ზუგდიდის მუნიციპალიტეტის სოფელ დიდინეძის ახალგაზრდული საინიციატივო ჯგუფის წევრები მუშაობენ პროექტზე:"გამარჯობა აფხაზეთო,შენი!".შეხვედრაზე პროექტის ფარგლებში დაგეგმილი აქტივობები განიხილეს და პასუხისმგებლობები გადაინაწილეს.
ქალთა საინიციატივო ჯგუფის წევრებმა კვლევის შედეგად გამოკვეთილი საკითხების ადვოკატირებაზე დაიწყეს მუშაობა.შეხვედრაზე აღინიშნა,რომ ,უმუშევრობა,ინფლაცია, მაღალი ფასები კვების პროდუქტებსა და მედიკამენტებზე,ასევე,მიგრაცია და საკრედიტო სესხები ბანკში, ადგილობრივი მოსახლეობისთვის კვლავ გამოწვევად რჩება.
ხონის ახალგაზრდული კლუბი წევრები შეუდგნენ პროექტის- “სალონური საუბრები,, განხორციელებას, რომელიც USAID-ის საგრანტო კონკურსის ფარგლებში დაუფინანსდათ. კლუბის წევრებთან შეხვედრა ხონის მესამე საჯარო სკოლაში გაიმართა. ახალგაზრდებმა პროექტის დეტალებზე იმუშავეს. განიხილეს დაგეგმილი აქტივობები, განსაზღვრეს მათი განხორციელების ვადები და გადაინაწილეს პასუხისმგებლობები.
ხონის ქალთა საინიციატივო პირველი ჯგუფის წარმომადგენლებმა კიდევ ერთელ გადახედეს კვლევის-„ადამიანური უსაფრთხოების ხარისხის შეფასება“ დასკვნებსა და რეკომენდაციებს და ადვოკატირებისთვის პრობლემებიც შეარჩიეს. ისინი მათ მოგვარებას ადგილობრივ ხელისუფლებასთან თანამშრომლობით გეგმავენ.
ხონის ქალთა საინიციატივო მეორე ჯგუფთან კი ტრენინგი ჩატარდა. მონაწილეები გაეცნენ ძალადობის მსხვერპლთათვის სახელმწიფო სერვისებს და საინტერესო კითხვებზე პასუხები კომპეტენტური პირისგან მიიღეს
ზუგდიდის მუნიციპალიტეტის სოფელ კოკის ახალგაზრდული საინიციატივო ჯგუფის წევრებმა შეხვედრა გამართეს,სადაც მინი-პროექტის ფარგლებში განხორციელებული აქტივობები შეაფასეს.პროექტის მიზანია ახალგაზრდების ჩართულობით მშვიდობის ხელშეწყობა, ცნობიერების ამაღლება და მათი აქტიური მონაწილეობა ქართულ-აფხაზური ურთიერთობების დარეგულირების პროცესში.ამ კუთხით,საინიციატივო ჯგუფის მიერ, უამრავი საინტერესო აქტივობაა დაგეგმილი.
ქალთა საინიციატივო ჯგუფთან მორიგი შეხვედრა გაიმართა.საუბარი შეეხო იმ გამოწვევებს,რომლებიც კვლევის :"მოსახლეობის ადამიანური უსაფრთხოების ხარისხის შეფასება"-პროცესში გამოიკვეთა.შეხვედრაზე აღინიშნა,რომ სახელმწიფო სერვისების შესახებ მოსახლეობის ინფორმირებულობა,მნიშვნელოვნად გაზრდის მოქალაქეების აქტიურობას ,რაც უმთავრესია მათი ეკონომიკური გაძლიერებისთვის.დასახელდა პრიორიტეტული საკითხები,რომელთა ადვოკატირებასაც ქალთა საინიციატივო ჯგუფი პერმანენტულად მოახდენს.
ქალთა ფონდი „სოხუმის“ ოფისში მოეწყო შეხვედრა დევნილ ქალთა და გოგონათა სამუშაო ჯგუფის წევრებთან.
შეხვედრაზე განიხილეს ყველა ის პრიორიტეტული პრობლემა, რომელიც პროექტის ფარგლებში გამოვლინდა დევნილთა სხვადასხვა დასახლებაში. შეკრებილებმა ისაუბრეს შესრულებულ აქტივობებზე და სამომავლო გზები დასახეს პრობლემების ადვოკატირებისთვის.
„თამამად შეგვიძლია ვთქვათ, რომ დავძლიეთ ნიჰილიზმი, რომელიც გვქონდა, გადავედით აქტიურ მუშაობაზე. მივხვდით, რომ უნდა ვიაქტიუროთ ჩვენი პრობლემების მოსაგვარებლად, რადგან არავინ გააკეთებს ამას ჩვენს მაგიერ“, - აღნიშნა შეხვედრის ერთ-ერთმა მონაწილემ.
საერთო შეხვედრები, ახალი უნარ-ჩვევების შეძენა, ერთმანეთთან საკუთარი გამოცდილებების გაზიარება დიდი მოტივაცია ჯგუფის ყველა წევრისთვის, რომ მეტი გააკეთოს თავისი თემისთვის.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
დევნილ ქალთა და გოგონათა სამუშაო ჯგუფის წევრების შეხვედრას ქუთაისის მუნიციპალიტეტის გენდერული თანასწორობის საბჭოს წევრებთან ესწრებოდნენ, როგორც საკრებულოს დეპუტატები, ასევე მერიის წარმომადგენლები.
სამუშაო ჯგუფის წევრებმა წარადგინეს სამიზნე დევნილთა თემებში არსებული პრობლემები და თვითმმართველობის წარმომადგენლებთან ერთად იმსჯელეს მათი გადაჭრის გზებზე.
გენდრული თანასწორობის საბჭომ გამოთქვა მხარდაჭერა, მომზადდება წერილები და გაიგზავნება მერიის შესაბამის სამსახურებთან.
„მნიშვნელოვან საქმეს აკეთებთ, ჩვენც, ჩვენი კომპეტენციის ფარგლებში გვერდით დავუდგებით აქტიურ ქალებს არსებული პრობლემების აღმოსაფხვრელად,“ - აღნიშნა მერის მოადგილემ, თამარ დახუნდარიძემ.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
ქუთაისის ქალთა საინიციატივო ჯგუფს გაცვლითი შეხვედრის ფორმატის ფარგლებში ხონის ჯგუფის წევრები ესტუმრნენ. შეხვედრა ჯგუფის წევრების ურთიერთგაცნობას, დაახლოებას, ინფორმაციისა და გამოცდილების გაზიარებას ემსახურებოდა. ქალებმა მათ მიერ ადვოკატირებულ პრობლემებსა და საჭიროებებზე ისაუბრეს. აღნიშნული ფორმატი მონაწილეებმა დადებითად შეაფასეს . ქუთაისის ახალგაზრდული კლუბის წევრებმა საგრანტო კონკურსის ფარგლებში შემუშავებულ ორ საპროექტო იდეაზე იმსჯელეს. გაეცნენ ინფორმაციას სამშვიდობო ინიციატივების შესახებ და განსაზღვრეს პროექტის ფარგლებში განსახორციელებელი აქტივობები. ახალგაზრდულ კლუბს ახალი წევრები შემოუერთდნენ. ისინი უახლოეს მომავალში USAID-ის საგრანტო კონკურსის ფარგლებში დაფინანსებული პროექტის და სხვადასხვა ტიპის აქტივობების განხორციელებას შეუდგებიან. შეხვედრას სსიპ ჟიული შარტავას სახელობის აფხაზეთის N 6 საჯარო სკოლა მასპინძლობდა
პროექტის:"ადამიანური უსაფრთხოების გენდერული ასპექტები,რისკები,შემცირების სტრატეგიები"ფარგლებში სტამბულში 19-23 მარტს ქართველი და აფხაზი პარტნიორების ერთობლივი შეხვედრა შედგა.ქართული და აფხაზური ქალთა ჯგუფების შეხვედრა სამოქმედო გეგმების წარდგენითა და დღის წესრიგის გაცნობით დაიწყო.ქალბატონებმა ერთმანეთს საკუთარ რეგიონებში არსებული ,სიტუაციური ანალიზი გაუზიარეს და ყოველდღიური ცხოვრების გამოწვევებისა და პრობლემების შესახებ ინფორმაცია გაცვალეს. აქტივობების შედეგების მიხედვით 2024 წელს ანგარიშის მონიტორინგის სახით ჯგუფური სამუშაოები გაიმართა.განისაზღვრა ძირითადი გამოწვევები, განიხილეს ქალებისთვის ადამიანური უსაფრთხოება ,შეფასება და რისკების მართვა. ისაუბრეს,თუ რა არის რისკი და რას ვაკეთებთ მის აღმოსაფხვრელად, რა განსხვავებაა რისკს,საშიშროებასა და იძულებას შორის.მუშაობა იყო ნაყოფიერი და პროდუქტიული. შეხვედრაზე ქალთა მუშაობის კუთხით ყველა შესაძლებელი და არსებული რისკების შემცირება განიხილეს.
ხონის ქალთა საინიციატივო ორივე ჯგუფის წევრები გაეცნენ კვლევის შედეგებს, რომელიც გენდერული ასპექტების გათვალისწინებით, „ადამიანური უსაფრთხოების ხარისხის შეფასებას“ ისახავდა მიზნად, გაეცნენ დასკვნებს და რეკომენდაციებს, რომლის ადვოკატირებასაც ადგილობრივ ხელისუფლებასთან თანამშრომლობით შეეცდებიან. ხონის ახალგაზრდულმა კლუბმა კი საგრანტო კონკურსის ფარგლებში შემუშავებულ ორ საპროექტო იდეაზე იმსჯელა . შეხვედრაზე განსაზღვრეს პროექტის ფარგლებში განსახორციელებელი აქტივობები. ახალგაზრდული კლუბი უახლოეს მომავალში USAID-ის საგრანტო კონკურსის ფარგლებში დაფინანსებული პროექტს და სხვადასხვა ტიპის აქტივობების განხორციელებას შეუდგება. შეხვედრას ხონის N 3 საჯარო სკოლა მასპინძლობდა.
სოფელ ფახულანის ქალთა საინიციატივო ჯგუფის წევრებმა მორიგი შეხვედრა გამართეს.საუბარი შეეხო ქალთა პრობლემებს,საჭიროებებსა და სხვადასხვა მუნიციპალიტეტში არსებული საინიციატივო ჯგუფების გამოცდილების გაზიარების მნიშვნელობას.განხილვის პროცესში გამოიკვეთა,რომ პრობლემები ყველგან იდენტურია.ჯგუფის წევრებმა იმსჯელეს სამომავლო გეგმებზე,აღინიშნა,რომ მსგავსი შეხვედრები მნიშვნელოვანია პრობლემების იდენტიფიცირებისა და მათი მოგვარების გზების ძიების პროცესში.
ინფორმაციის გაცვლა-გაზიარებისა და საერთო პრობლემების განხილვის მიზნით ,ქალთა საინიციატივო ჯგუფებს შორის გაცვლითი შეხვედრები ჩატარდა. წყალტუბოს ქალთა ჯგუფი სენაკის ქალთა საინიციატივო ჯგუფს ესტუმრა. მონაწილეებმა ერთმანეთი უფრო ახლოს გაიცნეს,ქალთა საჭიროებებსა და პრობლემებზე იმსჯელეს. მათი შეფასებით, აღნიშნული ფორმატი ურთიერთგამოცდილების გაზიარების კუთხით მნიშვნელოვანი და საინტერესოა. საინტერესო ეტაპია ახალგაზრდულ ჯგუფებში. სენაკის ჯგუფი საპროექტო იდეაზე მუშაობს. ახალგაზრდებმა ორი პროექტი მოამზადეს, რომელსაც საკონკურსო კომისიას წარუდგენენ.