ქალთა ფონდმა „სოხუმმა“ მრგვალი მაგიდის ფორმატის შეხვედრა გამართა ადგილობრივი რეფერირების სუბიექტების მონაწილეობით თერჯოლის საკრებულოს სხდომათა დარბაზში.
შეხვედრას ესწრებოდნენ საკრებულოს გენდერული თანასწორობის საბჭოს წევრები, მერიისა და სოციალური სამსახურების, პოლიციის სამმართველოს წარმომადგენლები. შეკრებილებმა ისაუბრეს ოჯახში ძალადობის პრევენციასა და მსხვერპლთა დაცვაზე, სოციალურ პარტნიორობაზე. ჩატარდა კვლევის „მსხვერპლთათვის არსებული სერვისების მონიტორინგი“ პრეზენტაცია. აქცენტი გაკეთდა ოჯახში ძალადობის პრობლემაზე და ადგილობრივ სტრუქტურებთან თანამშრომლობის პერსპექტივაზე.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
14 ივლისს ფონდი „სოხუმის“ სათაო ოფისს ქუთაისში ეწვივნენ USAID-ისა და ამერიკის შეერთებული შტატების საელჩოს წარმომადგენლები.
ახალგაზრდული პროგრამების უფროსი მრჩეველი ბატონი გიორგი ხეჩინაშვილი და ამერიკის შეერთებული შტატების საელჩოს პოლიტიკური ოფიცერი ბატონი ენტონ კუპერი.
სტუმრებმა მოისმინეს ინფორმაცია ორგანიზაციის საქმიანობისა და პარტნიორი ორგანიზაციების მიერ განხორციელებული სამუშაოს შესახებ, თუ რა აქტივობები განხორციელდა დღემდე პროექტის ფარგლებში, ასევე, მონაწილეებმა ისაუბრეს არსებულ გამოწვევებსა და წარმატებაზე... თუ რა დადებითი ცვლილებების შეიტანა შეძლო ფონდი „სოხუმის“ მიერ შექმნილმა საინიციატივო ჯგუფებმა მუნიციპალიტეტებში USAID-ის მხარდაჭერით.
პროექტი ხორციელდება USAID-ის მხარდაჭერით
ქობულეთის ქალთა მხარდაჭერის ცენტრმა საინფორმაციო შეხვედრები სოფლის დასახლებაში ჩაატარა. მონაწილეებმა პერიფერიებში ინფორმაციის გავრცელების აუცილებლობაზე გააკეთეს აქცენტი.
სოციალური პრობლემები, ქალთა საჭიროებები, ოჯახური კონფლიქტების გახშირება - ამ თემებზე საუბრისას ახალი ძალადობის შემთხვევების იდენტიფიცირება მოხდა ზუგდიდის მუნიციპალიტეტის სოფლებში - ხურჩაში, კოკში, კახათში გამართულ შეხვედრებზე.
საბავშვო ბაღები ოჯახური კონფლიქტების იდენტიფიცირების წყარო უნდა გახდეს, მანამდე ამ რგოლის სრულად ინფორმირება უნდა მოხდეს, - ასეთი მოსაზრება ჰქონდათ სამტრედიის ქალთა მხარდაჭერის მიერ გამართულ შეხვედრაზე, რომელსაც საბავშვო ბაღის აღმზრდელები და პედაგოგები ესწრებოდნენ.
ქალთა მხარდაჭერის ცენტრების მუშაობა მიზნად ისახავს ოჯახური ძალადობის შემთხვევების პრევენციას და იდენტიფიცირებული ქეისების ეფექტიან მართვას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
სოფელ კოკის საჯარო სკოლასთან ფონდი „სოხუმი“ უკვე დიდი ხანია თანამშრომლობს. ამ ეტაპზე USAID-სა და ფონდი „სოხუმის“ მხარდაჭერით ახალგაზრდებმა განახორციელებს მცირე პროექტი „გვახსოვდეს აფხაზეთი“, რომლის ფარგლებშიც უამრავი საინტერესო აქტივობა განახორციელეს.
თუ რა სარგებელი მოუტანა ამ პროექტმა ბენეფიციარებს, ამაზე საკმაოდ ბევრი ითქვა, ახლა კი გვსურს გაგიზიაროთ უშუალოდ მონაწილეთა ემოციები... თუ რა შეიძინა ამ პროექტით შემსრულებელმა გუნდმა...
„ამ პროექტში ჩართული რამდენიმე ახალგაზრდისთვის ეს იყო ახალი გამოცდილება.
ზოგადად,არასოდეს ვყოფილვარ აქტიური,თუმცა ამ ნაბიჯის გადადგმის შემდეგ ყველაფერი უკეთესობისკენ შეიცვალა, ხშირად ვმონაწილეობ სხვადასხვა ტიპის ღონისძიებაში და ძალიან მოხარული ვარ, რომ ჩავერთე ამ პროექტის განხორციელების პროცესში.
ხონის მე-3 საჯარო სკოლას უაღრესად აქტიური ბავშვები ჰქავს...
და აი, მათი პროექტიც -"ეკოლოგია და ჯანსაღი ცხოვრების წესი" დასრულდა.
ახალგაზრდულმა საინიციატივო ჯგუფმა ჩაატარა შემაჯამებელი შეხვედრა, რომელზეც წარადგინეს პროექტის პრეზენტაცია, ისაუბრეს მიღებულ შედეგებზე და განხორციელებულ აქტივობებზე.
პროექტის ფარგლებში ჩატარდა საინფორმაციო შეხვედრები სხვა სკოლის მოსწავლეებთან, მრგვალი მაგიდა, ველომარათონი, გამწვანებისა და დასუფთავების აქციები...
პროექტმა ხელი შეუწყო თემში ჯანსაღი ცხოვრებისა და ეკოლოგიის შესახებ ინფორმაციის გავრცელებას.
პროექტი ხორციელდება USAID-ის მხარდაჭერით
წყალტუბოს მუნიციპალიტეტის მერიის სხდომათა დარბაზში ფონდი „სოხუმის„ ახალგაზრდული საინიციატივო ჯგუფების წევრები შეიკრიბნენ.
მონაწილეებმა სუბგრანტებით განხორცილელებული პროექტების შედეგები შეაჯამეს და საკუთარი შეფასებები ერთმანეთს გაუზიარეს.
„ჩვენმა პატარა პროექტმა წყალტუბოს მუნიციპალიტეტში ახალ ინიციატივას დაუდო საფუძველი. ელექტრონული პეტიცია წყალტუბოში მცხოვრებ მოქალაქეებს შესაძლებლობას მისცემს ითანამშრომლონ ხელისუფლებასთან და საკუთარი პრობლემები მიაწოდონ.“- ეს საკრებულოს ბაზაზე არსებული ახალგაზრდული ჯგუფის შეფასებაა.
წყალტუბოს მე-4 სკოლასთან არსებული ახალგაზრდული ჯგუფის წევრებმა პროექტის პრეზენტაციისას ძირითადი მიღწევები გამოკვეთეს.
მათი შეფასებით, ამ პატარა პროექტით შესაძლებელი გახდება პოზიტიური გავლენის მოხდენა ახალგაზრდების ცნობიერებაზე, რაც ხელს შეუწყობს ქალთა მხარდაჭერას და გენდერულად დაბალანსებული საზოგადოების შექმნას მომამავალში.
პროექტი ხორციელდება USAID-ის მხარდაჭერით
დიდინეძის საჯარო სკოლა. არდადეგები დაიწყო, ახალგაზრდული საინიციატივო ჯგუფის წევრები კი ტრენინგზე მოვიდნენ სკოლაში.
რა იწვევს კონფლიქტს? რა სახის კონფლიქტებია ყველაზე ხშირი? რა საჭიროა კონფლიქტის ანალიზი? როგორ ვმართოთ კონფლიქტი?
გზადაგზა, ტრენინგის განმავლობაში ხდებოდა ამ კითხვებზე პასუხების გაცემა. ხდებოდა - სავარჯიშოებით, თამაშით, მსჯელობით, მაგალითებით... რომ უფრო საინტერესო, სასარგებლო და დასამახსოვრებელი ყოფილიყო.
პროექტი ხორციელდება USAID-ის მხარდაჭერით
პროექტის ფარგლებში ჩატარდა საინფორმაციო შეხვედრები, მრგვალი მაგიდები, დისკუსიები, კვლევა, ნახატებისა და ესსეების კონკურსი, ტრენინგები კონფლიქტოლოგიის თემაზე, ასევე, კოკის საჯარო სკოლის ეზოში ბავშვებმა გააშენეს მეგობრობის ხეივანი...
ეს არასრული ჩამონათვალია იმ აქტივობებისა, რომლები ახალგაზრდებმა განახორციელეს.
პროექტმა ხელი შეუწყო თემში კონფლიქტის შესახებ ცნობიერების ამაღლებას, დაეხმარა ახალგაზრდებს სხვა კუთხით შეხედონ ამ საკითხს და გაიღრმავონ თავიანთი ცოდნა.
პროექტი ხორციელდება USAID-ის მხარდაჭერით
ჟურნალისტური და პედაგოგიური საქმიანობის თითქმის 40 წლის მანძილზე, შეიძლება ითქვას, განუწყვეტლივ ვმუშაობდი საკუთარ თავზე, ძალიან ბევრს ვკითხულობდი, ვსწავლობდი, სისტემატურად სრულვყოფდი წერის კულტურას, ვიმდიდრებდი ლექსიკას, ვამუშავებდი გამოსახვის ფორმებსა და ჟანრულ სპეციფიკას, თვალს ვადევნებდი მედიის განვითარებასა და ახალ ტექნოლოგიებს.შეიძლება ითქვას, არასოდეს არავისთვის მომითხოვია საკუთარი მოვალეობის შესრულება ისე მკაცრად, როგორც საკუთარი თავისთვის. ჟურნალისტს ხომ, პროფესიული ცოდნის გარდა, ეთიკური სტანდარტების დაცვა და საზოგადოებრივი ინტერესების მუდმივი თანადგომა ევალება.
ჩემი გზა საქალაქო და რეგიონულ პრესაში ასეთია: სხვადასხვა დროს ვიყავი გაზეთ „ქუთაისის“ კორესპონდენტი და ლიტერატურული მუშაკი, „იმერეთის მოამბის“ განყოფილების რედაქტორი, „ახალი ქუთაისის“ რედაქტორის“ მოადგილე, „პოსტსკრიპტუმის“ (“P.S.“)რედაქტორი, ერთდროული თემატური ჟურნალ-გაზეთების რედაქტორი. პარალელურად ვმუშაობდი ახალგაზრდობასთან: გარდა იმისა, რედაქციებში ახალგაზრდა ჟურნალისტების თაობებს ვზრდიდი, წლების მანძილზე ვიყავი მოსწავლე ახალგაზრდობის სასახლის ნორჩ ჟურნალისტთა წრის ხელმძღვანელი, ლექციებს ვკითხულობდი სახელმწიფო და კერძო უმაღლესი სასწავლებლების, პროფესიული კოლეჯების ჟურნალისტიკის ფაკულტეტებზე. ჩემს შეგირდებს შორის ბევრი ცნობილი ჟურნალისტია, რედაქტორია, ან წარმატებით საქმიანობს სამეცნიერო,შემოქმედებით, პედაგოგიურ, საზოგადოებრივ ასპარეზზე, არასამთავრობო ორგანიზაციებში, 15-მდე პროფესორია, ორი „საბას“ პრემიის ლაურეატი - სამწერლო მიღწევებისათვის, არაერთი წარმატებულ სამეცნიერო - შემოქმედებით საქმიანობას ეწევა საზღვარგარეთ.
ახალგაზრდული საინიციატივო ჯგუფების პროექტები დასასრულს მიუახლოვდა.
30-ზე მეტი საინტერესო და სასარგებლო აქტივობა განახორციელეს ჯგუფების წევრებმა:
დასუფთავებისა და გამწვანების აქციები, საინფორმაციო შეხვედრები, სპორტული შეჯიბრებები და თამაშები, ესსეების კონკურსები, ვორქშოპები და ტრენინგები. ეს ის მცირე ჩამონათვალია, რომელიც ჩვენმა აქტიურმა ბავშვებმა თავისი ინიციატივით განახორციელეს.
აქტივობებში ჩართული იყო 6 სამიზნე მუნიციპალიტეტის ახალგაზრდული კლუბი: სენაკის, ზუგდიდის, წალენჯიხის, წყალტუბოსი, ქუთაისისა და ხონის.
ცალკე მადლობას ფონდი „სოხუმი“ უხდის სკოლების პედაგოგებსა და ადმინისტრაციულ აპარატს, რომლებიც, ასევე, აქტიურად იყვნენ ჩართულები ღონისძიებების განხორციელების პროცესში.
პროექტი ხორციელდება USAID-ის მხარდაჭერით