შეხვედრები (638)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
წყალტუბოს გენდერული თანასწორობის საბჭოში განხილულ იქნა სამუშაო ჯგუფის მიერ გაწერილი „საგზაო რუკის“ სამუშაო ვარიანტი. შეხვედრამ მონაწილეთა აქტიური ჩართულობის ფონზე ჩაიარა. საბჭოს წევრების მხრიდან დიდი ინტერესი დაფიქსირდა თითოეული საკითხის მიმართ. აღინიშნა, რომ ამ საკითხების ასახვა მნიშვნელოვანია საბჭოს სამოქმედო გეგმაში. საბჭოს წევრებმა დააფიქსირეს მზადყოფნა, აქტიურად იყვნენ ჩართულები „საგზაო რუკაში“ შესული ღონისძებების განხორციელების პროცესში. ყველაზე მთავარი არის ის, რომ მათ დაინახეს მათი უშუალო ჩართულობის მნიშვნელობა ქალების, მშვიდობისა და უსაფრთხოების საკითხების ლოკალიზაციის პროცესში.
პროექტი „რეგიონული და ადგილობრივი ადმინისტრაციების შესაძლებლობების გაძლიერება გაეროს რეზოლუცია 1325 ეროვნული სამოქმედო გეგმის ლოკალიზაციაში და ამ პროცესებში დიალოგის აქტივიზაცია და ქალთა (მათ შორის ყველაზე მარგინალიზებულისაც), მონაწილეობის გაძლიერება“.
პროექტს ახორციელებს ქალთა არასამთავრობო ორგანიზაციების კოალიციური გაერთიანება: იძულებით გადაადგილებულ ქალთა ასოციაცია „თანხმობა“ (თბილისი), ქალთა საინფორმაციო ცენტრი (თბილისი) და კულტურულ-ჰუმანიტარული ფონდი ,,სოხუმი“ (ქუთაისი).
ზუგდიდის მუნიციპლიტეტის მერიის მცირე დარბაზში შედგა შეხვედრა სამუშაო ჯგუფთან. შეხვედრაზე განიხილეს ჯგუფის მიერ შემუშავებული „საგზაო რუკის“ სამუშაო ვერსია. მასში აისახა რამდენიმე დამატებითი მიმართულება - ბენეფიციარებთან ჩატარებული შეხვედრების დროს გამოვლენილი საჭიროებების გათვალისწინებით.
„საგზაო რუკის“ სამუშაო ვერსია 28 დეკემბერს განხილული იქნება საკრებულოს სხდომაზე.
მუშაობა მიმდინარეობს პროექტის „გაეროს რეზოლუცია 1325-ის, ეროვნული სამოქმედო გეგმის ადგილობრივ დონეზე ლოკალიზების პროცესში ადგილობრივი და რეგიონალური ადმინისტრაციების პოტენციალის გაძლიერება და ამ პროცესში ქალთა, მათ შორის მარგინალური ჯგუფების ჩართვა და დიალოგის გააქტიურება“ ფარგლებში.
პროექტს ახორციელებს ქალთა არასამთავრობო ორგანიზაციების კოალიციური გაერთიანება - იძულებით გადაადგილებულ ქალთა ასოციაცია „თანხმობა“, ქალთა საინფორმაციო ცენტრი და კულტურულ-ჰუმანიტარული ფონდი „სოხუმი“.
სოფელ ხურჩაში (ზუგდიდის მუნიციპალიტეტი) ჩატარდა შეხვედრა კონფლიქტის გამყოფ ხაზთან მცხოვრებლებთან. შეხვედრაზე იმყოფებოდნენ სხვადასხვა სოფლის: კოკის, ხურჩის, ორსანტიის,.კახათის, დიდი ნეძის მცხოვრებნი, მათ შორის დევნილები.
შეხვედრა მონაწილეების აქტიური ჩართულობით გამოირჩეოდა. ზუგდიდის მუნიციპალიტეტში ადილობრივ დონეზე გაეროს რეზოლუცია 1325-ის ლოკალიზაციის მიზნით ფორმირებულია სამუშაო ჯგუფი. მისმა წევრებმა „საგზაო რუკის“ სამუშაო ვერსია გააცნეს მონაწილეებს. შეხვედრაზე გაჟღერდა რამდენიმე პრობლემა, რომელიც განხილული იქნება სამუშაო ჯგუფის შეხვედრაზე.
შეხვედრა გაიმართა პროექტის „გაეროს რეზოლუცია 1325-ის, ეროვნული სამოქმედო გეგმის ადგილობრივ დონეზე ლოკალიზების პროცესში ადგილობრივი და რეგიონალური ადმინისტრაციების პოტენციალის გაძლიერება და ამ პროცესში ქალთა, მათ შორის მარგინალური ჯგუფების ჩართვა და დიალოგის გააქტიურება“ ფარგლებში.
პროექტს ახორციელებს ქალთა არასამთავრობო ორგანიზაციების კოალიციური გაერთიანება - იძულებით გადაადგილებულ ქალთა ასოციაცია „თანხმობა“, ქალთა საინფორმაციო ცენტრი და კულტურულ-ჰუმანიტარული ფონდი „სოხუმი“.
წყალტუბოს მუნიციპლიტეტში შედგა შეხვედრა სამუშაო ჯგუფთან, რომელიც შეიქმნა გაეროს რეზოლუცია 1325-ის ეროვნული სამოქმედო გეგმის ლოკალიზაციისთვის. შეხვედრაზე განხილულ იქნა ჯგუფის მიერ შემუშავებული „საგზაო რუკა“ - ჯგუფის წევრებმა მისი დახვეწის მიზნით შეიტანეს ცვლილებები.
შეხვედრა გაიმართა პროექტის „გაეროს რეზოლუცია 1325-ის, ეროვნული სამოქმედო გეგმის ადგილობრივ დონეზე ლოკალიზების პროცესში ადგილობრივი და რეგიონალური ადმინისტრაციების პოტენციალის გაძლიერება და ამ პროცესში ქალთა, მათ შორის მარგინალური ჯგუფების ჩართვა და დიალოგის გააქტიურება“ ფარგლებში.
პროექტს ახორციელებს ქალთა არასამთავრობო ორგანიზაციების კოალიციური გაერთიანება - იძულებით გადაადგილებულ ქალთა ასოციაცია „თანხმობა“, ქალთა საინფორმაციო ცენტრი და კულტურულ-ჰუმანიტარული ფონდი „სოხუმი“.
ფონდი „სოხუმის“ ორგანიზებით წალენჯიხის მუნიციპალიტეტში გაეროს უშიშროების საბჭოს რეზოლუცია 1325-ის იმპლემენტაციის ეროვნული სამოქმედო გეგმის ადგილობრივ დონეზე ლოკალიზაციის სამუშაო ჯგუფის შეხვედრა გაიმართა. ჯგუფის წევრებმა შემუშავებული „საგზაო რუკის“ პროექტი განიხილეს და გამოყვეს რიგი პრიორიტეტული საკითხები, რომელთა ადვოკატირება უკვე დაიწყო.
შეხვედრის ფოკუსში მოხვდა მუნიციპალიტეტის გენდერული თანასწორობის სამოქმედო გეგმა, რადგან განსაკუთრებული მნიშვნელობა ენიჭება მის ჰარმონიზაციას 1325-ის „საგზაო რუკასთან“.
სამუშაო ჯგუფმა მუნიციპალიტეტის ხელმძღვანელ პირებთან ერთად განიხილა გენდერული პოლიტიკის დანერგვისათვის მნიშვნელოვანი თემების წამოწევის საკითხი. საუბარი შეეხო საბიუჯეტო რესურსების გამოყოფას, ადგილობრივი რესურსების მოქალაქეების საჭიროებებისკენ მიმართვის აუცილებლობას და მათი ჩართულობის უზრუნველყოფაზე. დაიგეგმა შეხვედრები სხვადასხვა სამიზნე ჯგუფთან მათი საჭიროებების გამოვლენის მიზნით, რაც ხელს შეუწყობს მუნიციპალიტეტის აქტიურ ჩართვას „ქალების, მშვიდობისა და უსაფრთხოების“ რეზოლუცია 1325-ის ლოკალიზაციაში.
შეხვედრა გაიმართა პროექტის „გაეროს რეზოლუცია 1325-ის, ეროვნული სამოქმედო გეგმის ადგილობრივ დონეზე ლოკალიზების პროცესში ადგილობრივი და რეგიონალური ადმინისტრაციების პოტენციალის გაძლიერება და ამ პროცესში ქალთა, მათ შორის მარგინალური ჯგუფების ჩართვა და დიალოგის გააქტიურება“ ფარგლებში.
პროექტს ახორციელებს ქალთა არასამთავრობო ორგანიზაციების კოალიციური გაერთიანება - იძულებით გადაადგილებულ ქალთა ასოციაცია „თანხმობა“, ქალთა საინფორმაციო ცენტრი და კულტურულ-ჰუმანიტარული ფონდი „სოხუმი“.
ფონდი „სოხუმის“ მცირე პროექტი „ძალადობის გარეშე ნაბიჯ-ნაბიჯ მშვიდობის შენებისთვის“ აფხაზეთის ავტონომიური რესპუბლიკის ჟიული შარტავას სახელობის მეექვსე საჯარო სკოლაში (ქუთაისი) მშვიდობის თემაზე შესრულებული ნახატების გამოფენა-კონკურსით დასრულდა.
კონკურსში მონაწილეობა სკოლის თითქმის ყველა კლასის მოსწავლემ მიიღო. ზოგიერთმა მათგანმა რამდენიმე ნახატი მოამზადა.
მონაწილეები დაყოფილი იყო სამ კატეგორიად: პირველი-მესამე, მეოთხე-მეშვიდე, მერვე-მეთერთმეტე კლასები. სამივე ჯგუფიდან 1-ლი, მე-2 და მე-3 ადგილის მფლობელები სერტიფიკატებით და საჩუქრებით დაჯილდოვდნენ. სიმბოლური საჩუქრები გადაეცათ პროექტის იმ მონაწილეებსაც, რომლებმაც ჩაატარეს გაკვეთილები სხვადასხვა კლასის მოსწავლეებთან.
„ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების შესახებ“ კანონის მონიტორინგის ფარგლებში დეკემბერში გაიმართა ჩაღრმავებული ინტერვიუები ქუთაისის საქალაქო სასამართლოს მოსამართლესთან და ქუთაისის რაიონული პროკურატურის პროკურორთან. ასევე მოხდა ინფორმაციის გამოთხოვა სტატუსის მიმნიჭებელი ჯგუფიდან და იურიდიული ბიუროების მუშაობის შესწავლა ოჯახში ძალადობის საკითხში ჩართულობის კუთხით. მონიტორინგის შედეგად გამოიკვეთა საკითხები, რომლებიც ამ კუთხით საჭიროებს დახვეწას.
პროკურატურისა და იურიდიული ბიუროების წარმომადგენლებისგან წამოვიდა ინიციატივა, რომ ფონდ „სოხუმთან“ ერთად წარიმართოს მუშაობა ქალთა და ოჯახში ძალადობის პრევენციის კუთხით.
10-12 დეკემბერს ფონდი „სოხუმის“ თავმჯდომარემ ალლა გამახარიამ მონაწილეობა მიიღო აღმოსავლეთ პარტნიორობის სამოქალაქო საზოგადოების ფორუმის მეათე ყოველწლიურ ასამბლეაში „დემოკრატიული ევროპული მომავლისკენ მიმავალი გზა“. ფონდი „სოხუმი“ ფორუმის დელეგატია. ღონისძიება გაიმართა საქართველოს პარლამენტში და სასტუმრო „რედისონ ბლუ ივერიაში“, თბილისში.
ყოველწლიურ ასამბლეაზე შედგა მსჯელობა პოლiტიკურ სიტუაციაზე აღმოსავლეთ პარტნიორობის ქვეყნებსა და ევროკავშირში. რეგიონის სამოქალაქო საზოგადოების ორგანიზაციების წარმომადგენლებმა ისაუბრეს წვლილზე, რომლის შეტანაც შეუძლიათ მდგრადი დემოკრატიული განვითარებისთვის და იმაზე, როგორ შეუძლია სამოქალაქო საზოგადოებას ურთიერთობა მოქალაქეებთან ავტორიტარული რეაქციის საწინააღმდეგოდ ევროპული კონტინენტის ზოგიერთ ნაწილში.
ასამბლეის მონაწილეებმა ხმა მისცეს აღმოსავლეთ პარტნიორობის სამოქალაქო საზოგადოების ფორუმის ქცევის ახალ კოდექსს და აირჩიეს საარბიტრაჟო ორგანო.
დასრულდა საერთაშორისო კამპანია „16 აქტიური დღე ქალთა მიმართ ძალადობის წინააღმდეგ“, რომელშიც ფონდი სოხუმი ყოველწლიურად აქტიურად ერთვება. წელს კამპანია გაიმართა მოწოდებით „შევაჩეროთ ძალადობა ქალთა მიმართ შრომის სამყაროში“.
კამპანიის ფარგლებში 25 ნოემბრიდან 10 დეკემბრის ჩათვლით ჩატარდა 100 ზე მეტი ღონისძიება 1500 მეტი ადამიანის ჩართულობით დასავლეთ საქართველოს 9 მუნიპალიტეტში. კამპანია დაიწყო ფეისბუქაქციით. შემდეგ კი იყო საინფორმაციო შეხვედრები ქალებთან, ადგილობრივ თვითმმართველობებთან, ახალგაზრდებთან, პედაგოგებთან, ფსიქოლოგიური და იურიდიული კონსულტაციები, სპორტული ტურნირები, ტრენინგები მედიცინის მუშაკებისთვის. წარმოდგენები გამართა ფონდი „სოხუმის“ ფორუმ-თეატრმა. დაიბეჭდა და გავრცელდა საინფორმაციო ფურცლები, ფსიქოლოგის რჩევები ქალებს.
ყველა აქტივობა განთავსებულია ფონდი „სოხუმის“ ფეისბუქგვერდზე.
https://www.facebook.com/fsokhumi/
ფონდი „სოხუმის“ ორგანიზებით გაიმართა მრგვალი მაგიდა ლანჩხუთის მუნიციპალიტეტის მერიის სხდომათა დარბაზში თემაზე: „ქალთა მიმართ და ოჯახში ძალადობა - რეფერალური მექანიზმის მუშაობა: გამოწვევები, პრობლემები, დაძლევის გზები“.
შეხვედრას ესწრებოდნენ: ადგილობრივი თვითმმართველობის და პოლიციის, ამ მიმართულებით მომუშავე ადგილობრივი არასამთავრობო ორგანიზაციის წარმომადგენლები, ექიმები, საბავშვო ბაღის და სკოლის პედაგოგები, მეთოდისტები, ფსიქოლოგი, აქტივისტი ქალბატონები.
მონაწილეებმა ისაუბრეს რეფერირების სისტემაზე, არსებულ გამოწვევებზე და პრობლემების მოგვარების რეალურ გზებზე, გენდერული თანასწორობის საბჭოს როლზე, ადგილობრივ პროგრამებზე ძალადობის პრევენციისა და მსხვერპლის დახმარების კუთხით.