26 აგვისტოს ქუთაისის ცენტრალურ პარკში ჩატარდა ფორუმ-თეატრის წარმოდგენები. ნაჩვენები სცენებიდან მამის და შვილების კონფლიქტი ყველაზე აქტიური დისკუსიის მიზეზი გახდა.
27 აგვისტოს წყალტუბოს ქალაქის სკვერში გაიმართა ფორუმ-თეატრი. როდესაც ოჯახური ძალადობის სცენა თამაშდებოდა, მოვიდნენ პატრულის თანამშრომლები და დაიწყეს გამორკვევა, რა ხდებოდა. ერთ-ერთმა მსახიობმა მისცა ინფორმაცია თეატრის შესახებ. მათ უხეშად გამოთქვეს, რომ მსგავსი სცენები თეატრებში ეთამაშათ, რადგანაც ბევრი დამსვენებელია და ისინი ვერ გაიგებენ ამას.
ფორუმ-თეატრის აქტიური მაყურებელი გახდა არა მარტო ახალგაზრები, არამედ უფროსი თაობაც. ორივე შეხვედრის დროს იყო დასამახსოვრებელი დისკუსიები. მაყურებელმა ყველა პრობლემა გულთან ახლოს მიიტანა.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ფოთის მე-7 სკოლაში ნაჩვენები იყო ფონდი „სოხუმის“ ფორუმ-თეატრის წარმოდგენები. ღონისძიებას დაესწრო 35 მოსწავლე.
მაყურებელი ძალიან გააღიზიანა პირველმა სცენამ, რომელშიც წარმოდგენილია მამის აგრესიული დამოკიდებულება ქალიშვილის მიმართ, თუმცა აღინიშნა, რომ ეს რეალური ცხოვრებისეული სცენაა. მოსწავლეები აქტიურად ჩაერთნენ დისკუსიებში, გამოხატეს თავიანთი მოსაზრებები.
წარმოდგენას ესწრებოდა სკოლის დირექტორი, რომელმაც ახლებური კუთხით დაინახა მოსწავლეები, მათი შეხედულებები. მან გამოთქვა სკოლაში ფორუმ-თეატრის შექმნის სურვილი და ითხოვა დახმარება ამ საქმეში.
ფორუმ-თეატრის წარმოდგენები ჩატარდა ფოთში, დევნილთა ახალ რაიონში. მაყურებელი, განსაკუთრებით ქალები, ძალიან გაააქტიურა ოჯახური კონფლიქტების და ძალადობის სცენებმა. იყო საინტერესო დისკუსია, საკუთარ შეცდომებზე გულახდილი საუბარი. ყოველივე ეს იძლევა შედეგს, რომ საზოგადოებამ სხვაგვარად აღიქვას ძალადობის პრობლემა.
სენაკის ცენტრალურ პარკში გაიმართა ფორუმ-თეატრის წარმოდგენები. თავიდან არავინ შეუერთდა ახალგაზრდა მსახიობებს, მაგრამ შემდეგ თანდათანობით შეიკრიბნენ მაყურებლები.
დიდი ხმაური გამოიწვია ოჯახური ძალადობის სცენამ, დისკუსიაც შედგა. მაყურებელთა უმრავლესობამ განაცხადა, რომ მსგავსი რამ ნაკლებად ხდება ცხოვრებაში, რასაც არ დაეთანხმნენ მსახიობები და რეჟისორი. საინტერესო იყო ხალხის აზრის გაგება, რადგან სენაკის ცენტრში ეს იყო პირველი წარმოდგენა.
ფორუმ-თეატრის წარმოდგენები გაიმართა კოკის (ზუგდიდის მუნიციპალიტეტი) სკოლაში უფროსკლასელების წინაშე. ნაჩვენები იყო 6 წარმოდგენა, რასაც მოჰყვა საინტერესო დისკუსიები და სცენებში ჩართულობა.
დისკუსიაში მონაწილეობა მიიღო დამსწრეთა უმეტესობამ. წარმოდგენების შემდეგ ისინი დიდხანს საუბრობდნენ რეჟისორთან და ახალგაზრდა მსახიობებთან ფორუმ-თეატრის ისტორიის და სპეციფიკის შესახებ.
ზაფხულის ცხელ დღეებში ფონდი „სოხუმის“ ფორუმ-თეატრმა ორი წარმოდგენა გამართა. პირველი - წყალტუბოს სანატორიუმის პარკში, მეორე - ქუთაისის ერთ-ერთ სკვერში.
მაყურებელი ძალიან აქტიური იყო, სცენებშიც და დისკუსიაშიც ჩაერთნენ. ახალგაზრდებმა შეძლეს კონფლიქტის თავიდან აცილება. ქალებმა საინტერესო ისტორიები გაიხსენეს თავიანთი ცხოვრებიდან. ეგ არის, რომ ორი მამაკაცი იდგა ჩუმად. ეს იყო ძალიან თვალში მოსახვედრი სურათი.
ფორუმ-თეატრის ჩვენებები ჩატარდა კოკის (ზუგდიდის მუნიციპალიტეტი) და მენჯის (სენაკის მუნიციპალიტეტი) სკოლებში. ნათამაშები იყო 10-ზე მეტი სცენა. დისკუსია აქტიურობით გამოირჩეოდა, პედაგოგებიც ჩაერთნენ. ახალგაზრდა მსახიობებმა განსაკუთრებით საინტერესოდ წარმოადგინეს დედა-შვილის ურთიერთობა, რამაც დიდი ინტერესი და აზრთა სხვადასხვაობა გამოიწვია.
ქუთაისში, ე.წ. სიყვარულის პარკში ჩატარდა ფორუმ-თეატრის ჩვენება, 6 წარმოდგენა, რომელმაც გამოიწვია საინტერესო დისკუსიები.
მაყურებელთა შორის იყო ასაკოვანი ქალი, რომელმაც საკუთარი ცხოვრებისეული გამოცდილება გაუზიარა მაყურებელს. დისკუსიაში ჩაერთნენ ახალგაზრდებიც.
ფორუმ თეატრის წარმოდგენები, საზოგადოებისთვის სულ უფრო საინტერესო ხდება.
დასასრულს მიუახლოვდა პროექტი „ახალგაზრდებს შორის კონფლიქტის არაძალადობრივად მოგვარების ხელშეწყობა ტრენინგების მეშვეობით დასავლეთ საქართველოში“.
თებერვლის თვეში გაიმართა ფორუმ-თეატრის ჩვენება და დისკუსიები ახალგაზრდებთან სხვადასხვა სახის კონფლიქტებთან დაკავშირებით. ინტერესი ყველგან დიდი იყო, რადგან კონფლიქტი თან სდევს ჩვენს ყოველდღიურ ცხოვრებას.
დისკუსიები მოეწყო ოზურგეთის ახალგაზრდულ რესურს ცენტრში, ბათუმის უნივერსიტეტში, სენაკის, ხონის, ფოთის და კოკის (ზუგდიდის მუნიციპალიტეტი) საჯარო სკოლებში.
პროექტი ხორციელდება კანადის ადგილობრივი ინიციატივების ფონდის -CFLI (კანადის საელჩო თურქეთში) მხარდაჭერით