ზუგდიდის მუნიციპალიტეტის სოფელ კოკის ახალგაზრდული ჯგუფის წევრებთან მშვიდობის თემაზე ტრენინგი ჩატარდა .
მონაწილეებმა ისაუბრეს, რას ნიშნავს მათთვის მშვიდობა.
იმიტირებული სავარჯიშოს დახმარებით იმსჯელეს რომ მშვიდობისთვის აუცილებელია დიალოგი, ურთიერთობა, თანამშრომლობა, ნდობა, ტოლერანტობა.
ტრენინგზე გამოიკვეთა, რამდენად მნიშვნელვანია ახალგაზრდების ჩართულობა სამშვიდობო პროცესებში.
სოფელ კოკის ქალთა საინიციატივო ჯგუფი კი გამოვლენილი პრობლემების ადვოკატირებაზე მუშაობს . შეხვედრაზე მონაწილეებმა ერთმანეთს ადვოკატირების კუთხით მიღწეული შედეგები გაუზიარეს, ისაუბრეს, თუ რა მიმართულებით უნდა გაძლიერდეს მუშაობა.
11 ოქტომბერი გოგონათა საერთაშორისო დღეა- ამ ინფორმაციით დაიწყო შეხვედრები წყალტუბოს ახალგაზრდულ ჯგუფებთან. მონაწილეებმა გენდერულ თანასწორობასა და ქალთა უფლებებზე ისაუბრეს.გაიმართა დისკუსია.
ქალთა საინიციატივო ჯგუფის წევრებმა სოფლად მცხოვრები ქალის დღე აღნიშნეს. ისაუბრეს იმ გამოწვევებზე, რასაც სოფელში მცხოვრები ქალები აწყდებიან-ოჯახებში არსებული გენდერული დისბალანსი და ჯანმრთელობისთვის საფრთხის შემცველი მძიმე ფიზიკური დატვირთვა.
აღინიშნა, რომ ეკონომიკური გაძლიერების პროგრამები მნიშვნელოვნად გააუმჯობესებს მათ მდგომარეობას.
ქუთაისის ქალთა საინიციატივო ჯგუფის წევრები დასახული პრობლემის ადვოკატირების მიზნით, მუნიციპალიტეტის მერიის სოციალურ საკითხთა სამსახურის ხელმძღვანელის მოადგილეს, ფიქრია ხაჭაპურიძეს შეხვდნენ.
მონაწილეები გაეცნენ ინფორმაციას სოციალური პროგრამებისა და სერვისების შესახებ. გაიგეს, თუ ვის და როგორ შეუძლია სარგებლობა მოცემული პროგრამებით.საკითხმა დამსწრეთა დაინტერესება გამოიწვია, აღინიშნა,რომ აქტუალობიდან გამომდინარე, შეხვედრა ინფორმაციული და საინტერესო იყო.
ქუთაისის ახალგაზრდული კლუბის წევრებმა კი გოგონათა საერთაშორისო დღის შესახებ პრეზენტაცია იხილეს.გაიგეს დღის შექმნის ისტორიისა და მნიშვნელობის შესახებ.
კლუბის წევრები გენდერული თანასწორობის შესახებ გამართულ დისკუსიაში ჩაერთნენ.
დააფიქსირეს საკუთარი მოსაზრებები და იმსჯელეს პრობლემების მოგვარებისა და ცნობიერების ამაღლების გზებზე.
შეხვედრაზე კლუბში ახალი წევრები მიიღეს.
სენაკში, ქალთა და ახალგაზრდული საინიციატივო ჯგუფების წევრებთან შეხვედრა გაიმართა, რომელსაც დონორი ორგანიზაციის (USAID - ამერიკის შეერთებული შტატების საერთაშორისო განვითარების სააგენტო)წარმომადგენლები: ეკატერინე გამეზარდაშვილი და გიორგი ხეჩინაშვილი სტუმრობდნენ.
შეხვედრის პირველ ნაწილში მონაწილეებმა პროექტის შედეგებზე ისაუბრეს .
სამშვიდობო საქმიანობა, კვლევებში მონაწილება, ადვოკატირება, არაფორმალური დებატები, ფსიქოლოგთან შეხვედრები, ტრენინგები, ქართულ-აფხაზური შეხვედრები - ჯგუფის წევრები ამ ძირითად სეგმენტებს ანიჭებენ უპირატესობას და მიაჩნიათ, რომ პროექტში ამ მიმართულებით ჩართულობამ მათზე პოზიტიური გავლენა მოახდინა.
შეხვედრის მომდევნო ნაწილში მონაწილეებმა ისაუბრეს გენდერული თანასწორობის საკითხებზე: გოგონათა უფლებებსა და სოფლად მცხოვრები ქალების ყოველდღიურობაზე. მონაწილები თვლიან, რომ მენტალური მიზეზებიდან გამომდინარე გენდერული თანასწორობის კუთხით ჯერ კიდევ ბევრი სამუშაოა.
მშვიდობა იწყება შენით-ამ სლოგანით წალენჯიხის მუნიციპალიტეტის სოფელ ფახულანის ქალთა საინიციატივო ჯგუფმა მშვიდობის საერთაშიროს დღე აღნიშნა.
ქალბატონების შეფასებით, მშვიდობა უალტერნატივოა.მათ საკუთარ როლსა და შესაძლებლობებზეც ისაუბრეს.
მშვიდობის საერთაშორისო დღე ზუგდიდის მუნიციპალიტეტის სოფელ დიდინეძის ახალგაზრდულმა საინიციატივო ჯგუფმა აღნიშნა.
მათ კიდევ ერთხელ ისაუბრეს მშვიდობის მნიშვნელობასა და ახალგაზრდების როლზე სამშვიდობო პროცესებში.
„მშვიდობის დღე უნდა ეძღვნებოდეს მშვიდობის იდეალის გაძლიერებას...ეს დღე იქნება შეხსენება ყველა ხალხისთვის, რომ გაერო არის ცოცხალი ინსტრუმენტი მშვიდობის სამსახურად და ის უნდა ემსახურებოდეს თითოეულ ჩვენთაგანს და გვახსენებდეს ჩვენს ვალდებულებას, რომ ყველა ინტერესსა და განსხვავებულობის მაღლა დგას მშვიდობა“-გაეროს 1981 წელს მიღებულ რეზოლუციაში ჩაწერილ ამ უმნიშვნელოვანეს საკითხზე ისაუბრეს სოფელ დიდინეძის ქალთა საინიციატივო ჯგუფის წევრებმა
მშვიდობა იწყება ჩვენით, ჩვენ ყველანი ვქმნით ლოკალურ მშვიდობას, ამიტომაც საჭიროა ძალების გაერთიანება, რათა შევქმნათ გლობალური მშვიდობა- ასეთი პოზიციით წყალტუბოს ქალთა საინიციატივო ჯგუფი მშვიდობის საერთაშორისო დღის აღნიშვნას შეუერთდა.
სამშვიდობო აქციები გამართეს წყალტუბოს ახალგაზრდული ჯგუფის წევრებმა. საინფორმაციო შეხვედრებზე კი სამშვიდობო პროცესებში ახალგაზრდების როლზე ისაუბრეს.
მშვიდობის საერთაშორისო დღეს მიეძღვნა ქუთაისის ახალგაზრდული კლუბის მიერ გამართული შეხვედრა. კლუბის ლიდერმა პრეზენტაცია წარადგინა, წევრებმა მიიღეს ინფორმაცია მშვიდობის დღის შექმნის ისტორიასა და მნიშვნელობაზე. პრეზენტაციის მეორე ნაწილი კონფლიქტების მშვიდობიანად მოგვარებას და გადაჭრის გზების შესახებ საუბარს დაეთმო.
ადვოკატირების პროცესის დინამიკის განსახილვევლად შეიკრიბნენ ქუთაისის ქალთა საინიციატივო ჯგუფის წევრები . ადვოკატირების გეგმის მიხედვით ჯგუფის წევრები მზად არიან იმუშაონ არჩეულ პრობლემაზე, სამიზნე სკოლის დირექტორსაც შეხვდნენ, გააცნეს თანამშრომლობის მიზანი და სამომავლო გეგმაც დასახეს.
21 სექტემბერს მშვიდობის საერთაშორისო დღე აღინიშნება. თარიღს ზუგდიდის მუნიციპალიტეტის სოფელ კოკის ქალთა საინიციატივო ჯგუფი შეუერთდა.
,,მშვიდობის საერთაშორისო დღეს, მოდით დავდოთ პირობა, რომ ჩვენს შვილებს ვასწავლით შემწყნარებლობასა და სხვათა პატივისცემას.
ვიბრძოლოთ მშვიდობისათვის და დავიცვათ ის, როგორც შეგვიძლია” -ეს იყო ქალბატონების მიერ გაჟღერებული ძირითადი მესიჯები.
რაც შეეხება სოფელ კოკის ახალგაზრდულ საინიციატივო ჯგუფს, მათ მშვიდობის საერთაშორისო დღეს კიდევ ერთხელ დააფიქსირეს, რომ სიღარიბე, ამოწურვადი ბუნებრივი რესურსები, უთანასწორობა, კორუფცია, რასიზმი და ქსენოფობია არის საუკეთესო ნიადაგი სხვადასხვა ჯგუფებს შორის დაპირისპირებისათვის . მათი თქმით, სწორედ კონფლიქტების ამ გამომწვევ მიზეზებთან ბრძოლას ეძღვნება მშვიდობის საერთაშორისო დღე.
წარმოგიდგენთ ქალთა ფონდი „სოხუმის” ახალი კვლევის ანგარიშს „ადამიანური უსაფრთხოება - მოსახლეობის საზოგადოებრივი და პირადი უსაფრთხოების ხარისხის და გენდერული საჭიროებების შეფასება“, რომლის მთავარ მიზანს ორგანიზაციის ექვს სამიზნე მუნიციპალიტეტში (ზუგდიდის, წალენჯიხის, სენაკის, ქუთაისის, წყალტუბოსა და ხონის მუნიციპალიტეტები) მოსახლეობის ადამიანური უსაფრთხოების ხარისხის შეფასება და საფრთხეებისგან დაცულობის განცდის შესწავლა წარმოადგენდა.
კვლევის დროს ყურადღება გამახვილდა მოსახლეობის საზოგადოებრივ და პირად უსაფრთხოებაზე და იმ რისკებისა და საჭიროებების იდენტიფიცირებაზე, რომლებიც საფრთხისა და დაუცველობის განცდას უჩენს მოსახლეობას.
გამოვლენილი მიგნებების საფუძველზე იგეგმება პრობლემებზე ეფექტიანი რეაგირების სტრატეგიების და რეკომენდაციების გამომუშავება და პოზიტიური ცვლილებების ადვოკატირება როგორც ადგილობრივ, ასევე ეროვნულ და საერთაშორისო დონეზე.
აღნიშნული ანგარიში გამოიცა USAID-ის მიერ მხარდაჭერილი პროექტის - „განხეთქილების დაძლევა - ხალხთაშორისი ინიციატივები კონფლიქტის მოსაგვარებლად“ ფარგლებში.
პროექტი ხორციელდება USAID-ის მხარდაჭერით