ქალთა მიმართ ძალადობის პრობლემა აქტუალობას არ კარგავს. თემებში ჩატარებული საინფორმაციო შეხვედრებიც ამას ადასტურებს. მონაწილეები აღნიშნავენ, რომ გაზრდილია იმ ოჯახების რაოდენობა, სადაც ძალადობის განვითარების რისკები მაღალია:

„სამწუხაროდ, ფსიქოლოგიური ძალადობა დღემდე არ არის აღიარებული. ბევრი ქალი მიიჩნევს რომ ეს ნორმალურია. ასეთი განწყობა ხელს უშლის პრობლემის ამოცნობას. შემთხვევების რაოდენობა გაზრდილია, თუმცა ხშირად ამ თემაზე საუბარს ერიდებიან.“

„როცა მეუღლეებს შორის კონფლიქტი ვერ გვარდება თვეების განმავლობაში, იქ ნებისმიერ დროს შეიძლება მივიღოთ ფიზიკური ძალადობა.“

შეხვედრის მონაწილეები პრობლემებზე საუბრის პარალელურად გამოსავალზე მსჯელობენ. მიაჩნიათ, რომ ქალთა მხარდაჭრა უნდა გაგრძელდეს. ამიტომ შეხვედრებს განსაკუთრებულ მნიშვნელობას ანიჭებენ. 

„ინფორმაციები სულ უნდა შევთავაზოთ ქალებს, ყველამ უნდა იცოდეს, თავი როგორ დაიცვას საჭიროების დროს, ვის მიმართოს, ვის დაურეკოს. რა სახის დახმარებები არსებობს.“

შეხვედრები ჩატარდა ქუთაისის, სენაკის, ზუგდიდის და ხობის ქალთა მხარდაჭერის ცენტრებში. 

პროექტი ხორციელდება  ორგანიზაცია Brot für die Welt - Evangelischer 

Entwicklungsdienst მხარდაჭერით (გერმანია)

სენაკის სათემო ცენტრში მანიკურის კურსდამთავრებულებმა მოაწყვეს მასტერკლასი ქალებისთვის. ეს იყო აქტივობა სამოქალაქო ინიციატივის ფარგლებში, რომელიც სენაკის დევნილთა დასახლებაში განხორციელდა ნოემბერ-იანვარში. 

მასტერკლასის მონაწილე: სპეციალისტთან ამ პროცედურის ჩატარების პირველი პრაქტიკა იყო ჩემთვის. ძალიან კარგი ინიციატივაა, არა მარტო დავინახეთ, რა ისწავლეს ჩვენმა გოგოებმა, არამედ ჩვენც გავიხალისეთ ეს დღე.

ერთ-ერთი კურსდამთავრებული: საუკეთესო შესაძლებლობაა ჩემთვის და როგორც დამწყებ სპეციალისტს ძალიან მახარებს, რომ ქალებმა დაინახეს, რა შემიძლია.

პროექტი ხორციელდება  ორგანიზაცია Brot für die Welt - Evangelischer 

Entwicklungsdienst მხარდაჭერით (გერმანია)

მშობლების და შვილების ურთიერთობა, ნარკომანია, მიგრაცია - ეს და სხვა აქტუალური თემები წარმოადგინა ფორუმ-თეატრმა ქუთაისის ახალგაზრდულ ცენტრში.

თანატოლების წინაშე გამოსვლა განსაკუთრებით საინტერესო და სასიამოვნოა ახალგაზრდა მსახიობებისთვის. მაყურებელი აქტიურად ჩაერთო სხვადასხვა სცენაში, თავისებურად „შეცვალა“ სიტუაციის მიმდინარეობა და თავისი აზრი გამოხატა დისკუსიის დროსაც.

ასე დაიწყო ახალი სამუშაო წელი ჩვენმა ფორუმ-თეატრმა. დაიგეგმა თებერვალში ჩვენებები რაოდენობრივად უფრო დიდ აუდიტორიასთან. 

პროექტი ხორციელდება  ორგანიზაცია Brot für die Welt - Evangelischer 

Entwicklungsdienst მხარდაჭერით (გერმანია)

ქუთაისში, ქალთა ფონდი „სოხუმის“ ოფისში ჩატარდა ორდღიანი ტრენინგი თემაზე „ბიზნესის დაგეგმარება და მცირე/მაკრო ბიზნესის მართვა“.

როგორც წესი, მეწარმეებს კარგი ბიზნესიდეები ისე უბრალოდ თავში არ მოსდით. ეს გულმოდგინე მუშაობის, ძალისხმევის, კვლევების, დისკუსიების, გამოკითხვების და ხშირად მეწარმის შემოქმედებითი აზროვნების შედეგია. 

ამიტომაც ქალები ყურადღებით უსმენდნენ ტრენერს: რა შეიძლება იყოს კარგი ბიზნესიდეის ინსპირაციის წყარო? როგორ შევიმუშავოთ წარმატებული ბიზნესიდეა?

ტრენინგის აქტიური მონაწილეები იყვნენ ჩოხატაურის, სენაკის, თერჯოლის და ქუთაისის დღის ცენტრების კურსდამთავრებულები. ისინი საკუთარ პროექტებზე ფიქრობდნენ, ბიუჯეტს ანგარიშობდნენ, ერთმანეთის გამოცდილებას იზიარებდნენ, მომავალი ბიზნესის პერსპექტივაზე მსჯელობდნენ... 

შემდეგ ეტაპზე მათი ბიზნეს იდეების განხილვა იქნება.

პროექტი ხორციელდება  ორგანიზაცია Brot für die Welt - Evangelischer 

Entwicklungsdienst მხარდაჭერით (გერმანია)

დეკემბერში აქტიურად იმუშავა ფორუმ-თეატრმა. წარმოდგენები გაიმართა დარბაზში,  ღია ცის ქვეშ, პარკებში...

ყველა წარმოდგენის დროს გაიმართა დისკუსია, შეკრებილებმა ისაუბრეს საზოგადოების ინფორმირების აუცილებლობაზე, რაც ხელს უწყობს ძალადობის ფაქტების შემცირებას...

ახალგაზრდა მსახიობები ჩაერთნენ 16-დღიან კამპანიაში და ყველაზე ხმამაღლა, თეატრალურად დაგმეს ძალადობა, მაყურებელს მოუწოდეს პრევენციისკენ.

ახალ წელს ახალი გეგმები აქვს ჩვენი ორგანიზაციის ფორუმ-თეატრს. ძველ წარმოდგენებს ახლები შეემატება, ჩვენებები გაიმართება ახალ აუდიტორიებთან კონფლიქტის და ძალადობის სერიოზულ პრობლემებზე - ისევ ისე, თეატრის ენით...

პროექტი ხორციელდება  ორგანიზაცია Brot für die Welt - Evangelischer 

Entwicklungsdienst მხარდაჭერით (გერმანია)

ზუგდიდის, სენაკის და წალენჯიხის მუნიციპალიტეტებში ჩატარდა საინფორმაციო შეხვედრები მიგრაციის თემაზე ქალებთან და ახალგაზრდებთან. 

მონაწილეებს მიეწოდათ ინფორმაცია ჩვენი ორგანიზაციის კვლევის შესახებ. დაურიგდათ საინფორმაციო გზამკვლევი: იცოდე და დაიცავი შენი თავი!

ასევე მათ მიიღეს ბროშურა - როცა მშობელი საზღვარგარეთ მიდის, როგორ დავეხმაროთ სამშობლოში დარჩენილ ბავშვებს.

ამ საინფორმაციო მასალების მიზანია ქალებს, თემის ლიდერებსა და საზოგადოების აქტიურ წევრებს გააცნოს, სად შეუძლიათ დახმარების მიღება და რა სახის სერვისებია ხელმისაწვდომი.

დისკუსიების დროს ასეთი ფრაზები ისმოდა: 

„ძალადობაგამოვლილი ქალები ცდილობენ, თავი მიგრაციას შეაფარონ. ურჩევნიათ, იქედან აგზავნონ თანხები და არჩინონ ოჯახი და მეტად დაცულად იყვნენ, მოძალადისგან შორს. სამწუხარო რეალობაა, რომ ქალებმა დაცვისთვის მიგრაციას მიმართეს“.

„ყველა ადამიანი ცოდოა, როცა ის ოჯახს ტოვებს და იძულებულია, მიგრაციას მიმართოს, თუმცა ორმაგად რთულია, როცა დედა ტოვებს მცირეწლოვან შვილებს და წლებით მიდის უცხოეთში“.

პროექტი ხორციელდება  ორგანიზაცია Brot für die Welt - Evangelischer 

Entwicklungsdienst მხარდაჭერით (გერმანია)

როგორ ავუხსნათ ბავშვს მშობლის მიგრაციასთან დაკავშირებული მოსალოდნელი ცვლილებები, რამდენად მნიშვნელოვანია ემოციური მხარდაჭერა, რამდენად აუცილებელია  რეგულარული კომუნიკაცია მშობელსა და ბავშვს შორის.

ამ თემებს შეეხო ფსიქოლოგი ჩოხატაურში სამოქალაქო ინიციატივის ფარგლებში ორგანიზებულ შეხვედრაზე, რომელსაც ესწრებოდნენ „ბებიების კლუბის“ წევრები - აქტიური და ენერგიული ბებიები, რომლებმაც კარგად იციან, რა გავლენას ახდენს  მშობლების მიგრაცია ბავშვებზე. 

შეხვედრა მონაწილეთა აქტიური ჩართულობით წარიმართა. ფსიქოლოგმა ყველა წამოწეულ პრობლემაზე რეკომენდაცია გასცა. შეხვედრამ მიზანს მიაღწია - ბებიები ძალიან კმაყოფილები დარჩნენ.

პროექტი ხორციელდება  ორგანიზაცია Brot für die Welt - Evangelischer 

Entwicklungsdienst მხარდაჭერით (გერმანია)

ძალიან მოგვწონს ჩვენი: მშვიდობა შინ და მშვიდობა გარეთ! 

ბოლო წლებში 16-დღიანი აქტიური კამპანიის ერთ-ერთი სლოგანი იყო „სახლში მშვიდობიდან - მსოფლიოში მშვიდობამდე“.

ჩვენ ეს კარგი სურვილი და მოწოდება კიდევ უფრო გავაქართულეთ: მშვიდობა შინ და მშვიდობა გარეთ! (როგორც დიდებული: „მზე შინა და მზე გარეთა, მზევ, შინ შემოდიო!“).

კამპანიის დღეებში ჩვენს ფეისბუქგვერდზე https://www.facebook.com/WFSukhumi განთავსდა 43 ნიუსი. მკითხველს ვუამბობდით კამპანიის მიზანზე, არსზე, კამპანიის პერიოდში აღსანიშნავ  თარიღებზე, ჩვენს აქტივობებზე. აქ იყო ფოტო და ვიდეომასალები ჩვენი მდიდარი არქივიდან.  ყველა პოსტს ლაიტმოტივად გასდევდა პროტესტი ძალადობის მიმართ.

პროექტი ხორციელდება  ორგანიზაცია Brot für die Welt - Evangelischer 

Entwicklungsdienst მხარდაჭერით (გერმანია)

16-დღიანი კამპანიის დროს ჩაატარეს სხვადასხვა ფორმატის შეხვედრები და დებატები, მოაწყვეს თემატური ფილმების ჩვენება და დისკუსიები, მოაზადეს სოციალური გზავნილებით დატვირთული ნახატები.

თემის ლიდერებმა აქტიურად გაუზიარეს შეხვედრების მონაწილეებს საჭირო ინფორმაცია - უფლებრივ საკითხები და სერვისები, რომლებიც ძალადობის რისკის ქვეშ მყოფ ქალებს ეხმარება.

აქტივობების ძირითადი მიმართულებები იყო ქალთა მიმართ ძალადობის პრევენცია, ცნობიერების ამაღლება და უსაფრთხო, არაძალადობრივი გარემოს უზრუნველყოფა.

პროცესში ჩაერთნენ სხვადასხვა თაობის და პოზიციის ადამიანები. საერთაშორისო პროტესტის ფონზე კიდევ უფრო ძლიერად ისმოდა მათი მესიჯი: არა ქალთა მიმართ ძალადობას!

პროექტი ხორციელდება  ორგანიზაცია Brot für die Welt - Evangelischer 

Entwicklungsdienst მხარდაჭერით (გერმანია)

სასიხარულო იყო ფინალური შეხვედრა სენაკში. დასრულდა ჭრა-კერვის საბაზისო კურსი. ორი თვის განმავლობაში ქალებმა ძალიან ბევრი რამ ისწავლეს და ბოლოს სერტიფიკატებიც მიიღეს.

ყოველ მათგანს კარგი თეორიული და პრაქტიკული საფუძველი აქვს და აწი ყველაფერი მათ მონდომებაზეა დამოკიდებული. 

პროექტი ხორციელდება  ორგანიზაცია Brot für die Welt - Evangelischer 

Entwicklungsdienst მხარდაჭერით (გერმანია)