მშვიდობის შენება, ნდობის აღდგენა. - ამ საკითხებზე გაიმართა ტრენინგი წყალტუბოს ახალგაზრდული ჯგუფის წევრებისთვის.
მონაწილეებმა იმსჯელეს მშვიდობის მშენებლობისა და ნდობის აღდგენის მექანიზმებზე. ინტერაქტიული ჩართულობით დაფიქსირდა მათი პოზიციებიც განსახილველი საკითხების მიმართ.
„ნდობის გარეშე ვერ ააგებ ურთიერთობას, ჯერ უნდა ენდო და მერე დაიწყო ურთიერთობა.
მშვიდობა გულისხმობს ნდობას, მშვიდობა იწყება ნდობით, სხვანაირად ვერ ააშენებ ურთიერთობას”..- ასეთი იყო მონაწილეთა საერთო პოზიციები.
როგორ მოვიპოვოთ ნდობა, რა უშლის ხელს ნდობის აღდგენას? - დისკუსიისას დასმულ ამ კითხვაზე მონაწილეებმა ცალსახად დააფიქსირეს, რომ ნებისმიერ ურთიერთობაში აუცილებელია სწორი ანალიზი და სტერეოტიპული მიდგომების მსხვრევა, რათა ვენდოთ და გვენდობოდნენ.
პროექტი ხორციელდება USAID-ის მხარდაჭერით
ხონის მუნიციპალიტეტის ქალთა საინიციატივო ჯგუფმა წარმატებით დაასრულა ფოკუს ჯგუფების ჩატარების პროცესი
ხონის მუნიციპალიტეტში ქალთა 2 საინიციატივო ჯგუფია.
წარმატებით ჩაიარა ფოკუს ჯგუფების ჩატარების პროცესმა, რაზეც ხონის ქალთა საინიციატივო ჯგუფის წევრებმა ისაუბრეს.
ფოკუს ჯგუფებში მონაწილეობისას რესპონდენტებმა შეძლეს არამარტო საკუთარი აზრის დაფიქსირება, არამედ გამოთქვეს სურვილი საინიციატივო ჯგუფში გაწევრიანებაზეც.
ასევე, ხაზგასასმელია ის ფაქტორიც, რომ ხონის საინიციატივო ჯგუფის წევრებმა მოახერხეს მოსახლეობაში არსებული სტერეოტიპების გარღვევა და თავისი საქმიანობით შეძლეს ქალის, ეკონომიკასა და პოლიტიკაში არსებულ როლზე შეხედულების შეცვლა.
ეს უდაოდ დიდი წინსვლაა...
პროექტი ხორციელდება USAID-ის მხარდაჭერით
ხონის მუნიციპალიტეტში, სამხედრო დასახლებაში მცხოვრებმა ქალთა საინიციატივო ჯგუფის წევრებმა წარმატებით დაასრულეს ჩაღრმავებული ინტერვიუების ჩატარების პროცესი.
სწორედ, იმ მიღწევებზე, გამოწვევებზე და სირთულეებზე ისაუბრეს მათ საინფორმაციო შეხვედრაზე, რომელიც 04 თებერვალს ჩატარდა.
ინტერვიუერებმა აღნიშნეს, რომ, ძალიან საინტერესო რესპონდენტები ყავდათ და სხვებსაც გაუზიარეს თავიანთი ემოციები.
პროექტი ხორციელდება USAID-ის მხარდაჭერით
7 თებერვალს ჩატარდა საინფორმაციო შეხვედრა ქუთაისის ახალგაზრდული კლუბის წევრებთან.
ახალგაზრდებმა მიიღეს ინფორმაცია თუ რა შედეგები შეიძლება გამოიწვიოს გენდერულმა უთანასწორობამ:
ძალადობა, უთანხმოება, აზრთა შეუთანხმლებლობა, შიში(ძირითადად მაშინ, როდესაც ქალი ძალადობის ზემოქმედების ქვეშაა), სოციალური პრობლემები, ასევე შეიძლება პიროვნებას არასრულფასოვნების კომპლექსი გაუჩნდეს.
საინტერესოდ დააფიქსირეს მონაწილეებმა თავიანთი მოსაზრებები:
-„საინტერესო იყო შეხვედრა, სადაც ვცრლად და კონკრეტულად გადმოგვცეს თუ რა არის გენდერი და რას ნიშნავს გენდერული თანასწორობა“;
- „ქალი და კაცა თანაბარუფლებიანია ყველა საკითხში“.
პროექტი ხორციელდება USAID-ის მხარდაჭერით
რა არის მოხალისეობა?
რა სიკეთე მოაქვს მას?
როგორ გავხდეთ მოხალისე და რა უნდა ვიცოდეთ ამისთვის?
ამ და სხვა კითხვებს პასუხი გაცა ქუთაისის საინიციატიო ჯგუფის წევრმა და მოხალისეობის იდეის პოპულარიზაციის პროგრამის მონაწლემ ელენე სულაქველიძემ
საინფორმაციო შეხვედრა ჩატარდა 9 თებერვალს ონლაინ რეჟიმში.
ნამდვილად, მისასალმებელია მსგავსი სახის ინიციატივები ახალგაზრდებისგან.
სასარგებლო და ინფორმატიული საღამო გამოვიდა.
პროექტი ხორციელდება USAID-ის მხარდაჭერით
მორიგი საინფორმაციო შეხვედრა ჩატარდა წალენჯიხის მუნიციპალიტეტის სოფელ ფახულანისა და ზუგდიდის მუნიციპალიტეტის სოფელ დიდინეძისა და კოკის ქალთა საინიციატივო ჯგუფის წევრებთან.
შეხვედრები მიეძღვნა პროექტით გათვალისწინებული კვლევის - "სოციალურ - პოლიტიკურ ცხოვრებასა და ეკონომიკურ საქმიანობაში ქალთა მონაწილეობის ბარიერებისა და შესაძლებლობების შესახებ" ტექნიკური მხარის შეფასებას.
მონაწილეებმა ისაუბრეს თუ როგორ დაგეგმეს კვლევის ჩატარების პროცესი, რა ხელისშემსლელი და ხელისშემწყობი ფაქტორები დაინახეს მუშაობის პროცესში. თითოეული გამომსვლელი საუბრობდა საკუთარი მაგალითების გამოყენებით.
ერთმანეთს უზიარებდნენ ჯგუფებთან მუშაობის სირთულეებს.
საუბრობდნენ როგორ შეძლეს ინტერვიუს ჩაწერა, რესპონდენტებთან პირისპირ საუბარი.
მონაწილეებმა მიიღეს რჩევები ფასილიტაციის ძირითად პრინციპებზე.
ასევე, ჯგუფის წევრებთან განვიხელეთ სამომავლო გეგმები.
პროექტი ხორციელდება USAID-ის მხარდაჭერით
ჩვენ დღეს ძალიან ღირებული გამოცდილება მივიღეთ იმასთან დაკავშირებით, როგორ მოვძებნოთ ყველაზე მოკლე გზები ჩვენი თემისთვის საჭირბოროტო საკითხების გადასაჭრელად!
ამოვირჩიეთ პრიორიტებული საკითხები და დავსახეთ სტრატეგია, როგორ დავიწყოთ ცვლილებებზე ზრუნვა.
გაგვიჩნდა ბევრი ახალი იდეა, მათი გადაჭრის გზების კონტურებიც მოვინიშნეთ.
ჩვენი შესაძლებლობები უფრო კარგად დავინახეთ.
სოფელ დიდინეძის ქალთა საინიციატივო ჯგუფის წევრები ქალთა ფონდი „სოხუმის“ მიერ ჩატარებულ ადვოკატირების ტრენინგს აფასებენ. ონლაინ-შეხვედრაზე მათ სამოქალაქო ადვოკატირების ფორმებზე, მეთოდებზე, გზებზე ინფორმაციები გააცნეს.
შემუშავებული იქნა ადვოკატირების სტრატეგია და სამოქმედო გეგმა თემისთვის ერთერთი პრიორიტეტული საკითხის გარშემო.
მიიღეს გამოცდილება, როგორ უნდა ჩამოყალიბდეს ადვოკატირების ძირითადი გზავნილი („მესიჯი“) როგორ დაამყარონ ეფექტური კომუნიკაცია სამიზნე ჯგუფებთან, როგორ შეარჩიონ მეთოდები.
პროექტი ხორციელდება USAID-ის მხარდაჭერით
„ადგილობრივ დონეზე ქალთა მიმართ/ოჯახში ძალადობის მსხვერპლთა დახმარების სერვისების ხელმისაწვდომობა“ – ეს იყო მრგვალი მაგიდის თემა, რომელიც 15 თებერვალს ქალთა ფონდი „სოხუმის“ ორგანიზებით და კანადის თანასწორობის ფონდის მხარდაჭერით ჩატარდა.
მრგვალი მაგიდის მონაწილეები იყვნენ სენაკის, სამტრედიის, თერჯოლის, ქობულეთის, ოზურგეთის, ბაღდათის, ვანის, წყალტუბოს, ტყიბულის, ზუგდიდის, ხონის და ჩოხატაურის მუნიციპალიტეტების ადგილობრივი თვითმმართველობის, სოციალური სამსახურების და ბავშვთა უფლებების დაცვის განყოფილების წარმომადგენლები, ჟურნალისტები ტყიბულის, ფოთის, ქუთაისის, ოზურგეთის, თერჯოლის მედიაორგანიზაციებიდან, თემაზე მომუშავე არასამთავრობო ორგანიზაციების წარმომადგენლები და ასევე ფონდი „სოხუმის“ ქალთა მხარდაჭერის ცენტრების მობილიზატორები.
ღონისძიების პირველ ნაწილში ქალთა ფონდი „სოხუმის“ წარმომადგენლებმა პროექტის არსზე ისაუბრეს, ასევე მის ფარგლებში შექმნილ ინოვაციურ და დღესდღეობით ყველაზე საჭირო ვებგვერდზე - ძალადობის მსხვერპლთა სერვისების ციფრულ რესურცენტრსა (http://gbvdigitalresourcecenter.ge/) და მის პოპულარიზაციაზე მუნიციპალიტეტებში - შედეგები და გამოწვევები.
Covid-19-ით ინფიცირებულთა სტიგმა პანდემიით გამოწვეული ძალადობის ახალი ფორმაა. ეს ადამიანები ჩვენს ირგვლივ არიან და ბევრ მათგანს რთულ მდგომარეობაში უწევს ცხოვრება. სწორედ ამ მტკივნეულ საკითხზე ფონდი „სოხუმის“ თბილისის წარმომადგენლობამ მოამზადა სოციალური ვიდეორგოლი.
გავთავისუფლდეთ სტიგმისგან!
გამოვიჩინოთ თანაგრძნობა!
მათ დაამარცხეს ვირუსი!
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
.be
ქალთა მიმართ ძალადობის წინააღმდეგ 16 აქტიური დღის ფარგლებში წარმოგიდგენთ ფონდი „სოხუმის“ მიერ მომზადებულ სოციალურ ვიდეორგოლს თემაზე - რა სჭირდებათ ყველაზე მეტად ძალადობის მსხვერპლ/მარტოხელა/მრავალშვილიან დედებს?
რესპონდენტები ინდივიდუალურად გვიყვებიან საკუთარ გამოცდილებასა და საჭიროებებზე, რაც ეყრდნობა ფონდი „სოხუმის“ მიერ მომზადებული მონიტორინგის ანგარიშს „ბავშვთა მოვლის სერვისების განვითარება - ქალთა დასაქმების ხელშეწყობისა და ოჯახში ძალადობის ეფექტიანი პრევენციისა და რეაგირებისთვის“.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)