ქალთა მხარდაჭერის ცენტრები (533)
ქალთა მხარდაჭერის ცენტრი – ეს არის ფონდი „სოხუმის“ ფილიალები ქუთაისში, წყალტუბოში, ხონში, თერჯოლაში, სენაკში, ფოთში, ხურჩა/კოკში (ზუგდიდის მუნიციპალიტეტი), ლანჩხუთში, ოზურგეთში - შეიქმნა 2009 წლიდან. ცენტრების დანიშნულებაა ქალთა გაძლიერება, სოციალური, ფსიქოლოგიური, იურიდიული დახმარების გაწევა ძალადობის მსხვერპლი ქალებისთვის და კრიზისული ოჯახებისათვის, რომლებიც რთულ ცხოვრებისეულ მდგომარეობაში აღმოჩნდნენ. ქალთა მხარდაჭერის ცენტრები ხელს უწყობს ქალთა უფლებების დაცვას და მათ სოციალურ-ფსიქოლოგიურ რეაბილიტაციას.
100-მდე ადამიანმა დარეკა სტრესული სიტუაციების გამო ფონდი „სოხუმის“ ფსიქოლოგთან დეკემბერში. ყველა მათგანმა მიიღო სათანადო პასუხი და მხარდაჭერა. ამას გარდა, დისტანციურად გრძელდება კრიზისული ოჯახების წარმომადგენლების და ცალკეული ბენეფიციარების ფსიქოთერაპიული კონსულტაციები. როგორც ისინი აღნიშნავენ, პანდემიის დროს ეს ფონდი „სოხუმისგან“ შეთავაზებული აქტუალური და საჭირო დახმარებაა.
პანდემიით შექმნილი პრობლემები რა გავლენას ახდენს ურთიერთობებზე, როგორ უნდა გაუმჯობესდეს კომუნიკაცია ოჯახის წევრებს შორის, რომ კონფლიქტის გამომწვევი რისკები შემცირდეს - ამ საკითხებზე გაიმართა მსჯელობა დისტანციურ შეხვედრებზე ქობულეთის, ქუთაისის, სენაკის, წალენჯიხის მუნიციპლიტეტებში მცხოვრებ ოჯახურ წყვილებთან.
სხვადასხვა აქტივობით შეუერთდნენ ფონდი „სოხუმის“ ქალთა საინიციატივო ჯგუფები 16-დღიან საერთაშორისო კამპანიას ქალთა მიმართ ძალადობის წინააღმდეგ. „მშვიდობა შინ და მშვიდობა გარეთ“, „ქალთა მიმართ ძალადობა დანაშაულია“ - ასეთი მესიჯები გააჟღერეს ფონდი „სოხუმის“ აქტივისტებმა კონფლიქტისპირა სოფლებთან (ხურჩა და ნაბაკევი - ზუგდიდისა და გალის მუნიციპალიტეტები) გამართულ აქციაში. გენდერული კუთხით არსებულ გამოწვევებზე ისაუბრეს სოფელ ფახულანში (წალენჯიხის მუნიციპალიტეტი) გამართულ ონლაინ შეხვედრაზე და პროტესტი ამ ფორმით გამოხატეს.
წყალტუბოს, ხონის და ოზურგეთის ქალთა მხარდაჭერის ცენტრები პანდემიასთან დაკავშირებული რეგულაციების დაცვით აქტიურად ჩაერთენ ძალადობის წინააღმდეგ მიმართულ 16-დღიან კამპანიაში. მათ სხვადასხვა ღონისძიებით მოიცვეს ბენეფიციართა დიდი რაოდენობა. ჩატარდა შეხვედრები ადგილობრივ თვითმმართველობებთან, საინფორმაციო შეხვედრები, იურისტის და ფსიქოლოგის კონსულტაციები, მრგვალი მაგიდები, აქციები, მოწყვლად ჯგუფებს დაურიგდა ფონდი „სოხუმის“ დღის სარეაბილიტაციო ცენტრში შეკერილი პირბადეები.
ხურჩა/კოკის (ზუგდიდის მუნიციპალიტეტი) ქალთა მხარდაჭერის ცენტრი აქტიურად ჩაერთო კამპანიაში „16 აქტიური დღე ქალთა მიმართ ძალადობის წინააღმდეგ“. 25 ნოემბრიდან 10 დეკემბრის ჩათვლით იყო ღონისძიებების კასკადი: მრგვალი მაგიდა, აქცია, საინფორმაციო შეხვედრები, იურისტის და ფსიქოლოგის კონსულტაციები, ესეებისა და ნახატების კონკურსი. მოწყვლად ჯგუფებს დაურიგეს ძალადობის მსხვერპლი ქალების მიერ ფონდი „სოხუმის“ დღის სარეაბილიტაციო ცენტრში შეკერილი მრავალჯერადი მოხმარების პირბადეები. ასევე სამიზნე სკოლების მოსწავლეებთან, მშობლებთან და პედაგოგებთან ჩატარდა ონლაინ ტრენინგები ძალადობისა და ბულინგის თემატიკაზე. აღინიშნა, რომ პანდემიის დროს იმატა ძალადობის ფაქტებმა და მსგავსი შეხვედრებით ბენეფიციარებს ეძლევათ იმედი, რომ მარტონი არ არიან.
შეხვედრები ადგილობრივ თვითმმართველობასთან, აქცია, საინფორმაციო შეხვედრები ბენეფიციარებთან, ონლაინ ტრენინგი სამიზნე ბაღების მშობლებთან და აღმზრდელებთან - ეს სენაკის ქალთა მხარდაჭერის ცენტრი მცირე პროექტების აქტივობებია. ასე ჩაერთნენ ცენტრის წარმომადგენლები და ახალგაზრდა აქტივისტთა ჯგუფები 16-დღიან კამპანიაში ქალთა მიმართ ძალადობის წინააღმდეგ.
მონაწილეებს მიეწოდა ინფორმაცია კამპანიის შესახებ, აქცენტები დაისვა ქალთა მიმართ ძალადობის პრობლემის აქტუალობაზე, პრევენციაზე, მსხვერპლის დაცვაზე და საზოგადოების გაერთიანებაზე ძალადობის წინააღმდეგ.
„16 აქტიური დღე ქალთა მიმართ ძალადობის წინააღმდეგ“ - კამპანიის დღეებში თერჯოლის ქალთა მხარდაჭერის ცენტრმა მოაწყო დისკუსია სოციალურ ქსელში - „მსხვერპლიც ვარ და მოძალადეც“. აქცენტი გაკეთდა ფსიქოლოგიურ ძალადობაზე, რომელიც დასჯადია, თუმცა მის გამო იშვითად ისჯება ვინმე. სოციალურ ქსელში ჩანს, რომ მხოლოდ მსხვერპლნი არ ვართ, ვართ მოძალადეებიც. გაცნობიერებულად თუ გაუცნობიერებლად. სწორედ ამ თემაზე წარიმართა გულახდილი დისკუსია, რომელიც ასე საჭიროა საზოგადოების ინფორმირებისთვის.
ცენტრმა ჩაატარა შოურუმი „არ გამოგვეპაროს სამშობლოში დაბრუნების დრო“. ეს იყო ონლაინ შეხვედრა ემიგრაციის რთულ თემაზე. ნაჩვენები იყო ქალთა მხარდაჭერის ცენტრის გადაღებული ფილმი „შინ“, რომელიც ემიგრანტების ტკივილს ეხება. კამპანიას მიეძღვნა ასევე ნახატების გამოფენა „ჩემი ოჯახი“, რომელშიც აქტიურად ჩაერთნენ ახალგაზრდები სხვადასხვა სკოლიდან.
16-დღიან კამპანიაში ფახულანის (წალენჯიხის მუნიციპალიტეტი) ქალთა მხარდაჭერის ცენტრიც აქტიურად ჩაერთო - მცირე პროექტის „ჯანსაღი თაობისთვის“ აქტივობების მეშვეობით.
ამ დღეებში აქტიურად დაფიქსირდა ახალგაზრდების ხედვა ძალადობის პრობლემასთან დაკავშირებით, ჩატარდა ესეებისა და ნახატების კონკურსი, დარიგდა მრავალჯერადი მოხმარების პირბადეები მოწყვლადი ჯგუფებისათვის. ასევე გაიმართა საინფორმაციო შეხვედრები ქალებთან, ვორკშოპები სამიზნე სკოლების მასწავლებლებთან და მშობლებთან.
.be
ქობულეთის ქალთა მხარდაჭერის ცენტრმა მცირე პროექტის აქტივობები 16-დღიან კამპანიას მიუძღვნა. ჩატარდა აქცია, იურისტისა და ფსიქოლოგის ონლაინ კონსულტაციები, ტრენინგი საბავშვო ბაღების მშობლებთან და აღმზრდელებთან ოჯახში ძალადობისა და რეფერირების საკითხებზე. ამას გარდა, დარიგდა ფლაერები, სოციალურად დაუცველ ადამიანებს გადაეცა პირბადეები, გაიმართა მოეწყო ქუჩის გამოკითხვა: როგორ ესმით მოქალაქეებს ძალადობა. ღონისიძებებში აქტიურად იყო ჩართული საკრებულოს გენდერული თანასწორობის საბჭოს ხელმძღვანელი. კამპანიის შესახებ აღინიშნა ტელეკომპანია „აჭარის“ სიუჟეტში.
ნოემბერში ფონდი „სოხუმის“ ფსიქოლოგის ტელეფონზე ქუთაისიდან და რეგიონებიდან 63 ზარი შემოვიდა. ის ეხმაურებოდა ადამიანების ემოციურ მდგომარეობას და ისინიც იღებდნენ ფსიქოლოგიურ მხარდაჭერას. ჩატარდა ხუთი ჯგუფური დისტანციური ფსიქოლოგიური შეხვედრა, რომლებიც გაიმართა სენაკის, წყალტუბოს, ხონის, ხურჩა/კოკის (ზუგდიდის მუნიციპალიტეტი) ქალთა მხარდაჭერის ცენტრების ორგანიზებით. ფსიქოთერაპიულ კონსულტაციებს გადიან აგრეთვე ოჯახური წყვილები და კრიზისული ოჯახების წარმომადგენლები.
- პანდემიის და კორონავირუსით გამოწვეული პრობლემების პირობებში ეს საკმაოდ მნიშვნელოვანი მხარდაჭერაა, – აღნიშნავენ შეხვედრების მონაწილეები.