ქუთაისის ქალთა საინიციატივო ჯგუფის წევრებმა მოვალეობები და პასუხისმგებლობები გადაინაწილეს და "მოსახლეობის ადამიანური უსაფრთხოების ხარისხის შეფასების" რაოდენობრივ კვლევას შეუდგნენ. ქუთაისის ახალგაზრდული კლუბის წევრებს ტრენინგი ჩაუტარდათ თემაზე “მშვიდობა, ახალგაზრდული სამშვიდობო ინიციატივები” . მონაწილეებმა მშვიდობის მნიშვნელობის შესახებ ინფორმაცია მიიღეს, გუნდური ტიპის სავარჯიშოებში ჩაერთნენ, სამშვიდობო სახის ინიციატივები შეიმუშავეს და პრეზენტაციები მოამზადეს. ტრენინგს USAID-ის პროგრამების მართვის სპეციალისტი, ახალგაზრდული პროგრამების მრჩეველი დემოკრატიის, ადამიანის უფლებებისა და მმართველობის ოფისის წარმომადგენელი- გიორგი ხეჩინაშვილი ესწრებოდა.
"მოსახლეობის ადამიანური უსაფრთხოების ხარისხის შეფასების" რაოდენობრივი კვლევას შეუდგნენ წალენჯიხის მუნიციპალიტეტის სოფელ ფახულანის ქალთა საინიციატივო ჯგუფის წევრები. მათ პასუხისმგებლობები და მოვალეობები გადაინაწილეს.
„ადამიანური უსაფრთხოების ხარისხის შეფასებას“ ისახავს მიზნად ფონდი „სოხუმის“ კვლევა, რომელსაც სენაკის მუნიციპალიტეტში ქალთა საინიციატივო ჯგუფის წევრები ჩაატარებენ. პირველ ეტაპზე, რაოდენობრივ კვლევაში ონლაინ-ანკეტების საშუალებით 150 ადამიანი გამოიკითხება. სენაკში ახალგაზრდული ჯგუფის წევრებთან ტრენინგი გაიმართა თემაზე: მშვიდობა, ახალგაზრდების როლი მშვიდობის მშენებლობაში. მონაწილეებმა როლური თამაშებისა და ინტერაქციული სავარჯიშოების გამოყენებით იმსჯელეს მოლაპარაკებისა და კომუნიკაციის მნიშვნელობაზე. ისაუბრეს ახალგაზრდების სამშვიდობო ინიციატივებზე.
რა უნარებია საჭირო ურთიერთობაში არსებული წინააღმდეგობების დასაძლევად, როგორ შევქნათ მშვიდობის კულტურა საზოგადოებაში, როგორია ახალგაზრდების როლი და მისია ამ საქმეში. -ძირითადად ამ საკითხებზე ისაუბრეს კოკის ახალგაზრდული ჯგუფის წევრებმა. კოკის ქალთა საინიციატივო ჯგუფის წევრებმა მოვალეობები და პასუხისმგებლობები გადაინაწილეს.ქალბატონებმა დაიწყეს კვლევ სახელწოდებით "მოსახლეობის ადამიანური უსაფრთხოების ხარისხის შეფასება" .
ვანის მერიის „ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების მუნიციპალური უწყებათაშორისი კომისიის“ წევრებისთვის ჩატარდა ვორკშოპი.
მონაწილეებმა იმსჯელეს თითოული წევრის ვალდებულებებზე, რაც აუცილებელია კომისიის ეფექტიანი მუშაობისთვის. განიხილეს სტრატეგიები, რომლებიც დაეხმარებათ კონკრეტული ქეისების მართვაში.
აღინიშნა, რომ გადასახედია შემადგენლობა და მეტი აქტიურობისთვის დასამატებელია წევრები. ასევე დაფიქსირდა, რომ კომისიამ ხელი უნდა შეუწყოს ძალადობის ფაქტების პრევენციას და დაზარალებულების დროულ დახმარებას.
პროექტი ხორციელდება გენდერული თანასწორობის ფონდის მხარდაჭერით (კანადა)
რა არის ადვოკატირება, როგორ განვსაზღვროთ ადვოკატირების სტრატეგია, რა ინსტრუმენტები და მექანიზმები გამოვიყენოთ, რომ პროცესი წარმატებული იყოს, - ამ საკითხებზე გაკეთდა ფოკუსი სენაკში ჩატარებულ ტრენინგზე. მასში მონაწილეობდენ აქტიური ლიდერი ქალები დევნილთა თემებიდან.
მონაწილეებმა პრაქტიკული მაგალითების, სავარჯიშოების გამოყენებით ინტერაქტიულ რეჟიმში გააანალიზეს ადვოკატირების ხელის შემწყობი და ხელის შემშლელი ფაქტორები. SWOT ანალიზის დახმარებით განსაზღვრეს ადვოკატირების გუნდის ძლიერი და სუსტი მხარეები. ტრენინგის ბოლო ნაწილში მონაწილეებმა პრობლემები დააფიქსირეს და ადვოკატირების სამოქმედო გეგმაზე იმუშავეს.
მონაწილეთა შეფასებით, ტრენინგზე მიღებული უნარები დაეხმარება მათ, წარმატებით აწარმოონ პრობლემათა ადვოკატირების პროცესი.
მუშაობა მიმდინარეობს ცენტრ „აფხაზეთთან“ პარტნიორობით, პროექტის „კონფლიქტების ტრანსფორმაციის მხარდაჭერა სამხრეთ კავკასიაში და მოლდოვაში“ ფარგლებში.
აქტიური ინტერაქციის ფონზე ჩატარდა ტრენინგი ზუგდიდში, რომელსაც ესწრებოდნენ დევნილი ლიდერი ქალები, ამხანაგობების თავმჯდომარეები ბარამიას და ლაღიძის ქუჩებიდან.
მონაწილეებმა გაიგეს მტკიცებულებებზე დაფუძნებული ადვოკატირების არსი, გააანალიზეს პროცესი პრობლემის იდენტიფიცირებიდან - მოგვარებამდე. SWOT ანალიზის გამოყენებით შეაფასეს საკუთარი რესურსები, ძლიერი და სუსტი მხარეები, იმსჯელეს მოსალოდნელ რისკებზე.
ტრენინგის მონაწილეებმა კონკრეტული პრობლემები შეარჩიეს და შეადგინეს სამოქმედო გეგმები.
მონაწილეთა უკუკავშირიდან:
„ვისწავლეთ ადვოკატირების გეგმის გაწერა და პასუხისმგებლობების გადანაწილება.“
„ამ უნარ-ჩვევებს პრაქტიკაში გამოვიყენებთ ჩვენს თემებში პრობლემათა ადვოკატირებაზე მუშაობისას.“
მუშაობა მიმდინარეობს ცენტრ „აფხაზეთთან“ პარტნიორობით, პროექტის „კონფლიქტების ტრანსფორმაციის მხარდაჭერა სამხრეთ კავკასიაში და მოლდოვაში“ ფარგლებში.
რა მექანიზმები არსებობს ძალადობის მსხვერპლის დახმარებისა და გაძლიერების კუთხით; რა საკითხებში უნდა ვითანამშრომლოთ ბავშვთა უფლებების დაცვისა და მხარდაჭერის განყოფილებასთან, სოციალურ მუშაკებთან; როგორია საზოგადოების წევრების ვალდებულება ქალთა მიმართ და ოჯახში ძალადობის პრევენციის საკითხებში; როგორ შევქმნათ მოზარდების ირგვლივ ჯანსაღი, ჰარმონიული გარემო - ძირითადად, ამ საკითხებზე შედგა საუბარი ჩოხატაურის მუნიციპალიტეტში, ჯვარცხმის თემში ჩატარებულ შეხვედრაზე.
შეხვედრა უშუალო, პოზიტიურ, ინტერაქტიულ გარემოში გაიმართა. მას თემში მერის წარმომადგენელი, ქალთა ფონდი „სოხუმის“, ჩოხატაურის ბავშვთა უფლებების დაცვის და მხარდაჭერის სამსახურის წარმომადგენლები და თემის აქტიური ქალები ესწრებოდნენ.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
იანვრიდან ქალთა მხარდაჭერის ცენტრებმა აქტიურად დაიწყეს საინფორმაციო შეხვედრების ჩატარება. 10 ცენტრის მობილიზატორების დახმარებით 150-ზე მეტმა ადამიანმა მიიღო ინფორმაცია ძალადობის მსხვერპლთა დახმარების სერვისებსა და მუნიციპალურ პროგრამებზე.
ინფორმირების პროცესმა ხელი შეუწყო ახალი ოჯახების იდენტიფიცირებას. თვის განმავლობაში 10 რისკის ჯგუფის მქონე გამოვლინდა. მათთან მუშაობა აქტიურად მიმდინარეობს. ბენეფიციარები უკვე სარგებლობენ ქალთა ფონდი „სოხუმის“ უფასო სერვისებით: იღებენ ფსიქოლოგისა და იურისტის კონსულტაციებს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
დასრულდა ციკლი „5 ART“ - გაიმართა 5 შეხვედრა უკრაინის სხვადასხვა ქალაქიდან ჩამოსულ ლტოლვილ ბავშვებთან. თერაპიული შეხვედრების მიზანია, ბავშვებს განუვითარდეს ემოციების და იმ სიტუაციების ურთიერთკავშირის უნარი, რომელშიც ისინი იძულებით აღმოჩნდნენ. შეხვედრები ეხმარება ბავშვებს ემოციური სტრესის და თანმხლები სიმპტომების აღმოფხვრაში, საკუთარ თავთან და სხვებთან სწორად ურთიერთობაში, ნეგატიური იმპულსების და რეაქციების პოზიტიურად გარდაქმნაში.
შედეგები თვალსაჩინოა: სტრესის მოხსნა, გადაჭარბებული ცნობიერი კონტროლის შესუსტება, ურთიერთნდობა, ფიზიკური სილაღე. 7-დან 12 წლამდე 10-მა ბავშვმა 5 საინტერესო დღე გაატარა ქალთა ფონდ „სოხუმში“ და დაუმეგობრდა ერთმანეთს.
მუშაობა წარიმართა მცხეთა მთიანეთის რეგიონალური ჰაბის მხარდაჭერით