ქალთა მხარდაჭერის ცენტრები (533)
ქალთა მხარდაჭერის ცენტრი – ეს არის ფონდი „სოხუმის“ ფილიალები ქუთაისში, წყალტუბოში, ხონში, თერჯოლაში, სენაკში, ფოთში, ხურჩა/კოკში (ზუგდიდის მუნიციპალიტეტი), ლანჩხუთში, ოზურგეთში - შეიქმნა 2009 წლიდან. ცენტრების დანიშნულებაა ქალთა გაძლიერება, სოციალური, ფსიქოლოგიური, იურიდიული დახმარების გაწევა ძალადობის მსხვერპლი ქალებისთვის და კრიზისული ოჯახებისათვის, რომლებიც რთულ ცხოვრებისეულ მდგომარეობაში აღმოჩნდნენ. ქალთა მხარდაჭერის ცენტრები ხელს უწყობს ქალთა უფლებების დაცვას და მათ სოციალურ-ფსიქოლოგიურ რეაბილიტაციას.
„კონფლიქტი ჩვენს შიგნით“ - ამ თემის განხილვამ განსაკუთრებული დისკუსია გამოიწვია ახალგაზრდებში.
კონფლიქტურ სიტუაციებში ჩვენ ყველგან ვეძებთ დამნაშავეს, საკუთარი თავის გარდა. მიზეზი კი ჩვენს შიგნით მიმდინარე კონფლიქტებია - რადგან არ ვიცით, როგორ ვმართოთ საკუთარი ემოციები, როგორ ჩავაქროთ ჩვენს შიგნით ხანძარი.
ამ მოსაზრებას ეთანხმება ვორკშოპების მონაწილეთა უმრავლესობა. მათ მიიღეს რჩევები, როგორ გათავისუფლდნენ უარყოფითი ემოციებისაგან, როგორ მართონ პიროვნული კონფლიქტები.
- რაც უფრო მეტი ადამიანი მოახერხებს „შიგნით“ მიმდინარე ემოციების მართვას, მით უფრო ნაკლები კონფლიქტი იქნება საზოგადოებაში, ოჯახებში. მსგავსი შეხვედრები მნიშვნელოვანია, რადგან ამ საკითხებზე დაფიქრების საშუალებას გვაძლევს, - მიიჩნევენ ახალგაზრდები.
ვორკშოპები გაიმართა წყალტუბოში, ხონსა და კოკში (ზუგდიდის მუნიციპალიტეტი).
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
4 მაისს- ქუთაისის ქალთამხარდაჭერისცენტრში,6 მაისს - სენაკისქალთამხარდაჭერისცენტრში, ხოლო 11 მაისს - ხურჩის (ზუგდიდის მუნიციპალიტეტი)ქალთამხარდაჭერისცენტრში გაიმართა ჯგუფური ფსიქოლოგიური კონსულტაცია, რომელთაც ესწრებოდა 40 ქალი 25-დან 67წლამდე.
შეხვედრების ძირითადი თემა იყო ოჯახური ურთიერთობების მოდელი, შიდაოჯახური კომუნიკაციის ჩამოყალიბება - პირველ რიგში, ურთიერთობების დამყარება მეუღლეებს შორის. თემა საინტერესო აღმოჩნდა დამსწრეთათვის. მათ უამრავი მაგალითი მოიყვანეს და მიიღეს სასარგებლო რჩევები.
ქუთაისის, სენაკისა და ხურჩის (ზუგდიდის მუნიციპალიტეტი) ქალთა მხარდაჭერის ცენტრებში გაიმართა ფსიქოლოგის ჯგუფური კონსულტაციები. მუშაობაში მონაწილეობა მიიღო 16-დან 64 წლამდე ასაკის 40 ქალმა.
მუშაობა წყვილებთან - ეს ახალი კომპონენტია ფონდი „სოხუმის“ პროექტის „ქალთა უფლებების გაძლიერება დასავლეთ საქართველოში“ ფარგლებში.
ძალადობის პრევენციის მიზნით, პირველ ეტაპზე მუშაობა მიმდინარეობს კრიზისულ ოჯახებთან, რომლებსაც სურვილი აქვთ, შეცვალონ ვითარება და დაძლიონ კრიზისი. ასეთ ოჯახებთან კომპლექსურად მუშაობენ ფსიქოლოგი და კონფლიქტოლოგი, საჭიროების შემთხვევაში ერთვება იურისტი.
უკვე ჩატარდა სამი შეხვედრა. სამივე შემთხვევა ერთმანეთისგან განსხვავებულია სირთულით. საერთო ის არის, რომ ქალები ცდილობენ ოჯახური კონფლიქტების მართვას და პროცესში მამაკაცებიც არიან ჩართულნი. ფსიქოლოგი მუშაობას ონლაინ რეჟიმში გააგრძელებს.
თითოეული ოჯახისთვის ინდივიდუალური გრაფიკი შემუშავდა, რაც მათ კრიზისული სიტუაციების მოგვარებაში დაეხმარება.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
უწყებათშორის საბჭოს წარედგინა ქეისი ბენეფიციარის შესახებ, რის შემდეგაც მას მიენიჭა მსხვერპლის სტატუსი. გამოვლინდა ძალადობის მსხვერპლის რისკ ჯგუფის მატარებელი ბენეფიციარი.
მაისში ქუთაისში ჩატარდა 12 იურიდიული საინფორმაციო-საკონსულტაციო შეხვედრა ადგილობრივ და დევნილ მოსახლეობასთან. შეხვედრებს ესწრებოდა 81 ბენეფიციარი შეხვედრის თემა იყო შეხვედრის თემა იყო საქართველოს კანონი ოჯახში ძალადობის აღკვეთის, ოჯახში ძალადობის მსხვერპლთა დაცვისა და დახმარების შესახებ და საოჯახო სამართალი. მონაწილეებმა მიიღეს ინდივიდუალური კონსულტაციები და გაარკვიეს თავიანთთვის საინტერესო საკითხები.
ფონდი „სოხუმის“ იურისტმა ივნისში 12 შეხვედრა გამართა ქუთაისში აფხაზეთიდან დევნილ და ადგილობრივ მოსახლეობასთან. გამოიკვეთა ქალთა ინტერესი ოჯახში ძალადობის პრობლემის მიმართ. გაიცა ინდივიდუალური იურიდიული კონსულტაცია, რომელიც ეხებოდა განქორწინებას და ალიმენტის მიღებას. გამოვლინდა ძალადობის მსხვერპლის რისკ ჯგუფის მატარებელი ბენეფიციარი. უწყებათშორისო საბჭოს შეხვედრაზე წარდგენილ იქნა ბენეფიციარის ქეისი და მას მიენიჭა მსხვერპლის სტატუსი. პროცესში ჩაერთო ძალადობისგან დაცვის ეროვნული ქსელი, რომელმაც უზრუნველყო ბენეფიციარის თავშესაფარში გადაყვანა და საჭირო სერვისების - განათლება და დასაქმება - შეთავაზება.
3 და 4 ოქტომბერს წყალტუბოსა და სენაკის ქალთა მხარდაჭერის ცენტრების მიერ ორგანიზებული იყო ფსიქოლოგის ჯგუფური საინფორმაციო-საკონსულტაციო შეხვედრები. შეხვედრები წარიმართა საკმაოდ აქტუალურ თემაზე - მსხვერპლი, მსხვერპლის კომპლექსი, მიზეზები, ფსიქოსომატიკა, როგორ ავიცილოთ თავიდან - ოჯახში ძალადობის პრევენციისთვის.
მსხვერპლის კომპლექსი ნიშნავს, რომ ადამიანს აქვს გარკვეული პიროვნული თავისებურებები, რომელთა წყალობითაც ის მსხვერპლის პოზიციაში ხვდება და გაუცნობიერებლად იზიდავს უსიამოვნებებს და ტირან ადამიანებს. ისინი მუდმივად სხვას ადანაშაულებენ გაუთავებელ პრობლემებში და თავიანთ როლს ვერ ხედავენ. ხშირად ასეთი ქალები თავიანთ თავს მსხვერპლად წირავენ შვილებს, ქმარს, ოჯახს, მეზობლებს. ისინი თავიანთ ინტერესებს ბოლო ადგილზე აყენებენ: „მე როგორღაც გადავალ“, „მე არაფერი არ მინდა“, „მთავარია, თქვენ იყოთ კარგად“...
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
5 ივლისს ფონდი „სოხუმის“ ოფისში შეიკრიბნენ ქუთაისის, წყალტუბოს, სენაკის, ფოთისა და ხურჩა/კოკის (ზუგდიდის მუნიციპალიტეტი) ქალთა მხარდაჭერის ცენტრების მობილიზატორები. მათ წარმოადგინეს მუშაობის ექვსთვიანი ანგარიშები, ისაუბრეს მომავალი თვის სამუშაო გეგმებზე და სხვადასხვა ტექნიკურ საკითხზე. მობილიზატორები გაეცნენ ძალადობის მონიტორინგის ანკეტის შემაჯამებელ ანალიზს და რეკომენდაციებს.
ფონდი „სოხუმის“ ოფისში შეიკრიბნენ 9 მუნიციპალიტეტის (ქუთაისი, ხონი, წყალტუბო, სენაკი, ფოთი, ზუგდიდი, თერჯოლა, ოზურგეთი, ლანჩხუთი) წარმომადგენლები - ქალთა მხარდაჭერის ცენტრების მობილიზატორები. ის ადამიანები, რომლებიც მობილიზებას და ორგანიზებას გაუწევენ სხვადასხვა სახის შეხვედრებს.
ისინი გაეცნენ პროექტს „ქალთა უფლებების გაძლიერება“, მის მიზნებს, სამუშაო კონცეფციას, დაგეგმილ ღონისძიებებს.
ყოველ მათგანს სამუშაო განწყობა აქვს, რადგან ეს მუშაობა ხელს შეუწყობს თანაკუთხელი ქალებისა და მათი ოჯახების ცხოვრების გაუმჯობესებას.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
იურისტმა ჩაატარა შეხვედრა ოზურგეთის მუნიციპალიტეტის სოფელ მაკვანეთის მცხოვრებლებთან. გაირკვა, რომ მაკვანეთშიც იგივე პრობლემა აწუხებთ, რაც კვირიკეთში - ერთ-ერთ კომპანიას მდინარიდან ქვა-ღორღი ამოაქვს. მოსახლეობა აღნიშნავს, რომ კალაპოტის 6 მეტრით დაღრმავება ჭებში წყლის დაშრობას გამოიწვევს.
სოფელ მაკვანეთში გამოვლენილი პრობლემის გადაჭრა ბუნებრივი რესურსების დაცვის სამინისტროს პრეროგატივაა. მინისტრის სახელზე მომზადდება წერილი, დაიგეგმება ადვოკატირების კამპანია პრობლემის მოსაგვარებლად.