ქალთა მხარდაჭერის ცენტრები (533)
ქალთა მხარდაჭერის ცენტრი – ეს არის ფონდი „სოხუმის“ ფილიალები ქუთაისში, წყალტუბოში, ხონში, თერჯოლაში, სენაკში, ფოთში, ხურჩა/კოკში (ზუგდიდის მუნიციპალიტეტი), ლანჩხუთში, ოზურგეთში - შეიქმნა 2009 წლიდან. ცენტრების დანიშნულებაა ქალთა გაძლიერება, სოციალური, ფსიქოლოგიური, იურიდიული დახმარების გაწევა ძალადობის მსხვერპლი ქალებისთვის და კრიზისული ოჯახებისათვის, რომლებიც რთულ ცხოვრებისეულ მდგომარეობაში აღმოჩნდნენ. ქალთა მხარდაჭერის ცენტრები ხელს უწყობს ქალთა უფლებების დაცვას და მათ სოციალურ-ფსიქოლოგიურ რეაბილიტაციას.
„ჯანსაღი ცხოვრების წესის კულტურის დანერგვა მოსწავლე ახალგაზრდებში“ - ამ აქტუალურ თემაზე ახორციელებს მცირე პროექტს ფოთის ქალთა მხარდაჭერის ცენტრი. პროექტის ფარგლებში დაგეგმილია აქტივობები ქალაქის ორ სკოლაში - ჯანსაღი ცხოვრების წესის დამკვიდრების ხელშეწყობისთვის.
უკვე გაიმართა საინფორმაციო შეხვედრები მერიის გენდერულ მრჩეველთან, ახალგაზრდულ საქმეთა დეპარტამენტთან.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ფონდი „სოხუმის“ ხონის ქალთა მხარდაჭერის ცენტრმა დაიწყო მცირე პროექტის განხორციელება. პროექტი ითვალისწინებს მუშაობას ხონის მუნიციპალიტეტის ორ სოფელში, ნახახულევსა და მათხოჯში - მოსწავლეების ინფორმირებულობის დონის ამაღლება, უნარ-ჩვევების ჩამოყალიბება კონფლიქტის მოგვარების კუთხით და ჩართვა ბულინგის პრევენციაში.
თებერვალში ჩატარდა საინფორმაციო შეხვედრები სოფლების რწმუნებულებთან და სკოლების დირექტორებთან.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
სენაკის ქალთა მხარდაჭერის ცენტრმა დაიწყო მუშაობა პროექტზე „ინფორმირებული საზოგადოება ძალადობის წინააღმდეგ“. ეს ფონდი „სოხუმის“ მცირე საგრანტო პროექტის ფარგლებში დაფინანსებული პროექტია, რომელიც ხორციელდება ორ სოფელში - ხორშსა და თეკლათში (სენაკის მუნიციპალიტეტი). პროექტის პირველ ეტაპზე გაიმართა შეხვედრები სოფლის რწმუნებულებთან და მაჟორიტარ დეპუტატებთან, რომელთაც მიიღეს ინფორმაცია პროექტის შესახებ
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
„უთხარი არა ძალადობას - იყავი აქტიური!“ - ასე ჰქვია კოკი/ხურჩის ქალთა მხარდაჭერის ცენტრის პროექტს, რომელიც ფონდი „სოხუმის“ მცირე საგრანტო პროექტის ფარგლებში დაფინანსდა. პროექტის განხორციელება უკვე დაიწყო: ჩატარდა საინფორმაციო შეხვედრები ზუგდიდის მუნიციპალიტეტის სოფლების რწმუნებულებთან. მათ მიეწოდა ინფორმაცია პროექტის აქტივობების შესახებ. ადგილობრივი თვითმმართველობის წარმომადგენლებმა მზადყოფნა გამოხატეს თანამშრომლობისათვის.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
მუშაობა წყვილებთან - ეს ახალი კომპონენტია ფონდი „სოხუმის“ პროექტის „ქალთა უფლებების გაძლიერება დასავლეთ საქართველოში“ ფარგლებში.
ძალადობის პრევენციის მიზნით, პირველ ეტაპზე მუშაობა მიმდინარეობს კრიზისულ ოჯახებთან, რომლებსაც სურვილი აქვთ, შეცვალონ ვითარება და დაძლიონ კრიზისი. ასეთ ოჯახებთან კომპლექსურად მუშაობენ ფსიქოლოგი და კონფლიქტოლოგი, საჭიროების შემთხვევაში ერთვება იურისტი.
უკვე ჩატარდა სამი შეხვედრა. სამივე შემთხვევა ერთმანეთისგან განსხვავებულია სირთულით. საერთო ის არის, რომ ქალები ცდილობენ ოჯახური კონფლიქტების მართვას და პროცესში მამაკაცებიც არიან ჩართულნი. ფსიქოლოგი მუშაობას ონლაინ რეჟიმში გააგრძელებს.
თითოეული ოჯახისთვის ინდივიდუალური გრაფიკი შემუშავდა, რაც მათ კრიზისული სიტუაციების მოგვარებაში დაეხმარება.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
1 თებერვალს ფონდი „სოხუმის“ ოფისში ქალთა მხარდაჭერის ცენტრის მობილიზატორთა ის ნაწილი შეიკრიბა, რომელიც პროექტებზე იმუშავებს. შეკრებილებმა ისაუბრეს წელს განსახორციელებელ პროექტებზე, მცირე საგრანტო კონკურსის მიმართულებებზე.
უკვე წარმოდგენილია 11 საპროექტო იდეა, დაფინანსებისათვის შეირჩა 5 პროექტი. პროექტები განხორციელდება წყალტუბოს, ხონის, სენაკის, ფოთის და ზუგდიდის მუნიციპალიტეტებში.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ფონდი „სოხუმის“ ოფისში შეიკრიბნენ 9 მუნიციპალიტეტის (ქუთაისი, ხონი, წყალტუბო, სენაკი, ფოთი, ზუგდიდი, თერჯოლა, ოზურგეთი, ლანჩხუთი) წარმომადგენლები - ქალთა მხარდაჭერის ცენტრების მობილიზატორები. ის ადამიანები, რომლებიც მობილიზებას და ორგანიზებას გაუწევენ სხვადასხვა სახის შეხვედრებს.
ისინი გაეცნენ პროექტს „ქალთა უფლებების გაძლიერება“, მის მიზნებს, სამუშაო კონცეფციას, დაგეგმილ ღონისძიებებს.
ყოველ მათგანს სამუშაო განწყობა აქვს, რადგან ეს მუშაობა ხელს შეუწყობს თანაკუთხელი ქალებისა და მათი ოჯახების ცხოვრების გაუმჯობესებას.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ფონდმა „სოხუმმა“ ქალთა მხარდაჭერის ცენტრებისათვის გამოაცხადა მცირე საგრანტო კონკურსი. მთავარი მიმართულებაა - ქალთა და გოგონათა უფლებების დაცვა.
ცენტრებმა წარმოადგინეს 11 საპროექტო იდეა. დაფინანსებისთვის შეირჩა 5 პროექტი:
ქალაქ წყალტუბოს საბავშვო და ბაგა-ბაღების პედაგოგების, აღმზრდელებისა და აღსაზრდელთა მშობლების სამოქალაქო განათლების დონის ამაღლება გენდერისა და ძალადობის საკითხზე.
ხონის მუნიციპალიტეტში მოსწავლეებთან მუშაობა კონფლიქტის მოგვარების და ბულინგის პრევენციის კუთხით.
სენაკის მუნიციპალიტეტის თემების წარმომადგენლების ჩართვა ოჯახური კონფლიქტის მოგვარების პროცესში.
ფოთის მუნიციპალიტეტში მცხოვრებ ახალგაზრდებში ჯანსაღი ცხოვრების წესის დამკვიდრების ხელშეწყობა.
ზუგდიდის მუნიციპალიტეტის სოფლებში მცხოვრები ქალების ინფორმირება ოჯახში ძალადობის საკითხებზე, ძალადობის ამოცნობისა და შესაბამის რეაგირებაზე.
წყალტუბოს, ხონის, სენაკის, ფოთის და ხურჩა/კოკის (ზუგდიდის მუნიციპალიტეტი) ქალთა მხარდაჭერის ცენტრები პროექტებს თებერვლიდან განახორციელებენ.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
2018 წლის 10 იანვრიდან დაიწყო ფონდი „სოხუმის“ ახალი პროექტი „ქალთა უფლებების გაძლიერება დასავლეთ საქართველოში“. ეს არის ქალთა უფლებების კუთხით ფონდის მრავალწლიანი მუშაობის გაგრძელება.
ბოლო 6 წლის განმავლობაში საქმიანობა აქტიურად მიმდინარეობდა დასავლეთ საქართველოს ქალთა მხარდაჭერის 6 ქალაქში (ქუთაისი, წყალტუბო, ხონი, სენაკი, ფოთი, ზუგდიდი).
იანვრიდან მათ დაემატა კიდევ სამი ქალაქი - თერჯოლა, ოზურგეთი, ლანჩხუთი, სადაც შეიქმნება ქალთა მხარდაჭერის ცენტრები.
დაგეგმილია სხვადასხვა აქტივობა ძალადობის მსხვერპლთა და კრიზისული ოჯახების მხარდაჭერისა და რეაბილიტაციისათვის, გაგრძელდება აქტიური თანამშრომლობა თვითმმართველობებთან.
პროექტის უმნიშვნელოვანესი კომპონენტია სარეაბილიტაციო ცენტრის გახსნა და ძალადობის მსხვერპლთა განთავსება (კრიზისული პერიოდის განმავლობაში). ცენტრში ჩატარდება სხვადასხვა ტრენინგ-სემინარი ძალადობის მსხვერპლთათვის და კრიზისული ოჯახების წარმომადგენლებისათვის; შეთავაზებული იქნება პროფესიული კურსები; მოხდება მათი დასაქმების ხელშეწყობა.
პროექტის ფარგლებში ასევე იმუშავებს ოჯახში ძალადობის კანონის მონიტორინგის ჯგუფი, რომელიც რეფერალური მექანიზმის სუბიექტებთან ჩატარებული ფოკუს-ჯგუფების, ჩაღრმავებული ინტერვიუების და ანკეტირების მეშვეობით მოამზადებს რეკომენდაციათა პაკეტს.
პროექტი მნიშვნელოვნად შეუწყობს ხელს ქალთა უფლებების გაძლიერებას და გენდერული ძალადობის პრევენციას დასავლეთ საქართველოს 9 მუნიციპალიტეტში.
პროექტიხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ცხოვრებისეული სიძნელეები არის წინააღმდეგობა მიზნის მიღწევის გზაზე და საჭიროა დიდი ძალისხმევა მათი დაძლევისათვის. ფონდი „სოხუმის“ ფსიქოლოგმა ამ აქტუალურ საკითხებზე ჩაატარა საკონსულტაციო შეხვედრები ქუთაისის, წყალტუბოს, ხონის, ფოთის, ხონის, სენაკის და ხურჩის (ზუგდიდის მუნიციპალიტეტი) ქალთა მხარდაჭერის ცენტრებში. შეხვედრებს ესწრებოდნენ 26-დან 65 წლამდე ასაკის ქალები.
მათ გაიგეს, რომ სიძნელეები უჩვეულო გარემოებებში ჩნდება, როდესაც მოსაგვარებელია არასტანდარტული და ამიტომაც რთული ამოცანები, რომელთაც ხშირად პრობლემებს ვეძახით. ფსიქოლოგმა რჩევები მისცა ქალებს და მათგან ერთ-ერთი ყველაზე მთავარია: დარწმუნებული იყავით, რომ ეს დროებითი მოვლენაა. არაფერი გრძელდება მუდმივად, მათ შორის - სიძნელეები.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)