სასტუმრო „გელათი რეზიდენსში“ ქალთა ფონდი „სოხუმის“ ჟურნალისტური ნამუშევრების კონკურსის მონაწილეთა დაჯილდოების ცერემონია გაიმართა. კონკურსი ეხებოდა გენდერული დეზინფორმაციის და ქალთა მიმართ ძალადობის ეთიკური გაშუქების საკითხს. მასში მონაწილეობა იმერეთის რეგიონში მოღვაწე ჟურნალისტებმა და ბლოგერებმა მიიღეს.
ღონისძიება მისასალმებელი სიტყვით გახსნეს ქალთა ფონდი „სოხუმის“ თბილისის ოფისის ხელმძღვანელმა და პროექტის „ნარატივების შეცვლა: გენდერული დეზინფორმაციის წინააღმდეგ ბრძოლა ინფორმირებული, მგრძნობიარე საზოგადოებისა და ეთიკური რეგიონული მედიისთვის“ კოორდინატორმა ეკატერინე გამახარიამ და ფონდი „სოხუმის“ თავმჯდომარემ ალა გამახარიამ. მათ თავიანთ გამოსვლაში ორგანიზაციის 25-წლიან გამოცდილებაზე, ჟურნალისტებთან თანამშრომლობასა და ქალთა მიმართ ძალადობის ეთიკურად გაშუქების მნიშვნელობაზე ისაუბრეს.
ჟიურის შეფასებების ჯამური ქულებით საპრიზო ადგილები შემდეგნაირად განაწილდა:
ქრისტინა ქუთათელაძე გაგრიდან დევნილია, ამჟამად წყალტუბოში, პატარა მწვანე ქალაქში ცხოვრობს. წყალტუბოს წმინდა გაბრიელ ეპისკოპოსის სახელობის მართლმადიდებლურ სკოლა-გიმნაზიასა და №4 საჯარო სკოლაში კომპიუტერული ტექნოლოგიების მასწავლებლად მუშაობს. მე-8 კლასიდან არასამთავრობო სექტორთან მჭიდროდ ურთიერთობს.
აქტიური საქმიანობისა და წარმატების ისტორიაზე თავად ქრისტინა გვესაუბრება:
„წლების წინ ფონდი „სოხუმის“ ტრენინგზე ბენეფიციარის სტატუსით მივედი. ახლა მათ მიერ განხორციელებულ არა ერთ პროექტში ვმონაწილეობ, წყალტუბოს ქალთა საინიციატივო ქსელის კოორდინატორი ვარ. აქტიურ ქალებთან ერთად კვლევის შედეგად გამოვლენილი პრობლემების იდენტიფიცირებასა და ადვოკატირებას ვახდენ. ფონდმა „სოხუმმა“ სწორი გზა გვიჩვენა, თუ როგორ უნდა მოვახერხოთ საკუთარი უფლებების დაცვა დემოკრატიულ პრინციპებზე დაყრდნობით. ორგანიზაცია მუდმივად ცდილობს ქალების გაძლიერებას. ასევე ვარ ქალთა ურთიერთდახმარების ჯგუფების ტრენერი, ქალებს ტექნიკური უნარ-ჩვევების გაუმჯობესებაში ვეხმარებით.
ყოფილი მუსიკალური სკოლა-ინტერნატის საინიციატივო ჯგუფის წევრებთან ჩატარებულ საინფორმაციო შეხვედრაზე ისაუბრეს იმაზე, თუ რა ცვლილებები მოუტანათ ადვოკატირების პროცესმა და რა არის საჭირო იმისათვის, რომ კარგ შედეგებზე გასვლა შეძლონ.
სამომავლო გეგმებზეც იმსჯელეს და იმ გამოწვევებზეც, რომელთა წინაშე დგას დევნილთა დასახლება ამ ეტაპზე - საჭიროა სპორტული მოედნის სადრენაჟე სისტემით აღჭურვა, რადგან წყალი დგება. საუბარი შეეხო სკვერის და საბავშვო ატრაქციონების რეაბილიტაციას და ძელსკამების განთავსებას.
ქალთა საინიციატივო ჯგუფმა პრობლემის მოსაგვარებლად ქუთაისის საკრებულოს თავმჯდომარეს მიმართა და უახლოეს მომავალში ელოდება, რა გადაწყვეტილებას მიიღებს ადგილობრივი თვითმმართველობა.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
ხონის დევნილთა დასახლებაში პროექტით გათვალისწინებული სამუშაოები დასრულებულია.
მოგვარდა ორი პრობლემა: კონკრეტულად კი გაუმართავი სადრენაჟო სისტემის გამო, №10 და №15 კორპუსებთან წვიმის წყალი გროვდებოდა. მოსახლეობამ თვითნებურად გაჭრა არხები, რამაც წყალს მიმართულება შეუცვალა. მოჭარბებული წვიმის დროს წყალი სარდაფში ჩაედინებოდა და იტბორებოდა, რაც ადამიანთა ჯანმრთელობას საფრთხეს უქმნიდა. მომრავლებული იყო ქვეწარმავლები და მღრღნელები. ზიანდებოდა კორპუსის საძირკველი.
ადგილობრივი თემის ადამიანური რესურსებით განხორციელდა ორი ინიციატივა: №10 კორპუსთან მიწა ამოიჭრა და ამოივსო. №15 კორპუსთან კი ფეხით მოსიარულეთა ბილიკის მხარეს ამაღლებული ბარიერი გაკეთდა. ამგვარად, მოგვარდა ორი პრობლემა.
პროექტი ხორციელდება გაეროს ქალთა ორგანიზაციის
მხარდაჭერით
თავიანთი რესურსებით განახორციელეს პროექტით გათვალისწინებული ინიციატივა ქუთაისის მუნიციპალიტეტის დევნილთა დასახლებაში. ლესელიძის ქუჩაზე, ყოფილი ფიზიკა-მათემატიკური ინტერნატის მცხოვრებლებმა გრანტით შეიძინეს ბენზოცელი, წყლის ტუმბო და ელექტროკაბელი, შესაცვლელი ზეთი, ბრტყელტუჩა და ელექტროავტომატი მიიღეს. ეს მასალები ხელს შეუწყობს უსაფრთხო საცხოვრებელი გარემოს შექმნას დევნილთა თემში.
პროექტი ხორციელდება გაეროს ქალთა ორგანიზაციის
მხარდაჭერით
„მშვიდობის ელჩი ქალებისა და ახალგაზრდა ქალების ქსელის“ ფარგლებში ქსელურ შეხვედრას ქუთაისის, წყალტუბოს, ხონის, ზუგდიდისა და სენაკის მუნიციპალიტეტების ქალთა საინიციატივო ჯგუფის წევრები, ასისტენტები, დონორი ორგანიზაციის წარმომადგენელი მედეა გუგეშაშვილი და ფონდი „სოხუმის” დამფუძნებელი ალლა გამახარია ესწრებოდნენ.
ასისტენტებმა საანგარიშო პერიოდის აქტივობების შესახებ ინფორმაცია წარმოადგინეს და შედეგები შეაჯამეს.
„სამოქალაქო ინიციატივების“ მხარდაჭერის ფარგლებში სამიზნე მუნიციპალიტეტებში შესრულებული აქტივობების შესახებ (II ეტაპის ინიციატივების განხორციელება) ისაუბრეს ლიდერებმა თავიანთ გამოსვლებში.
საინიციატივო ჯგუფის ლიდერებისა და წევრების თქმით, ამ პროექტის დახმარებით, მოქალაქეთა ჩართულობა კიდევ უფრო გაიზარდა. „სამოქალაქო ინიციატივებმა“ თემში ქალები სხვა კუთხით წარმოაჩინა. ისინი გააქტიურდნენ და პრობლემების გადაჭრის გზებს თავად ეძებენ.
როგორც თავად აღნიშნეს, თავდაპირველად საკუთარი იდეების გამარჯვებისაც არ სჯეროდათ და განხორციელების იმედიც ნაკლებად ჰქონდათ, მაგრამ ახლა უკვე პრობლემები მოგვარებულია - მიღწეული შედეგით გუნდი და მოსახლეობა კმაყოფილია.
პროექტი ხორციელდება გაეროს ქალთა ორგანიზაციის მხარდაჭერით
ჩოხატაურში განსხვავებული ფორმატის შეხვედრა გამართეს ურთიერთდახმარების ჯგუფის წევრებმა - ეს იყო ყველის გამოფენა. ქალებმა გამოიტანეს თავიანთი ნაწარმი. განიხილეს ვებგვერდის შექმნა სახელწოდებით „გოგოლასუბნის ქალები“, რაც ხელს შეუწყობს მათი პროდუქციის გაყიდვას. წალენჯიხის ჯგუფი სამომავლო გეგმებში მოიაზრებს მოწყვლადი ჯგუფის ქალების ეკონომიკურ გაძლიერებას.
სამტრედიაში ახალი მონაწილეები შეიკრიბნენ, მათ შეავსეს ანკეტები, ისაუბრეს თავიანთ საჭიროებებზე. ახალი წევრები დაემატნენ წყალტუბოს ჯგუფსაც. შეხვედრა ონლაინ გაიმართა.
ურთიერთდახმარების ჯგუფების შეხვედრები ჩატარდა სხვა მუნიციპალიტეტებშიც (ხობი, ზუგდიდი, თერჯოლა, ქობულეთი, სენაკი). მოვიდნენ ახალი წევრები - საკუთარი პრობლემებით და მათი მოგვარების იმედით. ქალებთან აქტიურად მუშაობდა ქალთა ფონდი „სოხუმის“ ფსიქოლოგი.
პროექტი ხორციელდება გენდერული თანასწორობის ფონდის მხარდაჭერით (კანადა)
სოფელ შუა ხორგაში (ხობის მუნიციპალიტეტი) ჩატარდა საინფორმაციო შეხვედრა, რომელსაც ესწრებოდნენ სკოლის პედაგოგები და მშობლები. შეხვედრაზე საუბრის მთავარი თემა იყო ოჯახში ძალადობას პრევენცია და მსხვერპლის დაცვა.
დისკუსიის ფარგლებში განიხილეს სუბიექტების როლი და ფუნქცია. აქცენტი გაკეთდა პედაგოგების და სამედიცინო პერსონალის გადამზადებაზე და ინფორმაციის მიწოდებაზე სერვისების შესახებ.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა მხარდაჭერის ცენტრებში აქტიურად გრძელდება მოქალაქეების ინფორმირება მსხვერპლთათვის განკუთვნილ სერვისებზე. შეხვედრების დახმარებით მთელი თვის განმავლობაში იდენტიფიცირებულია ათი ქეისი, რომელთა შორის არიან რისკის მატარებელი ჯგუფები.
ქეისების იდენტიფიცირების პარალელურად ხდება მათი მართვა, რაც გულისხმობს შემთხვევების ანალიზს და შეფასებას. საჭიროებიდან გამომდინარე, ბენეფიციართა ერთი ნაწილი გადამისამართდა ფსიქოლოგთან, ნაწილი - იურისტთან. ქეისების ეფექტიანი მართვა მნიშვნელოვნად ამცირებს ძალადობის განვითარების რისკებს და ხელს უწყობს ძალადობის პრევენციას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ცვლილებებია ფორუმ-თეატრის სამსახიობო ჯგუფში, წავიდა ორი მსახიობი და მათ ნაცვლად შემოვიდა ორი მოხალისე.
ფორუმ-თეატრის წარმოდგენები ქუთაისის მესხიშვილის თეატრის მცირე დარბაზში ჩატარდა, მიუხედავად მაყურებლის სიმცირისა, დისკუსია აქტიური იყო. თეატრის თანამშრომლებმა დადებითად შეაფასეს ახალგაზრდების თამაში, რეალობის გამომხატველი სცენები.
მეორე გამოსვლა გაიმართა ქალაქის ცენტრში - ეს კარგი გამოცდილებაა ახალგაზრდებისთვის. ისინი აქტიურად მუშაობენ, ატარებენ რეპეტიციებს და ახალი წარმოდგენებისთვის ემზადებიან.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)