ქალთა მხარდაჭერის ცენტრები (533)
ქალთა მხარდაჭერის ცენტრი – ეს არის ფონდი „სოხუმის“ ფილიალები ქუთაისში, წყალტუბოში, ხონში, თერჯოლაში, სენაკში, ფოთში, ხურჩა/კოკში (ზუგდიდის მუნიციპალიტეტი), ლანჩხუთში, ოზურგეთში - შეიქმნა 2009 წლიდან. ცენტრების დანიშნულებაა ქალთა გაძლიერება, სოციალური, ფსიქოლოგიური, იურიდიული დახმარების გაწევა ძალადობის მსხვერპლი ქალებისთვის და კრიზისული ოჯახებისათვის, რომლებიც რთულ ცხოვრებისეულ მდგომარეობაში აღმოჩნდნენ. ქალთა მხარდაჭერის ცენტრები ხელს უწყობს ქალთა უფლებების დაცვას და მათ სოციალურ-ფსიქოლოგიურ რეაბილიტაციას.
ქალთა მხარდაჭერის ცენტრებმა სექტემბერში კიდევ ორი გეგმით გათვალისწინებული შეხვედრა მოაწყვეს ფსიქოლოგთან - 13- ში ხურჩაში (ზუგდიდის მუნიციპალიტეტი) და 14-ში - სენაკში.
ჯგუფურ საინფორმაციო-საკონსულტაციო შეხვედრებზე საუბარი მიეძღვნა ასერტული ურთიერთობების, ანუ ძალდატანების გარეშე ურთიერთობების თემას. მონაწილეები დაინტერესდნენ ამ თემით. მათ ახლებურად, სხვა მხრიდან შეხედეს თავიანთ ქცევას ახლობელ ადამიანებთან. ასერტულობის გამოყენება სირთულეებთანაა დაკავშირებული, სერიოზულ მომზადებას და პრაქტიკას მოითხოვს, ვინაიდან ადამიანთა უმეტესობა მიჩვეულია ურთიერთობის სხვა სტილს - პასიურს, აგრესიულს, მანიპულატორულს. ფსიქოლოგის რჩევები დაეხმარა მონაწილეებს, დაენახათ ასერტული ურთიერთობის სპეციფიკა და უპირატესობა.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ქუთაისის, ფოთის და ხონის ქალთა მხარდაჭერის ცენტრებმა მოაწყვეს ფსიქოლოგიური ჯგუფური საინფორმაციო-საკონსულტაციო შეხვედრები ასერტული ურთიერთობების თემაზე.
8 სექტემბერს შეხვედრა გაიმართა ქუთაისის საქალაქო ბიბლიოთეკაში, 11 სექტემბერს -
ფოთის ქალთა მხარდაჭერის ცენტრში, ხოლო 12-ში ფსიქოლოგს შეხვდნენ სოფელ კუხის (ხონის მუნიციპალიტეტი) მცხოვრებლები. განხილულ იქნა ასერტული ურთიერთობების წესები. მონაწილეებმა იმუშავეს ასერტული ქცევის ბარათზე.
დამეხმარება ასერტული ქცევა ურთიერთობის დროს? - კითხულობდნენ მონაწილეები.
ფსიქოლოგის კომენტარი: ასერტულობა - არის ადამიანის ნიჭი, კონსტრუქციულად დაიცვას თავისი უფლებები, სხვების მიმართ პოზიტიური დამოკიდებულების დემონსტრირებით და თან, აიღოს პასუხისმგებლობა თავის საქციელზე. ასერტული ურთიერთობა ისაა, როცა ყველა მოგებულია...
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ვის როგორ ესმის თვითშეფასება, რამდენად ვიცნობთ საკუთარ შესაძლებლობებს, რა კავშირშია თვითშეფასება ძალადობასთან - ამ საკითხების განხილვას მიეძღვნა ვორკშოპები, რომლებიც ქალების ჯგუფებთან ჩატარდა წყალტუბოში, ხონსა და ფოთში.
შეხვედრებზე მონაწილეებმა მოისმინეს ცოცხალი ისტორიები. მათში ნათლად გამოჩნდა, რომ დაბალი თვითშეფასება ხშირად ხდება ქალებისთვის დამამუხრუჭებელი. მათი აზრით, არასწორი თვითშეფასება კონფლიქტების განვითარების მიზეზია, ამიტომაც კონფლიქტების მართვა მხოლოდ ადეკვატური თვითშეფასებით არის შესაძლებელი.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ასერტულობის თემაზე გაიმართა ფსიქოლოგიური ჯგუფური საინფორმაციო-საკონსულტაციო შეხვედრა 10 ქალთან წყალტუბოს ერთ-ერთ კოლექტიურ ცენტრში. ეს არის თემა ეფექტური ურთიერთობისა, რომელიც გამორიცხავს აგრესიას, ძალდატანებას. ეს არის პარტნიორული, თანაბარი დამოკიდებულება ერთმანეთთან. მონაწილეები გაეცნენ ასერტული ურთიერთობების წესებს, იმუშავეს ასერტული ქცევის ბარათზე. ეს საჭირო თემა იყო მათთვის, რაც აღნიშნეს კიდეც უკუკავშირის დროს.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ფონდი „სოხუმის“ იურისტებმა აგვისტოში ჩაატარეს შეხვედრების ციკლი კოკის (ზუგდიდის მუნიციპალიტეტი) საჯარო სკოლაში, სოფელ გოჩა-ჯიხაიშში (ხონის მუნიციპალიტეტი), ქუთაისის, სენაკის, ფოთის, წყალტუბოს ქალთა მხარდაჭერის ცენტრებში.
თემა უცვლელია - კანონი, რომელიც არეგულირებს ოჯახში და ქალთა მიმართ ძალადობას. თუმცა შეხვედრების დროს საუბარი იყო სხვა აქტუალურ საკითხებზეც: კანონი უძრავი ქონების შესახებ, სამოქალაქო კოდექსი, ალიმენტები, განქორწინება. გაიცა ინდივიდუალური კონსულტაციებიც.
ქალები აქტიურად ჩაერთნენ დისკუსიებში, სვამდნენ შეკითხვებს და იღებდნენ ამომწურავ პასუხებს. იურისტის კონსულტაციები ეხმარება ქალებს თავიანთი პრობლემების მოგვარებაში.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
სენაკის ქალთა მხარდაჭერის ცენტრში გაიმართა ფსიქოლოგის ჯგუფური საკონსულტაციო შეხვედრა თემაზე „კომუნიკაცია ძალადობის გარეშე“. ამას გარდა ჩატარდა სამი ინდივიდუალური კონსულტაცია სხვადასხვა თემაზე: დეპრესია განქორწინების შემდეგ, როგორ გავუმკლავდეთ სტრესს ავტოკატასტროფის შემდეგ. განსაკუთრებით საინტერესო იყო პასუხი პრობლემაზე „ვერ ვეუბნები ადამიანებს არას“. ფსიქოლოგის რჩევით, შეიძლება შემდეგი მეთოდის გამოყენება: „მინდოდა ამაზე ფიქრი. მოდი, ამ საკითხს მოგვიანებით დავუბრუნდეთ“. ეს მოგცემთ დროს პასუხის მოსაფიქრებლად და შესაძლებლობას, მოვემზადოთ მყარი უარისთვის.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ქალთა მიმართ ძალადობის აღმოსაფხვრელად პრევენციულ ღონისძიებებში მნიშვნელოვანი ელემენტია კონფლიქტების მართვა. მაგრამ არანაკლებ მნიშვნელოვანია, ვიცნობდეთ ჩვენს შიგნით მიმდინარე კონფლიქტებს.
ეს მოსაზრებები გაჟღერდა ქალებთან კონფლიქტოლოგიის თემაზე გამართულ ვორკშოპებზე ფოთის, ქუთაისის და სენაკის ქალთა მხარდაჭერის ცენტრებში.
როგორ ვმართოთ საკუთარი ემოციები, როგორ დავძლიოთ პიროვნული კონფლიქტები - ამ საკითხებზე დისკუსიები კონკრეტული მაგალითების გარჩევის ფონზე მიმდინარეობდა. საერთო მოსაზრებით, თუ ადამიანებმა ვერ მოახერხეს საკუთარი ემოციების მართვა, მათ ირგვლივ კონფლიქტების წარმოქმნის რისკი ყოველთვის იარსებებს.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
13 მონაწილე ესწრებოდა ფსიქოლოგის ჯგუფურ საკონსულტაციო შეხვედრას ქუთაისის ქალთა მხარდაჭერის ცენტრში. შეხვედრის თემა იყო „კომუნიკაცია ძალადობის გარეშე“. მონაწილეებისთვის თემა საინტერესო აღმოჩნდა. ისინი საუბრობდნენ საზოგადოებაში გავრცელებულ აგრესიაზე, ძალადობაზე, ჰარმონიული ურთიერთობების მნიშვნელობაზე. ფსიქოლოგმა საჭირო რჩევები მისცა შეხვედრის მონაწილეებს.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
აგვისტოს პირველი ნახევარი ფონდი „სოხუმის“ თანამშრომლებისთვის საშვებულებო პერიოდი იყო, მაგრამ გეგმით გათვალისწინებული ყველა ღონისძიება ჩატარდა. ნაწილი ივლისის ბოლოს და ნაწილიც - აგვისტოს მეორე ნახევარში.
ქალთა მხარდაჭერის ცენტრებმა ქუთაისის, ხონის, წყალტუბოს, სენაკის, ფოთის და ზუგდიდის მუნიციპალიტეტებში ჩაატარეს საინფორმაციო-სამობილიზაციო შეხვედრები. შეხვედრებზე განხილული იყო შემდეგი თემები: ახალგაზრდების საერთაშორისო დღე, აფხაზეთის ავტონომიური რესპუბლიკის სოციალური და ჯანდაცვის პროგრამები და მათ მისაღებად საჭირო დოკუმენტაციების ნუსხის გაცნობა დევნილი მოსახლეობისათვის.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ხურჩა/კოკის ქალთა მხარდაჭერის ცენტრმა მოაწყო ფსიქოლოგიური ჯგუფური შეხვედრა-კონსულტაცია თემაზე „კომუნიკაცია ძალადობის გარეშე“ - 17 ბენეფიციარის მონაწილეობით.
- მთელი ცხოვრება აგრესიული ვარ. აწი როგორ შევიცვალო? - ერთ-ერთი მონაწილის შეკითხვას ფსიქოლოგმა ასე უპასუხა:
- თუ არ შეცვლით იმას, რასაც აკეთებთ, ვერასოდეს შეცვლით იმას, რასაც იღებთ. ჯერ შეცვლის გადაწყვეტილება უნდა მიიღოთ. შემდეგ სხვადასხვა ვითარებაში დააკვირდით თქვენს თავს, ნახეთ, რა გამოგდით კარგად და რა - არც ისე. ეს შესაძლებლობას მოგცემთ, სცადოთ ქცევის ახალი მეთოდები და განსაზღვროთ თვენთვის ყველაზე შესაფერისი.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)