ქალთა მხარდაჭერის ცენტრები (533)
ქალთა მხარდაჭერის ცენტრი – ეს არის ფონდი „სოხუმის“ ფილიალები ქუთაისში, წყალტუბოში, ხონში, თერჯოლაში, სენაკში, ფოთში, ხურჩა/კოკში (ზუგდიდის მუნიციპალიტეტი), ლანჩხუთში, ოზურგეთში - შეიქმნა 2009 წლიდან. ცენტრების დანიშნულებაა ქალთა გაძლიერება, სოციალური, ფსიქოლოგიური, იურიდიული დახმარების გაწევა ძალადობის მსხვერპლი ქალებისთვის და კრიზისული ოჯახებისათვის, რომლებიც რთულ ცხოვრებისეულ მდგომარეობაში აღმოჩნდნენ. ქალთა მხარდაჭერის ცენტრები ხელს უწყობს ქალთა უფლებების დაცვას და მათ სოციალურ-ფსიქოლოგიურ რეაბილიტაციას.
ქუთაისის კოლექტიურ ცენტრებში თვის განმავლობაში გაიმართა 12 ჯგუფური შეხვედრა ქალთა სოლიდარობისა და მეგობრობის თემაზე. სულ ესწრებოდა 85 ქალი 18-დან 66 წლამდე. მსურველებმა მიიღეს ინდივიდუალური კონსულტაციები ღალატის, ერთობლივი ცხოვრების, დაბალი თვითშეფასების და მშობლებსა და შვილებს შორის კონფლიქტის თაობაზე.
ორმოცამდე ქალი შეიკრიბა ჯგუფურ ფსიქოლოგიურ შეხვედრებზე სენაკის, ქუთაისის, ხურჩის (ზუგდიდის მუნიციპალიტეტი) ქალთა მხარდაჭერის ცენტრებში. მათ ინტერესით მოისმინეს საუბრის თემა - ქალური სოლიდარობა ანუ ქალების მიერ ერთმანეთის მხარდაჭერა, როგორც ოჯახში ძალადობის პრევენციის ერთ-ერთი უმნიშვნელოვანესი ფაქტორი. შეხვედრებზე დაისვა შეკითხვა: ქალური სოლიდარობა - მითი თუ რეალობა? ბენეფიციარებმა აღნიშნეს, რომ ჩვენი საზოგადოებისთვის დამახასიათებელია შფოთვა, რთული სოციალურ-ეკონომიკური პირობები, რაც პირდაპირ მოქმედებს ოჯახის ამინდზე. როცა ქალი გადარჩენაზე ფიქრობს, ეს მას სოლიდარობისკენ კი არა, არაჯანსაღი კონკურენციისკენ უბიძგებს.
ფსიქოლოგმა ქალებს ეფექტური რჩევები მისცა სოლიდარობის გამოვლენისა და ოჯახში ძალადობის პრევენციისთვის.
სექტემბერში ქუთაისში მცხოვრებ დევნილთა კომპაქტურ დასახლებებში გაიმართა 9 ჯგუფური შეხვედრა და 3 ინდივიდუალური კონსულტაცია. მუშაობა წარიმართა თემაზე - ასერტული ურთიერთობები, ურთიერთობები ძალდატანების გარეშე, არაძალადობრივი კომუნიკაცია.
მონაწილეები გაეცნენ ასერტული ურთიერთობების წესებს, იმუშავეს ასერტული ქცევის ბარათზე.
ხანდახან ადამიანთა უტაქტობა ყველა ზღვარს სცილდება. ძნელია, თავი დაიცვა მსგავსი შეკითხვებისგან: „რამდენი გაქვს ხელფასი?“ „როდის თხოვდები?“, „რა, არ აპირებ, ჭკუა ასწავლო შენი ქმრის საყვარელს?“, მაგრამ თავშეკავება ყველას შეუძლია. როცა არაკორექტულ შეკითხვას გისვამენ, გახსოვდეთ: არ არის აუცილებელი უპასუხოთ მხოლოდ იმის გამო, რომ ვიღაცას ეყო შეკითხვის დასმის თავხედობა. ფონდი „სოხუმის“ ფსიქოლოგმა სასარგებლო რჩევები მისცა შეხვედრის მონაწილეებს.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ხურჩა/კოკის ქალთა მხარდაჭერის ცენტრმა მოაწყო ფსიქოლოგიური ჯგუფური შეხვედრა-კონსულტაცია თემაზე „კომუნიკაცია ძალადობის გარეშე“ - 17 ბენეფიციარის მონაწილეობით.
- მთელი ცხოვრება აგრესიული ვარ. აწი როგორ შევიცვალო? - ერთ-ერთი მონაწილის შეკითხვას ფსიქოლოგმა ასე უპასუხა:
- თუ არ შეცვლით იმას, რასაც აკეთებთ, ვერასოდეს შეცვლით იმას, რასაც იღებთ. ჯერ შეცვლის გადაწყვეტილება უნდა მიიღოთ. შემდეგ სხვადასხვა ვითარებაში დააკვირდით თქვენს თავს, ნახეთ, რა გამოგდით კარგად და რა - არც ისე. ეს შესაძლებლობას მოგცემთ, სცადოთ ქცევის ახალი მეთოდები და განსაზღვროთ თვენთვის ყველაზე შესაფერისი.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ხონის ქალთა მხარდაჭერის ცენტრში გაიმართა ჯგუფური ფსიქოლოგიური შეხვედრა კონფლიქტების თემაზე - მონაწილეობდა 10 ბენეფიციარი 22-დან 53 წლამდე. მონაწილეები მივიდნენ იმ დასკვნამდე, რომ მეუღლეს შენიშვნა ცალკე უნდა მისცე და გაარკვიო მისი ქცევის მიზეზები. კონფლიქტის მონაწილე თითქმის ყველა მხარე უგულებელყოფს ამ წესს და ურთიერთობებს ოჯახის ყველა წევრის თანდასწრებით არკვევს. აქედანაა ნეგატიური შედეგები - მათ მიმართ პატივისცემის შემცირება, ბავშვების ფსიქიკაზე გავლენა...
შეხვედრა სასარგებლო რჩევებით დასრულდა.
წყალტუბოს ქალთა მხარდაჭერის ცენტრში ჩატარდა ჯგუფური ფსიქოლოგიური საინფორმაციო-საკონსულტაციო შეხვედრა არაძალადობრივი კომუნიკაციის თემაზე. აღინიშნა, რომ ადვილი არ არის სხვა ადამიანების, მათი სიტყვების და ქცევების აღქმა ისე, რომ არ განვიხილოთ და განვიკითხოთ. მაგრამ ჩვენ უნდა ვისწავლოთ ურთიერთობა აგრესიის გარეშე. ფსიქოლოგთან შეხვედრა და მისი რჩევები სწორედ ამას უწყობს ხელს.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
როგორ მოვიცილოთ ნეგატიური გრძნობები და ემოციები ოჯახური ურთიერთობების მოგვარების და ძალადობის პრევენციისთვის - ამ თემაზე გაიმართა ფსიქოლოგიური ჯგუფური შეხვედრა ქუთაისის ქალთა მხარდაჭერის ცენტრში.
შეხვედრაზე ბევრ რამეზე ითქვა და ერთგვარი დასკვნაც გაკეთდა: ჩვენ ჩვენითვე ვიშხამავთ სიცოცხლეს ბრაზით, შურით, წვრილმანებზე დარდით, პრობლემებზე ფიქრით და იმით, რომ განტვირთვა არ შეგვიძლია. არადა, განტვირთვის, მთავარზე კონცენტრაციის ცოდნა - ნამდვილი ხელოვნებაა და მაშინ ცხოვრებაც უფრო მსუბუქი და უკეთესი გახდება.
ოჯახური ცხოვრება - ეს ორი ადამიანის ყოველდღიური მუშაობაა ჰარმონიული ურთიერთობების მისაღწევად. როგორ ავაწყოთ ჰარმონიული ურთიერთობები ოჯახში - ამ თემაზე გაიმართა ფსიქოლოგიური საკონსულტაციო შეხვედრები ქუთაისის, ხონის, წყალტუბოს, სენაკის, ფოთის და ხურჩა/კოკის (ზუგდიდის მუნიციპალიტეტი) ქალთა მხარდაჭერის ცენტრებში.
ფსიქოლოგის რჩევა:
ურთიერთობები უნდა აიგოს შემდეგ პრინციპებზე დაყრდნობით: უსმინეთ ერთმანეთს. ყოველთვის მოუყევით ერთმანეთს განვლილი დღის შესახებ. აუცილებლად ჰკითხეთ ბავშვებსაც. არ იჩხუბოთ წვრილმანებზე. არ გამოიტანოთ განსახილველად ყველა პრობლემა. ხშირად მოეხვიეთ ერთმანეთს. ტრადიციად აქციეთ ოჯახური დასვენება უქმეებში და შვებულებებზე. ეს დაგაახლოებთ და დაგეხმარებათ ჰარმონიული ურთიერთობების აგებაში.
ამ ძირითადი თემის გარდა, მონაწილეებმა მიიღეს ინფორმაცია კამპანიის „16 აქტიური დღე ქალთა მიმართ ძალადობის წინააღმდეგ“ შესახებ.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ხონის ქალთა მხარდაჭერის ცენტრში გაიმართა ფსიქოლოგიური საკონსულტაციო შეხვედრა 13 ბენეფიციარის მონაწილეობით. ჯგუფი შერეული იყო - მონაწილეობდნენ ქალები და გოგონები. შეხვედრა მეტაფორული ასოციაციური ბარათებით წარიმართა, რაც დაეხმარა მონაწილეებს, მიეღოთ მზა დასკვნა ხასიათის, შესაძლებლობების და სულიერი მდგომარეობის შესახებ. ამასთანავე, ხელი შეუწყო ტაბუდადებული და განსახილველად რთული საკითხების წამოწევას.
ფოთის ქალთა მხარდაჭერის ცენტრში ფსიქოლოგიური საკონსულტაციო შეხვედრა გაიმართა ქალებთან - ესწრებოდა 14 ბენეფიციარი 17-დან 68 წლამდე. საუბრის თემა - კონფლიქტები, მათი სახეები, მიზეზები, როგორ ხდება მათი გადაწყვეტა, როგორ ავიცილოთ თავიდან კონფლიქტები ოჯახური ურთიერთობების დასარეგულირებლად და ძალადობის პრევენციისთვის. ფსიქოლოგმა იმუშავა შეხვედრის მონაწილეებთან ასოციაციური ბარათებით, რაც დაეხმარა ქალებს, დაენახათ და გაეცნობიერებინათ თავიანთი პრობლემები.