პლატფორმის შექმნის აუცილებლობა და ერთიანი ძალისხმევის საჭიროება უკრაინელი მოქალაქეებისთვის ეფექტიანი დახმარების აღმოსაჩენად.
სენაკის დევნილ ქალთა საინიციატივო ჯგუფი კვლევის პროცესში ჩაერთო. გამოკითხვა გამოავლენს იმ პრობლემებსა და გამოწვევებს, რომლებიც სხვადასხვა სტატუსის მქონე დევნილთა კოლექტიურ ცენტრებში აქტუალურია. სენაკის მუნიციპალიტეტში 40 ოჯახი გამოიკითხება. გამოკითხვის შედეგად შეიქმნება დევნილთა კოლექტიური ცენტრების და პრივატიზებული ობიექტების სოციალური პროფილი.
საინიციატივო ჯგუფის წევრებთან საკონსულტაციო შეხვედრა გაიმართა. ჯგუფი მომზადდა ანკეტირების ჩასატარებლად.
პროექტი ხორციელდება გაეროს ქალთა ორგანიზაციის
მხარდაჭერით
ქალთა მხარდაჭერის ცენტრები აქტიურად ეხმიანებიან ყველა აქტუალურ მოვლენას. ქალებმა პროტესტი გამოხატეს უკრაინაში მიმდინარე ომის მიმართ. ათივე მუნიციპალიტეტში (თერჯოლა, ბაღდათი, ვანი, ტყიბული, სამტრედია, ზუგდიდი, წალენჯიხა, სენაკი, ქობულეთი, ჩოხატაური) გაიმართა მდუმარე აქციები.
სოლიდარობა მშვიდობისთვის! სოლიდარობა ჩვენი შვილების ნათელი მომავლისთვის! - ასეთი იყო ქალების სამშვიდობო გზავნილები.
ქალთა მხარდაჭერის ცენტრების წარმომადგენლები ასევე მონაწილეობდნენ ქალთა ფონდი „სოხუმის“ მდუმარე აქციაზე, რომელიც 8 მარტს ჩატარდა ქუთაისში.
ქალთა მხარდაჭერის ცენტრების მიერ გამართულ საინფორმაციო შეხვედრებზე სოლიდარობის თემა განიხილეს.
- ბუნებრივია, უკრაინაში მიმდინარე ომს გვერდს ვერ ავუვლით. სოლიდარობა ნიშნავს თანაგრძნობას, მხარდაჭერას, გვერდით დგომას. ჩვენ სოლიდარულები ვართ უკრაინელი ხალხის მიმართ, - აღნიშნეს მონაწილეებმა.
შეხვედრებზე ისაუბრეს ქალთა სოლიდარობის მაგალითებზე, გაიხსენეს 8 მარტის ისტორია, ქალთა მოძრაობები საქართველოში.
შეხვედრებს წალენჯიხის, სენაკის, თერჯოლის, ტყიბულის და ხურჩის (ზუგდიდის მუნიციპალიტეტი) ქალთა მხარდაჭერის ცენტრებში სხვადასხვა ასაკისა და პროფესიის ქალები ესწრებოდნენ. მათი პოზიცია ასეთია: ჩვენ, ქალები, განსაკუთრებით ვგრძნობთ ომის სისასტიკეს. ყველას გვსურს მშვიდობა. ამ საქმეში ჩვენი სოლიდარობა მკაფიოდ გამოხატულია.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
სოფელ ფახულანის (წალენჯიხის მუნიციპალიტეტი) ქალბატონები შეუერთდნენ სოლიდარობის აქციას...
განიხილეს მოცემული საკითხი, მისი მნიშვნელობა და აუცილებლობა არსებულ ვითარებაში.
პროექტი ხორციელდება USAID-ის მხარდაჭერით
შეხვედრა წყალტუბოს ახალგაზრდულ საინიციატივო ჯგუფთან
სოლიდარობა, ფემინიზმი, ქალთა მოძრაობა საქართველოში პირველი, ქართველი ფემინისტი ქალები, მათი დამსახურებები და მიღწევები - ამ საკითხებზე გაიმართა დისკუსია წყალტუბოს ახალგაზრდული საინიციატივო ჯგუფის წევრებთან.
პროექტი ხორციელდება USAID-ის მხარდაჭერით