მუშაობის გააქტიურებისკენ იყო მიმართული ინიციატივა, რომელიც ვანის მუნიციპალიტეტის „ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების უწყებათაშორისი კომისიის“ წევრებმა განახორციელეს.
სამოქალაქო ინიციატივა საინფორმაციო კამპანიას მოიაზრებდა. შეხვედრების ორგანიზებასა და ჩატარებაში აქტიურად ჩაერთნენ უწყებათაშორისი კომისიის წევრები. ისინი შეხვდნენ მერის წარმომადგენლებს, სოფლების ამბულატორიების პერსონალს, აქტივისტ ქალებს.
შეხვედრების მონაწილეებმა მიიღეს ინფორმაცია არა მარტო უწყებათაშორისი კომისიის, არამედ თავიანთი უწყებების ფუნქციის შესახებ ოჯახში ძალადობაზე რეაგირების კუთხით. განსაკუთრებული აქცენტი გაკეთდა მერის წარმომადგენლების და სოფლის ექიმების როლზე კონკრეტული ქეისების გამოვლენაში.
პროექტი ხორციელდება გენდერული თანასწორობის ფონდის მხარდაჭერით (კანადა)
ბაღდათის მუნიციპალიტეტის „ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების, უწყებათაშორისი კომისიის“ წევრებმა მარტში ჩაატარეს საინფორმაციო კამპანია, რომლის მიზანი იყო კომისიის ეფექტიანი ფუნქციონირების ხელშეწყობა. მათ შეხვედრები გამართეს მერის წარმომადგენლებთან, სკოლამდელი დაწესებულებების მენეჯერებთან და ახალგაზრდული საბჭოს წევრებთან. მონაწილეებს მიეწოდა ინფორმაცია უწყებათაშორისი კომისიის ფუნქციაზე და მოქალაქეთა ჩართულობის მნიშვნელობაზე ოჯახში ძალადობის პრევენციის კუთხით.
ეს აქტივობები ხელს შეუწყობს უწყებათაშორისი კომისიას გააქტიურებას ძალადობის ფაქტების გამოვლენასა და კონკრეტული ქეისების განხილვაში.
პროექტი ხორციელდება გენდერული თანასწორობის ფონდის მხარდაჭერით (კანადა)
მრგვალ მაგიდას სამტრედიის საკრებულოს სხდომათა დარბაზში ესწრებოდნენ ადგილობრივი რეფერირების სუბიექტები: საკრებულოს გენდერული თანასწორობის საბჭოს წევრები, ადგილობრივი თვითმმართველობის, პოლიციის, სოციალური, საგანმანათლებლო და სამედიცინო სფეროების წარმომადგენლები.
შეხვედრაზე მთავარი აქცენტი გაკეთდა ოჯახში ძალადობის მსხვერპლის დახმარებასა და ადგილობრივ სტრუქტურებთან თანამშრომლობის მნიშვნელობაზე.
მოწვეულმა იურისტმა ისაუბრა ქალთა მიმართ ძალადობის ან/და ოჯახში ძალადობის მსხვერპლთა გამოვლენის, მათი დაცვის, დახმარებისა და რეაბილიტაციის ეროვნული რეფერირების პროცედურების შესახებ. ყურადღება გაამახვილა უწყებებს შორის თანამშრომლობაზე, რაც ხელს შეუწყობს ძალადობის პრევენციას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
„ცხოვრების განმავლობაში ადამიანი სხვადასხვა ბიოლოგიურ, ფსიქოლოგიურ და სოციალურ მოთხოვნას უპირისპირდება, რაც მისგან ადეკვატურ რეაქციას მოითხოვს. ამგვარი მოთხოვნების მიმართ ეფექტიანი რეაგირების უნარი ადაპტაციის სახელით არის ცნობილი. ფსიქოლოგიური პროცესების და სოციალური პირობების გათვალისწინება გვიადვილებს ადამიანის ქცევის პროგნოზირებას“, - აღნიშნა ფსიქოლოგმა. მისი შეხვედრების ძირითადი თემა იყო „ადამიანის ქცევა სოციალურ გარემოში“.
შეხვედრები, ძირითადად, წარიმართა ჯგუფური ფორმატით. იყო რამდენიმე ინდივიდუალური შეხვედრაც.
სამტრედიის, ზუგდიდის (სოფელ დიდინეძში), სენაკის, წალენჯიხის და ქობულეთის ქალთა მხარდაჭერის ცენტრებში ფსიქოლოგი ეკატერინე ქვაჩაკიძე შეხვდა სკოლის პედაგოგებს, საბავშვო ბაღის აღმზრდელებს, მოსწავლეებს, რისკის ჯგუფის და სოციალურად დაუცველ ქალებს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ახალგაზრდობის გაძლიერების ცენტრებში ბოლო, მეექვსე თვე დაიწყო. ამ დროს დიდი სამზადისია შემაჯამებელი შეხვედრების ჩასატარებლად. ცენტრების წევრები, განსაკუთრებით - ლიდერები პრეზენტაციებს ამზადებენ, ხდება იმ ცოდნის და უნარების წარმოჩინება, რაც ხუთთვიანი მუშაობის შედეგად მიიღეს.
მარტის დასაწყისიდან ხუთი შეხვედრა ჩატარდა სამტრედიის, სენაკის, ჩოხატაურის, ზუგდიდის და თერჯოლის ახალგაზრდებთან. ახალგაზრდების გამოსვლებმა, უკუკავშირმა სერიოზული შედეგები და პოზიტიური ცვლილებები დაანახა დამსწრეებს - პედაგოგებს და მშობლებს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
მონიტორინგის და ადვოკატირების ჯგუფის მორიგი შეხვედრა ჩატარდა ქობულეთში. ქალთა ფონდ „სოხუმთან“ ერთად შეხვედრის ინიციატორები იყვნენ მუნიციპალიტეტის გენდერული თანასწორობის საბჭო და მერიის ბავშვთა უფლებების დაცვის განყოფილება. შეხვედრას ასევე ესწრებოდნენ ადმინისტრაციული ერთეულების ხელმძღვანელები. საუბარი შეეხო ქალთა მიმართ და/ან ოჯახში ძალადობის მსხვერპლთათვის/პოტენციურ მსხვერპლთათვის სერვისების ხელმისაწვდომობას, ადგილობრივი თანამშრომლობის და კოორდინაციის მნიშვნელობას ძალადობის პრევენციაში.
გაიმართა დიალოგი თემში არსებული საჭიროებების თაობაზე რეფერირების აქტორებს შორის ინფორმაციის პერიოდული გაცვლის, მოწყვლადი ოჯახების დასახმარებლად რესურსების გაერთიანების და თანამშრომლობის საკითხებზე.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
სოფელ ახალსოფელში (სენაკის მუნიციპალიტეტი) ქალთა ფონდი „სოხუმის“ წარმომადგენლებმა მუნიციპალიტეტის ბავშვთა განყოფილებასთან ერთად საინფორმაციო შეხვედრა გამართეს.
შეხვედრას ესწრებოდნენ მერიის ბავშვთა უფლებების დაცვის და მხარდაჭერის განყოფილების წარმომადგენელები, მრავალშვილიანი და მარტოხელა დედები, საბავშვო ბაღის პედაგოგები და მოწყვლადი კატეგორიის ქალები.
შეხვედრის მიზანი იყო ქალთა მიმართ და ოჯახში ძალადობის საკითხების რეფერირების ადგილობრივ სტრუქტურებს შორის კოორდინაციის და ინფორმაციის გაცვლის სისტემის ხელშეწყობა. ისაუბრეს ოჯახში ძალადობის პრევენციაზე, მოწყვლადი ქალების და ბავშვიანი ოჯახების საჭიროებებზე, მუნიციპალურ სერვისებზე და ქალთა ფონდი „სოხუმის“ მიერ შეთავაზებულ სერვისებზე.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
სამტრედიის საკრებულოში შეიკრიბნენ საბავშვო ბაღის ხელმძღვანელები. ქალთა ფონდმა „სოხუმმა“ გენდერული თანასწორობის საბჭოსთან თანამშრომლობით მათთვის საინფორმაციო შეხვედრა ჩაატარა.
შეხვედრაზე განიხილეს აქტუალური საკითხები: ქალთა მიმართ და ოჯახში ძალადობის ძალადობის პრევენცია, რეფერირების ადგილობრივ სტრუქტურებს შორის კოორდინაცია, მოწყვლადი ოჯახების საჭიროებების იდენტიფიცირება და სოციალური პარტნიორობის ადგილობრივი სისტემის აუცილებლობა.
შეხვედრას ესწრებოდნენ მერიის ბავშვთა უფლებების დაცვის და მხარდაჭერის განყოფილების წარმომადგენლები.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
„დღეს გავაცნობიერე, რა უფლებები გვაქვს და ვის უნდა მივმართოთ საჭიროების შემთხვევაში. მნიშვნელოვანია სწორი კომუნიკაცია და ქმედებები“.
„ტრენინგმა დამანახა ქალთა ლიდერობის მნიშვნელობა. საკუთარი რესურსებიც გავთვალე პრობლემების ადვოკატირების პროცესში.“
„ზოგჯერ არც კი ვიცით მუნიციპალური პროგამების შესახებ, ზოგჯერ იმაზე დიდი საჭიროებები გვაქვს, ვიდრე ადგილობრივი თვითმმართველობის ბიუჯეტშია მოაზრებული. ასეთი ტრენინგები სწორ მოქალაქეობრივ პოზიციას გვიყალიბებს“.
ასეთი იყო მონაწილეთა უკუკავშირი ტრენინგის ბოლოს. ქუთაისში მცხოვრები დევნილი ქალებისა და გოგონებისთვის ტრენინგი ჩატარდა აქტუალურ თემაზე: „ქალთა ლიდერობა, კომუნიკაციის ფორმები, სამოქალაქო ჩართულობის მექანიზმები“.
დევნილ ქალთა ჩართულობა ადგილობრივი პოლიტიკის ფორმირების პროცესში მნიშვნელოვნად გაიზრდება პროექტით დაგეგმილი აქტივობების შედეგად.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
სამუშაო ჯგუფის შეხვედრაში მონაწილეობდნენ ქუთაისის სხვადასხვა თემში მცხოვრები დევნილი ქალები და გოგონები.
შეხვედრაზე მოხდა სამიზნე თემებში არსებული პრობლემების იდენტიფიცირება და პრიორიტეტიზაცია: მიუსაფარი ძაღლების სიმრავლე; სკვერის და სპორტული მოედნის რეაბილიტაცია; დასუფთავების პრობლემა; შიდა გზის რეაბილიტაცია, გარე განათების არარსებობა, სანიაღვრე-სადრენაჟე სისტემის გაუმართაობა.
სამუშაო ჯგუფის ერთობლივი ძალისხმევა საფუძველს უყრის მიზნობრივ ქმედებებს და გადაწყვეტილებებს. მონაწილეთა ჩართულობა და ენთუზიაზმი ასახავს კოლექტიურ ვალდებულებას ქუთაისის დევნილთა დასახლებებში არსებული გამოწვევების დაძლევის და ცხოვრების ხარისხის გაუმჯობესებისკენ.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში