10 ივნისს ჩატარდა იურისტის საინფორმაციო-საკონსულტაციო შეხვედრა ქუთაისში, ხარებავას ქუჩაზე მცხოვრებ დევნილებთან. შეხვედრის ათი მონაწილე გაეცნო სხვადასხვა სახის ინფორმაციას, რომელიც პრობლემათა სამართლებრივ რეგულაციას ეხება. ამ კორპუსში ისინი 10 წლის წინ ჩაასახლეს, თუმცა ამბობდნენ, რომ შენობა ავარიული და საცხოვრებლად უვარგისი იყო.

კორპუსის ბოლო სართულზე ჭერი ჩამოწეულია და დღითი დღე საშიშია იქ ყოფნა. არის კანალიზაციის, სარდაფის და გზის საფარის პრობლემა. იურისტმა გასცა კონსულტაცია, თუ რა პროგრამები არსებობს ადგილობრივი ბიუჯეტიდან გამომდინარე, ვის უნდა მიმართონ და რა სახით. დამსწრეებმა აღნიშნეს, რომ მოამზადებენ განცხადებას და დაიწყებენ პრობლემების ადვოკატირებას.

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

ქუთაისის გენდერული საკონსულტაციო საბჭოს მორიგ სხდომაზე საბჭოს წევრები ანგარიშით წარსდგნენ, როგორ ჩატარდა კვლევა. იმსჯელეს შედეგებზე და აღნიშნეს, რომ საინტერესო მასალა დაგროვდა ადგილობრივი გენდერული საჭიროებების გამოსავლენად. პარალელი გაავლეს გასულ წელს ჩატარებულ კვლევასთან. ითქვა, რომ ისევ პრობლემად რჩება საზოგადოების ინფორმირება ადგილობრივ ბიუჯეტთან დაკავშირებით.   

დაიგეგმა: მომდევნო თვეში იმ რეკომენდაციებზე იმსჯელონ, რომლებიც კვლევის ანალიზის შედეგად შემუშავდება.

სხდომა დღის წესრიგით გათვალისწინებული მომდევნო საკითხით გაგრძელდა. საბჭოს წევრებმა მოისმინეს ინფორმაცია პროექტზე „ოლიმპიადა თანაბარ შესაძლებლობებს იძლევა“. პროექტი გენდერული საკონსულტაციო საბჭოსა და მერიის თანადაფინანსებით ხორციელდება და მიზნად ისახავს საზოგადოების ცნობიერების ამაღლებას სპორტულ არენაზე გენდერული კომპონენტების დასამკვიდრებლად. 

 

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

სენაკის გენდერული საკონსულტაციო საბჭოს მე-17 სხდომაზე მოისმინეს ინფორმაცია გენდერული საჭოროებების კვლევის შესახებ.

კვლევა ჩატარდა მაისში. გამოიკითხა 200-ზე მეტი ადამიანი. კვლევის მასალების ანალიზის შემდეგ გენდერული საკონსულტაციო საბჭოს წევრები შეიმუშავებენ რეკომენდაციებს და წარუდგენენ ადგილობრივ საკრებულოს, რათა ბიუჯეტში გათვალისწინებულ იქნას გამოვლენილი საჭიროებები.

ამ საკითხებზე მოგვითხრობს სიუჟეტი ტელეკომპანია „ეგრისის“ ეთერში.

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

 

 

სენაკის ამომრჩეველ ქალთა კლუბის მორიგ შეხვედრას კლუბის აქტიური წევრები, სენაკის მუნიციპალიტეტის და გენდერული საკონსულტაციო საბჭოს წევრები ესწრებოდნენ. კლუბის წევრებმა ადგილობრივი მოსახლეობის რამდენიმე პრობლემა დაასახელეს - გზის რეაბილიტაცია დედის ქუჩაზე, გაზიფიცირება ქალაქის რამდენიმე უბანში, ქალაქში არ არის კანალიზაცია. ჟურნალისტმა თაკო არზიანმა სოციალურად დაუცველი ოჯახებისთვის ერთჯერადი ფულადი დახმარების გაზრდის საკითხი დასვა.

კლუბის წევრებს სურვილი აქვთ, რომ მათ მიერ შემუშავებული წინადადებები ქალაქის მომავალ ბიუჯეტში იყოს გათვალისწინებული.

საკრებულოს წევრმა დინარა ხუხუამ აღნიშნა, რომ კლუბზე დასმული საკითხები აქტუალურია, განიხილება საკრებულოზე და მოგვარებასაც ექვემდებარება.
 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

8 ივნისს ფონდი „სოხუმის“ იურისტი შეხვდა სენაკში, ყოფილი პროფსასწავლებელის კოლექტიურ ცენტრში მცხოვრებ დევნილებს, გააცნო მათ ფონდის და სენაკის გენდერული საკონსულტაციო საბჭოს საქმიანობა.

რადგან მათ მთავარ პრობლემას განსახლება წარმოადგენს, დამსწრეთა თხოვნით, მათ მიიღეს იურისტისგან ინფორმაცია ამ საკითხის და დევნილთა კანონის შესახებ. შეხვედრის შედეგად მონაწილეებმა გაიგეს აპლიკაციის შევსების და სოფლად სახლის ყიდვის პროგრამის არსებობის შესახებ. ასევე გაიცა ინდივიდუალური კონსულტაციები საკითხებზე: სოციალურად დაუცველი პირის კრიტერიუმები, ქულების შეჯამების წესები, იგპ სტატუსის აღდგენა, ომის ვეტერანის დოკუმენტის აღდგენის აუცილებლობა და მისი პროცედურები...

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

 

ტრეფიკინგი, როგორც ძალადობის სახე და მისგან დამცავი მექანიზმები - ამ თემას მიეძღვნა ახალგაზრდული კლუბების შეხვედრები წყალტუბოს მე-4 სკოლაში, ქუთაისის ქალთა მხარდაჭერის ცენტრში და სენაკის 1-ლ საჯარო სკოლაში.

ახალგაზრდებმა ინტერესით მოისმინეს თემა, ინფორმაცია კანონის შესახებ. გაიმართა   დისკუსია, რომელშიც ყველა ჩაერთო.

„საზოგადოება ამ საკითხს თავს არიდებს, თითქოს ჩვენთან მსგავსი რამ არ ხდება, მაგრამ სტატისტიკა სხვას ამბობს. ტრეფიკინგისგან დამცავი მექანიზმების შესახებ უნდა ვიცოდეთ ახალგაზრდებმა და ამისთვის საჭიროა მსგავსი დისკუსიების ჩატარება, რათა არ აღმოვჩნდეთ საშიშროების წინაშე“, - აღნიშნეს შეხვედრების მონაწილეებმა.

 

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

ამერიკის დღეებისადმი მიძღვნილი ფესტივალი ზუგდიდში დაიწყო და საქართველოს სხვა ქალაქებში გაგრძელდა -  3 ივნისს  ახალციხეში, ხოლო მეორე დღეს - გორში.

ღონისძიებაზე გაიმართა აშშ მთავრობის მიერ საქართველოში მხარდაჭერილი და მიმდინარე პროექტების პრეზენტაცია.

ღონისძიებას ესწრებოდნენ აშშ ელჩი საქართველოში, ადგილობრივი ხელისუფლების  და სამოქალაქო საზოგადოების წარმომადგენლები.

თანამედროვე ცეკვების ჯგუფმა Sea2Sea-მ დაუვიწყარი შოუ წარუდგინა მაყურებელს (რაც ფონდი „სოხუმის“ მიერ იყო ორგანიზებული).

მიუხედავად მცხუნვარე მზისა და მოულოდნელი წვიმისა, შეკრებილები აქტიურად  ჩაერთნენ ფესტივალში - ათვალიერებდნენ სტენდებს, ეცნობოდნენ სხვადასხვა ორგანიზაციის პროექტებს, Sea2Sea ჯგუფის მიერ ჩატარებულ მასტერ კლასებში იღებდნენ მონაწილეობას და ცეკვავდნენ ამერიკიდან სპეციალურად მoწვეული ბენდის „Dangerflow“ სიმღერებზე.

 

         

ივნისში ახალგაზრდების ჯგუფთან ვორკშოპები გაიმართა თემაზე „ბულინგი - ძალადობა მოზარდებში“. ბულინგის მნიშვნელობა ბევრისთვის ახალი აღმოჩნდა, თუმცა განმარტების მიღების შემდეგ, შეხვედრების მონაწილეებმა სენაკში, ქუთაისსა და ხონში გაიხსენეს - რომ ხშირად დაცინვის საგანი ხდება თმის ვარცხნილობა, ჩაცმულობა, წითური ფერი, სათვალე...  

ვორკშოპები მხოლოდ კონკრეტული მაგალითების გარჩევით არ დამთავრებულა, ახალგაზრდებმა იმსჯელეს მიზეზებზე, რომლებიც ხელს უწყობს მოზარდებში აგრესიის ჩამოყალიბებას. პარალელი გაავლეს ოჯახურ  კონფლიქტებთან, გამოითქვა მოსაზრება, რომ ხშირად რთული ოჯახებიდან გამოსული ბავშვებისათვის არის დამახასიათებელი სხვისი დაცინვა, მასხრად აგდება. ან პირიქით - ასეთი ბავშვები თვითონვე ხდებიან  ძალადობის მსხვერპლნი.

საუბარს გამოსავლის გზების ძიება მოჰყვა: ახალგაზრდების ინფორმირება; მეტი კომუნიკაცია მშობლებთან, პედაგოგებთან, ფსიქოლოგის საუბრები.

 

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

  

 

სენაკის გენდერული საკონსულტაციო საბჭოს მორიგი სხდომა მიეძღვნა საბჭოს წევრების მიერ მაისში ადგილობრივი გენდერული საჭიროებების შეფასების შედეგების შეჯამებას.

რომელ სამიზნე ჯგუფებთან ჩატარდა კვლევა, რა გენდერული საჭიროებები გამოვლინდა, რა დასკვნებისა და რეკომენდაციების გაკეთება შეიძლება რესპონდენტთა პასუხებიდან გამომდინარე - საბჭოს წევრებმა წარმოადგინეს ჩატარებული კვლევის მოკლე ანგარიშები.

საბჭოს წევრებმა აღნიშნეს, რომ მონაწილეები კმაყოფილები არიან შეხვედრების ფორმატით, რადგან ჰქონდათ თავიანთი აზრის გამოთქმის და მათთვის საინტერესო საკითხების განხილვის საშუალება.

რესპონდენტებმა გამოხატეს სურვილი, რომ სისტემატურად გაიმართოს მსგავსი შეხვედრები.

გადაწყდა, რომ შემდგომი სხდომა მიეძღვნება რეკომენდაციების შემუშავებას 2016 წლის  ადგილობრივი ბიუჯეტისთვის.

სხდომაზე აგრეთვე განიხილეს ფორუმ-პრეზენტაციის მოსამზადებელი სამუშაოები პროექტის „სამოქალაქო განათლება გენდერული თანასწორობისა და ჯანსაღი გარემოსათვის სენაკის სკოლამდელი აღზრდის გაერთიანებაში“  ფარგლებში.

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

6 წარმოდგენა გამართა ხონის ცენტრალურ პარკში ფონდი „სოხუმის“ ფორუმ-თეატრმა. მაყურებელთა შორის იყვნენ ახალგაზრდებიც და შედარებით ასაკოვანი ადამიანებიც. მათ მონაწილეობა მიიღეს დისკუსიაში, მოეწონათ სცენები, მაგრამ არ შეუცვლიათ მათი მიმდინარეობა  - არ უცდიათ თავად ეთამაშათ მსხვერპლისა თუ მოძალადის როლი.

წარმოდგენის დროს გამვლელმა ქალმა ყვირილი დაიწყო. რეჟისორმა აუხსნა, რომ ეს თამაშია. მსგავსი ფაქტები ხშირად ხდება, როცა  ფორუმ თეატრის ქუჩაში მართავს წარმოდგენებს.

 

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)