შეხვედრები (638)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
ქალთა კოალიციამ „ქალი და მშვიდობა“ - ადამიანის უსაფრთხოებისათვის კონფლიქტურ სიტუაციაში დაადასტურა ერთად მოქმედების სურვილი და ჩაატარა მუშაობა კოალიციის გაფორმების კუთხით, შეიმუშავა და მიიღო: კოალიციის დებულება, სტრატეგია და 01.05.18 - 30.04.19 პერიოდის სამოქმედო გეგმა.
კოალიციის საქმიანობა მიმართულია იმისკენ, რომ საზოგადოებაში გაიზარდოს ინფორმირების დონე კონფლიქტისა და კრიზისული სიტუაციების პრევენციაში ქალის როლის მნიშვნელობის შესახებ.
ფონდი „სოხუმი“ განაგრძობს და აღრმავებს სამშვიდობო საქმიანობას დასავლეთ საქართველოში პროექტის „ქალთა კოალიცია ადამიანის უსაფრთხოებისათვის კონფლიქტურ სიტუაციაში“ ფარგლებში. ამ მიზნით დასავლეთ საქართველოს 4 რეგიონის (იმერეთი, სამეგრელო, გურია, აჭარა) ქალთა 10 არასამთავრობო ორგანიზაციაში შეიკრიბნენ თანამოაზრეები და დაფუძნდა კოალიცია „ქალი და მშვიდობა“. ერთად მუშაობის სურვილი კოალიციის წევრებმა გაამყარეს მემორანდუმით თანამშრომლობის შესახებ.
„კანონის ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების შესახებ“ მონიტორინგის ჯგუფმა აგვისტოში ჩაატარა ჩაღრმავებული ინტერვიუ ძალადობის მსხვერპლთან და ქუთაისში არსებული თავშესაფრის ხელმძღვანელთან.
პარარელურად - სოციალურ მუშაკთა ჩართულობის ხარისხის გამოვლენის მიზნით ჩატარდა ფოკუს-ჯგუფები სენაკისა და ოზურგეთის მუნიციპალიტეტებში საზოგადოების, სამედიცინო სფეროს და სოციალური სააგენტოს წარმომადგენლების ჩართულობით.
შეხვედრებზე გაირკვა, რა მიმართულებითაა საჭირო მუშაობა კანონის დასახვეწად. დაფიქსირდა მოსაზრება, რომ პრობლემების მოგვარებასა და ლობირებაში მონაწილეები საყრდენად არასამთავრობო სექტორს მიიჩნევენ.
ფონდი „სოხუმის“ მიერ პროექტის „ვიშეგრადის ქვეყნების გამოცდილების შესწავლა ადგილობრივ დონეზე თანაბარი, ინკლუზიური და დემოკრატიული მმართველობის ადვოკატირებისთვის“ ფარგლებში იმერეთისა და გურიის ადგილობრივი თვითმმართველობებისთვის საკონსულტაციო სერვისის გაწევის მოკლე ანგარიში.
2018 წლის თებერვლიდან ივლისის ჩათვლით ფონდი „სოხუმის“ საკონსულტაციო ჯგუფმა, 5 ადამიანის შემადგენლობით 15 მუნიციპალიტეტში (12 იმერეთის, 3 გურიის) ჩაატარა მუშაობა ადგილობრივი თვითმმართველობების გენდერული პოლიტიკის, ადგილობრივი გენდერული თანასწორობის საბჭოების მუშაობის ორგანიზაციის კუთხით. ჩატარებულ საქმიანობაში აქტიურად იყო გამოყენებული ფონდი „სოხუმის“ სტრატეგიული გზამკვლევი ადგილობრივი ხელისუფლებისთვის „გენდერული მეინსტრიმინგის დანერგვა მუნიციპალიტეტებში“.
პროექტი ხორციელდება ვიშეგრადის ფონდის მხარდაჭერით
ფონდი „სოხუმის“ მონიტორინგის ჯგუფმა მსხვერპლის რეაბილიტაციის და დახმარების კუთხით არსებული სიტუაციის გამოვლენის მიზნით ზუგდიდში ჩაატარა ჩაღრმავებული ინტერვიუები ძალადობის მსხვერპლთან და ასოციაცია „მერკურის“ წარმომადგენელთან.
რაოდენობრივი ინფორმაციის მიღებისთვის თერჯოლისა და ლანჩხუთის მუნიციპალიტეტებში ჩატარდა ფოკუს-ჯგუფები საზოგადოების, სამედიცინო სპექტრის და სოციალური სააგენტოს წარმომადგენლების ჩართულობით.
შეხვედრებზე გამოიკვეთა გამოწვევები, რომელთა წინაშეც დგანან ძალადობის მსხვერპლი და კანონის იმპლემენტაციაში ჩართული სუბიექტები. ანალიზის შედეგად შემუშავებული რეკომენდაციები მიეწოდება შესაბამის სტრუქტურებს.
ტყიბულის საკრებულოს სააქტო დარბაზში ფონდი „სოხუმი“ მუნიციპალიტეტის გენდერული თანასწორობის საბჭოს წევრებს, საკრებულოსა და მერიის საფინანსო და იურიდიული, ასევე სოციალური სამსახურის წარმომადგენლებს შეხვდა. ფონდის წარმომადგენლებმა შეხვედრის მონაწილეებთან ერთად მუნიციპალიტეტის გენდერული თანასწორობის გეგმის პროექტზე იმუშავეს.
საბჭოს წევრები ჩამოყალიბდნენ გეგმის სტრატეგიულ მიზნებსა და ამოცანებზე, მათი რეალიზებისთვის საჭირო ღონისძიებებზე. დასახელებული საკითხები შეეხებოდა საბჭოს ინსტიტუციურ გაძლიერებას, ადგილობრივი სტატისტიკური ბაზის დანერგვას, საჭიროებების კვლევას, გენდერული მონიტორინგის და ანალიზის კომპონენტებს, გენდერული ბიუჯეტის პრინციპის დანერგვისთვის საჭირო ღონისძიებებს, მოქალაქეთა მონაწილეობის, სერვისების მიწოდებაში გენდერული პარამეტრების გათვალისწინების საკითხებს.
საბჭოს წევრებმა გამოკვეთეს თემები, რომელთა ასახვა გეგმაში მიაჩნიათ მნიშვნელოვნად. ითქვა, რომ მოხდება მისი სამუშაო ჯგუფებში განხილვა და საზოგადოებისთვის გაცნობა, შემდგომი კონსულტაცია კვალიფიციურ არასამთავრობო ორგანიზაციებთან. გეგმაზე მუშაობას დიდწილად აიოლებს მუნიციპალიტეტის გამოცდილება სოციალური ჩართულობის სტრატეგიის, სამოქმედო გეგმის შემუშავების კუთხით.
თანამშრომლობის და კონსულტაციების რეჟიმი ფონდსა და მუნიციპალიტეტის გენდერული თანასწორობის საბჭოს შორის კვლავაც გაგრძელდება.
შეხვედრა ჩატარდა პროექტის „ვიშეგრადის ქვეყნების გამოცდილების შესწავლა ადგილობრივ დონეზე თანაბარი, ინკლუზიური და დემოკრატიული მმართველობის ადვოკატირებისთვის“ ფარგლებში.
პროექტი ხორციელდება ვიშეგრადის ფონდის მხარდაჭერით
ჩოხატაურის მუნიციპალიტეტში ჩატარდა საინფორმაციო შეხვედრა გენდერული თანასწორობის საბჭოს წევრებთან. შეხვედრაზე ისაუბრეს გენდერული მიდგომების დანერგვის აუცილებლობაზე ადგილობრივ თვითმმართველობაში. ასევე განიხილეს ორანიზატორების მიერ მომზადებული რეკომენდაციები, რომლებიც ეხებოდა გენდერული თანასწორობის საბჭოს უკვე არსებული სამოქმედო გეგმის სრულყოფას.
შეხვედრა ჩატარდა პროექტის „ვიშეგრადის ქვეყნების გამოცდილების შესწავლა ადგილობრივ დონეზე თანაბარი, ინკლუზიური და დემოკრატიული მმართველობის ადვოკატირებისთვის“ ფარგლებში.
პროექტი ხორციელდება ვიშეგრადის ფონდის მხარდაჭერით
13 ივლისს, ფონდი „სოხუმის“ ორგანიზებით ჭიათურის მუნიციპალიტეტის საკრებულოს სხდომათა დარბაზში ჩატარდა საინფორმაციო შეხვედრა გენდერული თანასწორობის საბჭოს წევრებთან და ადგილობრივი თვითმმართველობის წარმომადგენლებთან. შეხვედრას ჟურნალისტები და არასამთავრობო ორგანიზაციების წარმომადგენლები ესწრებოდნენ. შეხვედრის მიზანი იყო - მონაწილეებისათვის ფონდი „სოხუმის“ შემუშავებული სტრატეგიული გზამკვლევის გაცნობა და გენდერული თანასწორობის საბჭოს სამოქმედო გეგმის პროექტის განხილვა.
შეხვედრა ჩატარდა პროექტის „ვიშეგრადის ქვეყნების გამოცდილების შესწავლა ადგილობრივ დონეზე თანაბარი, ინკლუზიური და დემოკრატიული მმართველობის ადვოკატირებისთვის“ ფარგლებში.
პროექტი ხორციელდება ვიშეგრადის ფონდის მხარდაჭერით
ფონდი „სოხუმის“ ინიციატივით სამტრედიის მუნიციპალიტეტის გენდერული თანასწორობის საბჭოს წევრებთან საინფორმაციო-საკონსულტაციო შეხვედრა გაიმართა.
- გენდერული მეინსტრიმინგი ადგილობრივ დონეზე, საბჭოს მუშაობის ძირითადი პრინციპები, სამოქმედო გეგმის განხილვა - შეხვედრა ამ საკითხების ირგვლივ გაიმართა.
შეკითხვების დიდი ნაწილი ეხებოდა ბიუჯეტში გენდერული პროგრამების ასახვას, საზოგადოების ჩართულობას, ქსელური მუშაობის პრინციპების დანერგვას.
საკრებულოს თავმჯდომარემ, ნუგზარ ჯამბურიამ, რომელიც ამავე დროს გენდერული თანასწორობის საბჭოს თავმჯდომარეა, ხაზგასმით აღნიშნა, რომ საბჭოს წევრებისთვის მნიშვნელოვანია კონსულტაციები გენდერულ საკითხებზე. ისინი მზად არიან სამოქმედო გეგმა დამტკიცებამდე საზოგადოების სხვადასხვა ჯგუფთან განიხილონ და მათ საჭიროებებს მოარგონ.
შეხვედრა გაიმართა პროექტის „ვიშეგრადის ქვეყნების გამოცდილების შესწავლა ადგილობრივ დონეზე თანაბარი, ინკლუზიური და დემოკრატიული მმართველობის ადვოკატირებისთვის“ ფარგლებში.
პროექტი ხორციელდება ვიშეგრადის ფონდის მხარდაჭერით
ფონდი „სოხუმის“ ორგანიზებით ქუთაისის გენდერული თანასწორობის საბჭოს წევრებთან საინფორმაციო შეხვედრა ჩატარდა. შეხვედრაზე მოწვეული იყო მერიის საფინანსო სამსახურის წარმომადგენელი. დამსწრეები გაეცნენ ფონდი „სოხუმის“ მიერ შემუშავებულ სტრატეგიულ გზამკვლევს „გენდერული მეინსტრიმინგის დანერგვა მუნიციპალიტეტებში“. ამის შემდეგ მონაწილეებმა მოისმინეს ინფორმაცია სხვა მუნიციპალიტეტების გამოცდილების და გამოწვევების შესახებ.
შეხვედრაზე იყო მსჯელობა სამოქმედო გეგმასთან დაკავშირებით და აღინიშნა, რომ გენდერული თანასწორობის საბჭოს მიერ შემუშავებული გეგმა მუნიციპალიტეტის სამოქმედო გეგმად უნდა იქცეს.
შეხვედრა ჩატარდა პროექტის „ვიშეგრადის ქვეყნების გამოცდილების შესწავლა ადგილობრივ დონეზე თანაბარი, ინკლუზიური და დემოკრატიული მმართველობის ადვოკატირებისთვის“ ფარგლებში.
პროექტი ხორციელდება ვიშეგრადის ფონდის მხარდაჭერით