როგორ შეიძლება შეფასდეს პროექტი, რომლის შედეგად ყველა აღიარებს ქუთაისში გენდერული პოლიტიკის დანერგვის კუთხით მიმდინარე სერიოზულ წინსვლას, რა მიღწევებს უზიარებენ ერთმანეთს ფონდი „სოხუმის“ მიერ სამი წლის წინ დაფუძნებული გენდერული საკონსულტაციო საბჭოები და რა არის მათი სამომავლო პერსპექტივები.
ტელეკომპანია „რიონის“ ეთერში ფონდი „სოხუმის“ თანამშრომლებმა, ქუთაისის საკრებულოსა და მერიის წარმომადგენლებმა ისაუბრეს კონკრეტულ მიღწევებზე: ადგილობრივი სოციალური ჯგუფების საჭიროებების უკეთ გააზრება, ბიუჯეტის პროგრამების გენდერული პარამეტრების შედგენა. ითქვა, რომ პროექტის წარმატებით დაგვირგვინების ნიშანია გენდერული საბჭოების საკანონმდებლო დონეზე დანერგვა და არ უნდა დაიკარგოს ის მუხტი, რაც თვითმმართველობასთან სხვადასხვა სოციალური ჯგუფის თანამშრომლობით გაჩნდა და არაერთი საკითხის მოგვარების საწინდარი გახდა.
7 ივლისს, ტელეკომპანია „რიონის“ ეთერში გავიდა ფონდი „სოხუმის“ მიერ ორგანიზებული გადაცემა, რომელიც ქუთაისის გენდერული საკონსულტაციო საბჭოს საქმიანობას მიეძღვნა.
ქსელური შეხვედრა, როგორც 3 ქალაქის საბჭოების გამოცდილების გაზიარების საშუალება; ქუთაისის გენდერული საკონსულტაციო საბჭოს მიერ განხორციელებული პროექტები; ახალგაზრდების ხედვა გენდერულ პოლიტიკაზე და მათი რეკომენდაციები; გენდერულ საჭიროებათა კვლევის შედეგად გამოვლენილი პრობლემები და თვითმმართველობისთვის წარდგენილი წინადადებები - ამ და სხვა საკითხებზე ისაუბრეს სტუდიაში ფონდი „სოხუმის“ თანამშრომლებმა, ქუთაისის გენდერული საკონსულტაციო საბჭოს წევრებმა, საბჭოს ახალგაზრდული პროექტის მონაწილეებმა.
„ჩვენ ვისაუბრეთ რეგიონში გენდერული პოლიტიკის შესახებ და მიმოვიხილეთ ბათუმის გენდერული საკონსულტაციო საბჭოს საქმიანობა,“ - ამ სიტყვებით დამთავრდა ტელეგადაცემა რუბრიკით „სტუმარი მაცნეში“.
ტელეკომპანია „ეგრისის“ ეთერში გასულ გადაცემაში სენაკის გენდერული საკონსულტაციო საბჭოს წევრებმა ისაუბრეს გენდერულ პოლიტიკაზე და შეაფასეს საბჭოს თითქმის ორწლიანი მუშაობა.
სენაკის გენდერული საკონსულტაციო საბჭოს საქმიანობა მუნიციპალიტეტში გენდერული პოლიტიკის დანერგვის კუთხით; საკითხები, რომლებიც საბჭოს ინიცირებით აისახა ადგილობრივ ბიუჯეტში, თვითმმართველობასთან სამომავლო თანამშრომლობის პერსპექტივები - ამ საკითხებს შეეხო რეგიონალურ მაუწყებელ „ეგრისში“ გასული ტელეგადაცემა.
გადაცემის დასაწყისში გასულმა სიუჟეტმა თვალსაჩინო გახადა ადგილობრივი ხელისუფლების მიერ საბჭოს საქმიანობის შეფასება და ის საკითხები, რომელთა გადასაჭრელად საბჭო მჭიდროდ თანამშრომლობს ადგილობრივ ხელისუფლებასთან.
როგორც აღინიშნა, ადგილობრივმა ხელისუფლებამ მხარი დაუჭირა სენაკის გენდერული საკონსულტაციო საბჭოს ინიციატივას და ბიუჯეტში ჩაიდო ერთჯერადი დახმარება ოჯახში ძალადობის მსხვერპლთათვის.
თვითმმართველობის წარმომადგენელთა განცხადებით, მიღწეულმა შედეგებმა აჩვენა, რომ მსგავსი საქმიანობა უნდა გაიშალოს სოფლებშიც და ყველა თემში შეიქმნას გენდერული საბჭო, რომელიც იქნება ადგილობრივი სოციალური პოლიტიკის ავანგარდში.
„ეგრისის“ სტუდიაში გამართულ დიალოგში საბჭოს წევრებმა ისაუბრეს თვითმმართველობასთან თანამშრომლობით განხორციელებულ საქმიანობაზე და გამოკვეთეს საკითხები, საითკენაც უახლოეს მომავალში იქნება მიმართული საბჭოს ძალისხმევა.
გაზეთ „ახალი გაზეთის“ (ქუთაისი) 28 აგვისტოს ნომერში დაიბეჭდა ფონდი „სოხუმის“ ექსპერტის, ეკატერინე გამახარიას სტატია „მოქალაქეების ჩართულობა ადგილობრივი ბიუჯეტის განკარგვაში და საკუთარი გარემოს გაუმჯობესებაში - „პრაღა 10-ის“ საინტერესო გამოცდილება“.
„პრაღა 10“ მუნიციპალიტეტით ფონდი „სოხუმის“ და ექსპერტთა დაინტერესების მიზეზი მისი გამოცდილებაა, რომელიც ადგილობრივი ბიუჯეტის მართვაში მოსახლეობის ჩართვის ეფექტურ მექანიზმს ეხებოდა.
2015 წლიდან, „პრაღა 10“-ში ამოქმედდა „მონაწილეობითი ბიუჯეტის“ (Participatory Budget) პრაქტიკა, რომლის მიზანია მოსახლეობის გააქტიურება მუნიციპალური მართვის საკითხებში, რაც დემოკრატიული განხილვის და გადაწყვეტილების მიღების პროცესის ეფექტურ საშუალებას წარმოადგენს.
სტატიაში სწორედ ამ გამოცდილებაზეა მოთხრობილი.
პროექტიხორციელდებავიშეგრადის ფონდისმხარდაჭერით
„გენდერული თანასწორობა ნიშნავს თანაბარ წარმომადგენლობას, თანაბარ მონაწილეობას და შესაძლებლობებს ქალებისა და მამაკაცებისათვის საზოგადოებრივი და კერძო ცხოვრების ყველა სფეროში...“ და გენდერული თანასწორობის მიღწევა თანამედროვე საზოგადოების განვითარების ერთ-ერთი მთავარი მიზანი და პრიორიტეტია.
ასე იწყება სტატია, რომელიც 12 თებერვალს დაიბეჭდა გაზეთ «P.S.»-ში. სტატიის ავტორია ექსპერტი გენდერულ საკითხებში, ფონდი „სოხუმის“ თავმჯდომარე ალლა გამახარია.
სტატიაში აღნიშნულია გენდერული პოლიტიკის შემუშავების მნიშვნელოვანი მომენტები როგორც სახელმწიფო, ისე მუნიციპალურ დონეზე და აქტიური მუშაობის აუცილებლობა ამ პოლიტიკის დანერგვისათვის.
სტატია აგრეთვე განთავსდა გაზეთის საიტზე:
http://psnews.ge/index.php?m=68&news_id=61300
პროექტი ხორციელდება ვიშეგრადის ფონდის მხარდაჭერით
რადიო „ძველი ქალაქის“ ეთერში გავიდასიუჟეტი, რომელმაც მსმენელებს ქუთაისის გენდერული საკონსულტაციო საბჭოს საქმიანობაზე მოუთხრო.
აღინიშნა, რომ საბჭოს მუშაობა ახალ საინტერესო ფაზაშია: დამთავრდა ადგილობრივი სამოქალაქო ჯგუფების საჭიროებათა კვლევა, რომელმაც ქალთა სხვადასხვა ჯგუფის, ახალგაზრდების, სოციალურად დაუცველების, შშმ პირთა არაერთი მნიშვნელოვანი საკითხი გამოკვეთა. საბჭოს აქვს კარგი პრაქტიკა თვითმმართველობასთან თანამშრომლობით ამ ჯგუფების ინტერესების ბიუჯეტში გათვალისწინებისთვის.
სიუჟეტში გაჟღერდა ინფორმაცია საბჭოს ახალგაზრდულ პროექტზე, რომელიც ფონდი „სოხუმისა“ და ქუთაისის მერიის მიერ იქნა მხარდაჭერილი. პროექტის მონაწილეებმა ისაუბრესაქტივობებზე და ახალგაზრდების სხვადასხვა ჯგუფის მიერ მომზადებულრეკომენდაციებზე.