შეხვედრები (638)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
15 ნოემბერს სოფელ ლიაში (წალენჯიხის მუნიციპალიტეტი) გაიმართა შეხვედრა სამოქალაქო საზოგადოებასთან. შეხვედრას ესწრებოდნენ სოფლების - ლიას, ჩხოუშის, ფახულანის სკოლების ხელმძღვანელები და პედაგოგები, აგრეთვე აქტივისტი ქალები.ფონდი ,,სოხუმის“ წარმომადგენლებმა შეკრებილებს გააცნეს გაეროს უშიშროების საბჭოს რეზოლუცია 1325 და 2018-2020 წლების ეროვნული სამოქმედო გეგმა. სამუშაო შეხვედრის მიზანი იყო საზღვრისპირა სოფლებთან დაკავშირებული პრობლემების და მათი მოგვარების გზების გამოვლენა, რათა მოხდეს მათი ჩართვა გენდერული თანასწორობის სამოქმედო გეგმასა და მუნიციპალურ პროგრამებში.
შეხვედრა გაიმართა პროექტის „გაეროსრეზოლუცია 1325-ის, ეროვნული სამოქმედო გეგმის ადგილობრივ დონეზე ლოკალიზების პროცესში ადგილობრივი და რეგიონალური ადმინისტრაციების პოტენციალის გაძლიერება და ამ პროცესში ქალთა, მათ შორის მარგინალური ჯგუფების ჩართვა და დიალოგის გააქტიურება“ ფარგლებში.
პროექტს ახორციელებს ქალთა არასამთავრობო ორგანიზაციების კოალიციური გაერთიანება: იძულებით გადაადგილებულ ქალთა ასოციაცია „თანხმობა“ (თბილისი), ქალთა საინფორმაციო ცენტრი (თბილისი) და კულტურულ-ჰუმანიტარული ფონდი„სოხუმი“ (ქუთაისი).
კიდევ ერთი სამოქალაქო ფორუმი გაიმართა პროექტის „გაეროს რეზოლუცია 1325-ის, ეროვნული სამოქმედო გეგმის ადგილობრივ დონეზე ლოკალიზების პროცესში ადგილობრივი და რეგიონალური ადმინისტრაციების პოტენციალის გაძლიერება და ამ პროცესში ქალთა, მათ შორის მარგინალური ჯგუფების ჩართვა და დიალოგის გააქტიურება“ ფარგლებში.
ამჯერად ფონდი „სოხუმის“ ორგანიზებით წალენჯიხის მუნიციპალიტეტის მერიის სხდომათა დარბაზში შეიკრიბნენ სამეგრელო-ზემო სვანეთის გუბერნიის, მუნიციპალიტეტის მერიის, საკრებულოს, საინფორმაციო სფეროს წარმომადგენლები, სამოქალაქო საზოგადოების აქტივისტები, საზღვრისპირა სოფლებში მცხოვრები ქალები და გოგონები.
მონაწილეებმა მოისმინეს მოხსენებები გაეროს უშიშროების საბჭოს რეზოლუცია 1325-ის და გაეროს რეზოლუციების განხორციელების 2018–2020 წლების ეროვნული სამოქმედო გეგმის შესახებ. შემდეგ კი ჯგუფებში იმუშავეს იმაზე, თუ რა საჭიროებები აქვთ კონფლიქტის შედეგად დაზარალებულ და საზღვრისპირა სოფლებში მცხოვრებ ქალებს და გოგონებს წალენჯიხის მუნიციპალიტეტში, როგორ უნდა აისახოს ეს საჭიროებები ადგილობრივ პროგრამებში.
პროექტს ახორციელებს ქალთა არასამთავრობო ორგანიზაციების კოალიციური გაერთიანება - იძულებით გადაადგილებულ ქალთა ასოციაცია „თანხმობა“, ქალთა საინფორმაციო ცენტრი და კულტურულ-ჰუმანიტარული ფონდი „სოხუმი“.
წყალტუბოს მუნიციპალიტეტის საკანონმდებლო და აღმასრულებელი ხელისუფლების, აფხაზეთის ავტონომიური რესპუბლიკის სამთავრობო სტრუქტურის, მასმედიის, არასამთავრობო სექტორის წარმომადგენლები და სამოქალაქო საზოგადოების აქტივისტები შეიკრიბნენ სამოქალაქო ფორუმზე საკრებულოს სხდომათა დარბაზში.
შეხვედრა გაიმართა პროექტის „გაეროს რეზოლუცია 1325-ის, ეროვნული სამოქმედო გეგმის ადგილობრივ დონეზე ლოკალიზების პროცესში ადგილობრივი და რეგიონალური ადმინისტრაციების პოტენციალის გაძლიერება, დაამპროცესში ქალთა, მათ შორის მარგინალური ჯგუფების ჩართვა და დიალოგის გააქტიურების“, ფარგლებში.
არასამთავრობო სექტორისა და ადგილობრივი ხელისუფლების თანამშრომლობის მნიშვნელობასა და გენდერული მიმართულებით მუშაობის გაძლიერების აუცილებლობაზე ისაუბრა წყალტუბოს მუნიციპალიტეტის საკრებულოს თავმჯდომარემ გრიგოლ ივანეიშვილმა.
ჯგუფური მუშაობისას ფორუმის მონაწილეებმა დააფიქსირეს, როგორ უნდა მოხდეს ადგილობრივ დონეზე გაეროს რეზოლუცია 1325-ის მესამე, 2018-2020 წლების ეროვნული სამოქმედო გეგმის რეალიზება მუნიციპალიტეტის გენდერული თანასწორობის გეგმაში.
პროექტს ახორციელებს კოალიციური გაერთიანება: იძულებით გადაადგილებულ ქალთა ასოციაცია „თანხმობა“ (თბილისი), ქალთა საინფორმაციო ცენტრი (თბილისი) და კულტურულ-ჰუმანიტარული ფონდი ,,სოხუმი“ (ქუთაისი).
პროექტი ხორციელდება აშშ სახელმწიფო დეპარტამენტის და გაეროს ქალთა ორგანიზაციის მხარდაჭერით
ზუგდიდის მუნიციპალიტეტის მერიის სხდომათა დარბაზში გაიმართა სამოქალაქო ფორუმი, რომელსაც ესწრებოდნენ სამეგრელო-ზემო სვანეთის გუბერნიის, ზუგდიდის მუნიციპალიტეტის მერიის და საკრებულოს წარმომადგენლები, არასამთავრობო სექტორისა და სამოქალაქო საზოგადოების აქტივისტები.
„ჩვენთან არსებობს გენდერული თანასწორობის საბჭო, რომლის მიზანია ეფექტური გენდერული პოლიტიკის შექმნა. ამ პროცესში თქვენი ჩართულობა მნიშვნელოვანია და მზად ვართ თანამშრომლობისთვის,“ - აღნიშნა საკრებულოს თავმჯდომარემ მამუკა წოწერიამ.
ფორუმის მონაწილეებმა ჯგუფებში იმუშავეს იმაზე, თუ როგორ უნდა მოხდეს გაეროს რეზოლუცია 1325-ის ეროვნული სამოქმედო გეგმის ადგილობრივ დონეზე იმპლემენტაცია და კონფლიქტის გამყოფ ხაზთან მცხოვრები ქალებისა და გოგონების საჭიროებების ასახვა. ბოლოს შეიქმნა ათკაციანი სამუშაო ჯგუფი, რომელიც ამ მიმართულებით მუშაობას განაგრძობს.
ფორუმი ჩატარდა პროექტის „გაეროს რეზოლუცია 1325-ის, ეროვნული სამოქმედო გეგმის ადგილობრივ დონეზე ლოკალიზების პროცესში ადგილობრივი და რეგიონალური ადმინისტრაციების პოტენციალის გაძლიერება და ამ პროცესში ქალთა, მათ შორის მარგინალური ჯგუფების ჩართვა და დიალოგის გააქტიურება“ ფარგლებში.
პროექტს ახორციელებს ქალთა არასამთავრობო ორგანიზაციების კოალიციური გაერთიანება: იძულებით გადაადგილებულ ქალთა ასოციაცია „თანხმობა“ (თბილისი), ქალთა საინფორმაციო ცენტრი (თბილისი) და კულტურულ-ჰუმანიტარული ფონდი ,,სოხუმი“ (ქუთაისი).
კოალიციური გაერთიანება - იგპ ქალთა ასოციაცია „თანხმობა“, ქალთა საინფორმაციო ცენტრი და კულტურულ-ჰუმანიტარული ფონდი „სოხუმი“ - მუშაობას იწყებს პროექტზე „გაეროს რეზოლუცია 1325-ის, ეროვნული სამოქმედო გეგმის ადგილობრივ დონეზე ლოკალიზების პროცესში ადგილობრივი და რეგიონალური ადმინისტრაციების პოტენციალის გაძლიერება და ამ პროცესში ქალთა, მათ შორის ყველაზე მარგინალური ჯგუფების, ჩართვა და დიალოგის გააქტიურება“ (გაეროს ქალთა ორგანიზაციის მხარდაჭერით).
პროექტის მიზანია, გენდერული თანასწორობის დამკვიდრების, ქალთა გაძლიერების, კონფლიქტების პრევენციისა და მშვიდობის დამყარების თვალსაზრისით 2018-20 წლების ეროვნული სამოქმედო გეგმის პოპულარიზება ადგილობრივ დონეზე და სხვადასხვა ჯგუფის საჭიროებების ასახვა.
პროექტის ფარგლებში იგეგმება სამოქალაქო ფორუმები, ტრენინგები, საინფორმაციო შეხვედრები, კონფერენცია - ეს აქტივობები ხელს შეუწყობს ადგილობრივ დონეზე დიალოგის გააქტიურებას და საზოგადოების სხვადასხვა ჯგუფის ჩართვას ამ პროცესში.
ოქტომბერში ჩატარდა სამი სამუშაო შეხვედრა დასავლეთ საქართველოს სამიზნე მუნიციპალიტეტებში: ზუგდიდი, წალენჯიხა, წყალტუბო.
პროექტი ხორციელდება აშშ სახელმწიფო დეპარტამენტის და გაეროს ქალთა ორგანიზაციის მხარდაჭერით
„ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების შესახებ“ კანონის მონიტორინგის ფარგლებში, ოქტომბერში ჩატარდა 2 ფოკუს-ჯგუფი თერჯოლისა და წყალტუბოს მუნიციპალიტეტის პედაგოგებთან და ჩაღრმავებული ინტერვიუ ლანჩხუთის რესურს ცენტრის ხელმძღვანელთან. ასევე, გამოთხოვილ იქნა ინფორმაცია საქართველოს განათლების, მეცნიერების, კულტურის და სპორტის სამინისტროსგან ამ მიმართულებით მათი საქმიანობის შესახებ. მონიტორინგის მიზანი იყო განათლების სამინისტროს ჩართულობის დონის განსაზღვრა კანონის იმპლემენტაციაში. შეხვედრებზე გამოიკვეთა რიგი რეკომენდაციები. დინამიკიდან კი ჩანს, რომ წინა წლებთან შედარებით სამინისტრო ბევრად აქტიურად არის ჩართული ფაქტების გამოვლენაში.
ქალთა მიმართ ძალადობის პრევენციაში მედიცინის მუშაკების ჩართვას ემსახურება ფონდი „სოხუმის“ პროექტი „სამედიცინო პერსონალის გაძლიერება ოჯახში ძალადობის მსხვერპლის დაცვისათვის“, რომელიც სექტემბრიდან დაიწყო.
პროექტის ფარგლებში ჩატარდა შეხვედრები სამედიცინო დაწესებულებებში. მედპერსონალმა ინტერესით მიიღო ინფორმაცია და ცართვის მზადყოფნაც გამოხატა.
ამჟამად ხდება გზამკვლევის მასალების და სატრენინგო მოდულის შემუშავება და მიმდინარეობს აქტიური მზადება ტრენინგისთვის, რომელიც სამედიცინო პერსონალს ჩაუტარდება.
ფონდი „სოხუმის“ წარმომადგენლები ლერი ხონელიძის სახელობის კლინიკის და კლინიკა „ბომონდის“ დირექტორის მოადგილეებს შეხვდნენ და მიაწოდეს ინფორმაცია პროექტის „სამედიცინო პერსონალის გაძლიერება ოჯახში ძალადობის პრევენციისათვის“ შესახებ. ორივე კლინიკა აპირებს, აქტიურად ჩაერთოს ფონდი „სოხუმის“ სატრენინგო პროგრამაში, რომელიც მიზნად ისახავს სამედიცინო პერსონალის ინფორმირებას ოჯახური ძალადობის პრევენციის, ძალადობის მსხვერპლის იდენტიფიკაციისა და დახმარების საკითხებზე.
პროექტის „სამედიცინო პერსონალის გაძლიერება ოჯახში ძალადობის პრევენციისათვის" ფარგლებში ფონდი „სოხუმის“ წარმომადგენლები სამედიცინო კლინიკა „უნიქალ მედის“ დირექტორს - შოთა მარუაშვილს შეხვდნენ და პროექტის შესახებ ინფორმაცია მიაწოდეს.
- რამდენად მაღალია მომართვიანობა, როგორ ხდება ძალადობის მსხვერპლთა იდენტიფიცირება და შესაბამისი რეაგირება სამედიცინო პერსონალის მიერ, - საუბარი ამ საკითხებზე გაიმართა.
კლინიკის დირექტორი მზადყოფნას გამოთქვამს, აქტიურად ითანამშრომლოს ფონდ „სოხუმთან“ და ჩაერთოს სატრენინგო პროგრამაში, რომელიც მიზნად ისახავს სამედიცინო პერსონალის ინფორმირებას ოჯახური ძალადობის პრევენციის საკითხებზე.
ფონდი „სოხუმის“ მონიტორინგის ჯგუფმა სექტემბერში მოძალადის რეაბილიტაციის საკითხის შესწავლა გადაწყვიტა. თვისობრივი ინფორმაციის შეგროვების მიზნით ჩატარდა ორი ჩაღრმავებული ინტერვიუ ქუთაისში, პრობაციის სააგენტოს პროგრამის „ძალადობრივი ქცევის მართვის“ ბენეფიციარსა და სააგენტოს ოფიცერთან. ფოთსა და წყალტუბოში კი გაიმართა ფოკუს-ჯგუფები, რომელსაც ესწრებოდნენ ადვოკატები, სოციალური მომსახურების სააგენტოს, პრობაციის ბიუროს და საზოგადოების წარმომადგენლები. შეხვედრებზე გამოიკვეთა ამ კუთხით არსებული გამოწვევები, ხაზი გაესვა პრობაციის პროგრამის ეფექტურობას. ერთსულოვანად დაფიქსირდა მოსაზრება, რომ აუცილებელია რისკ-ფაქტორის ოჯახებთან მუშაობა და განსაკუთრებით ისეთი პროგრამების ინიცირება, რომელიც წყვილებთან მუშაობას მოიაზრებს.