„ფასილიტაცია“ (facilitate) ინგლისური სიტყვა და პროცესის გაიოლებას, დახმარებას ნიშნავს. იგი გულისხმობს პროცესის წარმართვას მესამე ნეიტრალური მხარის მონაწილეობით.
ამ საკითხს ეძღვნება ფონდი „სოხუმის“ ივლისის საინფორმაციო ბიულეტენი, რომლეიც გამოდის პროექტის „ქალთა უფლებების გაძლიერება დასავლეთ საქართველოში“ ფარგლებში.
ნომრის თემაა „მედიატორობა, ფასილიტაცია - უმოკლესი გზა ძალადობის პრევენციისკენ“.
პუბლიკაციაში მოყვანილია წარმატებული და წარუმატებელი მედიატორობის მაგალითები. მოცემულია სასარგებლო რჩევები - როგორ გავხდეთ მედიატორი და რა უნდა ვიცოდეთ ამისთვის.
ივნის-ივლისში ქალთა მხარდაჭერის ცენტრებმა ფონდი „სოხუმის“ ფინანსური მხარდაჭერით დამოუკიდებელი პროექტები განახორციელეს. სწორედ ამ პროექტების არსი და მიღებული შედეგებია დაფიქსირებული საინფორმაციო ბიულეტენის მე-7 ნომერში. ამას გარდა მოთხრობილია საინფორმაციო-საკონსულტაციო შეხვედრებზე, ადვოკატირებულ პრობლემებზე, ძალადობის მსხვერპლთან მუშაობაზე - მოკლედ, ყველაფერზე, რაც ივლისში გაიმართა პროექტის „ქალთა უფლებების გაძლიერება დასავლეთ საქართველოში“ ფარგლებში.
„ბულინგი - მიზეზ-შედეგობრივი კავშირი ოჯახურ კონფლიქტებთან“ - ასეთია ივნისის საინფორმაციო ბიულეტენის თემა.
ბულინგი შემდეგნაირად განიმარტება: თავდასხმა, შევიწროება, დაშინება. განათლების ეროვნული ცენტრის 2016 წლის მონაცემებით, ყოველი 5 ბავშვიდან 1 ბულინგის მსხვერპლია.
ბიულეტენში მოცემულია, როგორ უნდა მოხდეს ბულინგის პრევენცია, რა უნდა გააკეთოს საზოგადოებამ, როგორია მშობლის როლი. არის ფსიქოლოგთა რჩევები მშობლებს: როგორ მოვიქცეთ, თუ ბავშვი ბულინგის მსხვერპლია და თუ ბავშვი მოძალადეა.
ფონდი „სოხუმის“ ბიულეტენის ელექტრონული ვერსია გამოდის პროექტის „ქალთა უფლებების გაძლიერება დასავლეთ საქართველოში“ ფარგლებში.
საკონსულტაციო მუშაობის მნიშვნელობა ძალადობის პრევენციისთვის - ასეთია #11 საინფორმაციო ბიულეტენის თემა.
ფონდი „სოხუმის“ საქმიანობაში განსაკუთრებულია საინფორმაციო-საკონსულტაციო საქმიანობა. ამ მხრივ ფასდაუდებელია ფსიქოლოგის და იურისტების წვლილი. ბიულეტენში დაბეჭდილია მაგალითები ფსიქოლოგისა იურისტების ქეისებიდან და მოცემულია გარკვეული რჩევები.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
„სამი სახის ჭეშმარიტება არსებობს: ჩემი ჭეშმარიტება, შენი ჭეშმარიტება და ზოგადი ჭეშმარიტება.“ - ეს ჩინური გამონათქვამი უძღვის ოქტომბრის საინფორმაციო ბიულეტენს.
ბიულეტენი ეძღვნება ოჯახური კონფლიქტების ერთ-ერთ გამომწვევ მიზეზს - განსხვავებებს პიროვნულ ფასეულობებსა და ტრადიციებს შორის.
პრობლემის აქტუალობასთან ერთად ბიულეტენში წარმოდგენილია ფსიქოლოგის რჩევებიც და ის დაეხმარება მკითხველს სწორი გადაწყვეტილების, ტოლერანტული დამოკიდებულების და ზოგადი ჭეშმარიტების პოვნაში.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
გამოიცა ფონდი „სოხუმის“ საანგარიშო ჟურნალი „ქალთა ხმა“. ჟურნალის პირველ ნაწილში შეჯამდა წარმატებით განხორციელებული სამწლიანი პროექტი „ქალთა უფლებების გაძლიერება დასავლეთ საქართველოში“. მეორე ნაწილში შეკრებილია ყოველთვიური ინტერნეტ გამოცემა - საინფორმაციო ბიულეტენები, რომლებშიც განხილულია ფონდი „სოხუმის“ სხვადასხვა შეხვედრაზე წამოჭრილი აქტუალური თემები და კონკრეტული ქეისები. სწორედ ამ ისტორიებითაა წარმოდგენილი ჩვენი მუშაობის ანგარიში.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ერთი წლის განმავლობაში (15.01.2017–15.01.2018) ფონდი „სოხუმი“ მუშაობდა პროექტზე „ქალთა შესაძლებლობების გაფართოება კონფლიქტის ტრანსფორმაციაში ახალი მიდგომების გამოსამუშავებლად“.
ორგანიზაციამ საპროექტო საქმიანობა განახორციელა დასავლეთ საქართველოში. პროექტის ფარგლებში გაიმართა ტრენინგი ქალებისა და ახალგაზრდების ჯგუფთან. ტრენინგის მონაწილეებმა დაწერეს ესეები, გოგონებმა ჩაატარეს ვორკშოპები თანატოლებთან. განხორციელდა კვლევა და გამოიცა ბროშურა „ქართულ-აფხაზური კონფლიქტი, კონფლიქტის მოგვარების მიმართ მიდგომების ხელახლა გააზრება და ახალი ვექტორები მისი ტრანსფორმაციისთვის“ ქართულ, რუსულ და ინგლისურ ენებზე. ამის შემდეგ მოეწყო მრგვალი მაგიდები კვლევის პრეზენტაციის მიზნით. პროექტის ფინალურ ნაწილში გაიმართა შეხვედრა კვიპროსზე, მომზადდა და ეთერში გავიდა ფილმი პროექტის შესახებ.
ჟურნალი ასახავს ყველა საპროექტო აქტივობას.
მთელი წლის განმავლობაში ყოველთვიურად გამოდიოდა ელექტრონული საინფორმაციო ბიულეტენი. წლის ბოლოს კი დაიბეჭდა საანგარიშო ჟურნალი „ქალთა ხმა“. მასში შეჯამდა პროექტის „ქალთა უფლებების გაძლიერება დასავლეთ საქართველოში“ ერთი წელიწადი. ჟურნალში მოთხრობილია ფონდი „სოხუმის“ აქტიურობის შესახებ - ქალთა მხარდაჭერის ცენტრების ადვოკატირებული და მოგვარებული პრობლემები, ფორუმ-თეატრის საქმიანობა, ახალგაზრდული კლუბების ინიციატივები, 16-დღიანი კამპანია ქალთა მიმართ ძალადობის წინააღმდეგ. და, რაც მთავარია, ცვლილებები ქალების ცხოვრებაში, საზოგადოებაში...
დასრულდა განსაკუთრებული სამი წელი - სიახლეების, სწავლის, ინიციატივების, გაძლიერების, თანამშრომლობის.
ეს არის მესამე, შემაჯამებელი ნომერი, რომელიც ასახავს სამწლიან მუშაობას. პროექტის მონაწილე ადამიანები გვიზიარებენ თავიანთ განცდებს, მოსაზრებებს, შთაბეჭდილებებს, გამოცდილებას, გვიამბობენ ცვლილებებზე...
რა თქმა უნდა, ბევრ საინტერესოს წაიკითხავს მკითხველი ამ ნომერში, მაგრამ ყველაფრის წარმოჩენა შეუძლებელია, რადგან გასული სამი წელი - სამჯერ 365 დღე მართლაც განსაკუთრებული, შედეგებით სავსე და უხვი იყო...