ფონდი „სოხუმის“ ორგანიზებული ქალთა სამშვიდობო კოალიციის წევრების სამუშაო შეხვედრა ჩატარდა. კიდევ ერთხელ მოხდა ზუგდიდის მუნიციპალიტეტში იგპ და კონფლიქტით დაზარალებული ქალების და გოგონების საჭიროებათა კვლევის მიგნებების განხილვა და შეირჩა კონკრეტული პრობლემები, რომელთა ადვოკატირების ერთთვიანი კამპანიებიც ჩატარდება.
ადვოკატირების კამპანიას 7 ჯგუფი ჩაატარებს:- კოალიციის წევრი ორგანიზაციები და ქალთა საინიციატივო ჯგუფები.
იმ საკითხების ჩამონათვალში, რომელთა ადვოკატირებაც იწყება, არის ახალგაზრდული სივრცის შექმნა გამყოფი ხაზის თემში, სოციალური ინფრასტრუქტურა დევნილთა ახალი განსახლების ადგილას, წყალმომარაგების, ამბუალატორიაში ხარისხიანი მომსახურების ხელმისაწვდომობის, ოჯახში ძალადობის მსხვერპლთა დაცვის მუნიციპალური ღონისძიებების საკითხები.
ადვოკატირების ჯგუფებმა უკვე დაიწყეს კამპანიის მოსამზადებელი სამუშაოები და საჭირო ინფორმაციის მოძიება.
პროექტი ხორციელდება ორგანიზაცია „ქალები ქალებისათვის“
(Kvinna till Kvinna) მხარდაჭერით (შვედეთი)
15-25 ოქტომბერს ჩატარდა შეხვედრების სერია ქალთა სამშვიდობო კოალიციის წევრებთან და სხვა ჯგუფებთან, რომლებიც დაინტერესდნენ ფონდი „სოხუმის“ და ქალთა სამშვიდობო კოალიციის პროექტით.
პროექტის მომდევნო ეტაპი ითვალისწინებს ადვოკატირების კამპანიებს ზუგდიდის მუნიციპალიტეტში იმ საკითხების გარშემო, რომლებიც ფონდი „სოხუმის“ მიერ გამოიკვეთა იგპ და კონფლიქტით დაზარალებული ქალების და გოგონების საჭიროებების კუთხით.
შეხვედრების მონაწილეებმა წარმოადგინეს იდეები, რომელთა პრიორიტეტიზაციის შემდეგ მოხდება ადვოკატირების გეგმების შედგენა და დაიწყება ადვოკატირების კამპანიები.
პროექტი ხორციელდება ორგანიზაცია „ქალები ქალებისათვის“
(Kvinna till Kvinna) მხარდაჭერით (შვედეთი)
დასრულდა „ონლაინ ხმის მრიცხველის - ამომჩევლის რჩევის აპლიკაცია“ 2021 წლის ადგილობრივი თვითმმართველობის არჩევნებისთვის ზუგდიდის მუნიციპალიტეტში პირველი ეტაპი.
აპლიკაციაში ასახული პასუხების თანახმად, მოსახლეობის 8️3%-ს მიაჩნია, რომ ზუგდიდის მუნიციპალიტეტში საჭიროა ელექტრონული მომსახურების გაუმჯობესება და ადგილობრივ ელექტრონულ პროგრამებსა და სერვისებზე მოსახლეობის ხელმისაწვდომობის გაზრდა. ამდენივეს აზრით, აუცილებელია სოფლებში არსებული ამბულატორიების ინფრასტრუქტურული, ტექნიკური და ადამიანური რესურსების საჭიროებების შეფასება და მათი სათანადო ფუნქციონირების უზრუნველყოფა. 8️0️% აფიქსირებს, რომ ადგილობრივი თვითმმართველობა უნდა ჩაერთოს რეგიონში COVID–19-ის პანდემიის პროფილაქტიკისა და მის შედეგებთან ბრძოლის საქმეში. 7️8% ფიქრობს, რომ ქალები პროპორციულად უნდა იყვნენ ჩართულნი ადგილობრივ მუნიციპალიტეტში მმართველ და გადაწყვეტილების მიმღებ თანამდებობებზე.
ზუგდიდის ამომრჩეველს კიდევ აქვს შესაძლებლობა, გაიგოს, რომელი პარტია დგას ყველაზე ახლოს მათ შეხედულებებთან და გააკეთოს გაცნობიერებული არჩევანი მეორე ტურშიც.
აპლიკაციას იპოვით აქ: http://onlinemricxveli.ge/vote/voting/2021-2/
პროექტი ხორციელდება ორგანიზაცია „ქალები ქალებისათვის“
(Kvinna till Kvinna) მხარდაჭერით (შვედეთი)
ადგილობრივი თვითმმართველობის არჩევნებისთვის ზუგდიდის მუნიციპალიტეტში ფონდმა „სოხუმმა“ დანერგა ევროპაში წარმატებული მოდელი - ონლაინ „ხმის მრიცხველი“ - ამომრჩევლის რჩევის აპლიკაცია წინასაარჩევნოდ ამომრჩეველთა ინფორმირების მიზნით.
ფონდი „სოხუმის“ თბილისის წარმომადგენლობა აქტიურად თანამშრომლობს პოლიტიკურ პარტიებთან. აპლიკაციის შევსებაში მონაწილეობა მიიღეს შემდეგმა პოლიტიკურმა სუბიექტებმა: „შალვა ნათელაშვილი - საქართველოს ლეიბორისტული პარტია“, „გირჩი - მეტი თავისუფლება“, „ლელო საქართველოსთვის“, „გიორგი ვაშაძე - სტრატეგია აღმაშენებელი“, „ევროპული საქართველო“, მპგ „ქართული ოცნება - დემოკრატიული საქართველო“, „ერთიანი ნაციონალური მოძრაობა“.
პროექტი ხორციელდება ორგანიზაცია „ქალები ქალებისათვის“
(Kvinna till Kvinna) მხარდაჭერით (შვედეთი)
ფონდი „სოხუმის“ ახალგაზრდა აქტივისტები საინფორმაციო კამპანიას ატარებენ, რომლის მიზანი ზუგდიდის ამომრჩევლებისთვის „ონლაინ ხმის მრიცხველზე“ ინფორმაციის მიწოდება და მისი შევსების ინსტრუქციის გაცნობაა.
აგრარულ ბაზარში, საჯარო თავშეყრის ადგილებში, უბრალო გამვლელებთან კომუნიკაცია საშუალებას იძლევა, მეტ ადამიანს მისწვდეს ინფორმაცია „ამომრჩევლის რჩევის აპლიკაციაზე“.
პროექტი ხორციელდება ორგანიზაცია „ქალები ქალებისათვის“
(Kvinna till Kvinna) მხარდაჭერით (შვედეთი)
„ონლაინ ხმის მრიცხველის“ აპლიკაციის თაობაზე პროექტის პარტნიორმა ორგანიზაცია „იმედმა“ ზუგდიდში მცირე ჯგუფებთან და ინდივიდუალურ პირებთან შეხვედრები ჩაატარა.
ზოგიერთმა ახალგაზრდამ ადგილზევე შეავსო აპლიკაცია, რაც მათთვის ძალიან საინტერესო აღმოჩნდა. მათ გამოთქვეს სურვილი, რომ აუცილებლად ჩართავენ სხვებსაც, რადგან საინტერესო პროცესია მოქალაქეების ხედვის შეჯერება პარტიის პროგრამებთან. აპლიკაცია აქტიურია და ნებისმიერ დროს შეუძლიათ შეავსონ და ინფორმაცია გაუზიარონ ახლობლებს.
პროექტი ხორციელდება ორგანიზაცია „ქალები ქალებისათვის“
(Kvinna till Kvinna) მხარდაჭერით (შვედეთი)
„ამომრჩევლის რჩევის აპლიკაციაზე“ კიდევ ერთი საინფორმაციო შეხვედრა ჩატარდა. ამჯერად - კორცხელის ახალგაზრდული კლუბის, მომავალ მეწარმეთა კლუბის წევრებთან. ახალგაზრდებს ბევრი კითხვა ჰქონდათ და შეხვედრა ინტერაქტიულად წარიმართა. შეხვედრის მონაწილეთა ნაწილი ასაკის გამო არჩევნებში მონაწილეობას ვერ მიიღებს, თუმცა მათთვის ეს ინფორმაცია მნიშვნელოვანია ორი მიზეზის გამო: მათ ადვილად შეუძლიათ, დახმარება გაუწიონ აპლიკაციით დაინტერესებული უფროსი თაობის ადამიანებს და მსგავსი პლატფორმების დახმარებით, რამდენიმე წელიწადში ისინი გააზრებულად მიიღებენ გადაწყვეტილებას საარჩევნო ყუთებთან.
პროექტი ხორციელდება ორგანიზაცია „ქალები ქალებისათვის“
(Kvinna till Kvinna) მხარდაჭერით (შვედეთი)
ზუგდიდის მუნიციპალიტეტში „ამომრჩევლის რჩევის აპლიკაცია“ დაინერგა 2021 წლის ადგილობრივი თვითმმართველობის არჩევნებისთვის.
ეს ფონდი „სოხუმის“ მეორე აპლიკაციაა. პირველი წარმატებით გაააქტიურა 2020 წლის საპარლამენტო არჩევნებისთვის - 70 000-ზე მეტმა ამომრჩეველმა ისარგებლა პლატფორმით და მიიღო ინფორმაცია პოლიტიკური სუბიექტების პროგრამებზე.
უკვე დასრულდა მოსაზადებელი მუშაობა: დაიბეჭდა საინფორმაციო ფურცლები, შემუშავდა შეკითხვები და აისახა პოლიტიკური სუბიექტების პასუხები, მზადაა ვიდეორგოლი-ინსტრუქცია, ზუგდიდის მუნიციპალიტეტში ჩატარდა და კიდევ ტარდება საინფორმაციო შეხვედრები.
http://onlinemricxveli.ge/ - „ონლაინ ხმის მრიცხველი“ უკვე ხელმისაწვდომია!
ახლა ჯერი ზუგდიდელ ამომრჩევლებზეა...
პროექტი ხორციელდება ორგანიზაცია „ქალები ქალებისათვის“
(Kvinna till Kvinna) მხარდაჭერით (შვედეთი)
ზუგდიდის მუნიციპალიტეტის ამომრჩევლებთან საინფორმაციო შეხვედრების ციკლი გრძელდება. ფორმატი - ისევ შერეულია.
ქალთა სამშვიდობო კოალიციის წევრი ორგანიზაცია „მერკურის“ ძალისხმევით ფონდი „სოხუმის“ მიერ დანერგილ ონლაინ პლატფორმაზე ინფორმაცია მიიღეს სამოქალაქო საზოგადოების წარმომადგენლებმა: იძულებით გადაადგილებულმა პირებმა, კონფლიქტისპირა სოფლის მცხოვრებლებმა, კერძო სექტორის წარმომადგენლებმა.
მეორე შეხვედრა ახალგაზრდებთან შედგა. მათ საარჩევნო თემატიკის მიმართ ინტერესი გამოხატეს და გამოთქვეს სურვილი - უფროსი თაობის ადამიანებს, ვინც ცუდად ერკვევა თანამედროვე ტექნოლოგიებში, დაეხმარონ პლატფორმით სარგებლობაში.
პროექტი ხორციელდება ორგანიზაცია „ქალები ქალებისათვის“
(Kvinna till Kvinna) მხარდაჭერით (შვედეთი)
ზუგდიდში ფონდი „სოხუმის“ ონლაინ აპლიკაციის გაცნობის მიზნით მორიგი შეხვედრა ახალგაზრდა ამომრჩევლებთან ჩატარდა.
ახალგაზრდებმა დისკუსიის ფორმატი აირჩიეს და საკუთარი „დაკვეთაც“ გააჟღერეს პოლიტიკურ პარტიებთან: „სასურველია, პოლიტიკურმა პარტიებმა მუნიციპალიტეტში ჯანსაღი ცხოვრების წესის დამკვიდრებისათვის პრევენციული პროგრამები განახორციელონ“, „ხელი შეუწყონ ახალგაზრდების სამოქალაქო აქტივიზმს“, „სოფლებში არსებულ უფუნქციო ძველ შენობებში ახალგაზრდული სივრცეები მოაწყონ“, „კარგი იქნება ახალგაზრდებისთვის მცირე ბიზნესის ხელშეწყობა და მხარდაჭერა“.
შეხვედრა პროექტის პარტნიორი ორგანიზაციის დევნილ ქალთა ასოციაცია „იმედის“ ორგანიზებით ჩატარდა.
პროექტი ხორციელდება ორგანიზაცია „ქალები ქალებისათვის“
(Kvinna till Kvinna) მხარდაჭერით (შვედეთი)