ფონდი „სოხუმის“ კიდევ ერთი მნიშვნელოვანი გამოცემა - პუბლიკაცია აქტუალურ თემაზე „გენდერული მეინსტრიმინგი ადგილობრივ თვითმმართველობაში“. ეს არის სხვადასხვა ქვეყნის ექსპერტთა მიერ შესრულებული ნაშრომების კრებული, რომელიც მიზნად ისახავს, ვიშეგრადის ქვეყნების და საქართველოს გამოცდილების გათვალისწინებით, ადგილობრივ მმართველობაში გენდერული პოლიტიკის ადვოკატირებას.
კვლევები ჩატარდა პროექტის „ვიშეგრადის ქვეყნების გამოცდილება ადგილობრივ დონეზე თანაბარი, ინკლუზიური და დემოკრატიული მმართველობისათვის“ ფარგლებში.
2015 წლის მარტიდან 2016 წლის თებერვლის ჩათვლით ფონდმა „სოხუმმა“ განახორციელა პროექტი „ქალთა ხმების გაძლიერება კონფლიქტის ტრანსფორმაციის პროცესში“.
მუშაობა მიმდინარეობდა შვეიცარიის საგარეო საქმეთა ფედერალური დეპარტამენტის მხარდაჭერით.
პროექტის ფარგლებში განხორციელდა სხვადასხვა აქტივობა. პროექტის ბოლოს კი ქართულ და რუსულ ენებზე გამოვიდა საინფორმაციო ბიულეტენი, რომელშიც შეიკრიბა პროექტის მონაწილეთა შთაბეჭდილებები და მოსაზრებები. მათი გაცნობით მკითხველი ნათლად წარმოიდგენს, რა საინტერესო ღონისძიებები ტარდებოდა და, რაც მთავარია, როგორია შედეგები, რა გავლენა მოახდინა პროექტმა მონაწილეებზე.
ქართულ, რუსულ და ინგლისურ ენებზე გამოიცა ანალიტიკური ბროშურა „ქართულ-აფხაზური კონფლიქტი, კონფლიქტის მოგვარების მიმართ მიდგომების ხელახლა გააზრება და ახალი ვექტორები მისი ტრანსფორმაციისთვის“.
გამოცემაში წარმოდგენილია მშვიდობის შენების და კონფლიქტის პოზიტიური ტრანსფორმაციის ხელისშემშლელი ფაქტორები და ახალი მიდგომები თანამშრომლობის, განვითარებისა, სახალხო დიპლომატიის სფეროში აქტიური მუშაობისა და ქალთა როლის ამაღლებისათვის.
ფონდი „სოხუმის“ თაოსნობით დაიბეჭდა კიდევ ერთი მეთოდური სახელმძღვანელო-გზამკვლევი, რომელიც ადგილობრივი ბიუჯეტის მონიტორინგისა და გენდერული ანალიზის კუთხით დახმარებას გაუწევს ყველა დაინტერესებულ მხარეს.
„გზამკვლევი“, პირველ რიგში, კარგ სამსახურს გაუწევს ქუთაისის, სენაკის, ოზურგეთის და ბათუმის გენდერულ საკონსულტაციო საბჭოებს, რომლებიც, ყოველწლიურად, საკუთარი ძალებით ახორციელებენ ადგილობრივი გენდერული საჭიროებებისა და ბიუჯეტის ანალიზს, რათა მათ საფუძველზე მოხდეს რეკომენდაციების მომზადება თვითმმართველობების საბიუჯეტო პროგრამებში შესაბამისი პროგრამების დასანერგად.
ქალთა მხარდაჭერის ცენტრების აქტიური მუშაობა, საინფორმაციო-საკონსულტაციო შეხვედრები, ადგილობრივ თვითმმართველობასთან თანამშრომლობა მოქალაქეთა ინფორმირებისა და პრობლემათა ადვოკატირების მიზნით - ამ და სხვა საკითხებზე უამბობს მკითხველს ფონდი „სოხუმის“ საინფორმაციო ბიულეტენის მეექვსე ნომერი პროექტის „ქალთა უფლებების გაძლიერება დასავლეთ საქართველოში“ ფარგლებში.
პროექტი ხორციელდება ორგანიზაცია Brot für die Welt – Evangelischer
ძალადობის მსხვერპლთან მუშაობა - ქალთა მხარდაჭერის ცენტრების მთავარი ამოცანა, იურისტებისა და ფსიქოლოგების საინფორმაციო-საკონსულტაციო შეხვედრები და მიღებული შედეგები, ადგილობრივ თვითმმართველობასთან თანამშრომლობა მოქალაქეთა ინფორმირებისა და პრობლემათა ადვოკატირების მიზნით - ამ და სხვა საკითხებზე უამბობს მკითხველს და ფონდი „სოხუმის“ ბენეფიციარებს საინფორმაციო ბიულეტენის მეორე ნომერი, რომელიც ასახავს თებერვლის განმავლობაში გაწეულ მუშაობას პროექტის „ქალთა უფლებების გაძლიერება დასავლეთ საქართველოში“ ფარგლებში.
სამობილიზაციო და საინფორმაციო-საკონსულტაციო შეხვედრები, ახალგაზრდული კლუბები, ვორკშოპები კონფლიქტოლოგიაში, ფორუმ-თეატრის წარმოდგენები - სულ 87 ღონისძიება ჩატარდა მაისში ქუთაისის, ხონის, ფოთის, სენაკის, წყალტუბოს და ხურჩა/კოკის (ზუგდიდის მუნიციპალიტეტი) ქალთა მხარდაჭერის ცენტრებში. ყოველთვიური საინფორმაციო ბიულეტენი სწორედ ამის შესახებ მოგვითხრობს.
ოჯახური ძალადობის განვითარების მრავალწახნაგოვან პრიზმაში ერთ-ერთი სერიოზული ადგილი უჭირავს ისეთ მავნე ჩვევებს, როგორიც არის აზარტული თამაშები, ალკოჰოლიზმი, ნარკომანია. ამიტომაც საინფორმაციო ბიულეტენის სექტემბრის ნომრის თემად იქცა „მავნე ჩვევები და ოჯახური ძალადობა“.
მასში ნაჩვენებია პრობლემის აქტუალობა, არის რჩევები, რომელთა შორის ერთ-ერთია - ფსიქოლოგის კვალიფიციური კონსულტაციის მიღება.
ბიულეტენი არის ნაწილი პროექტისა „ქალთა უფლებების გაძლიერება დასავლეთ საქართველოში“.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
გამოვიდა ფონდი „სოხუმის“ საინფორმაციო ბიულეტენის მერვე ნომერი, რომელიც ასახავს ქალთა მხარდაჭერის ცენტრების აქტიურ მუშაობას პროექტის „ქალთა უფლებების გაძლიერება დასავლეთ საქართველოში“ ფარგლებში: საინფორმაციო-საკონსულტაციო შეხვედრები ქალებთან და ახალგაზრდებთან, ფორუმ-თეატრის წარმოდგენები, ადგილობრივ პრობლემათა ადვოკატირება თვითმმართველობასთან თანამშრომლობით და სხვა საინტერესო საკითხები.