„კანონის ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების შესახებ“ მონიტორინგის ფარგლებში თებერვალში ჩატარდა ორი ჩაღრმავებული ინტერვიუ ქალაქ ფოთის შსს საქალაქო სამმართველოს უბნის ინსპექტორ-გამომძიებელთან და ლანჩხუთის მუნიციპალიტეტის შინაგან საქმეთა სამინისტროს საქალაქო სამმართველოს უფროსთან და ინსპექტორ გამომძიებლებთან. თვისობრივი ინფორმაციის მიღების მიზნით გაიმართა ფოკუს ჯგუფი საზოგადოებისა და შსს წარმომადგენლების ჩართულობით. მოხდა ინფორმაციის გამოთხოვა შსს-დან შემაკავებელი ორდერების გამოცემისა და დარღვევის სტატისტიკასთან დაკავშირებით. ღონისძებების მიზანი იყო იმის გამოკვეთა, თუ როგორია შსს ჩართულობა კანონის იმპლემენტაციაში.

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

11 მარტს ქუთაისის ერთ-ერთ კოლექტიურ ცენტრში (ნიკეას ქუჩაზე მდებარე ყოფილი ბაგა-ბაღი) ჩატარდა იურიდიულ-საკონსულტაციო შეხვედრა.
გარეთა ფასადის გარემონტების, კანალიზაციის გამოცვლის და ფანჯრების ჩასმის შემდეგ დევნილებს საკუთრებაში გადაეცათ ფართები. ამ კოლექტიურ ცენტრში მცხოვრებთ მიიღეს სხვადასხვა სახის ინდივიდუალური იურიდიული კონსულტაციები. საერთო პრობლემა კი ის არის, რომ ეზოში შემოდის მსხვილფეხა საქონელი და ანადგურებს ხეებსა და ყვავილებს.შეხვედრის მონაწილეთა სურვილით დაიწერა განცხადება მერიაში, რათა მათთვის გაიცეს თანხა ან გამოიყოს შემოღობისათვის საჭირო მასალა.

ზუგდიდის სამხარეო ადმინისტრაციის დარბაზში, 18 ივლისს ფონდი „სოხუმის“ ორგანიზებით ჩატარდა ინფორმაციის და გამოცდილების გაცვლის შეხვედრა სამეგრელო-ზემო სვანეთის თვითმმართველობებთან, ადგილობრივი და საერთაშორისო ორგანიზაციების მონაწილეობით. ამ ფორმატის ეს რიგით მეორე შეხვედრაა - პირველი ქუთაისში გაიმართა იმერეთის ადგილობრივი თვითმმართველობების მონაწილეობით.

ფონდი „სოხუმის“  წარმომადგენლებმა შეხვედრის მონაწილეებს გააცნეს პროექტი, რომელიც ხორციელდება ვიშეგრადის ფონდის მხარდაჭერით და მიმართულია ადგილობრივ დონეზე თანაბარი, ინკლუზიური და დემოკრატიული მმართველობის ადვოკატირებისაკენ ევროპის მოწინავე ქვეყნების გამოცდილებაზე დაყრდნობით.  

ინტერესი გამოიწვია საკითხმა, როგორია ჩეხეთის გამოცდილება ადგილობრივ დონეზე თანაბარ მართვაში მოქალაქეთა  ჩართულობის კუთხით და რა „გენდერული მარკერები“ გამოიყენება პროგრამებში ჩართულთა სოციალურ-დემოგრაფიული სურათის ანალიზისთვის;  რა პრაქტიკა არსებობს ქართულ სინამდვილეში სამოქალაქო მონაწილეობის თვალსაზრისით და როგორია ამ მიმართულებით  ადგილობრივი ხელისუფლების, სამოქალაქო ჯგუფების, საერთაშორისო ორგანიზაციების თანამშრომლობის რეზულტატები - PIN სოციალური ჩართულობის პროექტის,  გაეროს განვითარების პროგრამის  წარმატებული პრაქტიკის მაგალითზე - ადგილობრივი სამოქალაქო ჯგუფების მონაწილეობით.  

საუბარი შეეხო საკითხს, რამდენად ქმედით მექანიზმს  წარმოადგენს დემოკრატიული მმართველობის ხელშეწყობისათვის მუნიციპალური გენდერული თანასწორობის საბჭოები, რომლის ინსტიტუციონალიზაციაშიც  ფონდ „სოხუმს“ უდიდესი წვლილი მიუძღვის და როგორ ხდება მუნიციპალიტეტების მხრიდან ორგანიზაციის ექსპერტიზის და  გამოცდილების გამოყენება.

შეხვედრის მასალები სასარგებლო იქნება პროექტით დასახული მიზნებისა და ამოცანების შესასრულებლად, რაც თანხვედრაშია სახელმწიფო პოლიტიკის დეკლარირებულ პრინციპებთან - მოხდეს  გენდერულ სფეროში სახელმწიფო პოლიტიკის ძირითადი მიმართულებების განსაზღვრა და ახალი კონცეფციების მიღების მხარდაჭერა;  გენდერული თანასწორობის სფეროში საკანონმდებლო ბაზის შექმნა, გენდერული განვითარების უზრუნველყოფა და საერთაშორისო ხელშეკრულებებთან ჰარმონიზაციის ხელშეწყობა.  

პროექტი ხორციელდება ვიშეგრადის ფონდის მხარდაჭერით

6 აპრილს ფონდი „სოხუმი“ წყალტყუბოში იმყოფებოდა. №2 ბაღს გადაეცა: ტანსაცმლის კარადა - 3 ერთეული,  2 თარო წიგნებისათვის, პედაგოგების სკამები - 12 ცალი, საბავშვო სკამები - 100 ცალი, საბავშვო მაგიდები - 20 ცალი და სასწავლო-სააღმზრდელო წიგნები.

ინვენტარის გადაცემა მოხდა პროექტის „გაუმჯობესებული პირობები დევნილთა თემისათვის“ ფარგლებში (ჩეხური არასამთავრობო ორგანიზაცია PIN-ის პროექტი „ახალგაზრდული ჩართულობა და სოციალური ანგარიშვალდებულება“, მსოფლიო ბანკის მხარდაჭერით).

ღონისძიებას ესწრებოდნენ წყალტუბოს მუნიციპალიტეტის საკრებულოს წევრები, აიპი წყალტუბოს საბავშვო ბაღების გაერთიანების ხელმძღვანელი და ადმინისტრაცია, ბაღის  მენეჯერი და  პედაგოგები.

თვითმმართველობის წარმომადგენლებმა და ბაღების გაერთიანების თანამშრომლება აღნიშნეს, რომ პროექტი პირდაპირაა მიმართული ბავშვების სააღმზრდელო გარემოს გაუმჯობესებისაკენ, მომავალზე ზრუნვა კი მეტად მნიშვნელოვანია.

პროექტი ხორციელდება ჩეხური ორგანიზაცია „ადამიანი გაჭირვებაში“ მხარდაჭერით (დონორი - მსოფლიო ბანკი)

ქალთა მხარდაჭერის ცენტრები აგრძელებენ თვითმმართველობის ორგანოებთან თანამშრომლობას. მობილიზატორები ესწრებიან საკრებულოს სხდომებს, ეცნობიან თვითმმართველობის პროგრამებს, საკრებულოს სხდომაზე განხილულ ინფორმაციებს და სამობილიზაციო შეხვედრების დროს ბენეფიციარებს აწდიან მიღებულ ინფორმაციებს.

მობილიზატორები აქტიურად თანამშრომლობენ სოფლის რწმუნებულებთან. მათი მხარდაჭერით ხდება სამობილიზაციო შეხვედრების ორგანიზება სოფლებში. მაგალითად, ასე ჩატარდა შეხვედრები აპრილში ხომულსა და სოფელ წყალტუბოში (წყალტუბოს მუნიციპალიტეტი), თეკლათსა და ბათარიაში (სენაკის მუნიციპალიტეტი),  გოჩა ჯიხაიშსა და ქუტირში (ხონის მუნიციპალიტეტი).

თბილისში მრგვალი მაგიდის ფორმატში ჩატარდა ექსპერტული კვლევის პრეზენტაცია, რომელშიც მონაწილეობა მიიღო ფონდი „სოხუმის“ თავმჯდომარემ ალლა გამახარიამ. პრეზენტაციას დაესწრნენ საქართველოს პარლამენტის წევრები, ჩეხეთის რესპუბლიკის ელჩი საქართველოში ტომაშ პერნიცკი, ადგილობრივი ხელისუფლების, აფხაზეთის ავტონომიური რესპუბლიკის მთავრობის, საერთაშორისო და სამოქალაქო საზოგადოების ორგანიზაციების წარმომადგენლები.

ექსპერტული კვლევა - სოციალური მომსახურების ხელმისაწვდომობის შესახებ ჩეხური არაკომერციული ორგანიზაცია People In Need-ის დაკვეთით, სამოქალაქო საზოგადოების ინსტიტუტმა განახორციელა ხონის, ტყიბულის, გორისა და ზუგდიდის მუნიციპალიტეტებში.

პრეზენტაცია შეეხო სოციალური მომსახურების სისტემის მიმოხილვას და გამოწვევებს, როგორც ცენტრალურ, ასევე ადგილობრივ დონეზე. შეხვედრაზე მოკლედ მიმოიხილეს დევნილთა რეფორმის პროექტი. გამოიკვეთა რეფორმის დადებითი და უარყოფითი მხარეები.

PIN-ის სოციალური პროექტი ევროკავშირისა და ჩეხეთის რესპუბლიკის საგარეო საქმეთა სამინისტროს დაფინანსებით ხორციელდება.

პროექტი ხორციელდება ჩეხური ორგანიზაცია „ადამიანი გაჭირვებაში“ PIN მხარდაჭერით 

2 თებერვალს ქუთაისის ქალთა საინიციატივო ჯგუფი შეიკრიბა. ჯგუფის წევრები გაეცნენ ერთწლიან  სამუშაო გრაფიკს. გრაფიკი ითვალისწინებს იმ პრობლემებზე მუშაობას და ადვოკატირებას, რომლებიც საფრთხეს უქმნიან ქალებს. განისაზღვრა ჯგუფის წევრების კომუნიკაცია ადგილობრივ თემთან და მისი ინფორმირება. ასევე - ადგილობრივ სტრუქტურებთან თანამშრომლობა, ინფორმაციის გაცვლა.

საინიციატივო ჯგუფმა პრობლემების იდენტიფიკაციაზეც იმუშავა. ჩამონათვალში მოხვდა სოციალური პრობლემები, საზოგადოებრივი ტრანსპორტის კომფორტული მუშაობის გრაფიკი, ქალთა უსაფრთხოების საკითხები.

მონაწილეებმა ადვოკატირების გეგმა შეიმუშავეს. პროცესში ჯგუფის წევრები აქტიურად იქნებიან ჩართულნი და პრობლემის მოგვარებას ადგილობრივ თვითმმართველობებთან თანამშრომლობით შეეცდებიან.

პროექტი ხორციელდება აშშ საელჩოს მხარდაჭერით

შეხვედრა თბილისში, საქველმოქმედო ჰუმანიტარულ ცენტრ „აფხაზეთში“ გაიმართა. ეს იყო ერთ-ერთი შეხვედრა 5 ქვეყნის (უკრაინა, საქართველო, სომხეთი, რუსეთი, გერმანია) წარმომადგენლების საგანმანათლებლო ვიზიტის დროს საქართველოში თემაზე „გამოცდილების გაზიარება იძულებით გადაადგილებულ პირთა და ლტოლვილთა ინტეგრაციის წარმატებული პრაქტიკის სფეროში“ (პროექტი „დავძლიოთ ომის შედეგები ერთად“).

ამ შეხვედრის შესახებ ინფორმაცია დაიბეჭდა ცენტრი „აფხაზეთის“ ბიულეტენში.

 გადმოწერა

პროექტი ხორციელდება  ორგანიზაცია DRA - ქართულ-რუსული გაცვლა -

 მხარდაჭერით (გერმანია)