ფორუმ-თეატრმა ორი წარმოდგენა გამართა ქუთაისის ცენტრალურ პარკებში. მაყურებელი ჩაერთო დისკუსიებში. ყველაზე აქტიური დისკუსიები წარიმართა ოჯახური ძალადობის თემაზე. აქედანაც ჩანს, რომ ეს პრობლემა აქტუალურია საზოგადოებისთვის.
ფორუმ-თეატრის მსახიობთა ჯგუფს დაემატა ახალი წევრები, რომელთა გადამზადებაც დაიწყო. წარმოდგენების პარალელურად, ახალგაზრდები აქტიურად ატარებენ რეპეტიციებს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
თბილისიდან 80-მდე ყუთი ჩამოვიდა - ტანსაცმელი, სათამაშოები, ფეხსაცმელი, სასკოლო ნივთები.
რამდენიმე დღე ალაგებდნენ ქალთა ფონდი „სოხუმის“ თანამშრომლები საჩუქრებს - მოხდა მათი გადარჩევა ასაკის თუ სეზონის მიხედვით. ეს საჩუქარი მივიღეთ ორგანიზაციისგან „ქალები სამართლიანობისათვის“ (დონორი - Orphan Grain Foundation).
ჩვენი ორგანიზაცია ქველმოქმედებას საკუთარი ძალებით უმკლავდებოდა. ახლა კი მიიღო საკმაოდ სერიოზული მხარდაჭერა და სარეაბილიტაციო ცენტრის ბენეფიციარებს, ქალთა მხარდაჭერის ცენტრების აქტივისტებს და ურთიერთდახმარების ჯგუფების წევრებს ტანსაცმელი საჩუქრად გადაეცემა.
სარეაბილიტაციო ცენტრის ბენეფიციარებმა მადლიერება გამოხატეს:
„საჩუქარი ყოველთვის სასურველია და დროული. თან ასე ხარისხიანი და პრაქტიკული. მეც გამომადგება და ჩემს ბიჭებსაც.“
„მე და ჩემს შვილებს ხშირად გვაქვს ტანსაცმლის პრობლემა. კიდევ კარგი, კეთილი ადამიანები გვეხმარებიან და ასე ვართ. გაგვახარა ამ საჩუქარმა ძალიან“.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდი „სოხუმის“ ფსიქოლოგის შეხვედრები გაიმართა ვანის, ქობულეთის, ჩოხატაურის, ზუგდიდის და წალენჯიხის ქალთა მხარდაჭერის ცენტრებში. შეხვედრები, ძირითადად, იყო ჯგუფური ფორმატი - ერთი იყო ინლაინ ჩართვა, ასევე ინდივიდუალური შეხვედრები ბავშვების საჭიროებების საფუძველზე.
შეხვედრების ძირითადი თემა იყო ,,როგორი მახასიათებლებით გამოირჩევიან მოძალადეები“. აღინიშნა, რომ, შესაძლოა, მათ უმრავლესობას ბავშვობაში აკლდა მხარდაჭერა და აღზრდა, ჰქონდა დაბალი თვითშეფასება, იმყოფებოდა სოციალურ იზოლაციაში. როცა მათი თვითდაკმაყოფილება დაბალია, მათ ძალიან სჭირდებათ სხვების ემოციური მხარდაჭერა.
ფსიქოლოგის შეხვედრების მთავარი ფოკუსი იყო ოჯახური ურთიერთობები, ცოლ-ქმრული დამოკიდებულებები... ამ თემებზე საუბარი შეხვედრების მონაწილეებისთვის საინტერესო აღმოჩნდა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდმა „სოხუმმა“ ქობულეთის მუნიციპალიტეტში მრგვალი მაგიდა გამართა ადგილობრივი რეფერირების სუბიექტების წარმომადგენლების მონაწილეობით (ორგანიზატორი - მუნიციპალური გენდერული საბჭო).
შეკრებილებმა ისაუბრეს ძალადობის პრევენციასა და ძალადობის მსხვერპლთა დაცვაზე, იმსჯელეს ოჯახში ძალადობის კუთხით არსებულ სიტუაციასა და სოციალურ თანამშრომლობაზე იმსჯელეს.
ძირითადი აქცენტი გაკეთდა ადგილობრივ სტრუქტურებს შორის პარტნიორობაზე ოჯახში ძალადობის პრობლემის მოგვარებისთვის.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
გენდერი, გენდერული ძალადობა, ძალადობის იდენტიფიკაცია, ბავშვთან კომუნიკაცია და რეფერირების ეტაპები, სამართლებრივი მექანიზმები და საერთაშორისო დოკუმენტები, პედაგოგების როლი ძალადობის პრევენციაში - ეს საკითხები განიხილეს ტრენინგზე, რომელიც ქუთაისში, ქალთა ფონდი „სოხუმის“ ოფისში ჩატარდა პედაგოგებისთვის.
მონაწილეები წარმოადგენდნენ 6 მუნიციპალიტეტს (ჩოხატაური, ვანი, ხონი, ზუგდიდი, წყალტუბო და ბაღდათი). ისინი აქტიურად ჩაერთნენ სამუშაო პროცესში, დისკუსიებში, ერთმანეთს უზიარებდნენ თავიანთ გამოცდილებას.
აღინიშნა, რომ ტრენინგის მონაწილეები თავიანთ სკოლებში დანერგავენ გენდერულ მიდგომებს, ხელს შეუწყობენ სტერეოტიპების მსხვრევას და ძალადობის პრევენციას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ოქტომბერში ახალმა ახალგაზრდულმა ჯგუფებმა დაიწყეს მუშაობა. ტრენინგები გაიმართა ხობის, თერჯოლის, სამტრედიის, სენაკის და ვანის მუნიციპალიტეტების ახალგაზრდობის გაძლიერების ცენტრებში.
პირველ შეხვედრებზე მონაწილეებმა ერთმანეთი გაიცნეს და საინტერესო თემებიც განიხილეს. ისინი აქტიურად ჩაერთნენ სატრენინგო პროცესში, ისაუბრეს ინიციატივებსა და ღონისძიებებზე, რომელთაც ჩაატარებენ კურსის ფარგლებში. შეხვედრებს ესწრებოდა რამდენიმე პედაგოგი და მშობელი.
ტრენერები იმედოვნებენ, რომ ახალ ჯგუფებთან ექვსთვიანი მუშაობა ისეთივე ნაყოფიერი იქნება, როგორც წინა ჯგუფებთან.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდი „სოხუმის“ ახალი სოციალური კლიპი ასახავს იმ მნიშვნელოვან სტრატეგიებს და მოქმედებებს, რაც განმსაზღვრელია ქალთა მიმართ ოჯახში ძალადობის პრევენციის ეფექტიანობისთვის და ჩვენი ორგანიზაციის მუშაობის უმთავრეს მიმართულებებს წარმოადგენს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
საქართველოს ადგილობრივ თვითმმართველობათა ეროვნულმა ასოციაციამ (ათეა), გაეროს ქალთა ორგანიზაციისა და შვეიცარიის განვითარებისა და თანამშრომლობის სააგენტოს მხარდაჭერით გამართა ეროვნული კონფერენცია - „გენდერული თანასწორობის დღის წესრიგი ადგილობრივ დონეზე: ძირითადი გამოწვევები და სამოქმედო ნაბიჯები“. მაღალი დონის კონფერენციაში მონაწილეობას იღებდნენ მუნიციპალიტეტების ხელმძღვანელი პირები, საკანონმდებლო და აღმასრულებელი ხელისუფლების, ასევე საერთაშორისო და ადგილობრივი სამოქალაქო საზოგადოების ორგანიზაციების წარმომადგენლები.
კონფერენციას ესწრებოდა ქალთა ფონდი „სოხუმის“ წარმომადგენელი ეკატერინე გამახარია, რომელმაც სადისკუსიო ნაწილში ყურადღება გაამახვილა სოფლებში მერის წარმომადგენლების და ბავშვთა უფლებების დაცვის განყოფილებების როლის გაზრდის აუცილებლობასა და აღნიშნული რგოლის გაძლიერებაზე ქალთა უკეთ ინფორმირების, მათ საჭიროებებებზე მორგებული ადგილობრივი პოლიტიკის დანერგვის და ადგილობრივ დონეზე ქალთა მიმართ ოჯახში ძალადობის პრევენციისა და დაცვის ეფექტიანი მექანიზმების ამოქმედების საქმეში.
აღსანიშნავია, რომ კონფერენციის დასასრულს, ათეას ადვოკატირებით, ადგილობრივ ცხოვრებაში ქალთა და კაცთა თანასწორობის შესახებ ევროპულ ქარტიას, რომელსაც დღემდე 26 თვითმმართველი ერთეული შეუერთდა, კიდევ 5-მა ქართულმა მუნიციპალიტეტმა მოაწერა ხელი. ამჯერად დოკუმენტს მიუერთდნენ ზუგდიდის, ზესტაფონის, ჩოხატაურის, სამტრედიისა და ბაღდათის თვითმმართველი ერთეულები, რითაც დაადასტურეს გენდერული თანასწორობის პრინციპების დაცვის მზაობა და მხარდაჭერა საკუთარ მუნიციპალიტეტებში.
სასტუმრო „თბილისი რუმსში“ გაეროს ქალთა ორგანიზაციისა და სამოქალაქო საზოგადოების პარტნიორ ორგანიზაციების - იძულებით გადაადგილებულ ქალთა ასოციაცია „თანხმობის“, ქალთა საინფორმაციო ცენტრის და ქალთა ფონდი „სოხუმის“ ორგანიზებით გაიმართა იძულებით გადაადგილებული და კონფლიქტის შედეგად დაზარალებული ქალებისა და ახალგაზრდების გადაუდებელი საჭიროებების მოგვარების თაობაზე ადვოკატირების გაფართოებული შეხვედრა.
ღონისძიებაში მონაწილეობდნენ ეროვნული და ადგილობრივი ხელისუფლების წარმომადგენლები, სახალხო დამცველი; საქართველოს ადგილობრივ თვითმმართველობათა ეროვნული ასოციაცია; ადგილობრივი ხელისუფლება სამიზნე მუნიციპალიტეტებიდან; გარდა ამისა, შეხვედრას ესწრებოდნენ საერთაშორისო ორგანიზაციები, საქართველოში მოქმედი დონორი ორგანიზაციები, ქალების, მშვიდობისა და უსაფრთხოების დღის წესრიგზე მომუშავე საერთაშორისო არასამთავრობო ორგანიზაციები, კერძო სექტორი - ქალთა გაძლიერების პრინციპების ხელმომწერი კომპანიები, ქალთა ადგილობრივი ორგანიზაციები, იძულებით გადაადგილებული და კონფლიქტი შედეგად დაზარალებული ქალები - თემის ლიდერები.
შეხვედრაზე ყურადღება გამახვილდა ეროვნულ სამოქმედო გეგმაში ასახულ ძირითად აქტივობებზე და იძულებით გადაადგილებული და კონფლიქტის შედეგად დაზარალებული ქალებისა და ახალგაზრდების კეთილდღეობაზე, რომლებიც ცხოვრობენ გამყოფ ხაზთან და დევნილთა დასახლებებში.
საქართველოს პარლამენტში გაიმართა გენდერული თანასწორობის მუდმივმოქმედი საპარლამენტო საბჭოს პრეზენტაცია - „საქართველოში ქალების, მშვიდობისა და უსაფრთხოების დღის წესრიგის განხორციელება“. ანგარიში მომზადდა გაეროს ქალთა ორგანიზაციის (UN Women) პროექტის - „ქალების, მშვიდობისა და უსაფრთხოების დღის წესრიგის ეფექტიანი განხორციელებისათვის საქართველოში“ ფარგლებში, რომელიც დიდი ბრიტანეთის მთავრობის კონფლიქტის, სტაბილურობისა და უსაფრთხოების ფონდის (CSSF) მიერ არის დაფინანსებული.
მოხსენება საბჭოს წევრმა, თეონა აქუბარდიამ წარადგინა. პრეზენტაცია სიმბოლურად სწორედ 27 სექტემბერს, სოხუმის დაცემის დღეს დაამთხვიეს.
ღონისძიების მონაწილეებმა წუთიერი დუმილით პატივი მოაგეს ომში დაღუპულთა ხსოვნას.
პრეზენტაციას ესწრებოდნენ:პარლამენტის წევრები, აღმასრულებელი ხელისუფლების, დიპლომატიური კორპუსის, საერთაშორისო ორგანიზაციების და სამოქალაქო საზოგადოების წარმომადგენლები. აღნიშნულ შეხვედრაში ქალთა ფონდი „სოხუმიდან“ მონაწილეობდა თბილისის წარმომადგენლობის ხელმძღვანელი ეკატერინე გამახარია.