ამ ვიდეორგოლში ერთგვარი სამკუთხედია შეკრული: ძალადობის მსხვერპლი ქალი, რომელიც თავის გულისტკივილს გვიზიარებს; სახელმწიფოს კანონი, რომელიც ძალადობისაგან იცავს ქალს და საზოგადოება - რომელიც გმობს ძალადობას.
დამაფიქრებელია: სევდით და სინანულით სავსე მონოლოგი, რომელსაც მსახიობი მაგდანა ჩიხლაძე კითხულობს. საზოგადოება, რომელსაც დათო ლიკლიკაძე წარმოადგენს - ცნობილი ჟურნალისტი და აქტივისტი. ის გამოხატავს პროტესტს ძალადობის მიმართ და სოლიდარობას უცხადებს ძალადობის მსხვერპლ ქალებს!
ჩვენი სათქმელია: ერთად - ძალადობის წინააღმდეგ!
ძალადობის მსხვერპლი ქალის მონოლოგი რეალურია. ამოღებულია ფონდი „სოხუმის“ მონიტორინგის ჯგუფის მომზადებული პუბლიკაციიდან „მსხვერპლისთვის არსებული სერვისების მონიტორინგი - ქალთა მიმართ ოჯახში ძალადობის მსხვერპლთა მხარდაჭერის სერვისების ფუნქციონირება პრაქტიკაში და არსებული გამოწვევები“.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ენდი ძიძავა ქუთაისის ლადო მესხიშვილის სახელობის დრამატული თეატრის მსახიობია. არა - ძალადობას! - ამბობს ის ამ ვიდეორგოლში.
მარიამ რობაქიძე ფონდი „სოხუმის“ ფორუმ-თეატრის მსახიობია და ვიდეორგოლში ფსიქოლოგიური ძალადობის მსხვერპლი ქალის ისტორიას გვაცნობს. მას არაერთხელ უთამაშია სცენაზე მსხვერპლი ქალის როლი და მსგავსი ამბავიც ბევრჯერ მოუსმენია.
ფონდი „სოხუმი“ აქტიურად მუშაობს ძალადობის პრევენციისა და მსხვერპლთა დახმარების კუთხით. ძალადობის მსხვერპლი ქალის ეს მონოლოგიც რეალურია. ამოღებულია ფონდი „სოხუმის“ მონიტორინგის ჯგუფის მომზადებული პუბლიკაციიდან „მსხვერპლისთვის არსებული სერვისების მონიტორინგი - ქალთა მიმართ ოჯახში ძალადობის მსხვერპლთა მხარდაჭერის სერვისების ფუნქციონირება პრაქტიკაში და არსებული გამოწვევები“.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ფონდი „სოხუმი“ აქტიურადაა ჩართული 16-დღიან გლობალურ კამპანიაში ქალთა მიმართ ძალადობის წინააღმდეგ.
გთავაზობთ თბილისის წარმომადგენლობის მიერ მომზადებულ ვიდეოს, სადაც ასახულია საზოგადოების დამოკიდებულება ქალთა მიმართ ძალადობის პრობლემისადმი. ასევე მოისმენთ ძალადობის მსხვერპლის რეალურ ისტორიას ფონდი „სოხუმის“ კვლევიდან - „COVID-19-ის გავლენა ოჯახში ძალადობაზე, მსხვერპლი ქალების მდგომარეობასა და სერვისებისადმი ხელმისაწვდომობაზე“.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
- ჩვენს ირგვლივ არიან ქალები, რომლებიც ამ პრობლემებით ცხოვრობენ. ყველა ოჯახში უნდა შეაღწიოს ინფორმაციამ და ყველა ქალმა უნდა იგრძნოს, რომ ძალადობის შემთხვევაში ის მარტო არ არის, - ასე ფიქრობენ შეხვედრის მონაწილეები, რომლებიც მიღებულ ინფორმაციებს სხვადასხვა თემში გაავრცელებენ და ამით ხელს შეუწყობენ ძალადობის პრევენციას ოჯახებში.
ყოველთვიურ საინფორმაციო შეხვედრებს ბაღდათში, კოკში (ზუგდიდის მუნიციპალიტეტი), სამტრედიაში სხვადასხვა თემის წარმომადგენლები დაესწრნენ. ქალთა მხარდაჭერის ცენტრების მობილიზატორების თქმით, საზოგადოებას ჯერ კიდევ სჭირდება ძალადობის საკითხებზე ინფორმაციის მიწოდება, რათა სწორად შეაფასოს შედეგები.
შეხვედრებმა ძალადობის შემთხვევების იდენტიფიცირებას შეუწყო ხელი, გაიზარდა დახმარების მსურველთა რიცხვი: ქალთა ფონდი „სოხუმის“ ფსიქოლოგმა და იურისტმა კოკში და ბაღდათში გამოვლენილ კონკრეტულ ქეისებზე დაიწყეს მუშაობა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ახალგაზრდების გაძლიერების ცენტრების ექვსთვიანი სატრენინგო კურსის ბოლო შეხვედრები ჩატარდა. 97 მონაწილე ესწრებოდა სამტრედიის, ბაღდათის, თერჯოლის, ტყიბულის და ვანის მუნიციპალიტეტებიდან.
ყველა შეხვედრაზე იგრძნობოდა მონაწილეთა მაღალი ინტერესი თემისადმი „კონფლიქტის მოგვარების გზები. ეთიკისა და ესთეტიკის ნორმები. მშობლებისა და შვილების ურთიერთობა, პრობლემები და მიზეზები“.
მარტში გაიმართება შემაჯამებელი ღონისძიება, რომელსაც ათივე მუნიციპალიტეტის წარმომადგენლები დაესწრებიან. ახალგაზრდები აქტიურ მუშაობას გააგრძელებენ თავიანთ სკოლებში - 5 ცენტრის 10 ლიდერი პრეზენტაციებს გააკეთებს და თავის ცოდნას გაუზიარებს მოსწავლეთა ჯგუფებს.
ამ თვეში განსაკუთრებული იყო შვილების წერილები მშობლებს. ტრენერებმა მონაწილეებს სთხოვეს, დაეწერათ მესიჯი მშობლებისთვის, გამოეხატათ თავიანთი სიყვარული, ფიქრები, სურვილები... საკმაოდ დიდი და კარგი მასალა დაგროვდა და მალე ცალკე დაიბეჭდება ჩვენს ვებგვერდზე, როგორც წარმატების ისტორია.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
კომპლექსები მქონდაო... უყურებ, ესაუბრები და ვერ წარმოგიდგენია, რომ ხუთი წლის წინ მორიდებული იყო და ეშინოდა აუდიტორიის წინაშე გამოსვლის.
რამდენს მიაღწია ამ ხუთ წელიწადში! უბრალო ჩამოთვლითაც მიხვდებით, რამდენი შრომა და მონდომებაა ამ წარმატებებს მიღმა:
ირმა ბრეგაძე - სოფელ ზედა სიმონეთის საჯარო სკოლის მეთერთმეტე კლასის მოსწავლე, თერჯოლის მოსწავლე-ახალგაზრდობის მუნიციპალური ცენტრის პროექტების აქტიური მონაწილე, ქალთა ფონდი „სოხუმის“ ახალგაზრდული ღონისძიებების ორგანიზატორი, პროგრამა FLEX-ის ნახევარფინალისტი, MAC Georgia-ს თეატრალური დასის წევრი...
ნაბიჯ-ნაბიჯ მივყვეთ ირმას წარმატების გზას.
ირმა ბრეგაძე: „მეექვსე კლასში ვიყავი, როცა გვითხრეს, კონფლიქტების თემაზე იწყება მუშაობა და ვინ ჩაერთვებითო. დამაინტერესა და დავესწარი. პირველივე გაკვეთილი დამამახსოვრდა. ეს იყო ჩემი უშუალო კონტაქტი ფონდ „სოხუმთან“, როცა ტრენერმა ლელა შენგელიამ ჩაგვიტარა ათმოდულიანი სატრენინგო კურსი კონფლიქტების მართვის შესახებ“.
ფონდმა „სოხუმმა“ ონლაინ მრგვალ მაგიდასთან შეკრიბა ხონისა და ლანჩხუთის მუნიციპალიტეტების ადგილობრივი რეფერირების სუბიექტები: ადგილობრივი თვითმმართველობის და პოლიციის წარმომადგენლები, გენდერული თანასწორობის საბჭოს წევრები, სოციალური სამსახურები, პედაგოგები. შეხვედრაზე გაიმართა კვლევის პრეზენტაცია, რომელიც ფონდმა „სოხუმმა“ ჩაატარა მსხვერპლთათვის არსებული სერვისების მონიტორინგის კუთხით.
შეხვედრაზე ისაუბრეს მუნიციპალიტეტის მასშტაბით ძალადობის მსხვერპლის იდენტიფიკაციის და დახმარების მხრივ არსებულ სიტუაციაზე. მრგვალი მაგიდის მონაწილეებმა ასევე მიიღეს ინფორმაცია ახალ ვებგვერდზე „ძალადობის მსხვერპლთა სერვისების ციფრული რესურსცენტრი“, სადაც განთავსებულია სასარგებლო და საჭირო ინფორმაცია.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდი "სოხუმის" მიერ მომზადებულ მონიტორინგის ანაგარიშში - "ბავშვთა მოვლის სერვისების განვითარება - ქალთა დასაქმების ხელშეწყობის და ოჯახში ძალადობის ეფექტიანი პრევენციისა და რეაგირებისთვის“ ასახული დარგობრივი მიგნებები და რეკომენდაციები თბილისის ოფისის წარმომადგენლებმა - ნინო კორინთელმა და ლინდა ჩიხლაძემ დასაქმების ხელშეწყობის სახელმწიფო სააგენტოს წარმომადგენელს - ანა ბენდელიანს გააცნეს.
შეხვედრაზე ორივე მხარეს საკუთარი გამოცდილებების გაზიარების შესაძლებლობა მიეცა. ფონდი "სოხუმის" წარმომადგენლებმა ყურადღება მოწყვლადი კატეგორიის ქალთა დასაქმების ხელშეწყობისთვის იმ სპეციფიკურ საჭიროებებზე გაამახვილა, რომელიც დეტალურადაა მიმოხილული ჩვენს კვლევაში და ამასთან, იმ ბარიერებზეც ისაუბრეს, რომლებსაც ჩვენი ბენეფიციარები ყოველდღიურად აწყდებიან.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
იძულებით გადაადგილებულ პირთა საკითხებზე მუშაობა ქალთა ფონდი „სოხუმის“ ერთ-ერთი მიმართულებაა. დასავლეთ საქართველოს ხუთ მუნიციპალიტეტში დაიწყო კოალიციური პროექტი, რომლის სახელწოდებაა: „რეგიონული და ადგილობრივი მმართველობის შესაძლებლობების გაძლიერება ქალთა, მშვიდობისა და უსაფრთხოების ეროვნული სამოქმედო გეგმის ლოკალიზაციის პროცესში და ამ პროცესებში იგპ და კონფლიქტით დაზარალებული ქალებისა და ახალგაზრდების მნიშვნელოვანი მონაწილეობის გაზრდა“.
პროექტის მიზანია ადგილობრივი ხელისუფლების შესაძლებლობების განვითარების ხელშეწყობა, განსაკუთრებით დევნილებთან და კონფლიქტით დაზარალებულ მოსახლეობასთან, რათა უფრო აქტიური მონაწილეობა მიიღონ ქალების, მშვიდობისა და უსაფრთხოების შესახებ გაეროს უშიშროების საბჭოს რეზოლუცია 1325-ის ეროვნული სამოქმედო გეგმის ლოკალიზაციის პროცესში.
„ამ თემაზე ბევრია სასაუბრო, ოჯახში ძალადობა აზიანებს არ ამხოლოდ ერთ ადამიანს, ერთ ოჯახს, არამედ საზოგადოების მნიშვნელოვან ნაწილს. ეს უნდა აღიქვას ყველამ“.
„ძალადობას არ უყვარს დაგვიანება, პირიქით დროული რეაქციაა საჭირო“.
ასეთი მოსაზრებები ჰქონდათ ჩოხატაურის, თერჯოლის, ტყიბულის და სამტრედიის ქალთა მხარდაჭერის ცენტრებში ჩატარებული საინფორმაციო შეხვედრის მონაწილეებს.
სამობილიზაციო შეხვედრები ეხმარება მონაწილეებს, რომ რაც შეიძლება მეტი ინფორმაცია ჰქონდეთ ძალადობაზე რეაგირების კუთხით არსებულ სერვისებსა და მექანიზმებზე. შეხვედრები ხელს უწყობს მოსახლეობის ინფორმირების გაუმჯობესებას, რაც მნიშვნელოვანი ნაბიჯია ძალადობის პრევენციის კუთხით.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)