ჩვენთან ის ზუგდიდიდან გამოაგზავნა ერთ-ერთმა არასამთავრობო ორგანიზაციამ. ფიზიკური ძალადობის შემდეგ, სიკვდილის შიშით - პოლიციაში დარეკა და გადაწყვიტა ქუთაისში, დედასთან დაბრუნება.
ი. 35 წლის.
მძიმე ბავშვობა ჰქონდა. მამა ხშირად მოდიოდა მთვრალი, ოჯახში მუდმივად იყო კამათი და სკანდალი… ერთხელაც, შინ მთვრალი რომ ბრუნდებოდა, მანქანამ გაიტანა. მაშინ მე-8 კლასში სწავლობდა... 18 წლისა დედამ გარიგებით გაათხოვა სამეგრელოს ერთ-ერთ სოფელში. ქმარი 10 წლით უფროსი იყო მასზე.
ქორწინების პირველი ორი თვე ბედნიერად ახსოვს. მერე ქმრის მშობლები გაემგზავრნენ (რუსეთში ცხოვრობდნენ და მუშაობდნენ), მარტონი რომ დარჩნენ, ფიქრობდა, უკეთ ვიქნებითო, მაგრამ… დაიწყო ეჭვიანობა, კონტროლი, კრიტიკა: „ცუდად გაგიკეთებია“, „რა გაცვია“, „რას აკეთებ მეზობლებთან“, „ვინ მოგიყვანა ტაქსით“, „ვის ელოდები“…
წალენჯიხა, სამტრედია, ქობულეთი, ზუგდიდი, სენაკი - ამ ხუთი მუნიციპალიტეტის ახალგაზრდულ ცენტრებში დეკემბერში გაგრძელდა ტრენინგების ციკლი - ამჯერად ტოლერანტობისა და ნაადრევი ქორწინების თემაზე. იყო აქტიური განხილვები, დისკუსია და, რაც ყველაზე მთავარია, ნდობა მონაწილეთა მხრიდან, რომელსაც პედაგოგები აღნიშნავენ.
ტრენინგებზე გამოიკვეთნენ ლიდერები, რომლებიც ჩაუდგნენ სათავეში ინიცირებული ღონისძიებების ჩატარებას. აქტიურად ჩაერთნენ პედაგოგები, დირექტორები, მშობლები - ინიცირებულ ღონისძიებებში მონაწილეობა მიიღო 1255 მოსწავლემ.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდი „სოხუმის" თბილისის წარმომადგენლობა დაარსდა 2019 წლიდან. მისი მთავარი მიზანია:
- ორგანიზაციის ინსტიტუციური გაძლიერება;
- ორგანიზაციის საქმიანობის ცნობადობის გაზრდა სახელმწიფო უწყებების, საერთაშორისო და არასამათვრობო ორგანიზაციების წარმომადგენლებთან შეხვედრების გზით;
- ფონდების მოძიება;
- ორგანიზაციაში ხანგრძლივი და მრავალმხრივი მუშაობის შედეგად დაგროვილი გამოცდილების და განხორციელებული კვლევების მიგნებების საფუძველზე შემუშავებული რეკომენდაციების ადვოკატირება ცენტრალურ, რეგიონულ და ადგილობრივ დონეზე;
- ქვეყნის პოლიტიკურ და საზოგადოებრივ ცხოვრებაში გენდერული თანასწორობის მისაღწევად, საზოგადოებასა და ოჯახში ქალის როლის და მნიშვნელობის გასაზრდელად აუცილებელი საკანონმდებლო თუ ინსტიტუციური ცვლილებების ინიცირება;
- საქართველოში კონფლიქტის მშვიდობიანი გადაწყვეტის/ტრანსფორმაციის ხელშესაწყობად და სამშვიდობო პროცესში ქალთა მონაწილეობის უზრუნველყოფის მიზნით განსხვავებული მიდგომების და სტრატეგიების ინიცირება და ადვოკატირება;
- კონფლიქტით დაზარალებული და დევნილი ქალების და გოგონების საჭიროებების კვლევა, პრობლემების გადაწყვეტის ადვოკატირება ნაციონალურ და ადგილობრივ დონეზე, და შესაბამისი საერთაშორისო ორგანიზაციების წინაშე;
- მედიის წარმომადგენლებთან თანამშრომლობა, ორგანიზაციის მიღწევების, შეთავაზებული სერვისების, მიმდინარე პროექტების და ბენეფიციართა ცხოვრებაში არსებული გამოწვევების მაქსიმალურად გაშუქების მიზნით.
ქუთაისის ქალთა საინიციატივო ჯგუფის წევრები აქტიურად ჩაერთნენ ონლაინ შეხვედრაში. კვლევის დაწყების წინ მათ მიიღეს კონსულტაციები და განსაზღვრეს სამიზნე ბენეფიციარები. მოხდა კონკრეტული შემსრულებლების განაწილება და დადგინდა კვლევის ჩატარების ვადები. ანკეტირება 150 ადამიანს მოიცავს.
ონლაინ ჩატარდა ახალგაზრდული ჯგუფის შეხვედრაც. ჯგუფის წევრებმა ისაუბრეს 16-დღიანი საერთაშორისო კამპანიის ფარგლებში ჩატარებული ინიცირებული ღონისძიებების შესახებ. ისინი გმობენ ძალადობას და მათი მოსაზრებით, აქტიური საინფორმაციო მუშაობა ხელს უწყობს ცნობიერების ამაღლებას.
პროექტი ხორციელდება USAID-ის მხარდაჭერით
ეს ლამაზი ნაკეთობები მათი ნახელავია. ქალები გულმოდგინედ სწავლობდნენ თიხის დამუშავებას დღის სარეაბილიტაციო ცენტრში. და აი, დასრულდა პოლიმერულ თიხაზე მუშაობის კიდევ ერთი კურსი. ბოლო გაკვეთილზე კურსდამთავრებულებმა წარმოადგინეს თავიანთი ნამუშევრები, ისაუბრეს დღის ცენტრში გატარებულ პერიოდზე, ახალი პროფესიის შესწავლაზეც და პირად ურთიერთობებზეც. პრეზენტაცია შთამბეჭდავი იყო და ქალთა ფონდი „სოხუმის“ წარმომადგენლების დიდი მოწონებაც დაიმსახურა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ფონდმა „სოხუმმა“ მუშაობა დაიწყო ზუგდიდის მუნიციპალიტეტის სოფელ დიდ ნეძში. შეიქმნა ქალთა საინიციატივო ჯგუფი. ჯგუფის წევრებს აქვთ მოტივაცია, ჩაერთონ საპროექტო აქტივობებში და ხელი შეუწყონ სიახლეების დანერგვას სხვადასხვა თემში.
სოფელ კოკის ქალთა საინიციატივო ჯგუფთან მორიგი შეხვედრა გაიმართა. ჯგუფის წევრები კვლევის ჩატარებისთვის ემზადებიან. შეხვედრაზე განაწილდა ფუნქციები და პასუხისმგებლობები, შეირჩა რესპონდენტები და სამიზნე ბენეფიციარები.
კოკის ახალგაზრდული საინიციატივო ჯგუფი აქტიურად იყო ჩართული 16-დღიან კამპანიაში და მორიგ შეხვედრაზე ჯგუფის წევრებმა ერთმანეთს გაუზიარეს ამ მუშაობით მიღებული შთაბეჭდილებები: რა აქტივობები ჩაატარეს, როგორ დაგეგმეს და რა შედეგები მიიღეს. მათი თქმით, კამპანიამ შესაძლებლობა მისცა ახალგაზრდებს, სხვადასხვა აქტივობით გამოეხატათ პროტესტი ქალთა მიმართ ძალადობის გამო.
პროექტი ხორციელდება USAID-ის მხარდაჭერით
16-დღიანი კამპანიის ისტორია და მნიშვნელობა, მსხვერპლის მიმართ საზოგადოების მხარდაჭერა - ამ საკითხებზე ონლაინ ფორმატში ჩატარდა შეხვედრები წალენჯიხის, ჩოხატაურის, სენაკისა და სამტრედიის მუნიციპალიტეტების წარმომადგენლებთან.
მონაწილეებმა ასევე მიიღეს ინფორმაცია ვებგვერდზე „ძალადობის მსხვერპლთა სერვისების ციფრული რესურცენტრის“: თუ როგორ უნდა იპოვონ საჭირო ინფორმაცია, რა მასალებია განთავსებული და რაში დაეხმარება მოწყვლად ჯგუფებს. შეხვედრებზე დაფიქსირდა მადლიერება ქალთა ფონდი „სოხუმის“ მიმართ, რადგან აქტუალურ პრობლემებზე მუშაობს და აქტიურად ეხმარება ქალებს.
პროექტი ხორციელდება გენდერული თანასწორობის ფონდის მხარდაჭერით
ინგირის თემში (ზუგდიდის მუნიციპალიტეტი) ყოფილი მეურნეობის ბინებში 500 დევნილი და ადგილობრივი ოჯახია - მათ შორის შშმ პირები, მრავალშვილიანი ქალები, ხანდაზმულები. მათ ფეხით უწევთ გადაადგილება და ტვირთის ზიდვა ცენტრალური ტრასიდან დასახლებამდე, დაახლოებით 500 მეტრი. ამიტომ ტრანსპორტის მარშრუტის შეცვლას ითხოვენ.
ადვოკატირების კამპანიის ფარგლებში მომზადდა პეტიცია, შეგროვდა 290 ხელმოწერა, გაიმართა შეხვედრების ციკლი მუნიციპალური ტრანსპორტის ხელმძღვანელთან, ვიცე მერთან. მომზადდა აუდიოპოდკასტი ბენეფიციარების მონაწილეობით https://soundcloud.com/changetoempower/o4upeicij6rt
უფლებამოსილი პირების განმარტებით, საკითხი მომდევნო წლის ბიუჯეტში იქნება გათვალისწინებული. ადვოკატირების ჯგუფი განაგრძობს საქმიანობას.
პროექტი ხორციელდება ორგანიზაცია „ქალები ქალებისათვის“
(Kvinna till Kvinna) მხარდაჭერით (შვედეთი)
ფოტოკონკურსის ფინალი და სპეციალურად კამპანიისთვის შექმნილი კლიპების პრეზენტაცია - ასე დახურა 16-დღიანი კამპანია ქალთა ფონდმა „სოხუმმა“ 10 დეკემბერს.
ღონისძიებას ქუთაისის სახელმწიფო ისტორიულ მუზეუმში ესწრებოდნენ ქუთაისის მერი იოსებ ხახალეიშვილი, საკრებულოს დეპუტატები და სახელოვნებო სივრცის წარმომადგენლები.
16 დღეში ფონდმა „სოხუმმა“ 100-ზე მეტი აქტივობა განახორციელა ქალთა მხარდაჭერის 10 ცენტრში, 10 ახალგაზრდულ ცენტრში, დღის სარეაბილიტაციო ცენტრში. კამპანიაში აქტიურად ჩაერთო ფონდი „სოხუმის“ თბილისის წარმომადგენლობა და 16 საინიციატივო ჯგუფი, რომელიც 6 მუნიციპალიტეტში მოქმედებს და ქალებსა და ახალგაზრდებს აერთიანებს... მოეწყო საინფორმაციო და საკონსულტაციო შეხვედრები, ფორუმ-თეატრის წარმოდგენები, ტრენინგები. განსაკუთრებული იყო საქველმოქმედო აქციები, რომლის ფარგლებში ქალებს გადაეცათ მობილური ტელეფონები SAFE YOU აპლიკაციით და სხვა.
კამპანიის დახურვის დღეს ფოტოკონკურსის გამარჯვებულებმა პრიზები და მადლობის სერთიფიკატები მიიღეს.
კამპანიის დახურვა აქტიურად გააშუქა მასმედიამ.
https://www.facebook.com/watch/?v=194330156155925
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
დეკემბრიდან ქალთა საინიციატივო ჯგუფები კვლევის პროცესში ჩაერთნენ. კვლევა მიზნად ისახავს სოციალურ-პოლიტიკურ და ეკონომიკურ საქმიანობაში ქალთა მონაწილეობის თვალსაზრისით არსებული ბარიერების გენდერულ ანალიზს.
სენაკის ქალთა საინიციატივო ჯგუფის წევრებმა შეხვედრაზე მიიღეს ტექნიკური დავალება, ვინ უნდა იყვნენ სამიზნე ბენეფიციარები. განისაზღვრა რესპონდენტთა რაოდენობა და სამიზნე ჯგუფების სოციალურ-დემოგრაფიული მახასიათებლები.
სენაკის ახალგაზრდული ჯგუფის შეხვედრაზე მონაწილეებმა განხილვის თემად აქციეს ადრეული ქორწინება და მასთან დაკავშირებული სამართლებრივი მხარეები. მოწვეულმა იურისტმა მონაწილეებს კომპეტენტური ინფორმაცია მიაწოდა და შეკითხვებს უპასუხა.
პროექტი ხორციელდება USAID-ის მხარდაჭერით