სენაკის ქალთა სამუშაო ჯგუფმა ახალი პრობლემების იდენტიფიცირებაზე იმუშავა.
- ჩვენ მივყვებით ადვოკატირების გეგმას. სამუშაო გეგმიდან გამომდინარე, ყველა ეტაპი გათვლილია და გარკვეულ პერიოდს მოითხოვს. პარალელურად, ახალი პრობლემების იდენტიფიციტრებაზეც უნდა ვიმუშაოთ, რათა აქტიურობის მუხტი არ შენელდეს,- მიაჩნიათ ჯგუფის წევრებს.
პრობლემებს შორის გამოკვეთეს დევნილთა დასახლებაში ტრენაჟორების დამონტაჟების საკითხი, ასევე აქტუალურად ჩაითვალა გაზონების გაწმენდა სარეველა ბალახებისაგან. ორივე პრობლემა მოითხოვს ინფორმაციის შესწავლას და ადგილობრივ თვითმმართველობასთან თანამშრომლობას. ამ პროცესში სამუშაო ჯგუფი აქტიურად ჩაერთვება.
პროექტი ხორციელდება გაეროს ქალთა ორგანიზაციის
მხარდაჭერით
საინფორმაციო ონლაინ შეხვედრას ესწრებოდნენ ქალთა ფონდი „სოხუმის“ ახალგაზრდობის გაძლიერების ცენტრების წევრები და მათი მშობლები.
შეხვედრაზე გაკეთდა გზამკვლევის „გენდერული ნიშნით ძალადობის პრევენცია და მასზე რეაგირება საომარ და ომის შემდგომ გარემოში - ქალთა არასამთავრობო ორგანიზაციების გამოცდილება და რეკომენდაციები“ პრეზენტაცია (გზამკვლევი მოამზადა ქალთა ევროპულმა ქსელმა).
მონაწილეები გაეცნენ ქალთა ორგანიზაციების და მათ შორის ქალთა ფონდი „სოხუმის“ წარმატებულ გამოცდილებას, რაც პუბლიკაციაში საინტერესოდააა აღწერილი.
პროექტი ხორციელდება ქალთა უფლებების დაცვის სწრაფი რეაგირების ფონდის მხარდაჭერით
გენდერი, გენდერული ძალადობა, ძალადობის იდენტიფიკაცია, ბავშვთან კომუნიკაცია და რეფერირების ეტაპები, სამართლებრივი მექანიზმები და საერთაშორისო დოკუმენტები, პედაგოგების როლი ძალადობის პრევენციაში - ეს საკითხები განიხილეს ტრენინგზე, რომელიც ქუთაისში, ქალთა ფონდი „სოხუმის“ ოფისში ჩატარდა პედაგოგებისთვის.
მონაწილეები წარმოადგენდნენ 6 მუნიციპალიტეტს (ჩოხატაური, ვანი, ხონი, ზუგდიდი, წყალტუბო და ბაღდათი). ისინი აქტიურად ჩაერთნენ სამუშაო პროცესში, დისკუსიებში, ერთმანეთს უზიარებდნენ თავიანთ გამოცდილებას.
აღინიშნა, რომ ტრენინგის მონაწილეები თავიანთ სკოლებში დანერგავენ გენდერულ მიდგომებს, ხელს შეუწყობენ სტერეოტიპების მსხვრევას და ძალადობის პრევენციას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ოქტომბერი განსაკუთრებით დატვირთული იყო ქალთა მხარდაჭერის ცენტრებში. შეხვედრის მონაწილეებმა კონკრეტული ქეისები გაარჩიეს და ძალადობის კომბინირებულ მიზეზებზე ისაუბრეს. თითქმის ყველა ჯგუფში გამოკვეთეს ნაადრევი ქორწინების ნეგატიური შედეგები, რომელიც საგარეჯოში მომხდარი ტრაგედიის გამოძახილია. მონაწილეებმა ხაზგასმით ისაუბრეს განათლების, ინფორმირების აუცილებლბაზე.
„გასაძლიერებელია ინფორმირება, სტერეოტიპებზე მეტია სამუშაო“,- თვლიან მონაწილეები და საინფორმაციო კამპანიის ჩატარებაზე საუბრობენ.
ოქტომბერში მობილიზატორების მუშაობის შედეგად ხუთი ახალი ქეისი გამოვლინდა. ბენეფიციარებთან ფონდი „სოხუმის“ ყველა სერვისი იქნება გამოყენებული.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ოქტომბერში ახალმა ახალგაზრდულმა ჯგუფებმა დაიწყეს მუშაობა. ტრენინგები გაიმართა ხობის, თერჯოლის, სამტრედიის, სენაკის და ვანის მუნიციპალიტეტების ახალგაზრდობის გაძლიერების ცენტრებში.
პირველ შეხვედრებზე მონაწილეებმა ერთმანეთი გაიცნეს და საინტერესო თემებიც განიხილეს. ისინი აქტიურად ჩაერთნენ სატრენინგო პროცესში, ისაუბრეს ინიციატივებსა და ღონისძიებებზე, რომელთაც ჩაატარებენ კურსის ფარგლებში. შეხვედრებს ესწრებოდა რამდენიმე პედაგოგი და მშობელი.
ტრენერები იმედოვნებენ, რომ ახალ ჯგუფებთან ექვსთვიანი მუშაობა ისეთივე ნაყოფიერი იქნება, როგორც წინა ჯგუფებთან.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდმა „სოხუმმა“ ქობულეთის მუნიციპალიტეტში მრგვალი მაგიდა გამართა ადგილობრივი რეფერირების სუბიექტების წარმომადგენლების მონაწილეობით (ორგანიზატორი - მუნიციპალური გენდერული საბჭო).
შეკრებილებმა ისაუბრეს ძალადობის პრევენციასა და ძალადობის მსხვერპლთა დაცვაზე, იმსჯელეს ოჯახში ძალადობის კუთხით არსებულ სიტუაციასა და სოციალურ თანამშრომლობაზე იმსჯელეს.
ძირითადი აქცენტი გაკეთდა ადგილობრივ სტრუქტურებს შორის პარტნიორობაზე ოჯახში ძალადობის პრობლემის მოგვარებისთვის.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ფორუმ-თეატრმა დაიწყო აქტიური სარეპეტიციო პროცესი. ჯგუფი ცვლილებების მოლოდინშია. გამოცხადდა ქასთინგი, ხდება გასაუბრებები და ველოდებით ახალგაზრდა მსახიობთა ახალ ნაკადს. ფორუმ-თეატრში ხშირად ხდება მსგავსი ცვლილებები, რადგან მოსწავლეები მიდიან სკოლის დასრულების შემდეგ.
სექტემბერში ჩატარდა ორი წარმოდგენა ქუთაისის ცენტრალურ პარკებში, უკვე მთავრდება კარგი ამინდების სეზონი და ფორუმ-თეატრმა მაქსიმალურდ გამოიყენა ეს სივრცე. ღია ცის ქვეშ თამაში კარგი გამოცდილებაა მსახიობებისთვის.
წარმოდგენების დროს დისკუსიებში ჩართულობა იყო საინტერესო და გულწრფელი, ოღონდ ეს არის: მაყურებლები ერიდებიან ფოტოების გადაღებას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ფერადი ბისერებით და მულინებით ჩვენი ბენეფიციარები ზღაპრულად ლამაზ აქსესუარებს შექმნიან.
თერჯოლის ქალთა მხარდაჭერის ცენტრში კიდევ ერთი ახალი სასწავლო კურსი დაიწყო. სასწავლო კურსის ოფისი უცვლელია. მუშაობას აქტიურად უჭერს მხარს მუნიციპალიტეტის მერია და საკრებულო.
ახალი ჯგუფის პედაგოგი მერი კუპატაძეა. მის ნამუშევრები მოსწონს მომხმარებელს და ყველგან გამოარჩევენ საწარმოო ნიშნით „მერისგან“.
თერჯოლელი ქალებისთვის წარმატების ახალი ეტაპი დაიწყო.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდი „სოხუმის“ ახალი სოციალური კლიპი ასახავს იმ მნიშვნელოვან სტრატეგიებს და მოქმედებებს, რაც განმსაზღვრელია ქალთა მიმართ ოჯახში ძალადობის პრევენციის ეფექტიანობისთვის და ჩვენი ორგანიზაციის მუშაობის უმთავრეს მიმართულებებს წარმოადგენს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
საქართველოს ადგილობრივ თვითმმართველობათა ეროვნულმა ასოციაციამ (ათეა), გაეროს ქალთა ორგანიზაციისა და შვეიცარიის განვითარებისა და თანამშრომლობის სააგენტოს მხარდაჭერით გამართა ეროვნული კონფერენცია - „გენდერული თანასწორობის დღის წესრიგი ადგილობრივ დონეზე: ძირითადი გამოწვევები და სამოქმედო ნაბიჯები“. მაღალი დონის კონფერენციაში მონაწილეობას იღებდნენ მუნიციპალიტეტების ხელმძღვანელი პირები, საკანონმდებლო და აღმასრულებელი ხელისუფლების, ასევე საერთაშორისო და ადგილობრივი სამოქალაქო საზოგადოების ორგანიზაციების წარმომადგენლები.
კონფერენციას ესწრებოდა ქალთა ფონდი „სოხუმის“ წარმომადგენელი ეკატერინე გამახარია, რომელმაც სადისკუსიო ნაწილში ყურადღება გაამახვილა სოფლებში მერის წარმომადგენლების და ბავშვთა უფლებების დაცვის განყოფილებების როლის გაზრდის აუცილებლობასა და აღნიშნული რგოლის გაძლიერებაზე ქალთა უკეთ ინფორმირების, მათ საჭიროებებებზე მორგებული ადგილობრივი პოლიტიკის დანერგვის და ადგილობრივ დონეზე ქალთა მიმართ ოჯახში ძალადობის პრევენციისა და დაცვის ეფექტიანი მექანიზმების ამოქმედების საქმეში.
აღსანიშნავია, რომ კონფერენციის დასასრულს, ათეას ადვოკატირებით, ადგილობრივ ცხოვრებაში ქალთა და კაცთა თანასწორობის შესახებ ევროპულ ქარტიას, რომელსაც დღემდე 26 თვითმმართველი ერთეული შეუერთდა, კიდევ 5-მა ქართულმა მუნიციპალიტეტმა მოაწერა ხელი. ამჯერად დოკუმენტს მიუერთდნენ ზუგდიდის, ზესტაფონის, ჩოხატაურის, სამტრედიისა და ბაღდათის თვითმმართველი ერთეულები, რითაც დაადასტურეს გენდერული თანასწორობის პრინციპების დაცვის მზაობა და მხარდაჭერა საკუთარ მუნიციპალიტეტებში.