აქციები (51)
აქცია - ეს არის საშუალება, დაისახოს კონკრეტული მიზნები და ამოცანები გარკვეული პრობლემის ადვოკატირებისთვის. ფონდი „სოხუმი“ მართავს სამშვიდობო აქციებს, აქციებს გენდერული თანასწორობისათვის, ჰუმანიტარულ აქციებს სოციალურად დაუცველი ადამიანებისთვის. 2001 წლიდან, ყოველწლიურად, ტარდება საინფორმაციო აქციები კამპანიის „16 აქტიური დღე ქალთა მიმართ ძალადობის წინააღმდეგ“ ფარგლებში.
ფონდი „სოხუმი“ ამ ბოლო დროს თანამშრომლობს საქველმოქმედო ფონდ „კარიტასთან“.
იტალიელ მისიონერ ლორედანა მონეტის გულისხმიერების შედეგად მოეწყო რამდენიმე ერთობლივი საქველმოქმედო აქცია ფონდი „სოხუმის“ ქალთა მხარდაჭერის ცენტრების ბენეფიციარებისთვის.
21 სექტემბერს, მშვიდობის საერთაშორისო დღეს, 6 ოჯახს წყალტუბოსა და ქუთაისში გადაეცა ტანსაცმელი, სურსათი და ჰიგიენური საშუალებები მწოლიარე ავადმყოფებისთვის.
მგავსი აქცია მომავალშიც იგეგმება.
აქციის ორგანიზატორი - ქუთაისის ქალთა მხარდაჭერის ცენტრი - ყოველწლიურად ეხმაურება მშვიდობის საერთაშორისო დღეს. წელს ამ დღის აღნიშვნა ცენტრის მობილიზატორმა 29-ე საჯარო სკოლის მეშვიდეკლასელებთან ერთად გადაწყვიტა.
მოსწავლეებმა ლამაზი ნახატებით გააფორმეს ფერადი ბუშტები, ფურცლებზე დაწერეს სამშვიდობო მესიჯები. მათგან მთავარი ასე ჟღერს: „ჩვენ მშვიდობა გვინდა!“.
აქ ყველაზე მეტად იციან მშვიდობის ფასი. ეს სოფელი აფხაზეთთან ახლოს მდებარეობს...
ამიტომაც მშვიდობის საერთაშორისო დღეს ჩატარებული აქცია- გაკვეთილიც განსხვავებული იყო...
ხურჩა/კოკის ქალთა მხარდაჭერის ცენტრმა (ზუგდიდის მუნიციპალიტეტი) კოკის საჯარო სკოლაში ჩაატარა მშვიდობის გაკვეთილი.
აქციის მონაწილე უფროსკლასელებმა სამშვიდობო განწყობა გამოხატეს.
ბავშვები ცდილობენ, ლამაზად დაწერონ გულიდან ამოსული სიტყვები: „ჩემო აფხაზო მეგობრებო“, „მე მიყვარს აფხაზეთი“, „მე აფხაზეთიდან ვარ“. ბუშტებსაც აფერადებენ, სამშვიდობო მესიჯებს აწერენ.
ასეთი უჩვეულო გაკვეთილი მშვიდობის საერთაშორისო დღეს ჩატარდა ფოთში, აფხაზეთის ავტონომიური რესპუბლიკის 21-ე საჯარო სკოლაში. აქციის ორგანიზატორია ფოთის ქალთა მხარდაჭერის ცენტრი, რომელიც ყოველწლიურად სხვადასხვა ღონისძიებით აღნიშნავს ამ დღეს.
21 სექტემბერი მშვიდობის საერთაშორისო დღეა. სენაკის ქალთა მხარდაჭერის ცენტრის ინიციატივით ამ დღეს სენაკის პირველ საჯარო სკოლაში ჩატარდა მშვიდობის გაკვეთილი.
მოსწავლეებმა ფერად ბუშტებს წააწერეს სამშვიდობო მოწოდებები, მესიჯებით მიმართეს აფხაზ და ოს თანატოლებს.
21 სექტემბერს, მშვიდობის საერთაშორისო დღეს, ხონის ქალთა მხარდაჭერის ცენტრის ინიციატივით მეოთხე საჯარო სკოლაში ჩატარდა მშვიდობის გაკვეთილი.
მოსწავლეებმა დაფაზე დაწერეს: „ჩვენ გვიყვარს მშვიდობა“.
და ამით ყველაფერი თქვეს - მათ უნდათ ცხოვრება მშვიდობიან სამყაროში, მშვიდად, კომფორტულად, ლაღად...
27 ივნისს სოფელ წყალტუბოში ჩატარდა ახალგაზრდების აქცია, რომლის მთავარი სლოგანი იყო „არა - ძალადობას!“
ახალგაზრდებმა სოფლის თემში დაარიგეს საინფორმაციო ფურცლები. აქციით მათ პროტესტი გამოხატეს ქალთა მიმართ ძალადობის მიმართ.
აქცია ჩატარდა წყალტუბოს ქალთა მხარდაჭერის ცენტრის პროექტის „ცოდნით ვძლიოთ ძალადობას“ ფარგლებში.
ოზურგეთის ახალგაზრდული საკრებულოს ორგანიზებით ქალაქის თეატრალურ მოედანზე გაიმართა აქცია „ერთად ვებრძოლოთ ტერორიზმს!“
ახალგაზრდული საკრებულოს თავმჯდომარის განცხადებით, აქცია არის პროტესტი ბოლო დროს გახშირებული ტერორისტული აქტების მიმართ.
აქციას შეუერთდნენ პარლამენტის დეპუტატი ზვიად კვაჭანტირაძე, გურიის გუბერნატორი გია სალუქვაძე, ოზურგეთის მერი ბეგლარ სიორიძე, მედიისა და არასამთავრობო ორგანიზაციის წარმომადგენლები.
ახალგაზრდული ინიციატივებისთვის მნიშვნელოვანია მხარდაჭერა, რომელსაც ისინი სამთავრობო უწყებებიდან გრძნიბენ.
ფონდი „სოხუმის“ ოფისში შეჯამდა „ქალთა სოლიდარობის კვირეულის“ ფარგლებში გამართული კონკურსის შედეგები.
კონკურსში აქტიურად ჩაერთო 5 სკოლა - მათ ჩაატარეს საინფორმაციო შეხვედრები, ფორუმ-თეატრის ჩვენებები, ესეების კონკურსი, გამოფენები.
ყოველივე ამის შესახებ ისაუბრეს მოსწავლეებმა და პედაგოგებმა შემაჯამებელ შეხვედრაზე.
ჟიურის გადაწყვეტილებით, 1-ლ ადგილზე გავიდა ოტია იოსელიანის სახელობის №1 საჯარო სკოლა (წყალტუბო), მეორე ადგილი მოიპოვა ჟიული შარტავას სახელობის №6 საჯარო სკოლამ (ქუთაისი), ხოლო მესამე - კოკის საჯარო სკოლამ (ზუგდიდი).
გამარჯვებულებმა და მონაწილეებმა მიიღეს დიპლომები და საჩუქრები.
ფონდმა „სოხუმმა“ გამოაცხადა კონკურსი „ქალთა სოლიდარობის კვირეულის“ ფარგლებში დასავლეთ საქართველოს 6 რეგიონის პარტნიორ სკოლებისთვის.
კონკურსში მონაწილეობენ ქუთაისის, წყალტუბოს, ფოთის და კოკის საჯარო სკოლები - ატარებენ აქციებს, საინფორმაციო შეხვედრებს, ფორუმ-თეატრის ჩვენებებს, გამოფენებს...
კონკურსის მთავარი პირობაა, ღონისძიებები პასუხობდეს თემას და მონაწილეობა მიიღოს არანაკლებ 100-მა ადამიანმა.
არჩეულია ჟიური. გამარჯვებულები მიიღებენ დიპლომებს და საჩუქრებს.