2 ივნისს ქ. ზუგდიდში გაიხსნა ამერიკის დღეებისადმი მიძღვნილი ფესტივალი. ღონისძიებაზე წარმოდგენილი იყო აშშ სახელმწიფო დეპარტამენტის მიერ საქართველოში მხარდაჭერილი და მიმდინარე პროექტების პრეზენტაცია.

უამრავ ღონისძიებათა შორის იყო ფონდი „სოხუმის“ მიერ ორგანიზებული, თანამედროვე ცეკვების ჯგუფის Sea2Sea-ს შოუ.

ღონისძიებას ესწრებოდნენ საქართველოს პრემიერ-მინისტრი ირაკლი ღარიბაშვილი, ცენტრალური და ადგილობრივი ხელისუფლების წარმომადგენლები, აშშ ელჩი საქართველოში და სამოქალაქო საზოგადოების წარმომადგენლები.

დასასრულს კონცერტი გამართა ამერიკიდან სპეციალურად მoწვეულმა  ბენდმა "Dangerflow" Sea2Sea მონაცეკვავეების თანხლებით.

მსგავსი ღონისძიებები გაიმართება ახალციხეში (3 ივნისს), გორში (4 ივნისს), თბილისში (6 ივნისს).

 

 

 

- ოთხი ფოკუს-ჯგუფი, ოთხი ჩაღრმავებული ინტერვიუ, 200 ანკეტა, ამ მეთოდებით გამოკითხული 241 ადამიანი - ასეთი შედეგებით დაასრულა ქუთაისის გენდერულმა საკონსულტაციო საბჭომ ადგილობრივი გენდერული საჭიროებების კვლევა.

თავიდანვე განისაზღვრა სამიზნე ჯგუფები და მიმართულებები: განათლების სფერო, ეკონომიკა და ინფრასტრუქტურა, ადგილობრივი ხელისუფლება,  ქალთა უფლებები -  ჩაღრმავებული ინტერვიუ ამ სფეროს ექსპერტებთან ჩაიწერა.

სტუდენტები, მედია, არასამთავრობო ორგანიზაციები, შეზღუდული შესაძლებლობების მქონე პირები, ინტელიგენცია - ამ სამიზნე ჯგუფებთან ფოკუს-ჯგუფის მეთოდი გამოიყენეს.

ანკეტირებით გამოიკითხა დევნილი ახალგაზრდები, ეთნიკური უმცირესობები, სოციალურად დაუცველები, დევნილი ქალები.

კვლევის დასრულების შემდეგ საბჭოს წევრებმა შესაბამისი ანგარიში-ტრანსკრიპტი წარმოადგინეს.    

კვლევის ანალიზის შემდეგ შემუშავდება რეკომენდაციები, რომელსაც გენდერული საკონსულტაციო საბჭო წარუდგენს ქუთაისის საკრებულოს, რათა ქალაქის მომავალი 2016 წლის ბიუჯეტში კიდევ უფრო უკეთ აისახოს გენდერული საჭიროებები.  

 

გადმოწერა

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

1-დან 20  მაისამდე ბათუმის გენდერულმა საკონსულტაციო საბჭომ ფონდი „სოხუმის“ მხარდაჭერით ჩაატარა კვლევა, რომლის მიზანი იყო  სხვადასხვა სოციალური ჯგუფის გენდერული საჭიროებების გამოვლენა, რათა საბჭომ მოამზადოს წინადადებები და რეკომენდაციები  მომდევნო 2016 წლის ბიუჯეტში  გასათვალისწინებლად.

გამოიკითხა 200 რესპონდენტი, ჩატარდა 5 ფოკუს-ჯგუფი, რომელმაც მოიცვა მრავალშვილიანი და მარტოხელა დედები, სოციალურად დაუცველი და იგპ  ქალები, ახალგაზრდები, მცირე მეწარმეები, ეთნიკური უმცირესობები; გაიმართა 8 ჩაღრმავებული ინტერვიუ დარგის ექსპერტებთან.

მიღებული ინფორმაცია საშუალებას იძლევა, მოხდეს იმ სფეროების განსაზღვრა, საითაც უფრო ეფექტური იქნება ადგილობრივი რესურსების მიმართვა, განსაკუთრებული საჭიროებების მქონე ჯგუფების მხარდაჭერა.

 

პროექტი ხორციელდება აშშ  სახელმწიფო დეპარტამენტის  მხარდაჭერით

  

 

8-დან 25 მაისამდე სენაკის გენდერული საკონსულტაციო საბჭოს წევრები ჩართულები იყვნენ ადგილობრივი გენდერული საჭიროებების კვლევაში. მათ ჩაატარეს 4 ფოკუს-ჯგუფი და 4 ჩაღრმავებული ინტერვიუ. გამოკითხულია 200 ადამიანი. სულ კვლევაში მონაწილეობა მიიღო 244 ადამიანმა, მათ შორის - სოციალურად დაუცველებმა, დევნილმა ქალებმა, ახალგაზრდებმა, მეწარმე და ლიდერმა ქალებმა, მედიის, არასამთავრობო ორგანიზაციების და ინტეელიგენციის წარმომადგენლებმა.

ჩაღრმავებულ ინტერვიუში მონაწილეობდნენ ექსპერტები ეკონომიკის, განათლებისა და კულტურის საკითხებში, ადგილობრივი თვითმმართველობის, სოციალური დაცვისა და ჯანდაცვის სფეროებში.

წარმოდგენილი ანგარიშების საფუძველზე მომზადდება კვლევის ანალიზი და ფონდი „სოხუმი“ გენდერულ საკონსულტაციო საბჭოსთან ერთად შეიმუშავებს რეკომენდაციებს ადგილობრივ თვითმმართველობაში წარსადგენად 2016 წლის ბიუჯეტისთვის.

 

გადმოწერა

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

ბავშვთა საერთაშორისო დღეს, ფონდის „სოხუმის“ ორგანიზებით, თანამედროვე ცეკვების მოცეკვავეთა ჯგუფი „Sea2Sea“ და ფონდის წარმომადგენლები ესტუმრნენ  ქუთაისის დღის ცენტრს „ხიდი სოციალური ინკლუზიისთვის“.

„Sea2Sea“ მოცეკვავეებმა ბავშვებს წარუდგინეს თანამედროვე ცეკვების მოკლე შოუ, ჩაუტარეს მასტერკლასი და ასე მიულოცეს  დღესასწაული.

 

 

რა ხდება ქუთაისის, წყალტუბოს, ხონის, სენაკის, ფოთისა და ხურჩის (ზუგდიდის მუნიციპალიტეტი) ქალთა მხარდაჭერის ცენტრებში? როგორია მაისის მიღწევები? იმ ქალების ისტორიები, რომელთა ცხოვრება შეიცვალა?

ამაზე მოგვითხრობს ელექტრონული ბიულეტენი #5, რომელიც მომზადდა პროექტის „ქალთა უფლებების გაძლიერება დასავლეთ საქართველოში“ ფარგლებში.

პროექტის მიხედვით, მაისში გაიმართა 87 აქტივობა, რომლებშიც ჩაერთო 998 ადამიანი.

 

გადმოწერა >>> საინფორმაციო ბიულეტენი

 

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

  

ფონდი „სოხუმის“ და ადგილობრივი თვითმმართველობის თანადაფინანსებით განხორციელებული პროექტის „სამოქალაქო განათლება გენდერული თანასწორობისა და ჯანსაღი გარემოსათვის სენაკის სკოლამდელი აღზრდის გაერთიანებაში“  ფარგლებში გენდერულმა საკონსულტაციო საბჭომ სენაკში გამართა მრგვალი მაგიდა თემაზე „გენდერული ძლადობა დაძალადობრივი გარემოს გავლენა მოზარდის განვითარებაზე“.

შეხვედრას ესწრებოდნენ მუნიციპალიტეტის გამგებელი და მისი მოადგილე, გამგეობის წარმომადგენლები, გენდერული საკონსულტაციო საბჭოს წევრები, სენაკის სკოლამდელი განათლების დაწესებულებების გაერთიანების ხელმძღვანელი, საბავშვო ბაღების ხელმძღვანელები, პედაგოგები, პროექტის მონაწილენი, მასმედიის წარმომადგენლები და აგრეთვე ქუთაისის სკოლამდელი განათლების დაწესებულებების გაერთიანების სამი წარმომადგენელი.

გენდერული აღზრდისა და გენდერული ძალადობის კუთხით არსებული სიტუაციის ანალიზი გააკეთა ექსპერტმა სოფიო ჯანაშიამ (სენაკის პოლიციის რაიონული სამმართველოს ინსპექტორ-გამომძიებელი). პრობლემის ფსიქო-სოციალური ასპექტები განიხილა ფონდი „სოხუმის“ ფსიქოლოგმა თამარ კალანდაძემ.

ექსპერტების გამოსცლამ აქტიური დისკუსია გამოიწვია. სენაკისა და ქუთაისის სკოლამდელი განათლების დაწესებულებების გაერთიანების წარმომადგენლმა სამუშაო გამოცდილება გაუზიარეს ერთმანეთს და გენდერული საკონსულტაციო საბჭოს  პროექტს დადებითი შეფასება მისცეს.

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

27 მაისს ქუთაისის საკრებულოს სხდომას ფონდი „სოხუმის“ წარმომადგენელთან ერთად ესწრებოდნენ შშმ პირები.

მიზანი პროექტისა, რომელშიც ისინი არიან ჩართულნი, არის მათი ინფორმირება ქალაქში მიმდინარე პროცესების თაობაზე და მეტი ინტეგრაცია საზოგადოებაში.

ნატო კუპატაძე შშმ პირია. მან აღნიშნა, რომ  სხდომას პირველად ესწრება და მისთვის ძალიან საინტერესო იყო განხილული საკითხები.

  

ოზურგეთის მუნიციპალიტეტის სოფელ კვირიკეთში გენდერული საკონსულტაციო საბჭოს იურისტმა პირველად ჩაატარა შეხვედრა. მოსახლეობის პრობლემას წარმოადგენს გზის საფარი, რომელიც ბუნებრივი აირის შეყვანის დროს დაზიანდა და დღემდე უყურადღებოდ არის მიტოვებული.

არის წყლის პრობლემაც. მოსახლეობის 80%-ს სახლში ჭა აქვს, მაგრამ უმეტესობა ზაფხულის სიცხეების დროს შრება. დასახლებასთან მიყვანილია წყლის მილები და საჭიროა მცირედი სამუშაოს ჩატარება, რათა ეს პრობლემა მოიხსნას.

დასახლებაში მცხოვრებ ორ პირს სასამართლოში წარსადგენად იურისტმა მოუმზადა სარჩელი, რომელიც ეხება სოციალური და საოჯახო სამართლის სფეროს.

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

ფონდი „სოხუმი“  აქტიურად თანამშრომლობს ქუთაისის ილია ჭავჭავაძის სახელობის სამეცნიერო ბიბლიოთეკასთან - მონაწილეობს სხვადასხვა ღონისძიებაში.

25 მაისს დასრულდა №13 საქალაქო ბიბლიოთეკა-ფილიალის გამოცხადებულ კონკურსი ,,წიგნი ობიექტივიდან".

საკონკურსო მასალების მიღება ერთი თვის განმავლობაში მიმდინარეობდა და მასში ათობით მონაწილე ჩაერთო.

ჟიურიმ სხვადასხვა ნომინაციის გამარჯვებულები გამოავლინა. ნომინაციაში „იუმორისტული ფოტო“ 11 წლის ლოლიტა ხაჭაპურიძემ გაიმარჯვა. მას სამახსოვრო პრიზი კონკურსის ერთ-ერთმა მხარდამჭერმა - ფონდმა „სოხუმმა“ გადასცა.