წყალტუბოში ფონდი „სოხუმის“ ქალთა საინიციატივო ჯგუფი შეიკრიბა. ჯგუფის წევრებმა მოდერატორის ინფორმაციები მოისმინეს: რა ტიპის კონფლიქტური სიტუაციები გამოიკვეთა საინფორმაციო შეხვედრებზე და რამდენად არის შესაძლებელი მათი ადრეულ სტადიაში მოგვარება.

ახალი პრობლემის იდენტიფიცირების შემდეგ მონაწილეებმა სამოქმედო გეგმაზე იმუშავეს და ფუნქციები გაინაწილეს. ქალთა საინიციატივო ჯგუფს უკვე დაუგროვდა კონფლიქტებზე დროულად რეაგირების გამოცდილება. შეხვედრები თემის წევრებთან, ხელისუფლების წარმომადგენლებთან, მასმედიასთან - ეს აქტივობები სამოქმედო გეგმის ნაწილია, რაც ქალთა საინიციატივო ჯგუფის მიერ განხორციელდება.

ფონდი „სოხუმის“ წარმომადგენლებმა საინფორმაციო შეხვედრა ჩაატარეს დევნილთა საოჯახო მედიცინის ცენტრ „ბიჭვინთაში“. ისაუბრეს პროექტზე „სამედიცინო პერსონალის გაძლიერება ოჯახში ძალადობის მსხვერპლის დაცვისათვის“, რომელიც მოიცავს მედიცინის მუშაკთა მომზადებას ოჯახში ძალადობის მსხვერპლთა იდენტიფიკაციისა და დახმარებისათვის. ცენტრის პერსონალი ინტერესით ჩაერთვება მუშაობაში, რადგან ეს გამოცდილების მიღების კარგ შესაძლებლობად მიაჩნიათ.

პროექტი ხორციელდება დიდი ბრიტანეთის  საელჩოს მხარდაჭერით

ფონდი „სოხუმის“ ახალგაზრდულ კლუბებში ხუთთვიანი სამუშაო კურსისთვის კიდევ სამი ჯგუფი შეირჩა - ამჯერად ქუთაისში, ფოთსა და სოფელ თეკლათში (სენაკის მუნიციპალიტეტი). სკოლის მოსწავლეებთან გაიმართა სამი საინფორმაციო შეხვედრა თემაზე:  „გენდერული ძალადობა, სახეები, ფორმები, მიზეზები, დაცვის მექანიზმები ძალადობის პრევენციისთვის“.

ახალგაზრდები გაეცნენ კლუბის მუშაობის სპეციფიკას, თემებს, რომლებზეც იმუშავებენ ხუთი თვის განმავლობაში. ისინი აქტიურად ჩაერთნენ პირველი თემის განხილვაში. ისაუბრეს ტრადიციებზე, ნაადრევ ქორწინებაზე, უფროსი თაობის დამოკიდებულებაზე ძალადობის პრობლემის მიმართ, გამოსავალზე, დაცვის მექანიზმებზე.

საინფორმაციო შეხვედრების მონაწილეების აზრით, კლუბზე მნიშვნელოვანი და საჭირო თემები განიხილება, ამიტომაც მათ კლუბის წევრობის  სურვილი გამოთქვეს.

პროექტის „სამედიცინო პერსონალის გაძლიერება ოჯახში ძალადობის მსხვერპლის დაცვისათვის“ ფარგლებში დაიწყო საინფორმაციო შეხვედრები მედიცინის მუშაკებთან. პირველი შეხვედრა გაიმართა სსიპ საგანგებო სიტუაციების კოორდინაციის და გადაუდებელი დახმარების ცენტრის ქუთაისის რაიონული სამსახურის თანამშრომლებთან. ე.წ. „სასწრაფო დახმარების“ ექიმები მიიჩნევენ, რომ ოჯახში ძალადობის მსხვერპლის დაცვის კუთხით მუშაობა აქტუალურია. ისინი მოტივირებულები არიან, დაესწრონ ფონდი „სოხუმის“ ორგანიზებულ ტრენინგს, მიიღონ საჭირო ინფორმაცია, კოლეგებს გაუზიარონ თავიანთი გამოცდილება, რათა ეფექტური იყოს ძალადობის შემთხვევებზე რეაგირება და დახმარება მსხვერპლის მიმართ.

პროექტი ხორციელდება დიდი ბრიტანეთის საელჩოს მხარდაჭერით

- როგორ უკავშირდება ძალადობა კონფლიქტებს, როგორ ვმართოთ კონფლიქტები - ამ საკითხებზე გაიმართა მსჯელობა ახალაგაზრდების ჯგუფთან სენაკში, ქუთაისსა და ფოთში.

ახალი სტრატეგიით, კონფლიქტის მართვის საკითხებზე აღნიშნულ ჯგუფებთან ხუთი თვე გაგრძელდება მუშაობა. მონაწილეები გაეცნენ კონფლიქტის ანალიზს და მის მეთოდებს. გაიხსენეს ცოცხალი ისტორიები თავიანთი ცხოვრებიდან, რომლის ანალიზიც ჯგუფურად გაკეთდა.

- ანალიზი გვაჩვენებს, კონფლიქტურ სიტუაციაში რა არის მთავარი პრობლემა, რამ გამოიწვია კონფლიქტის განვითარება და რა შედეგები მივიღეთ. ანალიზი გვასწავლის საკუთარი შეცდომების დანახვას, რათა მომავალში არ გადავდგათ ისეთი ნაბიჯები, რომლებიც კონფლიქტამდე მიგვიყვანს, - ასეთი იყო მონაწილეთა შეფასება.

სენაკის მუნიციპალიტეტის გენდერული თანასწორობის საბჭოსა და ფონდ „სოხუმს“ შორის 12 სექტემბერს თანამშრომლობისა და ერთობლივი პროექტის განხორციელების შესახებ მემორანდუმს მოეწერა ხელი.

შეთანხმება შედგა შემდეგზე: სენაკის გენდერული თანასწორობის საბჭოსა და ფონდი „სოხუმის“ მიერ განხორციელდეს ერთობლივი პროექტი „ადგილობრივი თვითმმართველობასთან თანამშრომლობა - გენდერული თანასწორობისა და ოჯახში ძალადობის პრობლემის პრევენციისათვის“.

პროექტის ფარგლებში დაგეგმილია 4 ტრენინგის ჩატარება: გენდერული საბჭოს წევრებისთვის, მერიის სამსახურის ხელმძღვანელების და გადაწყვეტილების მიმღები პირებისთვის, სოფლებში მერის წარმომადგენლებისა და თემის მაჟორიტარებისათვის. განსაზღვრულია ტრენინგის თემა: გენდერი, გენდერული ძალადობა და ადგილობრივი თვითმმართველობის, როგორც რეფერირების ერთ-ერთი სუბიექტის, როლი.

პროექტით აგრეთვე გათვალისწინებულია სენაკის მუნიციპალიტეტის 14 თემში გამოკითხვის ჩატარება ქალთა მიმართ ძალადობის სიტუაციური ანალიზის და შემდგომში მისი პუბლიკაციის მიზნით.

ვორკშოპების ციკლი ახალგაზრდებთან ახალი სტრატეგიით მიმდინარეობს. სექტემბრიდან ცხრა მუნიციპალიტეტში თანამშრომლობა ახალ სკოლებთან დაიწყო. თითოეულ სკოლაში ყალიბდება სამიზნე ჯგუფები 10-15 ადამიანის შემადგენლობით. თითოული ჯგუფი გაივლის  ხუთთვიან პროგრამას კონფლიქტების მართვაზე.  ხუთი თვის შემდეგ სკოლებში შეიქმნება „მშვიდობის კლუბები“. შემდეგ კლუბის ლიდერები თვითონ განაგრძობენ მუშაობას სხვადასხვა კლასში.

ახალგაზრდები მზად არიან, ჩაერთონ ხუთთვიან პროგრამაში და მიღებული გამოცდილება პრაქტიკულად გამოიყენონ.

პირველი ვორკშოპები უკვე გაიმართა თერჯოლაში, ზუგდიდსა და ხონში.

- რა კავშირშია ძალადობა ოჯახურ კონფლიქტებთან. რამდენად მნიშვნელოვანია კონფლიქტის ანალიზი და რა მეთოდები არსებობს ამისთვის, - ეს იყო პირველი ვორკშოპის თემა.

მონაწილეთა შეფასებით, მათ მნიშვნელოვანი ინფორმაციები მიიღეს, რადგან კონფლიქტების პრევენცია ანალიზის გარეშე შეუძლებელია.  

მედიცინის მუშაკებს დიდი როლი აქვთ ძალადობის პრევენციის საქმეში, სწორედ ამიტომ გადაწყვიტა ფონდმა „სოხუმმა“ მათთან მუშაობა.

სექტემბრიდან დაიწყო შვიდთვიანი პროექტი „სამედიცინო პერსონალის გაძლიერება ოჯახში ძალადობის მსხვერპლის დაცვისათვის“. პროექტი ქუთაისში ხორციელდება და მის ფარგლებში ჩატარდება ტრენინგები სამედიცინო პერსონალისთვის, შეხვედრა რეფერალური მექანიზმების სუბიექტებთან. გამოიცემა გზამკვლევი მედმუშაკებისთვის, რომელშიც ბევრ აქტუალურ და საჭირო მასალასთან ერთად იქნება საკონტაქტო ინფორმაცია, ვის მიმართონ ძალადობის შემთხვევაში.

10 სექტემბერს ფონდ „სოხუში“ გაიმართა სამუშაო შეხვედრა. მონაწილეებმა განიხილეს პროექტის განხორციელებასთან დაკავშირებული საკითხები, აქტივობების ჩატარების გეგმა.

პროექტი ხორციელდება დიდი ბრიტანეთის საელჩოს მხარდაჭერით

ახალგაზრდულ კლუბებში სექტემბრის საინფორმაციო შეხვედრები დაიწყო. პირველი შეხვედრები გაიმართა თერჯოლაში, სოფელ დიდი ნეძში (ზუგდიდის მუნიციპალიტეტი) და სოფელ კუხში (ხონის მუნიციპალიტეტი).

ამ ჯგუფებში შემდეგი თვეების განმავლობაში კიდევ 5 შეხვედრა ჩატარდება სხვადასხვა მოდულის მიხედვით. პირველი შეხვედრის თემა კი იყო: „გენდერული ძალადობა, სახეები, ფორმები, მიზეზები, დაცვის მექანიზმები ძალადობის პრევენციისთვის“.

ჯგუფები ერთმანეთისგან განსხვავდებოდნენ გამოცდილებით, აქტიურობით, კრეატიულობით, დისკუსიაში ჩართვით. მაგრამ იგრძნობოდა საერთო  სურვილი - იმუშაონ ძალადობის თემაზე, გაიმდიდრონ ცოდნა, შეიძინონ ახალი უნარ-ჩვევები, ისწავლონ საკუთარი და სხვისი უფლებების დაცვა.

ფონდი „სოხუმის“ ქალთა საინიციატივო ჯგუფი ხურჩაში აქტიურად მუშაობს. ჯგუფის წევრები იმ აქტუალური პრობლემის ადვოკატირებას ცდილობენ, რომელიც მათ თემში კონფლიქტურ სიტუაციას ამძაფრებს.

პრობლემის ადვოკატირების პროცესში აქტიურად არის ჩართული სოფლის მაჟორიტარი დეპუტატი, რომელიც საკითხის ლობირებას საკრებულოში შეეცდება. მიღებული შედეგების მიხედვით განისაზღვრება, რა ცვლილებები შევა სამოქმედო გეგმაში, რა ნაბიჯებს გადადგამს საინიციატივო ჯგუფი პრობლემის მოსაგვარებლად.