ქალთა ფონდი „სოხუმი“ განაგრძობს ციფრული უსაფრთხოების შესახებ ცნობიერების ამაღლებას და საქართველოს სხვადასხვა მუნიციპალიტეტში ვორკშოპების ორგანიზებას.
4-7 თებერვალს წყალტუბოში, სამტრედიასა და ჩოხატაურში ციფრული უსაფრთხოების ტრენერი ლინდა ჩიხლაძე ქალთა ურთიერთდახმარების ჯგუფებს შეხვდა და მათ ციფრულ რისკებსა და თავდაცვის მექანიზმებზე ესაუბრა.
ვორკშოპების ფარგლებში მონაწილეებმა:
- გაიგეს, როგორია ტექნოლოგიებით განპირობებული გენდერული ძალადობის (TFGBV) ფორმები და მისი გავლენა;
- შეისწავლეს პირადი მონაცემების დაცვის ტექნიკები - ძლიერი პაროლები, ორფაქტორიანი ავთენტიკაცია, კონფიდენციალურობის მართვის ინსტრუმენტები;
- გაეცნენ კანონმდებლობას, რომელიც ონლაინ ძალადობისგან იცავს;
- იმსჯელეს ურთიერთმხარდაჭერისა და ქალთა გაძლიერების მნიშვნელობაზე.
ერთ-ერთმა მონაწილემ ვორკშოპის დასრულების შემდეგ აღნიშნა: „ახლა უკვე ზუსტად ვიცი, როგორ დავიცვა საკუთარი მონაცემები და როგორ დავეხმარო სხვებს, ვისაც მსგავსი გამოცდილება აქვს.“
ფონდი „სოხუმი“ აგრძელებს ციფრული უსაფრთხოების თემაზე საგანმანათლებლო აქტივობების ჩატარებას სხვადასხვა რეგიონში.
პროექტი ხორციელდება გენდერული თანასწორობის ფონდის მხარდაჭერით (კანადა)
