ქუთაისში, ჭომის უბნის დევნილთა დასახლებაში (ლესელიძის 3) გაიმართა საინფორმაციო შეხვედრა. თემის ლიდერმა ისაუბრა სამოქალაქო ჩართულობის ფორმებზე და მის მნიშვნელობაზე არსებული პრობლემების მოგვარებისთვის. თემში ძირითად პრობლემად დანესტიანებულ კედლებს ასახელებენ. ქალებმა ადვოკატირების პროცესიც დაიწყეს. მომზადდა წერილი ხელმოწერებით და შეტანილია ქუთაისის მერიაში რეაგირებისთვის.
ჩვენს პროექტში ჩართული ადამიანები, რომელთაც შეიძინეს ცოდნა და უნარ-ჩვევები, ახლა თემის ქალების მობილიზებას და გაძლიერებას ცდილობენ პრობლემების მოგვარებისთვის.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
წარმატებით გრძელდება პროექტის „იძულებით გადაადგილებული ქალები და გოგონები - საჭიროებაზე ორიენტირებული ადგილობრივი პოლიტიკის შემუშავების აქტორები ქუთაისში“ მეორე ეტაპი.
„მივაღწიეთ ერთი პრობლემის მოგვარებას და ეს ამ პროექტის დამსახურებაა: სისუფთავის და უსაფრთხოების უზრუნველსაყოფად სადარბაზოს შესასვლელის მოწესრიგება. ახლა ძელსკამების ადვოკატიებას ვიწყებთ“, - აცხადებენ მუსიკალური ინტერნატის შენობაში მცხოვრები დევნილი ქალები.
საინიციატივო ჯგუფის წევრები, რომლებიც ჩვენი პროექტის ფარგლებში გადამზადდნენ, სამოქალაქო პასუხისმგებლობის აუცილებლობაზე ახლა სხვებს ესაუბრებიან.
შეხვედრის მონაწილეები საჭიროებაზე ორიენტირებულ თემებს აქტიურად განიხილავენ და ჭავჭავაძის გამზირის #58-ის მიმდებარე ტერიტორიაზე ახლა ძელსკამების მოწესრიგების საკითხს აყენებენ დღის წესრიგში.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
ქუთაისში, შერვაშიძის №53-ის 4 ახლადაშენებულ კორპუსში 720 დევნილი ოჯახი ცხოვრობს (მალე კიდევ 2 კორპუსი დაემატება).
ქალები საფრთხის შემცველი ღია არხის კაპიტალურად დახურვას და ბეტონის ფილებში მოქცევაზე საუბრობენ. არხი არ არის დახურული და მოსახლეობისთვის საშიშია. ხშირად არხიდან ამოდიან ქვეწარმავლები. იყო შემთხვევა, როცა ბავშვებს ბურთი გადაუვარდათ და მათთვის სახიფათო სიტუაცია შეიქმნა. არხს არ აქვს დამცავი ჯებირები, ამიტომ ადვილად შეიძლება ვინმე ჩავარდეს. ძლიერი ქარის დროს არხი ივსება ნაგვით, ძლიერი წვიმების დროს კი წყალი გადმოდის.
ქალებს, ასევე, აწუხებთ დიდი სიჩქარით მოძრავი ავტომობილები, რისთვისაც გადასასვლელზე სავალდებულო გაჩერების მოთხოვნის ზოლის განთავსებას ითხოვენ
ადვოკატირების საკითხებზე გადამზადებული საინიციატივო ჯგუფის წევრები თავიანთ გამოცდილებას იქ მცხოვრებ ადამიანებს უზიარებენ და ყველას მოუწოდებენ სამოქალაქო პასუხისმგებლობის ამაღლებისკენ.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
საინფორმაციო შეხვედრაზე საინიციატივო ჯგუფის აქტიურმა წევრმა სამოქალაქო ჩართულობის ფორმებზე, მის აუცილებლობასა და თემში არსებულ პრობლემაზე ისაუბრა. ქუთაისში, ყოფილი სატრაქტორო ქარხნის ადმინისტრაციულ შენობაში მცხოვრებ დევნილთა მწვავე პრობლემაა ნესტიანი კედლები, რომლებიც ჯანმრთელობას და თვით შენობასაც საფრთხეს უქმნის.
განხილული იყო განცხადება, რომელიც ხელმოწერებით გამყარდება და ადგილობრივ ხელისუფლებას გადაეცემა შესაბამისი ზომების გასატარებლად.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
ქუთაისში, იოსელიანის ქუჩის №13-ის მე-4 კორპუსში გაიმართა დევნილთა თემის სამუშაო შეხვედრა. ქალებმა სიხარულით აღნიშნეს, რომ პრობლემური სახურავის საკითხი ეტაპობრივად გვარდება, სამუშაოები დაწყებულია, თუმცა გარე ფასადი, ნესტიანი კედლები მათთვის კვლავ პრობლემად რჩება.
საინიციატივო ჯგუფის წევრები, რომლებსაც ჩვენი ტრენინგების შემდეგ აქვთ ცოდნა ადვოკატირების საკითხებზე, ამჯერად თავიანთ გამოცდილებას თემის წევრებს უზიარებენ, სამოქალაქო პასუხისმგებლობის ამაღლების მიზნით.
შეხვედრის მონაწილეები საუბრობენ ერთიანობის, გუნდურობის და საერთო ქონების მოვლა-პატრონობის აუცილებლობაზე.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
30 მედიცინის მუშაკი შეიკრიბა წყალტუბოში ჩატარებულ ტრენინგზე (ქუთაისის, წყალტუბოს, სენაკის, ჩოხატაურის, თერჯოლის, სამტრედიის მუნიციპალიტეტებიდან).
ტრენინგის თემა იყო „სამედიცინო პერსონალის როლი ძალადობის პრევენციასა და მსხვერპლთა დაცვაში“. სხვადასხვა მეთოდების მეშვეობით მონაწილეებმა განიხილეს უამრავი საკითხი, მათ შორის: ქალთა და ბავშვთა მიმართ ძალადობა, სტამბოლის კონვენცია, რეფერირების მექანიზმები, მსხვერპლის იდენტიფიცირების ჯგუფები...
მათი აზრით, ეს მუშაობა აქტუალური და საჭიროა:
„ჩემთვის, როგორც ექიმისთვის, ტრენინგი იყო საინტერესო. გავამახვილებ ყურადღებას მიღებულ ინფორმაციებზე, საინტერესო მეთოდებზე და გარემოზე“...
„ტრენინგის ფორმატმა მოგვცა საშუალება, გვესაუბრა პრობლემის მიზეზებზე, როდის ვიქცევით სწორად და როდის არასწორად. აუცილებელია, რომ სამედიცინო პერსონალმა გაიაზროს თავისი პირდაპირი პასუხისმგებლობა“...
პროექტი ხორციელდება გენდერული თანასწორობის ფონდის მხარდაჭერით (კანადა)
ივნისში დაიწყო კოალიციური პროექტის „დევნილი და კონფლიქტით დაზარალებული ქალები და ახალგაზრდები ქალების, მშვიდობისა და უსაფრთხოების დღის წესრიგის ადგილობრივ დონეზე ლოკალიზებისათვის“ მეორე ეტაპი. პროექტი ხორციელდება გაეროს ქალთა ორგანიზაციის მხარდაჭერით, დიდი ბრიტანეთის მთავრობის კონფლიქტების სტაბილურობისა და უსაფრთხოების ფონდის ფინანსური რესურსით.
წინა საპროექტო პერიოდში შეიქმნა დევნილ ქალთა ქსელი. ახალი პროექტი მოიაზრებს „ქალთა და ახალგაზრდობის მშვიდობის ელჩების ქსელის“ შესაძლებლობების გაძლიერებას და გაფართოებას. ასევე - ქსელის წევრების ინიციატივების მხარდაჭერას, რაც მიზნად დაისახავს დევნილთა და კონფლიქტით დაზარალებული ქალების და გოგონების სოციალურ-ეკონომიკური პირობების გაუმჯობესებას, მათი საჭიროებების ადვოკატირებას და შესაბამის პროგრამებსა და ბიუჯეტებში ჩართვას.
პროექტის მიზნებისა და დაგეგმილი აქტივობების გაცნობისათვის საინფორმაციო შეხვედრები ჩატარდა ქუთაისში, წყალტუბოში, ხონში, სენაკსა და ზუგდიდში. შეხვედრებში მონაწილეობდნენ „ქალთა და ახალგაზრდობის მშვიდობის ელჩების ქსელის“ წევრები. შეხვედრებზე ასევე მოხდა ამ თემებისთვის მნიშვნელოვანი პრობლემების იდენტიფიცირება.
პროექტი ხორციელდება გაეროს ქალთა ორგანიზაციის
მხარდაჭერით
სოფელ კოკში (ზუგდიდის მუნიციპალიტეტი) მრგვალი მაგიდა გაიმართა. ქალთა ფონდი „სოხუმის“ იურისტმა ისაუბრა ქალთა მიმართ ძალადობის ან/და ოჯახში ძალადობის მსხვერპლთა გამოვლენის, მათი დაცვის, დახმარებისა და რეაბილიტაციის ეროვნული რეფერირების პროცედურების და ჩვენი ორგანიზაციის სერვისების შესახებ. შეხვედრის მონაწილეებმა მიიღეს ინფორმაცია არასამთავრობო ორგანიზაციების როლსა და პოზიტიურ გავლენაზე.
შეხვედრის ერთ-ერთმა მონაწილემ აღნიშნა: „არასამთავრობოების სერვისები მნიშვნელოვანია სხვადასხვა ჯგუფისთვის. მე, როგორც ძალადობის მსხვერპლს, ძალიან დამეხმარა თქვენი სარეაბილიტაციო სერვისი, დღეს უფრო დამოუკიდებელი და ძლიერი ვარ“.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
კიდევ ერთი ჯგუფის სასწავლო კურსი დასრულდა ქუთაისის დღის სარეაბილიტაციო ცენტრში.
ნიჭიერმა ქალებმა პოლიმერული თიხის დამორჩილების საიდუმლო ისწავლეს და სერთიფიკატებიც მიიღეს.
მათი უკუკავშირი ასეთია:
„მსგავს თერაპიაზე ვერც ვიოცნებებდი. თან ახალი პროფესია ავითვისე“.
„თქვენ სასწაული მოახდინეთ ჩემს ცხოვრებაში - ძალა დამიბრუნეთ“.
„აღმოვჩნდი საჭირო დროს საჭირო ადგილზე საჭირო ადამიანებთან ერთად. მადლობა ფონდის ყველა წევრს“.
„თუ თქვენი მხარდაჭერაც იქნება, ამ საქმეს მომავალშიც გავაგრძელებ. ბედნიერად ვგრძნობ თავს. მადლობა ამისთვის“.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდი „სოხუმის“ ახალი პუბლიკაცია: „გზამკვლევი ჟურნალისტებისთვის - ქალთა მიმართ ძალადობის შესახებ პასუხისმგებლიანი გაშუქების სტანდარტები“ შეიცავს პრაქტიკულ რჩევებს ძალადობაგამოვლილი ქალების და ქალი უფლებადამცველების შესახებ ისტორიების პასუხისმგებლიან და ეთიკურ გაშუქებასთან დაკავშირებით. მასში განხილულია ძალადობაგამოვლილი ქალების დადანაშაულების თავიდან აცილების კონკრეტული სტრატეგიები, მათ გამბედაობასა და გაძლიერებაზე ფოკუსირებული თხრობის მნიშვნელობა და საზოგადოებაში გენდერული ძალადობის მიმართ ნულოვანი ტოლერანტობის კლიმატის ხელშეწყობის აუცილებლობა.
გზამკვლევში მოცემული რჩევების დაცვა ხელს შეუწყობს ჟურნალისტების მხრიდან ეთიკურ, მგრძნობიარე და პასუხისმგებლიან გაშუქებას, საზოგადოებაში გენდერული თანასწორობის მნიშვნელობის გააზრებას და მხარდაჭერის კულტურის ხელშეწყობას.