შეხვედრები (638)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
გრძელდება სამართალდამცავი სტრუქტურების წარმომადგენელთა კვლევა „ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების შესახებ“ კანონის მონიტორინგის ფარგლებში. აპრილში კვლევის ლოკაცია იყო: ზუგდიდი, ოზურგეთი, ხონი, წყალტუბო. სტანდარტული შეკითხვები მოიცავდა შემდეგ საკითხებს: აქვთ თუ არა სპეციალიზაცია ძალადობის საკითხებზე, რამდენად ეფექტურად მუშაობს კანონი პრაქტიკაში, რა გამოწვევები არსებობს ამ სფეროში.
18 აპრილს, ფონდი „სოხუმის“ თბილისის წარმომადგენლობის ოფისში გაიმართა შეხვედრა შვედური საერთაშორისო ორგანიზაციის Kvinna till Kvinna-ს პარტნიორი ორგანიზაციების წარმომადგენლებთან ისრაელიდან. ისინი დეტალურად გაეცნენ ფონდი „სოხუმის“ საქმიანობის მიმართულებებს და მუშაობის გამოცდილებას. თბილისის ოფისის წარმომადგენლებმა კოლეგებს გაუზიარეს ფონდის ხანგრძლივი მუშაობის პროცესში განხორციელებული პროექტები, მიღწეული წარმატებები და საქმიანობის გზაზე ჯერ კიდევ არსებული გამოწვევები. ისრაელის არასამთავრობო ორგანიზაციების წარმომადგენლებმა ისაუბრეს თავიანთი ორგანიზაციების გამოცდილებაზე გენდერული თანასწორობის, ქალთა ეკონომიკური თუ პოლიტიკური გაძლიერების, გენდერულ ძალადობასთან ბრძოლის და მშვიდობის მშენებლობის მიმართულებით. ორგანიზაციებმა ხაზი გაუსვეს, რომ აღმოაჩინეს ძალიან ბევრი მსგავსება მათი და ფონდი „სოხუმის“ მუშაობის მიდგომებში და აქტივობებში და გამოთქვეს მომავალში შეხვედრების და თანამშრომლობის სურვილი.
17 აპრილს ქუთაისში, ფონდი „სოხუმის“ ორგანიზებით სამოქალაქო ფორუმი გაიმართა. ფორუმის მუშაობაში აქტიური მონაწილეობა მიიღეს კოალიცია „ქალი და მშვიდობის“ წარმომადგენლებმა.
კოალიცია „ქალი და მშვიდობა“ ფონდმა „სოხუმმა“ დააფუძნა გასულ წელს. კოალიციაში შევიდა დასავლეთ საქართველოს 4 რეგიონის (იმერეთი, სამეგრელო, გურია, აჭარა) ქალთა 10 არასამთავრობო ორგანიზაცია: ფონდი „სოხუმი“ (ქუთაისი), პედაგოგთა კავშირი „განათლება და სამყარო“ (ქუთაისი), მეწარმე ქალთა ფონდი (ქუთაისი), ქალთა კლუბი (ხონი), ქალთა ასოციაცია „იმედი“ (ზუგდიდი), ასოციაცია „მერკური“ (ზუგდიდი), განათლებისა და განვითარების ცენტრი „თოლისკური“ (ხობი), ქალთა საზოგადოებრივი გაერთიანება (ოზურგეთი), განათლებისა და თანასწორობის ცენტრი (ოზურგეთი), განათლების, განვითარებისა და დასაქმების ცენტრი (ბათუმი).
ფორუმის პირველი ნაწილი კონფლიქტების ადრეული გაფრთხილების გენდერული კონცეფციის განხილვას მიეძღვნა თეორიულ და პრაქტიკულ ასპექტში.
მეორე ნაწილში კი მონაწილეებმა 5 ჯგუფში იმუშავეს კონფლიქტების ანალიზზე ეკოლოგიის, ჯანდაცვის, ოჯახში ძალადობის და რელიგიის სფეროში, რაც მიზეზების, გავლენისა და პასუხისმგებელი სუბიექტების განსაზღვრას გულისხმობს.
კოალიცია სამომავლოდაც აქტიურ მუშაობას აპირებს.
წყალტუბოს მუნიციპალიტეტში დაიწყო საინფორმაციო შეხვედრები პროექტის „გაეროს რეზოლუცია 1325-ის, ეროვნული სამოქმედო გეგმის ადგილობრივ დონეზე ლოკალიზების პროცესში ადგილობრივი და რეგიონალური ადმინისტრაციების პოტენციალის გაძლიერება და ამ პროცესში ქალთა, მათ შორის მარგინალური ჯგუფების ჩართვა და დიალოგის გააქტიურება“ ფარგლებში.
წყალტუბოს მუნიციპალიტეტის საკრებულოს თავმჯდომარის თანაშემწე, გენდერული თანასწორობის საბჭოს მდივანი მზია კიკალიშვილი და საბჭოს წევრი, საკრებულოს უფროსი სპეციალისტი ლელა ბერძენიშვილი პირველ საჯარო სკოლაში შეხვდნენ დევნილებს - მშობლებს და პედაგოგებს - და მიაწოდეს ინფორმაცია გაეროს რეზოლუცია 1325–ის შესახებ. შეხვედრაზე მოწვეულმა ჯანდაცვის სამინისტროს წარმომადგენელმა ინფორმაცია გააკეთა არსებულ სერვისებზე. შეხვედრის ბოლოს გაიმართა დისკუსია.
პროექტი ხორციელდება აშშ სახელმწიფო დეპარტამენტის და გაეროს ქალთა ორგანიზაციის მხარდაჭერით
წალენჯიხის მუნიციპალიტეტის სოფელ ჯგალის საზოგადოებრივ ცენტრში ჩატარდა საინფორმაციო შეხვედრა თემაზე „ბულინგის პრევენცია და ტოლერანტული დამოკიდებულებების დამკვიდრება საზოგადოებაში“. ღონისძიების ორგანიზატორი იყო გაეროს რეზოლუცია 1325-ის ლოკალიზაციის პროექტის სამუშაო ჯგუფი, გენდერულ საბჭოსთან თანამშრომლობით. შეხვედრას ესწრებოდნენ გენდერული საბჭოს და საკრებულოს წევრები, ახალგაზრდები, ადგილობრივი ტელევიზიის და ბიზნესის სფეროს წარმომადგენლები, დევნილი ქალები, პედაგოგები რამდენიმე სკოლიდან, ჯგალის თემის წარმომადგენლები.
შეხვედრა წარიმართა დისკუსიის ფორმატით. შემუშავდა რეკომენდაციები. შეხვედრის რეფლექსიის დროს გაჩნდა ასეთი შეხვედრების გააქტიურების სურვილი. ეს საწინდარი გახდება საზოგადოების ცნობიერების ამაღლების, ოჯახში ძალადობის და ბულინგის პრევენციის, კონფლიქტით დაზარალებული მოქალაქეების, განსაკუთრებით ახალგაზრდების მხარდაჭერისთვის.
პროექტი ხორციელდება აშშ სახელმწიფო დეპარტამენტის და გაეროს ქალთა ორგანიზაციის მხარდაჭერით
გენდერული თანასწორობის საბჭოს წევრებმა ზუგდიდის საკრებულოს გაეროს რეზოლუცია 1325-ის ეროვნული სამოქმედო გეგმის ზუგდიდის მუნიციპალიტეტში ლოკალიზების საგზაო რუკის სამუშაო ვერსია წარუდგინეს.
5 აპრილს ზუგდიდის საკრებულოს სხდომაზე საგზაო რუკა დამტკიცდა.
მუშაობა მიმდინარეობს პროექტის „გაეროს რეზოლუცია 1325-ის ეროვნული სამოქმედო გეგმის ადგილობრივ დონეზე ლოკალიზების პროცესში ადგილობრივი და რეგიონალური ადმინისტრაციების პოტენციალის გაძლიერება და ამ პროცესში ქალთა, მათ შორის მარგინალური ჯგუფების ჩართვა და დიალოგის გააქტიურება“ ფარგლებში.
წყალტუბოს მუნიციპალიტეტის მერიაში დევნილი ქალებისთვის გაეროს უშიშროების საბჭოს რეზოლუცია 1325-ის შესახებ საინფორმაციო შეხვედრა გაიმართა.
შეხვედრაზე გაკეთდა პრეზენტაცია 1325-ის რეზოლუციასა და სამოქმედო გეგმაზე. დამსწრე საზოგადოებას ასევე გააცნეს წყალტუბოს სამუშაო ჯგუფის მიერ ფონდი „სოხუმის“ პროექტის ფარგლებში შემუშავებული სამოქმედო გეგმა.
შეხვედრას ესწრებოდა წყალტუბოს მერი გრიგოლ იოსელიანი, რომელმაც აღნიშნა, რომ პროექტის განხორციელება ხელს შეუწყობს დევნილთა თემის საჭიროებების ასახვას ადგილობრივ ბიუჯეტში. მერიის ინიციატივით, მსგავსი ტიპის შეხვედრები პერიოდულად ჩატარდება.
პროექტი ხორციელდება აშშ სახელმწიფო დეპარტამენტის და გაეროს ქალთა ორგანიზაციის მხარდაჭერით
პროექტის „გაეროს რეზოლუცია 1325-ის, ეროვნული სამოქმედო გეგმის ადგილობრივ დონეზე ლოკალიზების პროცესში ადგილობრივი და რეგიონალური ადმინისტრაციების პოტენციალის გაძლიერება და ამ პროცესში ქალთა, მათ შორის მარგინალური ჯგუფების ჩართვა და დიალოგის გააქტიურება“ ფარგლებში წყალტუბოში შედგა შეხვედრა სამუშაო ჯგუფთან. დამტკიცდა ჯგუფის მიერ შემუშავებული გეგმა და მის ფარგლებში დაიგეგმა ღონისძიებები.
ჯგუფის წევრებმა ასევე შეიმუშავეს გრაფიკი - ისინი საინფორმაციო შეხვედრებს ჩაატარებენ დევნილი თემის წარმომადგენლებთან და მიაწოდებენ ინფორმაციას რეზოლუცია 1325-ის სამოქმედო გეგმის შესახებ.
გაეროს რეზოლუცია 1325-ის ლოკალიზების ზუგდიდის სამუშაო ჯგუფის წევრებმა 6 საინფორმაციო შეხვედრა ჩაატარეს ოთხ სოფელში - განმუხური, ორსანტია, ახალკახათი, კახათი. მონაწილეები გაეცნენ გაეროს უშიშროების საბჭოს რეზოლუცია 1325-ს „ქალი, მშვიდობა და უსაფრთხოება“. აგრეთვე სამუშაო ჯგუფის მიერ შემუშავებულ სამოქმედო გეგმას, რომელიც რეზოლუციის ლოკალიზებას ემსახურება.
მუშაობა მიმდინარეობს პროექტის „გაეროს რეზოლუცია 1325-ის ეროვნული სამოქმედო გეგმის ადგილობრივ დონეზე ლოკალიზების პროცესში ადგილობრივი და რეგიონალური ადმინისტრაციების პოტენციალის გაძლიერება და ამ პროცესში ქალთა, მათ შორის მარგინალური ჯგუფების ჩართვა და დიალოგის გააქტიურება“ ფარგლებში.
პროექტს ახორციელებს ქალთა არასამთავრობო ორგანიზაციების კოალიციური გაერთიანება - იძულებით გადაადგილებულ ქალთა ასოციაცია „თანხმობა“ (თბილისი), ქალთა საინფორმაციო ცენტრი (თბილისი) და კულტურულ-ჰუმანიტარული ფონდი „სოხუმი“ (ქუთაისი).
22 მარტს წალენჯიხის მუნიციპალიტეტის 1325-ის ლოკალიზაციის სამუშაო ჯგუფის გაფართოებული შეხვედრა გაიმართა. შეხვედრას საბჭოს წევრების გარდა მუნიციპალიტეტის გენდერული თანასწორობის საბჭოს თავმჯდომარის მოადგილე და წევრები დაესწრნენ.
შეხვედრის მონაწილეებმა განიხილეს გენდერული თანასწორობის პროგრამა, რომელიც სამუშაო ჯგუფმა შეიმუშავა, შეჯერდნენ პროგრამის მიმართულებებზე. პროგრამა მუნიციპალიტეტს წარედგინება განსახილველად. შეხვედრის მონაწილეებმა გამოთქვეს იმედი, რომ მუნიციპალიტეტის ხელმძღვანელობის მიერ გამოვლენილი პოლიტიკური ნება - მოხდეს საბიუჯეტო რესურსების გამოყოფა გენდერული პროგრამების მხარდასაჭერად, სასარგებლო იქნება ქალთა, ახალგაზრდების და მოქალაქეთა სხვა ჯგუფებისთვის.
დაიგეგმა შეხვედრები, რომლებიც დევნილი ქალების და გოგონების, კონფლიქტით დაზარალებული მოსახლეობის, ახალგაზრდების ჯგუფებთან დიალოგს დაუდებს სათავეს და გამოავლენს მათ საჭიროებებს.