ოზურგეთის გენდერული საკონსულტაციო საბჭოს იურისტი შეხვდა წერეთლის ქუჩის მცხოვრებლებს, რომელთაც გაეწიათ სამართლებრივი კონსულტაციები სოციალურ, შრომის და საოჯახო საკითხებთან დაკავშირებით.
ოქტომბერში ჩატარდა 12 შეხვედრა ქუთაისის კოლექტიურ ცენტრებში აფხაზეთიდან იძულებით გადაადგილებულ ქალბატონებთან. შეხვედრებს ესწრებოდა 82 ქალბატონი.
შეხვედრებზე მოხდა ქალების ინფორმირება ძალადობის წინააღმდეგ არსებული კანონის კონკრეტული პუნქტების მიხედვით, ასევე არჩევნებში ქალთა ჩართულობის მნიშვნელობაზე და ქალი-დეპუტატების აუცილებლობაზე პარლამენტში ქალთა უფლებების დაცვის კუთხით. გაიცა 2 ინდივიდუალური კონსულტაცია. ერთ-ერთი ბენეფიციარის 15 წლის შვილი გახდა ძალადობის მსხვერპლი ქმრისგან. კონსულტაციის შემდეგ ფონდი „სოხუმის“ იურისტმა ქალბატონი გადაამისამართა იურიდიულ ბიუროში, რათა ადვოკატმა დაიცვას მისი უფლებები სასამართლოში.
.jpg)
ფონდი „სოხუმის“ იურისტის საინფორმაციო შეხვედრა ჩატარდა ეთნიკური უმცირესობის წარმომადგენლებთან, რომლებიც მუშაობენ ქუთაისში, .jpg)
უკრაინულ სამზარეულო „ხუტოროკში“. მათ მიეწოდათ ინფორმაცია ფონდი „სოხუმის“ მუშაობის და ქუთაისის გენდერული საკონსულტაციო საბჭოს შესახებ. ჰქონდათ სხვადასხვა სახის იურიდიული კითხვები, რომლებზეც გაიცა კონსულტაციები. ასევე წამოიჭრა წყლის, კანალიზაციის და შიდა გზების პრობლემა.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
ივლისში ფონდი „სოხუმის“ იურისტმა 12 საინფორმაციო-საკონსულტაციო შეხვედრა ჩაატარა ქუთაისში, ადგილობრივ და დევნილ მოსახლეობასთან. ოჯახში ძალადობის და საოჯახო სამართლის საკითხებზე გამართულ ჯგუფურ შეხვედრებს დაესწრო 53 ქალი. გამოვლინდა ძალადობის მსხვერპლის რისკ ჯგუფის მატარებელი ერთი ქალი. გაიცა 3 ინდივიდუალური იურიდიული კონსულტაცია, რომელიც ეხებოდა ალიმენტის და თანასაკუთრების მიღების სამართლებრივ გზებს. ადვოკატირებისთვის მოხდა მათი გადამისამართება ახალგაზრდა იურისტთა ასოციაციის ქუთაისის ფილიალაში.
ხონის ქალთა მხარდაჭერის ცენტრში გაიმართა იურისტის შეხვედრა ადგილობრივ და დევნილ ქალებთან. მათ მიეწოდა ინფორმაცია ძალადობის წინააღმდეგ მიმდინარე 16-დღიანი კამპანიის შესახებ. ბენეფიციარების კითხვები ეხებოდა დამცავ მექანიზმებს და პრევენციულ ღონისძიებებს.
თებერვლის ბოლოს იურისტმა ჩაატარა შეხვედრა ოზურგეთის მუნიციპალიტეტის სოფელ კვირიკეთში. მოსახლეობამ ორ პრობლემაზე გაამახვილა ყურადღება: ბუნებრივი აირის მილების ჩაყრის გამო გაფუჭებული საავტომობილო გზა და ზაფხულში ხანგრძლივი გვალვის შემდეგ ჭებში წყლის დაშრობა.
მუნიციპალიტეტის გამგებლის სახელზე დაიწერა განცხადება, რომელსაც დასახლების 80-მა პროცენტმა მოაწერა ხელი. შედეგად - უნდა გადაიჭრას კვირიკეთში იდენტიფიცირებული პრობლემები.
იურისტი ასევე შეხვდა ქალაქ ოზურგეთის მუზეუმის დირექტორს, რომელმაც თავის მხრივ მუზეუმის რეაბილიტაციის პრობლემა გამოკვეთა. საკითხი დაისვა კულტურის მინისტრის წინაშე და მიღებულია შეპირება, რომ ახლო მომავალში მოხდება მუზეუმის სრული რეაბილიტაცია.
ფონდი „სოხუმის“ იურისტმა მაისში 7 საინფორმაციო შეხვედრა ჩაატარა დევნილთა ჩასახლებებში. შეხვედრებს ესწრებოდა 51 მოქალაქე. მათი მთავარი პრობლემებია: უმუშევრობა, ეკონომიკური სიდუხჭირე, განსახლება, ფართებით დაკმაყოფილება, გაზიფიცირება, ფართების დაკანონება, ჯანმრთელობისა და სოციალური საკითხები.
15 ივნისს ფონდი „სოხუმის“ იურისტი და ფსიქოლოგი შეხვდნენ ქუთაისის შშმ პირთა დღის ცენტრის ბენეფიციარებს და მათ პედაგოგებს. სულ ესწრებოდა 12 ადამიანი. ბენეფიციარებმა ისაუბრეს თავიანთ საჭიროებებზე. გამოთქვეს სურვილი, რომ იყვნენ დასაქმულები და ჩართულები ქალაქის ცხოვრებაში. მათ სტუმრებს სიამაყით დაათვალიერებინეს ხელნაკეთობები (ნაქარგები, ნახატები, სამკაულები).
იურისტის საინფორმაციო შეხვედრას ქუთაისში, ყოფილი კოოპერაციული სასწავლებლის კოლექტიურ ცენტრში ესწრებოდნენ აფხაზეთიდან დევნილი ქალები და მამაკაცები. შეხვედრის მთავარ მიზანს წარმოადგენდა მათი ინფორმირებულობა სხვადასხვა იურიდიულ საკითხზე, მათი პრობლემების გამოვლენა და მოგვარების გზების ერთობლივი ძებნა.