9 ნოემბერს, ფონდ ,,სოხუმის ,, ოფისში შეფასებითი ვორკშოპი გაიმართა. ქუთაისის, წყალტუბოს, ხონის, სენაკის, ზუგდიდისა და წალენჯიხის ქალთა საინიციატივო ჯგუფებმა ოთხწლიანი მუშაობის შედეგები შეაფასეს. რა გავლენმა იქონია საპროექტო მიმართულებებით განხორციელებულმა საქმიანობამ საზოგადოებასა და ქვეყანაზე, რა შეიცვალა მათ თემში-ამ მიმართულებით იმუშავეს ცალკეულმა ჯგუფებმა. ოთხწლიან მუშაობას პოზიტიური შედეგები მოჰყვა, რომელიც ჯგუფის წევრებმა სხვადასხვა მიმართულებით მიიღეს. მათ წინადადებებში მომავალი პროექტის კონტურები გამოიკვეთა, რომელიც , პირველ რიგში, სამშვიდობო მიმართულებით მუშაობის გაძლიერებას გულისხმობს. შეფასებისას მონაწილეებმა დადებითი სიტყვები არ დაიშურეს. „ოთხი წელი ძალიან დიდი დროა იმისთვის, რომ შეიცვალო! ჩვენ ვგრძნობთ ამ ცვლილებას, ჩვენ გარემოზეც მოვახდინეთ გავლენა და ამიტომ, ვფიქრობ, ამ პროექტმა კარგი საქმე გააკეთა. “ „ინფორმირება, სამშვიდობო თემის გააქტიურება, ადვოკატირება - ამ ყველაფერში ჩვენ ყველანი ერთნაირად ვიყავით ჩართულები.“ „გავძლიერდით და შევძელით სხვების გაძლიერება. გავააქტიურეთ ისეთი თემები, რომელზეც მანამდე არ საუბრობდნენ. “- ეს პროექტში ჩართულთა მოკლე შეფასებებია. შეხვედრა განხორციელდა პროექტის- „განხეთქილების დაძლევა ხალხთაშორისი ინიციატივები კონფლიქტის მოგვარებისთვის“ ფარგლებში, რომელიც USAID -ის მიერ არის დაფინანსებული.
8 ნოემბერს, ფონდი „სოხუმის“ ოფისში პროექტის შეფასებითი ვორკშოპი გაიმართა. მასში ქუთაისის, ხონის, წყალტუბოს, სენაკის, ზუგდიდისა და წალენჯიხის მუნიციპალიტეტებში შექმნილი შვიდივე ახალგაზრდული საინიციატივო ჯგუფის ლიდერები მონაწილეობდნენ. ახალგაზრდულმა ჯგუფებმა ოთხწლიანი მუშაობის შედეგები შეაფასეს. • ახალგაზრდების გაძლიერება- ტრენინგები • ინიციატივები და სუბ-გრანტები • მშვიდობის მშენებლობა მონაწილეეთა კომენტარები დადებითია. „პროექტში ჩართულობამ მნიშვნელოვანი როლი ითამაშა ჩემი, როგორც ლიდერის ჩამოყალიბებაში. შევძელი დამოუკიდებლად აქტივობების დაგეგმვა და მისი ორგანიზება, ამან ძალიან დიდი სტიმული მომცა, გადავლახე კომპლექსები, რომელებიც ხელს მიშლიდა ვყოფილიყავი უფრო თამამი და აქტიური.“ „ჩემმა ჩართულობამ ქართულ-აფხაზურ-ოსურ შეხვედრებში, ძალიან კარგად დამანახა, თუ რამდენად მნიშვნელოვანია ახალგაზრდების როლი სამშვიდობო საქმიანობაში. ამ პროექტმა მოგვცა კომუნიკაციის და ურთიერთობის გარრმავების შესაძლებლობა.“ პროექტის პოზიტიური გავლენა მონაწილეთა ნამუშევრებში აისახა. პროექტი „განხეთქილების დაძლევა ხალხთაშორისი ინიციატივები კონფლიქტის მოგვარებისთვის“ USAID -ის მიერ არის დაფინანსებული და 2021 წლიდან ხორციელდება.პროექტი დასასრულს უახლოვდება.
ქალთა ფონდი "სოხუმის" კიბერუსაფრთხოების ტრენერმა ლინდა ჩიხლაძემ ხონის ქალთა საინიციატივო პირველი ჯგუფის წევრებს ვორქშოფი ჩაუტარა თემაზე - ციფრული უსაფრთხოება (ქალთა მიმართ ძალადობა ონლაინ სივრცეში). ღონისძიების მონაწილეებს შესაძლებლობა ჰქონდათ , ემსჯელათ ციფრულ სივრცეში დღეს არსებულ საფრთხეებზე და გაცნობოდნენ პრევენციის მექანიზმებს. ღონისძიება მოიცავდა პრაქტიკულ სამუშაოებსაც, რასაც მონაწილეებმა თავი წარმატებით გაართვეს.
ანალოგიურ თემაზე გაიმართა შეხვედრა ხონის ქალთა საინიციატივო მეორე ჯგუფის წევრებთანაც.მონაწილეებმა აღნიშნეს, რომ , ციფრულ სივრცეში დღეს არსებულ საფრთხეებზე ინფორმაციის ფლობა მათთვის მნიშვნელოვანია.
ახალგაზრდული კლუბის ლიდერმა კი ოქტომბრის თვეში ჩატარებულ შეხვედრაზე წევრებს წარუდგინა პრეზენტაცია თემაზე: “გოგონების საერთაშორისო დღე და 15 ოქტომბერი - სოფლად მცხოვრებ ქალთა საერთაშორისო დღე”. ახალგაზრდები გაეცნენ სოფლად მცხოვრები ქალების რეალურ ისტორიებსა და გამოწვევებს. ისაუბრეს საკუთარ თემში მყოფი ,სოფლად მცხოვრები ქალების პრობლემისა და საჭროებების შესახებ. კლუბს ახალი წევრებიც შეუერთდნენ.
წყალტუბოს ახალგაზრდული ჯგუფის წევრებმა შეხვედრაზე გოგონათა საერთაშორისო დღის შესახებ ისაუბრეს. მათ მიერ წარმოდგენილ პრეზენტაციაში გაჟღერდა, რატომ არის მნიშვნელოვანი გენდერული თანასწორობის თემა, რა საკითხებში არიან დაუცველი გოგონები და როგორ უნდა დავიცვათ ისინი.
ქალთა საინიციტივო ჯგუფის წევრებმა ოქტომბრის თვეში ჩატარებულ შეხვედრაზე სოფლად მცხოვრები ქალების დღე აღნიშნეს. კლუბის წევრებმა მიიღეს ინფორმაცია საერთაშორისო თარიღის დაარსებასთან დაკავშირებით, ისაუბრეს იმ პრობლემებსა და გამოწვევებზე, რომელსაც სოფლად მცხოვრები ქალები აწყდებიან.
ქუთაისის ქალთა საინიციატივო ჯგუფის ოქტომბრის შეხვედრა განხვავებულად დაიწყო. მათ ერთმანეთის წარმატების ისტორიები და წარმატებამადე გავლილი გზის შესახებ მოისმინეს . მეორე საკითხი კი ადვოკატირების გეგმის მიხედვით გაწერილი აქტივობის ჩატარებას ეხებოდა,რომელიც ითვალისწინებს, მოზარდებთან ალკოჰოლისა და ნარკოტიკის მავნებლობის შესახებ საინფორმაციო შეხვედრებს.
ქუთაისის ახალგაზრდული კლუბის ლიდერმა, წევრებს წარუდგინა პრეზენტაცია თემაზე: “15 ოქტომბერი - სოფლად მცხოვრებ ქალთა საერთაშორისო დღე”
ახალგაზრდებმა მიიღეს ინფორმაცია საერთაშორისო დღის დაარსებასთან დაკავშირებით.
გაეცნენ სოფლად მცხოვრები ქალების შესახებ იმერეთის რეგიონში არსებულ სტატისტიკას. ისაუბრეს საკუთარ თემში მყოფი ,სოფლად მცხოვრები ქალების პრობლემისა და გამოწვევების შესახებ . კლუბს სახალი წევრები დაემატნენ. მათი დაახლოების მიზნით, ჩატარდა გაცნობითი და მხიარული ტიპის სავარჯიშოები.
წალენჯიხის მუნიციპალიტეტის სოფელ ფახულანის ქალთა საინიციატივო ჯგუფის წევრებმა შეხვედრა გამართეს.ყურადღება გაამახვილეს ქვეყნის განვითარების პროცესში ქალის როლის მნიშვნელობაზე .ისაუბრეს სოფლად მცხოვრებ ქალთა მძიმე პირობებსა და მათ დაუფასებელ შრომაზე.მონაწილეებმა აღნიშნეს,რომ აუცილებელია ქალების მხარდაჭერა, წახალისება,ხელშეწყობა და ყოველდღიური ყოფის შემსბუქება.შეხვედრა საინტერესოდ წარიმართა.დაისახა სამომავლო გეგმები.
ქალთა საინიციატივო ჯგუფის წევრებთან ტრენინგი ჩატარდა თემაზე- „ციფრული უსაფრთხოება ქალთა მიმართ ძალადობის კონტექსტში“. მონაწილეებმა მოისმინეს ინფორმაცია,თუ რა ტიპის კიბერსაფრთხეები არსებობს და როგორ იყენებენ მას ქალების წინააღმდეგ. გაიგეს,როგორ შეიძლება პირადი მონაცემების დაცვა. ახალგაზრდული საინიციატივო ჯგუფის წევრებმა შეხვედრაზე გოგონათა საერთაშორისო და სოფლად მცხოვრები ქალების დღე აღნიშნეს, კლუბის წევრებმა ქალების, გოგონების უფლებებზე გაამახვილეს ყურადღება.
8 ოქტომბერს, ქალთა ფონდი ,,სოხუმის’’ ორგანიზებით ზუგდიდის მუნიციპალიტეტის სოფელ კოკის საჯარო სკოლაში ახალგაზრდებთან ჩატარდა ტრენინგი თემაზე: „შუამდგომლობა და მედიაცია, როგორც შერიგების რიტუალი“
ტრენინგის მიზანი იყო ახალგაზრდებს გაეაზრებინათ შუამდგომლობისა და მედიაციის მნიშვნელობა, გამოემუშავებინათ საჭირო უნარ-ჩვევები თუ, როგორ უნდა მართონ კონფლიქტი ამ მეთოდებით.
ტრენინგს ესწრებოდნენ კოკის ახალგაზრდული კლუბის წევრები .
ტრენინგის პირველ ბლოკში გაკეთდა მცირე ისტორიული რაკურსი იმის შესახებ, თუ როგორ გამოიყენებოდა მედიაცია და შუამდგომლობა შორეულ წარსულში. ასევე გავლებული იყო პარალელი- მედიაცია,სამართლებრივი ჩარჩოები და დღევანდელობა .
4 ოქტომბერს, ზუგდიდის მუნიციპალიტეტში სოფელ დიდინეძის ქალთა და ახალგაზრდულ საინიციატივო ჯგუფებთან ციფრულ უსაფრთხოებაზე ვორქშოფი კიბერუსაფრთხოების ტრენერმა ლინდა ჩიხლაძემ ჩაატარა.
ვორქშოფზე განიხილეს სოციალური ქსელში პერსონალური მონაცემების დაცვის თემა, რთული პაროლის მნიშვნელობა, ფიშინგის საფრთხეები და პრაქტიკულად მიმოიხილეს ორმაგი ავტორიზაციის საკითხები.
