რამდენიმე აქტუალური საკითხი განიხილეს ბაღდათის სამუშაო ჯგუფის მორიგ შეხვედრაზე. ჯგუფის წევრებმა მიიღეს გადაწყვეტილება, ეთიკის კოდექსი საკრებულოს სხდომაზე გაიტანონ საბოლოო დამტკიცებისათვის. ისაუბრეს იმაზეც, რომ აქტიურად მიმდინარეობს მუნიციპალიტეტის ვებგვერდის განახლება - ახალ ვერსიაში იქნება ონლაინ პეტიციების სისტემა, საჯარო ინფორმაციის მოთხოვნის ველი, მოხდება საკრებულოს სხდომების ტრანსლაცია.
ახლახან ადგილობრივი სამოქალაქო საზოგადოების ორგანიზაციებმა ფონდი „სოხუმის“ პროექტის ფარგლებში მინიგრანტები მიიღეს. ამ ორგანიზაციების წარმომადგენლებმა სამუშაო ჯგუფის წევრებს მცირე პროექტები, რომლებითაც ხელს შეუწყობენ მუნიციპალიტეტში უფრო ეფექტიანი საჯარო მმართველობის დანერგვას.
სამუშაო ჯგუფის შეხვედრაზე განიხილეს საჯარო მმართველობის რეფორმის განხორციელების მესამე მონიტორინგის რეკომენდაციებიც, რომლებიც სამუშაო ჯგუფის სამოქმედო გეგმაში უნდა აისახოს.
დედამ ნაცნობებთან დატოვა და გაქრა. გოგონა სიყვარულის გარეშე გაიზარდა. სკოლაში ბულინგის მსხვერპლი იყო. 15 წლისა გათხოვდა, მაგრამ იქაც ვერ იპოვა ბედნიერება - ქმარი ამცირებდა, სცემდა. მოთმინების ფიალა აევსო, როცა ნაჯახით ლამის მოკლა. მაშინ გადაწყვიტა, ეთხოვა დახმარება და გაქცეულიყო სახლიდან ორ შვილთან ერთად.
ასე მოხვდა ძალადობის მსხვერპლთა თავშესაფარში.
იქიდან ფონდ „სოხუმს“ დააკავშირეს - აქ გაიარა ფსიქორეაბილიტაცია, პროფესიული კურსები. ფონდმა „სოხუმმა“ მისთვის ბინის დაქირავება შეძლო, დაეხმარა ყოფითი და ჯანმრთელობის პრობლემების მოგვარებაში, დასაქმებაში.
კოვიდ-19 რომ დაემართა, სასწრაფოდ გადაიყვანეს კლინიკაში, შვილები კი - ბავშვთა ცენტრში. ახლა ისევ ერთად არიან…
6 აპრილს ქალთა ერთ საინიციატივო ჯგუფთან შეხვედრა ხონის საკრებულოში შედგა, ხოლო მეორე ჯგუფის წევრები კულტურის სახლში შეიკრინენ.
დასაწყისში სიტყვა მიეცა ტრენინგის მონაწილეებს (საირმეში გამართულ ტრენინგზე ამ ჯგუფებიდან 6 ქალი მონაწილეობდა) და მათ თავიანთი შთაბეჭდილებები გაუზიარეს ჯგუფის წევრებს.
შემდეგ გაიმართა პრეზენტაცია თემაზე „გენდერულად მგრძნობიარე კონფლიქტის ადრეული გაფრთხილების სისტემა“. ორივე შეხვედრის მონაწილეები გაეცნენ ამ სისტემის და ადამიანური უსაფრთხოების არსს. ბოლოს კი მიიღეს ინფორმაცია „მოსახლეობის ადამიანური უსაფრთხოების ხარისხის და გენდერული საჭიროებების შეფასების“ კვლევების ჩატარების შესახებ და შეირჩნენ კიდეც მონაწილეები, რომლებიც ამ მუშაობას ჩაატარებენ.
7 აპრილს, შეხვედრა გაიმართა ხონის №3 საჯარო სკოლის ახალგაზრდულ ჯგუფთან. აქაც პირველად ტრენინგის ორი მონაწილე გამოვიდა. მათ აღნიშნეს, რომ პირველად ესწრებოდნენ ასეთ ტრენინგს და თანატოლებს გადასცეს ის განწყობა. ახალგაზრდებმაც მოისმინეს პრეზენტაცია, გაიგეს, რას ნიშნავს კონფლიქტების ადრეული გაფრთხილებისა და რეაგირების სისტემა, ადამიანური უსაფრთხოება და საფრთხეები...
საჯარო მმართველობის რეფორმის განხორციელების მესამე მონიტორინგის შედეგები განიხილეს ოზურგეთის სამუშაო ჯგუფის მორიგ შეხვედრაზე. მონიტორინგი ჩაატარეს ადგილობრივი სამოქალაქო საზოგადოების ორგანიზაციებმა - „განათლებისა და თანასწორობის ცენტრი“ და „ახალგაზრდა პედაგოგთა კავშირი“ - იმერეთის მხარის მეცნიერთა კავშირ „სპექტრის“ მხარდაჭერით.
ამ ორგანიზაციების წარმომადგენლებმა შეკრებილებს გააცნეს უკვე ჩატარებული სამი მონიტორინგის შედეგად გამოვლენილი დადებითი ტენდენციები და ახალი გამოწვევები.
შეხვედრას ესწრებოდნენ: საკრებულოს თავმჯდომარე დავით დარჩია, საკრებულოს აპარატის, მასმედიისა და სამოქალაქო საზოგადოების წარმომადგენლები. დავით დარჩიამ აღნიშნა, რომ მუნიციპალიტეტში დამთავრდა ინტერნეტიზაციის პროცესი და ადამიანს ელექტრონულად ნებისმიერი ადგილიდან ექნება წვდომა მუნიციპალურ სერვისებზე. ეს ელექტრონული მმართველობის პრაქტიკის გაუმჯობესების ერთ-ერთი ხელშემწყობი ფაქტორია.
„ქართულ-აფხაზური კონფლიქტის წინაისტორია, შემდგომი განვითარება და შედეგები“ - ამ თემაზე ონლაინ ტრენინგები გაიმართა წყალტუბოს და წალენჯიხის (სოფელ ლიის პირველი სკოლა) მუნიციპალიტეტების ახალგაზრდულ საინიციატივო ჯგუფებთან. ტრენინგები ორივე ჯგუფისთვის ცალ-ცალკე ჩატარდა და მათ 40 მონაწილე ესწრებოდა.
„ტრენინგი იყო ინფორმაციულად სავსე და საინტერესო“.
„მე მინდოდა, მეტი მცოდნოდა ქართულ-აფხაზურ კონფლიქტზე და ტრენინგმა შემივსო ეს დეფიციტი“.
„დღევანდელმა დღემ ბევრ ჩემს კითხვას გასცა პასუხი“.
ახალგაზრდები ასე გამოხატავდნენ ინტერესს თემის მიმართ. მათ დააფიქსირეს, რომ დიდი სურვილი აქვთ, უფრო მეტი კომუნიკაცია ჰქონდეთ აფხაზ თანატოლებთან. პროექტი მათ ამის შესაძლებლობას მისცემს.
- ქალთა უფლებების დაცვა, ოჯახების გაძლიერება, ოჯახში ძალადობის პრევენცია და მსხვერპლთა მხარდაჭერა, გენდერულ პრობლემებზე რეაგირება ადგილობრივ თვითმმართველობებთან თანამშრომლობით - ამ საკითხებზეა ფოკუსირებული ფონდი „სოხუმის“ პროექტი „ქალთა უფლებების გაძლიერება დასავლეთ საქართველოში“. პროექტის პრეზენტაცია უკვე გაიმართა თერჯოლის, სენაკის და ბაღდათის მუნიციპალიტეტებში. შეხვედრებს დაესწრნენ ადგილობრივი თვითმმართველობის წარმომადგენლები, სამოქალაქო აქტივისტები. აქცენტი გაკეთდა ოჯახში ძალადობაზე რეაგირებისა და თანამშრომლობის პერსპექტივებზე.
მუნიციპალიტეტის წარმომადგენლებმა აღნიშნეს, რომ ოჯახში ძალადობის პრევენცია მათი ინტერესის სფეროა და მზად არიან ფონდ „სოხუმთან“ თანამშრომლობისთვის.
„ქალთა უფლებების გაძლიერება დასავლეთ საქართველოში“ - ფონდმა „სოხუმმა“ ამ პროექტის ახალი ეტაპი დაიწყო. დაიწყო ცვლილებებით, ახალი შტრიხებით.
პროექტის არეალია დასავლეთ საქართველოს ოთხი რეგიონი: იმერეთი, სამეგრელო, გურია და აჭარა. მუშაობა წარიმართება 10 მუნიციპალიტეტში: ვანი, ბაღდათი, სამტრედია, ტყიბული, თერჯოლა, სენაკი, წალენჯიხა, ზუგდიდი, ჩოხატაური, ქობულეთი.
ერთ-ერთი სიახლე ის არის, რომ პროექტის ფარგლებში პირველად იქმნება ქალთა მხარდაჭერის ცენტრები ვანში, ბაღდათში, სამტრედიაში, ტყიბულსა და ჩოხატაურში.
ფონდ „სოხუმს“ ჰყავს წარმომადგენლები, რომლებიც ადგილებზე იმუშავებენ ქალთა გაძლიერებისა და მათი უფლებების დაცვისთვის, შეეცდებიან პრობლემების ადვოკატირებას გენდერზე ორიენტირებული სისტემით. პროექტი მიზნად ისახავს ოჯახში ძალადობის პრევენციას ადგილობრივ თვითმმართველობებთან თანამშრომლობით და კოორდინაციით.
ვანის სამუშაო ჯგუფს ბევრი საქმე აქვს და ეს კარგად გამოჩნდა საკრებულოში გამართულ შეხვედრაზე. მოისმინეს IT სპეციალისტის ინფორმაცია ოფიციალური ვებგვერდის განახლების შესახებ - ვებგვერდს ემატება საჯარო ინფორმაციის მოთხოვნის და ონლაინ პეტიციის ფუნქციები, მექანიზმი მოქალაქეთა მონაწილეობისთვის „დაგეგმე ბიუჯეტი“, განზრახულია საკრებულოს სხდომების ონლაინ ტრანსლაცია და სხვა ტექნიკური ცვლილებები. შეხვედრაზე განიხილეს საკრებულოს წევრებისათვის შემუშავებული ეთიკის კოდექსი და პარტნიორი სამოქალაქო საზოგადოების ორგანიზაციების წარმომადგენლების მიერ ჩატარებული მესამე მონიტორინგის შედეგები.
ორი მონიტორინგის ფარგლებში გამოკვეთილი რეკომენდაციების ნაწილი უკვე შესრულდა. ჯგუფის სამოქმედო გეგმაში აისახება მესამე მონიტორინგის რეკომენდაციებიც. მათი განხორციელება კიდევ მეტ გამჭვირვალობას და ეფექტიანობას შესძენს ადგილობრივი თვითმმართველობის მუშაობას.
თერჯოლის საკრებულოში ჩატარდა სამუშაო ჯგუფის შეხვედრა, რომელზეც განხილულ იქნა სამოქალაქო ბიუჯეტირების საკითხი. მუნიციპალიტეტში მიმდინარეობს სათანადო დოკუმენტზე მუშაობა. დოკუმენტის სრულყოფისთვის საჭიროა მერიის მხარდაჭერა, ამიტომაც დაიგეგმა სამუშაო ჯგუფის სამი წევრის შეხვედრა მერთან.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
ხონის მუნიციპალიტეტში ონლაინ პეტიციის სისტემა ინერგება!
6 აპრილს ჩატარდა საინფორმაციო შეხვედრა, რომელზეც განხილულ იქნა ამ სისტემის მნიშვნელობა, საჭიროება და გამოყენების ხერხები.
სამუშაო ჯგუფის წევრებმა დაასახელეს ადმინისტრაციული ერთეულები, სადაც ისინი გეგმის მიხედვით ჩაატარებენ საინფორმაციო შეხვედრებს მოსახლეობასთან.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.