ქალთა ფონდი „სოხუმის“ ადვოკატირების ჯგუფმა დასავლეთ საქართველოს 10 სამიზნე მუნიციპალიტეტში (წყალტუბო, ხონი, თერჯოლა, ვანი, სამტრედია, სენაკი, ხობი, ჩოხატაური, წალენჯიხა, ზუგდიდი - სოფელი ხურჩა) ონლიან და ოფლაინ ფორმატით ჩაატარა შეხვედრები ქალთა ადვოკატირების ჯგუფებებთან.
შეხვედრებზე გამოვლინდა პრობლემები, გამოიკვეთა საჭიროებები და დაიგეგმა კონკრეტული ნაბიჯები პრობლემების ადვოკატირებისთვის.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
მაყურებელი ყოველთვის ინტერესით უყურებს ფორუმ-თეატრის გამოსვლას.
არის კითხვები, ცხოვრებისული ისტორიების გახსენება, რომელიმე მაყურებლის შესვლა როლში, დისკუსიები... სწორედ ეს არის ამ თეატრის თავისებურება.
ქალთა ფონდი „სოხუმის“ ფორუმ-თეატრს ორი შეხვედრა ჰქონდა მაყურებელთან იანვარში: თერჯოლის კერძო სკოლაში და ქუთაისის ერთ-ერთ პარკში.
პარალელურად მიმდინარეობს რეპეტიციები და ახალ წარმოდგენებზე მუშაობა. ახლაგაზრდები აქტიურად მუშაობენ, რომ თავიანთი წვლილი შეიტანონ ძალადობის პრევენციაში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
შეხვედრების ძირითადი თემა იყო „როგორი მახასიათებლებით გამოირჩევიან მოძალადეები“.
„შესაძლოა, მათ უმრავლესობას ბავშვობაში აკლდა თანადგომა და აღზრდა, ჰქონდა დაბალი თვითშეფასება, იმყოფებოდა სოციალურ იზოლაციაში. დაბალი თვითშეფასება გავლენას ახდენს ცოლ-ქმრულ ურთიერთობებზე. განსაკუთრებულია გარეგანი სტრესი და ცხოვრებისეული კრიზისები, გადაწყვეტილების მიღების უუნარობა. მოძალადე წინ ვერ იყურება და არ უფიქრდება, რა შეიძლება მოჰყვეს მის საქციელს“, - აღნიშნავს ქალთა ფონდი „სოხუმის“ ფსიქოლოგი ეკა ქვაჩაკიძე.
ფსიქოლოგმა ონლაინ ფორმატით ჩაატარა შეხვედრები ზუგდიდის, წალენჯიხის, წყალტუბოს, ხონის და ვანის ქალთა მხარდაჭერის ცენტრებში. იყო ინდივიდუალური კონსულტაციებიც.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
წალენჯიხა, სენაკი, თერჯოლა - ამ სამ მუნიციპალიტეტში ჩატარდა იანვრის ტრენინგები ახალგაზრდებთან. ორგან - ზუგდიდსა და სამტრედიაში კი გაიმართა ონლაინ შეხვედრები.
განსაკუთრებით საინტერესო იყო შეხვედრები სენაკსა და თერჯოლაში. ამ კლუბების წევრებმა აქტიური მონაწილეობა მიიღეს კონკურსში, რომელიც გაიმართა კამპანიის „16 აქტიური დღე ქალთა მიმართ ძალადობის წინააღმდეგ“ ფარგლებში.
კონკურსის შედეგები 2024 წლის ბოლოს შეჯამდა და წლის პირველ შეხვედრებზე მადლობის სიგელები და საჩუქრები გადაეცა რამდენიმე მონაწილეს: სალომე ლაშქარავას, ლიკა წურწუმიას, ვიკა წურწუმიას (სენაკის ახალგაზრდული კლუბი), სალომე ფანჩულიძეს და მარიამ გოგსაძეს (თერჯოლის ახალგაზრდული კლუბი).
გოგონების გამარჯვება და დაჯილდოება დიდი სტიმულია კლუბის სხვა წევრებისთვის, რომლებიც მეტი ინტერესით ჩაერთვებიან ახალ აქტივობებში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდ „სოხუმში“ შექმნილი დღის სარებილიტაციო ცენტრები პრაქტიკულ დახმარებას უწევენ ძალადობის მსხვერპლ და კრიზისულ მდგომარეობაში მყოფ ქალებს.
გასულ წელს ქუთაისის ცენტრში პოლიმერულ თიხაზე მუშაობა ისწავლა 28 ქალმა, 5-მა კი ფრჩხილების მოვლის კურსი დაამთავრა. თერჯოლის დღის ცენტრში 5-მა ქალმა გაიარა თიხაზე მუშაობს და ამდენივემ - კოსმეტოლოგიის კურსი. ჩოხატაურში ჭრა-კერვის კურსი მოქმედებს და 9 ქალია მისი კურსდამთავრებული.
კურსების დასრულების შემდეგ ქუთაისსა და თერჯოლაში გაიმართა ტრენინგები, სადაც მონაწილეებმა შეისწავლეს ბიზნეს იდეის ჩამოყალიბება და პროექტის გაწერა. საკონკურსო კომისიას წარედგინა 15 საპროექტო განაცხადი. კონკურსის საფუძველზე გამოვლინდა 4-4 პროექტი ქუთაისიდან და თერჯოლიდან, რომელთაც მიიღეს მცირე გრანტები.
2024 წელს ჩვენი დახმარებით 52-მა ქალმა შეისწავლა ახალი საქმე, მათი დიდი ნაწილი უკვე თვითდასაქმებულია. ისინი კმაყოფილები არიან იმის გამო, რომ ახალი პროფესიის შესწავლასთან ერთად შეუძლიათ საკუთარი საქმის დაწყება და თავიანთი ეკონომიკური მდგომარეობის გაუმჯობესება.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა მხარდაჭერის ცენტრები ცენტრები ატარებენ სამობილიზაციო შეხვედრებს ძალადობის პრევენციისა და შემთხვევების იდენტიფიცირების მიზნით. ცენტრების მობილიზატორების დახმარებით 150-ზე მეტმა ადამიანმა მიიღო ინფორმაცია მსხვერპლთა დახმარების სახელმწიფო და არასამთავრობო სერვისებზე. ინფორმირების შედეგად იანვარში 10 რისკის ჯგუფის მქონე ოჯახი გამოვლინდა. მათთან მუშაობა უკვე მიმდინარეობს - ბენეფიციარებმა მიიღეს ქალთა ფონდი „სოხუმის“ ფსიქოლოგისა და იურისტის კონსულტაციები.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა მხარდაჭერის ცენტრებმა აქტიურად დაიწყეს 2025 წელი.
2024 წელს მუშაობა მიმდინარეობდა დასავლეთ საქართველოს 10 მუნიციპალიტეტში (ვანი, წყალტუბო, ხონი, სამტრედია, თერჯოლა, სენაკი, ხობი, წალენჯიხა, ზუგდიდი, ჩოხატაური).
ქალთა მხარდაჭერის ცენტრები ოთხი მიმართულებით მუშაობენ:
- ოჯახური ძალადობის პრევენცია და ძალადობის მსხვერპლთა მხარდაჭერა
- ქალთა მხარდაჭერა, სამოქალაქო აქტივიზმის გაძლიერება ლოკალურ თემებში
- ძალადობის შემთხვევების მონიტორინგი
- სოციალური, ინფრასტრუქტურული პრობლემების იდენტიფიცირება და ადვოკატირება
ამ მიზნების მისაღწევად 2024 წელს:
„პირველად ვიგრძენი ასეთი დიდი დახმარება, იმედი, პატივისცემა. გავიგე სოციალური სერვისებისა და ჩემი უფლებების შესახებ, როგორ მივაღწიო სამართლიანობას. მადლობას გიხდით ყველას მხარდაჭერისთვის, ყურადღებისა და სითბოსთვის, გისურვებთ დიდ წარმატებებს ამ რთულ საქმეში, რომელსაც აკეთებთ“.
ეს ქალთა ფონდი „სოხუმის“ სარებილიტაციო ცენტრის ერთ-ერთი სტუმრის სიტყვებია.
2024 წელს ცენტრში 71 ბენეფიციარმა გაიარა რეაბილიტაცია (39 ქალი და 32 არასრულწლოვანი).
ცენტრში ტარდება ფსიქოლოგის, იურისტის, სოციალური მუშაკის და ბავშვებთან ურთიერთობის ასისტენტის კომპლექსური მუშაობა ძალადობის მსხვერპლ, ძალადობაგამოვლილ და კრიზისულ მდგომარეობაში მყოფ ქალებთან.
ცენტრიდან ყველა ქალი უფრო ძლიერი მიდის, თავდაჯერებული, ინფორმირებული. მათმა უმეტესობამ შეცვალა თავისი ცხოვრება.
იანვრის მეორე ნახევარში სარებილიტაციო ცენტრმა ახალი სტუმრები მიიღო და გაგრძელდა ჩვეული მუშაობა ქალებთან და ბავშვებთან.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდმა „სოხუმმა“ წარმატებით დაასრულა 2024 წელი. წლის ბოლოს ორგანიზაციის თანამშრომლები შემაჯამებელ შეხვედრაზე შეიკრიბნენ.
ქალთა ფონდი „სოხუმის“ თავმჯდომარემ ალლა გამახარიამ მოკლედ მიმოიხილა შესრულებული სამუშაოები და მიღწევები.პროექტების ასისტენტებმა ისაუბრეს ცალკეულ პროექტებზე, მიმართულებებზე, შედეგებსა და წარმატების ისტორიებზე. პროექტების უმეტესობა გაგრძელდება 2025 წელს. საპროექტო გუნდები მზად არიან, ახალ წელსაც ჩვეული ენერგიით და აქტიურობით განაგრძონ მუშაობა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ხონის, წყალტუბოს, ვანის, ზუგდიდის და სამტრედიის ქალთა მხარდაჭერის ცენტრების ქალებთან ქალთა ფონდი „სოხუმის“ ფსიქოლოგმა ონლაინ გამართა სამი ინდივიდუალური და ორი ჯგუფური შეხვედრა. შეხვედრის პროცესში მონაწილეები გამოირჩეოდნენ აქტიურობით, გულახდილობით, გამოხატავდნენ ნდობას. ისინი ხმამაღლა საუბრობდნენ არსებულ პრობლემებზე და ითვალისწინებდნენ მათთვის მიცემულ რჩევებს.
საკმაოდ რთული ქეისებია ვანისა და სამტრედიის მუნიციპალიტებებში. აღინიშნა, რომ მათ ოჯახებში შეინიშნება ძალადობის ზრდის ტენდენცია, აქვთ ურთიერთობების პრობლემები. ერთ-ერთ ქალს, რომელიც სახლიდან წავიდა, საკუთარი ოჯახის წევრები აიძულებენ, რომ დაბრუნდეს ქმართან ცნობილი მოტივით: „რას იტყვის ხალხი?“, „სირცხვილია“, „მოგვეჭრა თავი“ და ა.შ.
ახლოვდება ახალი წელი და ქალები ცდილობენ პოზიტიურად, იმედით და სიხარულით შეხვდნენ 2025 წლის შემობრძანებას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)