პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში 17 იანვარს ფორუმის წევრ სამოქალაქო საზოგადოების ორგანიზაციებს ჩაუტარდათ ტრენინგი თემაზე „სახელმწიფო მმართველობის რეფორმის საგზაო რუკა (PAR) და საგზაო რუკის მონიტორინგის პროცესის რეალიზება მუნიციპალურ დონეზე“.
ტრენინგის მონაწილეებმა მიიღეს ინფორმაცია მუნიციპალურ დონეზე სამოქალაქო მონიტორინგის დაგეგმვისა და განხორციელების მექანიზმების შესახებ. ისინი აგრეთვე გაეცნენ პროექტის განმახორციელებელი ორგანიზაციების მიერ შემუშავებულ კითხვარს, რომლის მიხედვითაც რვა სამიზნე მუნიციპალიტეტის სამოქალაქო ორგანიზაციები მონიტორინგს გაუწევენ საჯარო მმართველობის რეფორმას თავიანთ მუნიციპალიტეტებში.
პროექტი ხორციელდება ევროკავშირის მხარდაჭერით
ფონდი „სოხუმის“ ქალთა მხარდაჭერის ცენტრები თავიანთ მუნიციპალიტეტებში წარმატებით ახორციელებენ მცირე პროექტებს. ახალი წლიდან ისინი ახალ პროექტებზე დაიწყებენ მუშაობას. მანამდე კი ბორჯომში მობილიზატორებისთვის ჩატარდა სამდღიანი ტრენინგი თემაზე „პროექტის დიზაინი და მართვა“. მათ ერთმანეთს გაუზიარეს გამოცდილება, ისაუბრეს მიღწევებსა და გამოწვევებზე. ტრენინგზე მუნიციპალიტეტების მიხედვით შემუშავდა სტრატეგიული მიმართულებები. სამუშაო პროცესში, თეორიისა და პრაქტიკის შერწყმის შედეგად, მობილიზატორებს საშუალება მიეცათ, ინდივიდუალურად შეემუშავებინათ საპროექტო განაცხადები.
იმერეთის 10 მუნიციპალიტეტის კრიმინალური და საპატრულო პოლიციის თანამშრომლებისათვის წყალტუბოში, სამტრედიაში, ზესტაფონსა და ჭიათურაში ჩატარდა ოთხი ტრენინგი თემაზე „პოლიციის როლი ძალადობის პრევენციასა და მსხვერპლის უსაფრთხოებაში“.
ტრენინგებს 101 პოლიციელი ესწრებოდა. განხილული იყო შემდეგი თემები: სამართალდამცავი სტრუქტურები, როგორც უსაფრთხოების გარანტი ოჯახში ძალადობის მსხვერპლთათვის, საკანონმდებლო და სამართლებრივი ბაზის ეფექტიანი გამოიყენების მექანიზმები, მსხვერპლთან კომუნიკაციისა და თანამშრომლობის გენდერული ასპექტები.
ტრენინგი ორგანიზებული იყო ფონდი Human Doc-ს მიერ საქართველოს შინაგან საქმეთა სამინისტროს და ფონდი „სოხუმის“ თანამშრომლობის ფარგლებში.
პროექტი მხარდაჭერილი პოლონეთის საგარეო საქმეთა სამინისტროს განვითარების თანამშრომლობის პროგრამის ფარგლებში.
- ძალადობის პრობლემის იდენტიფიკაცია, ბავშვთან კომუნიკაცია და რეფერირების ეტაპები, სამართლებრივი მექანიზმები და პედაგოგების როლი ძალადობის პრევენციაში, საერთაშორისო დოკუმენტები - ოთხდღიანი ტრენინგის თემატიკა მონაწილეთა ინტერაქტიული ჩართულობით, ცოცხალი დისკუსიით გამოირჩეოდა.
მონაწილეთა შეფასებით, ტრენინგი მათთვის იყო კარგი შესაძლებლობა, გაეანალიზებინათ ოჯახში ძალადობის შედეგები, ეფიქრათ პრევენციულ მექანიზმებზე.
10-13 ივლისს ქობულეთში ჩატარდა ტრენინგი თემაზე „პედაგოგების როლი ოჯახში ძალადობის პრევენციასა და მსხვერპლთა დაცვაში“. მასში მონაწილეობდნენ იმერეთის 6 მუნიციპალიტეტის: წყალტუბოს, ხონის, თერჯოლის, სამტრედიის, ვანისა და ბაღდათის სხვადასხვა სკოლის პედაგოგები.
13–17 ივლისს ფონდმა „სოხუმმა“ ქობულეთში ტრენინგი ჩაატარა იმერეთის 5 მუნიციპალიტეტის პედაგოგებისა და სკოლის დირექტორებისათვის თემაზე „პედაგოგების როლი ოჯახში ძალადობის პრევენცია და მსხვერპლთა დახარება.“
ტრენინგის პირველი დღე დაეთმო ლადო აფხაზავას - მასწავლებლის გლობალური ჯილდოს ფინალისტს, ვარკის ფონდის და გლობალური ჯილდოს ელჩს. მან კოლეგებს პირადი გამოცდილება გაუზიარა.
ტრენინგმა მასწავლებელთა მაქსიმალური ჩართულობით და აქტიურობით ჩაიარა.
მონაწილეთა შეფასებებიდან:
- ტრენინგიდან მივდივარ ცოდნის და ინფორმაციის დატვირთული „ჩემოდნით“: გავიგე ჩემი პირდაპირი მოვალეობა, თუ როგორ უნდა მოვახდინო მსხვერპლის იდენტიფიკაცია და, რაც არანაკლებ მნიშვნელოვანია, გავიცანი კოლეგები სხვადასხვა მუნიციპალიტეტიდან.
- ბევრი ტრენინგი მაქვს გავლილი პროფესიული კუთხით. აქ იყო განსხვავებული მიდგომა საკითხისადმი, გავეცანი სხვადასხვა მონაწილის პრაქტიკას, იურიდიულ საკითხებს, მივიღე კონსულტაციები.
- აუცილებლად გავუზიარებ ჩემს კოლეგებს აქ მიღებულ ინფორმაციებს და მასალებს. ვფიქრობ, რომ მსგავსი ტრენინგი ყველა პედაგოგმა უნდა გაიაროს, რათა სწორად მოახდინონ იდენტიფიკაცია და რეფერირება.
15-19 ივნისს ქობულეთში ჩატარდა ტრენინგი მედიცინის მუშაკებისთვის. ტრენინგს ესწრებოდა 19 მონაწილე წყალტუბოს, ხონის, ვანის, თერჯოლისა და სამტრედიის მუნიციპალიტეტებიდან.
ტრენინგზე, რომლის თემა იყო „სამედიცინო პერსონალის როლი ძალადობის პრევენციასა და მსხვერპლთა დაცვაში“, განიხილეს უამრავი საკითხი, მათ შორის: ქალთა და ბავშვთა მიმართ ძალადობა, სტამბოლის კონვენცია, რეფერირების მექანიზმები, მსხვერპლის იდენტიფიცირების ჯგუფები...
მონაწილეები პირველად იყვნენ მსგავსი ფორმატის ტრენინგზე. მათი აზრით, ეს მუშაობა აქტუალური და საჭიროა.
პროექტი ხორციელდება ორგანიზაცია HumanDoc foundation
„ჩვენ ვისაუბრეთ, რა რესურსები აქვთ ექიმებს ძალადობის იდენტიფიცირებისთვის და აუცილებლად დავნერგავთ პრაქტიკაში ამ მეთოდებს“...
„ასე სიღრმისეულად პირველად ვიმსჯელეთ პრობლემის მიზეზებზე, საკუთარი ქცევებიც შევაფასეთ, როდის ვიქცევით სწორად და როდის არასწორად, ეს გაზრდის ექიმების ჩართულობას მსხვერპლთა დახმარების საქმეში“...
ასე აფასებენ ექიმები ტრენინგს.
ეს იყო მეორე ტრენინგი თემაზე „სამედიცინო პერსონალის როლი ძალადობის პრევენციასა და მსხვერპლთა დაცვაში“, რომელიც გაიმართა ქობულეთში 19-22 ივნისს.
ტრენინგში მონაწილეობდა 19 სამედიცინო მუშაკი იმერეთის 5 მუნიციპალიტეტიდან (ბაღდათი, ხონი, ვანი, თერჯოლა, სამტრედია).
ფონდი „სოხუმი“ მუშაობას იწყებს პროექტზე, რომელიც მიზნად ისახავს საზოგადოებაში არსებული კონფლიქტური სიტუაციების გამოვლენას და მათ პრევენციას ადრეულ სტადიაში. 27 მაისს ფონდ „სოხუმში“ ამ თემაზე ტრენინგი გაიმართა.
- მონაცემების შეგროვება, მათი სისტემატიზაცია, პრიორიტეტების განსაზღვრა, რისკების პროგნოიზირება და მათი მინიმალიზაცია გენდერული ორიენტირებით - ამ საკითხებზე მონაწილეებმა ჯგუფური და ინდივიდუალური ფორმატით იმუშავეს. მიღებული ცოდნა და უნარ-ჩვევები სულ მალე აისახება სამუშაო პროცესში.
4-7 აპრილს ბორჯომში ჩატარდა ტრენინგი თემაზე „კომპლექსური მიდგომები ადგილობრივი ბიუჯეტის ფორმირებაში: გენდერული, სოციალური, პროგრამული და სამოქალაქო ბიუჯეტირება“.
ტრენინგს ესწრებოდნენ ადგილობრივი თვითმმართველობის წარმომადგენლები დასავლეთ საქართველოს 10 მუნიციპალიტეტიდან (ქუთაისი, წყალტუბო, ხონი, სენაკი, ზუგდიდი, ფოთი, ოზურგეთი, ლანჩხუთი, თერჯოლა, წალენჯიხა).
ტრენინგზე განხილული იყო თემები: ოჯახური ძალადობის პრევენცია - ოჯახის გაძლიერების კონცეფცია, რეფერირების სუბიექტების თანამშრომლობა და კოორდინაცია, გენდერული მეინსტრიმინგის არსი და მნიშვნელობა ადგილობრივი თვითმმართველობის პოლიტიკასა და პროგრამებში, მუნიციპალური პროგრამების გენდერული ანალიზი, მოქალაქეთა მონაწილეობის ფორმები, სამოქალაქო ბიუჯეტირების პრაქტიკა და გენდერული ბიუჯეტი.
მონაწილეთა შეფასებით, ტრენინგმა შექმნა საუკეთესო სივრცე პოზიტიური გამოცდილების გაზიარებისა და არსებულ გამოწვევებზე დიალოგისთვის.
აქტიური აუდიტორია შეიკრიბა აფხაზეთის ავტონომიური რესპუბლიკის ჟიული შარტავას სახელობის მეექვსე საჯარო სკოლაში - სკოლების, საბავშვო ბაღების, უნივერსიტეტის და არასამთავრობო ორგანიზაციების წარმომადგენლები.
„მშვიდობის მშენებლობა, ომის და მშვიდობის კულტურის მოდელები“ - ასე ერქვა ტრენინგს, რომელიც მათთვის ჩაატარა დიდი გამოცდილების მქონე ორგანიზაციამ - პედაგოგთა კავშირი „განათლება და სამყარო“. ტრენინგის თეორიულმა და პრაქტიკულმა ნაწილმა აუდიტორიის დიდი ინტერესი გამოიწვია. განსაკუთრებით ამაღელვებელი იყო სავარჯიშო „ქანდაკება“ - „მშვიდობის და ომის კულტურის მოდელების“ წარმოდგენა დრამის ელემენტების გამოყენებით.
დისკუსიაც და უკუკავშირიც ქანდაკების ემოციებს დაუკავშირდა – რა შეგრძნებაა, იყო „ომის“ ნაწილი და რას ნიშნავს „მშვიდობის“ ნაწილად გრძნობდე თავს. ყველამ გადაწყვიტა, თავის საქმიანობაში სხვადასხვა ფორმით გამოიყენოს ეს ორიგინალური სავარჯიშო, ასე დაანახოს ადამიანებს ომის ნეგატიური და მშვიდობის პოზიტიური ემოციები და შედეგები. როგორც ბოლოს აღინიშნა, ტრენინგი ხელს შეუწყობს მისი მონაწილეების უფრო აქტიურ ჩართვას სამშვიდობო საქმიანობაში.
ტრენინგი გაიმართა კოალიციის „ქალი და მშვიდობა“ აქტივობების ფარგლებში. მშვიდობა“. კოალიციაში შევიდა დასავლეთ საქართველოს 4 რეგიონის (იმერეთი, სამეგრელო, გურია, აჭარა) ქალთა 10 არასამთავრობო ორგანიზაცია.