გრძელდება ტრენინგები ახალგაზრდობის გაძლიერების ცენტრებში. პირველი ხუთი შეხვედრის შემდეგ ტრენინგები გაიმართა ზუგდიდის, ჩოხატაურის, წალენჯიხის, ბაღდათის და ქობულეთის მუნიციპალიტეტებში.
ახალი ჯგუფების წევრები მოტივირებული ახალგაზრდები არიან. მათ წინა სატრენინგო კურსის წევრებისგან იციან, რომ კურსი საინტერესოა და მათი ლიდერული უნარ-ჩვევების განვითარებას შეუწყობს ხელს. ამიტომაც არიან მონდომებულები, აქტიურობენ ტრენინგებზე და ავლენენ ინიციატივებს, რომ მიღებული ცოდნა პრაქტიკაში გამოიყენონ. სასიხარულოა, რომ ჯგუფების შექმნის და მუშაობის პროცესში ჩართულები არიან ახალგაზრდული დეპარტამენტების წარმომადგენლები, რადგან ისინიც მიესალმებიან თავიანთ მუნიციპალიტეტებში აქტიური ახალგაზრდული ბირთვის ჩამოყალიბებას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
პატარა უკრაინელი ბიჭუნა მეორე წელია, საქართველოშია დედასთან ერთად, მაგრამ ჯერაც ვერ შეეჩვია აქაურობას. ენატრება იქ დარჩენილი მამა, ახლობლები... სტრესი ქცევებშიც გამოიხატება. ამიტომ მოიყვანა ის დედიკომ ფსიქოლოგთან. ხატვა, შეხება კენჭებთან, ქვიშასთან - ამ მეთოდებით არკვევს ფსიქოლოგი მის ემოციურ მდგომარეობას. ასე ტარდება პირველი სეანსები. თანდათან ბიჭუნას მეტი სითამამე უჩნდება, შიშები ქრება, სკოლაში ბავშვებთან ურთიერთობაც ეწყობა. რასაკვირველია, დედაც მადლიერია.
7 ოჯახის წარმომადგენელთან ჩაატარა შეხვედრები ქალთა ფონდი „სოხუმის“ ფსიქოლოგმა. 15 ადამიანს გაესაუბრა - უკრაინიდან ლტოლვილს, ომგამოვლილს - და მათი განცდები გაიზიარა. მათთან მუშაობისას მთავარია ტრავმების დაძლევა, კრიზისთან გამკლავება... ზოგიერთი მათგანი პირველად იყო და ფსიქოლოგმა მათი საჭიროებები გაიგო, ზოგიერთთან კი გაგრძელდა ფსიქორეაბილიტაციის პროცესი. ასეთ მხარდაჭერას უკრაინიდან ლტოლვილი ადამიანები დიდ მნიშვნელობას ანიჭებენ.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
მარია სოსნიცკაია უკრაინიდანაა. ომმა საქართველოში ჩამოიყვანა. ქალთა ფონდ „სოხუმში“ გაიგო პოლიმერულ თიხაზე მუშაობის კურსების შესახებ და დაინტერესდა. ახლა ის სხვა მოსწავლეებთან ერთად სწავლობს ამ საინტერესო საქმეს. მარია კმაყოფილია სწავლების მეთოდებით. მასწავლებელ მაკა ჯიშკარიანის თქმით, ის ნიჭიერი, მონდომებული მოსწავლეა და შეუძლია ეს საქმე დამატებითი შემოსავლის წყაროდ აქციოს.
მარია აპირებს განაცხადის გაკეთებას გრანტზე, რომლის კონკურსსაც Care Caucasus აცხადებს. ჩვენი 10 უკრაინელი ბენეფიციარი მიიღებს მონაწილეობას ტრენინგზე, რომლის შემდეგაც შეუძლიათ საგრანტო პროექტის დაწერა. წინა კონკურსში სამმა უკრაინელმა მიიღო გრანტი მცირე სამეწარმეო საქმიანობისთვის. გვჯერა, ახლანდელი შედეგებიც წარმატებული იქნება.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ციფრებით გამოხატული მხარდაჭერა ასეთია:
ჩვენს ბაზაში 357 ადამიანია.
ოქტომბერში დაემატა 22 ახალი ადამიანი.
4 ოჯახს გადავუხადეთ კომუნალური გადასახადები.
7 ოჯახს გადავუხადეთ საცხოვრებლის ქირა.
ერთ-ერთ ონკოპაციენტს გადაეცა თანხა წამლებისთვის 300 ლარის ოდენობით.
მეორე პაციენტს აუნაზღაურდა MRT თანხა - 326 ლარი.
ფსიქოლოგის კონსულტაცია გაიარა 15-მა ადამიანმა.
საკვები პროდუქტების ვაუჩერი გადაეცა 36 ოჯახს.
ამ ყველაფერს უკრაინიდან ლტოლვილებისთვის აკეთებს ქალთა ფონდი „სოხუმი“. და ყოველი მათგანი მადლობელია ამ მხარდაჭერისთვის.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ჩვენს პროექტში ერთ-ერთ დახმარებად სმარტფონის გადაცემა ითვლება, რადგან მისი არქონა ხშირად ბევრ პრობლემას ქმნის.
სმარტფონის გადაცემით ხდება ქალების ეკონომიკური გაძლიერების ხელშეწყობა (ტელეფონის საშუალებით მათ შეუძლიათ გაიგონ ვაკანსიების თუ დღიური სამუშაოების შესახებ), ძალადობის მსხვერპლთა დაცვა და დახმარება SOS ღილაკით, კომუნიკაცია სხვადასხვა საჭიროების მიხედვით.
მოკლედ, სმარტფონის აუცილებლობაზე დღეს არავინ დაობს. ამიტომაც გარკვეული კრიტერიუმების მიხედვით ჩვენი ორგანიზაცია გასცემს სმარტფონებს. ბოლო სამ თვეში 6 ქალს გადაეცა ტელეფონი: წყალტუბოში, ჩოხატაურში, ქობულეთში, სამტრედიასა და თერჯოლაში (აქ ორმა ქალმა მიიღო).
ამას გარდა, ამ ექვსი ადამიანიდან სამი ქალი ორი კვირის განმავლობაში იმყოფებოდა ჩვენს სარეაბილიტაციო ცენტრში და გაიარა კომპლექსური მხარდაჭერის კურსი.
პროექტი ხორციელდება ქალთა უფლებების დაცვის სწრაფი რეაგირების ფონდის მხარდაჭერით
ინიციატივიანი, აქტიური ურთიერთდახმარების ჯგუფები ჩამოყალიბდა 10 მუნიციპალიტეტში.
წყალტუბოს, ჩოხატაურის, ზუგდიდის (ხურჩა) და ვანის მუნიციპალიტეტებში პროექტის ასისტენტი ადგილებზე შეხვდა ჯგუფების წევრებს, ბაღდათის ჯგუფთან კი შეხვედრა ონლაინ გამართა.
წყალტუბოში ნაადრევ ქორწინებასთან დაკავშირებული ქეისი განიხილეს, ჩოხატაურში სოფელში მცხოვრებ ქალთა პრობლემებზე ილაპარაკეს. ბაღდათის ჯგუფში ძალადობის მსხვერპლთა ქმედით დახმარებას დაუთმეს დრო, ხურჩაში კი ადგილობრივი თვითმმართველობის მეტ ჩართულობაზე გაკეთდა აქცენტი. ვანის ჯგუფის მორიგ შეხვედრაზე ფსიქოლოგი ჩაერთო.
დანარჩენ 5 მუნიციპალიტეტში - სენაკი, წალენჯიხა, სამტრედია, თერჯოლა და ქობულეთი - ჯგუფების ლიდერებმა ჩაატარეს შეხვედრები. ყველგან გამოიკვეთა პრობლემები (ალიმენტის გადახდის, ბინის თუ ქონებრივი დავის) და მიმდინარეობს ადვოკატირება ადგილობრივ თვითმმართველობასთან თანამშრომლობით. ჯგუფის წევრებს უნდათ, რომ მათი მუშაობა და მიღწეული შედეგები მაგალითი იყოს სხვა ქალებისთვის.
პროექტი ხორციელდება გენდერული თანასწორობის ფონდის მხარდაჭერით (კანადა)
თბილისიდან 80-მდე ყუთი ჩამოვიდა - ტანსაცმელი, სათამაშოები, ფეხსაცმელი, სასკოლო ნივთები.
რამდენიმე დღე ალაგებდნენ ქალთა ფონდი „სოხუმის“ თანამშრომლები საჩუქრებს - მოხდა მათი გადარჩევა ასაკის თუ სეზონის მიხედვით. ეს საჩუქარი მივიღეთ ორგანიზაციისგან „ქალები სამართლიანობისათვის“ (დონორი - Orphan Grain Foundation).
ჩვენი ორგანიზაცია ქველმოქმედებას საკუთარი ძალებით უმკლავდებოდა. ახლა კი მიიღო საკმაოდ სერიოზული მხარდაჭერა და სარეაბილიტაციო ცენტრის ბენეფიციარებს, ქალთა მხარდაჭერის ცენტრების აქტივისტებს და ურთიერთდახმარების ჯგუფების წევრებს ტანსაცმელი საჩუქრად გადაეცემა.
სარეაბილიტაციო ცენტრის ბენეფიციარებმა მადლიერება გამოხატეს:
„საჩუქარი ყოველთვის სასურველია და დროული. თან ასე ხარისხიანი და პრაქტიკული. მეც გამომადგება და ჩემს ბიჭებსაც.“
„მე და ჩემს შვილებს ხშირად გვაქვს ტანსაცმლის პრობლემა. კიდევ კარგი, კეთილი ადამიანები გვეხმარებიან და ასე ვართ. გაგვახარა ამ საჩუქარმა ძალიან“.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდი „სოხუმის“ ფსიქოლოგის შეხვედრები გაიმართა ვანის, ქობულეთის, ჩოხატაურის, ზუგდიდის და წალენჯიხის ქალთა მხარდაჭერის ცენტრებში. შეხვედრები, ძირითადად, იყო ჯგუფური ფორმატი - ერთი იყო ინლაინ ჩართვა, ასევე ინდივიდუალური შეხვედრები ბავშვების საჭიროებების საფუძველზე.
შეხვედრების ძირითადი თემა იყო ,,როგორი მახასიათებლებით გამოირჩევიან მოძალადეები“. აღინიშნა, რომ, შესაძლოა, მათ უმრავლესობას ბავშვობაში აკლდა მხარდაჭერა და აღზრდა, ჰქონდა დაბალი თვითშეფასება, იმყოფებოდა სოციალურ იზოლაციაში. როცა მათი თვითდაკმაყოფილება დაბალია, მათ ძალიან სჭირდებათ სხვების ემოციური მხარდაჭერა.
ფსიქოლოგის შეხვედრების მთავარი ფოკუსი იყო ოჯახური ურთიერთობები, ცოლ-ქმრული დამოკიდებულებები... ამ თემებზე საუბარი შეხვედრების მონაწილეებისთვის საინტერესო აღმოჩნდა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ონლაინ საინფორმაციო შეხვედრა ჩატარდა ქუთაისის მე-13 საბავშვო ბაღის თანამშრომლებთან.
პრეზენტაციის საშუალებით, მონაწილეები გაეცნენ გზამკვლევს „გენდერული ნიშნით ძალადობის პრევენცია და მასზე რეაგირება საომარ და ომის შემდგომ გარემოში - ქალთა არასამთავრობო ორგანიზაციების გამოცდილება და რეკომენდაციები“, რომელიც მოამზადა ქალთა ევროპულმა ქსელმა WAVE.
მათი განსაკუთრებული ინტერესი გამოიწვია ქალთა ფონდი „სოხუმის“ წარმატებულმა პრაქტიკამ, რომელსაც გზამკვლევში ერთ-ერთი თავი ეთმობა.
პროექტი ხორციელდება ქალთა უფლებების დაცვის სწრაფი რეაგირების ფონდის მხარდაჭერით
სოფელ ჯვარცხმაში (ჩოხატაურის მუნიციპალიტეტი) ჩატარდა საინფორმაციო შეხვედრა ადგილობრივი თემის აქტიურ ნაწილთან. მონაწილეებს მიეწოდათ ინფორმაცია ქალთა ორგანიზაციების გამოცდილებაზე ბოსნია და ჰერცოგოვინაში, უკრაინაში, სომხეთში, საქართველოში. განსაკუთრებული ფოკუსი გაკეთდა ქალთა ფონდი „სოხუმის“ საქმიანობაზე - ყოველივე ეს აღწერილია გზამკვლევში „გენდერული ნიშნით ძალადობის პრევენცია და მასზე რეაგირება საომარ და ომის შემდგომ გარემოში - ქალთა არასამთავრობო ორგანიზაციების გამოცდილება და რეკომენდაციები“.
მონაწილეები ინტერესით გაეცნენ ჩვენი ორგანიზაციის მიერ გამოყენებულ სტრატეგიას პოსტკონფლიქტური რეაბილიტაციის, ძალადობის მსხვერპლთა/რისკ ჯგუფის დახმარების, ძალადობის პრევენციის საკითხებში.
მონაწილეთა თქმით, საზოგადოების მიერ პრობლემის ღრმა გაცნობიერების, საკუთარი პასუხისმგებლობის გააზრების გარეშე რთულია პროგრესის მიღწევა ძალადობის მასშტაბების შემცირებაში. გამოიკვეთა მიმართულებები, სადაც ისინი ხედავენ თავიანთ აქტიურ როლს და აქვთ სურვილი, მჭიდროდ ითანამშრომლონ ფონდ „სოხუმთან“.
პროექტი ხორციელდება ქალთა უფლებების დაცვის სწრაფი რეაგირების ფონდის მხარდაჭერით