ქალთა მხარდაჭერის ცენტრები (533)
ქალთა მხარდაჭერის ცენტრი – ეს არის ფონდი „სოხუმის“ ფილიალები ქუთაისში, წყალტუბოში, ხონში, თერჯოლაში, სენაკში, ფოთში, ხურჩა/კოკში (ზუგდიდის მუნიციპალიტეტი), ლანჩხუთში, ოზურგეთში - შეიქმნა 2009 წლიდან. ცენტრების დანიშნულებაა ქალთა გაძლიერება, სოციალური, ფსიქოლოგიური, იურიდიული დახმარების გაწევა ძალადობის მსხვერპლი ქალებისთვის და კრიზისული ოჯახებისათვის, რომლებიც რთულ ცხოვრებისეულ მდგომარეობაში აღმოჩნდნენ. ქალთა მხარდაჭერის ცენტრები ხელს უწყობს ქალთა უფლებების დაცვას და მათ სოციალურ-ფსიქოლოგიურ რეაბილიტაციას.
ნოემბრის შეხვედრები დაემთხვა საერთაშორისო კამპანიას „16 აქტიური დღე ქალთა მიმართ ძალადობის წინააღმდეგ“. ამიტომაც, რა თქმა უნდა, საუბრის და განსჯის ძირითადი თემა იყო ძალადობა ოჯახში და ძალადობა ქალთა მიმართ. ქუთაისის, წყალტუბოს, ხონის, ფოთის, სენაკის და ხურჩა/კოკის (ზუგდიდის მუნიციპალიტეტი) ქალთა მხარდაჭერის ცენტრების მიერ ჩატარებული იურიდიული საინფორმაციო-საკონსულტაციო შეხვედრების მონაწილეები საუბრობდნენ ძალადობის მიზეზებზე, დამცავ მექანიზმებზე, ადამიანის უფლებებსა და თავისუფლებაზე. ისინი აქტიურად ერთვებოდნენ დისკუსიებში, მოჰყავდათ კონკრეტული მაგალითები, სვამდნენ შეკითხვებს და იღებდნენ კომპეტენტურ პასუხებს.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
საერთაშორისო კამპანიის „16 აქტიური დღე ქალთა მიმართ ძალადობის წინააღმდეგ“ ფარგლებში ფოთის ქალთა მხარდაჭერის ცენტრმა განახორციელა მინი-პროექტი „ჰარმონიული გარემო პატარებისთვის“. ჩატარდა საინფორმაციო შეხვედრები სკოლამდელი სააღმზრდელო გაერთიანების და საკრებულოს წარმომადგენლებთან. შემდეგ კი ორი ტრენინგი, რომელთაც ესწრებოდნენ 15 საბავშვო ბაღის პედაგოგები და გამგეები, ბაღების გაერთიანების და მერიის წარმომადგენლები.
ტრენინგის მონაწილეებმა იმსჯელეს გენდერულ სტერეოტიპებზე და ძალადობის პრობლემებზე, მათი გადაჭრის ხერხებზე. პროექტის ფარგლებში რამდენიმე ბაგა-ბაღში შეიქმნა „საკომუნიკაციო დაფა“. დაფის მეშვეობით მშობელს შეუძლია, ანონიმურად დააფიქსიროს თავისი აზრი და, საჭიროების შემთხვევაში, მოხდება რეაგირება ამა თუ იმ პრობლემასთან დაკავშირებით.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
„ჯანსაღი ცხოვრების წესის კულტურის დანერგვა მოსწავლე ახალგაზრდებში“ - ამ აქტუალურ თემაზე ახორციელებს მცირე პროექტს ფოთის ქალთა მხარდაჭერის ცენტრი. პროექტის ფარგლებში დაგეგმილია აქტივობები ქალაქის ორ სკოლაში - ჯანსაღი ცხოვრების წესის დამკვიდრების ხელშეწყობისთვის.
უკვე გაიმართა საინფორმაციო შეხვედრები მერიის გენდერულ მრჩეველთან, ახალგაზრდულ საქმეთა დეპარტამენტთან.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
29-30 სექტემბერს და 1 ოქტომბერს ქობულეთში ჩატარდა ტრენინგი ფონდი „სოხუმის“ ქალთა მხარდაჭერის ცენტრის მობილიზატორებისათვის. ტრენინგში აქტიური მონაწილეობა მიიღო 6 ცენტრის 11-მა მობილიზატორმა. სამი დღის განმავლობაში მათ იმუშავეს პროქტების შემუშავებაზე და განიხილეს რამდენიმე თემა: პროექტის წერა, მიზნების ფორმულირება, პრობლემების იდენტიფიკაცია და სააპლიკაციო განაცხადებთან მუშაობა, პროექტების ფინანსური მენეჯმენტი, პროექტის ბიუჯეტის დაგეგმვა და განაწილება.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
20-22 დეკემბერს ბორჯომში, სასტუმრო „ბორჯომი პალასში“ ჩატარდა ტრენინგი თემაზე „ფონდების მოძიების (ფანდრაიზინგის), პროექტის დიზაინი და მართვა“. მასში მონაწილეობა მიიღეს ქალთა მხარდაჭერის 6 ცენტრის მობილიზატორებმა.
ტრენინგის პირველ ნაწილში გათვალისწინებული იყო მონაწილეთა ფსიქორეაბილიტაცია, რაზეც ფონდი „სოხუმის“ ფსიქოლოგმა იმუშავა.
ტრენინგის მსვლელობისას გამახვილდა ყურადღება შემდეგ საკითხებზე: როგორ უნდა მოხდეს ფონდების მოძიება, ძირითადი ეტაპები ფონდების მოძიებისათვის, SWOT ანალიზი.
მონაწილეები აქტიურად ჩაერთნენ მუშაობაში. მათ უკვე აქვთ პროექტების დამოუკიდებლად განხორციელების პრაქტიკა და ფონდების მოძიებაც მათთვის მნიშვნელოვანი საკითხია. ტრენინგზე მოხდა კონკრეტული პრობლემების არჩევა და ამ მიმართულებით პროექტების გაწერა.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
სექტემბერის თვის სამობილიზაციო შეხვედრები მიეძღვნა მშვიდობის საერთაშორისო დღეს და WAVE #stepup საერთაშორისო კამპანიას „ძალადობის მსხვერპლ ქალთა და მათი შვილების - მხარდაჭერა და დაცვა“.
ფონდი „სოხუმის“ ქალთა მხარდაჭერის ცენტრებმა 33 შეხვედრა ჩაატარეს ქუთაისის, წყალტუბოს, ხონის, სენაკის, ფოთის, ზუგდიდის მუნიციპალიტეტებში - არა მარტო ქალაქებში, არამედ სოფლებშიც (თერნალი, კუხი, ნახახულევი, ახალსოფელი, ხორში, ხურჩა, კოკი, კახათი).
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
შეხვედრის მონაწილეებმა ფსიქოლოგთან ერთად იმსჯელეს კონფლიქტების თემაზე - მათი სახეები და მიზეზები, როგორ ავიცილოთ თავიდან. ჯგუფური ფსიქოლოგიური საკონსულტაციო შეხვედრა გაიმართა 13 ბენეფიაციართან სენაკის ქალთა მხარდაჭერის ცენტრში.
კონფლიქტების მართვა რომ ვისწავლოთ, პირველ რიგში, საკუთარი ემოციური მდგომარეობის მართვა უნდა შევძლოთ, - ასეთი დასკვნა გაკეთდა შეხვედრის ბოლოს.
სენაკის ქალთა მხარდაჭერის ცენტრმა დაიწყო მუშაობა პროექტზე „ინფორმირებული საზოგადოება ძალადობის წინააღმდეგ“. ეს ფონდი „სოხუმის“ მცირე საგრანტო პროექტის ფარგლებში დაფინანსებული პროექტია, რომელიც ხორციელდება ორ სოფელში - ხორშსა და თეკლათში (სენაკის მუნიციპალიტეტი). პროექტის პირველ ეტაპზე გაიმართა შეხვედრები სოფლის რწმუნებულებთან და მაჟორიტარ დეპუტატებთან, რომელთაც მიიღეს ინფორმაცია პროექტის შესახებ
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
სენაკის ქალთა მხარდაჭერის ცენტრში გამართულ ფსიქოლოგიურ საკონსულტაციო შეხვედრას ესწრებოდნენ ბენეფიციარები 15-დან 50 წლამდე. საუბრობდნენ ოჯახურ ბედნიერებაზე, ბედნიერების საფუძვლებზე, ეკონომიკურ პრობლემებზე, ოჯახის კეთილდღეობაზე.
ბევრი აქტუალური, მნიშვნელოვანი და საჭირო ინფორმაცია მიიღეს მონაწილეებმა. მათ განსაკუთრებით დაამახსოვრდათ ფსიქოლოგის რჩევა: ბევრი ქალი ელოდება, რომ მისი საყვარელი ადამიანი მიუხვდება სურვილს ან ცუდი განწყობის მიზეზს. თუ რაიმე გინდათ - უთხარით ამის შესახებ, თუ შეურაცხოფილი ხართ - ესეც უთხარით. ამგვარად მამაკაცი უკეთ შეძლებს თქვენს გაგებას და თქვენც ნაკლები საბაბი გექნებათ გულისტკენისათვის.