- როგორ გავაძლიეროთ ოჯახები, რათა თავიდან ავიცილოთ ძალადობა, გაუცხოება ოჯახის წევრებს შორის, რათა ყველა ბავშვი იზრდებოდეს სრულფასოვან, უსაფრთხო გარემოში, არსებული მენტალური დამოკიდებულებების ფონზე როგორ დავამსხვრიოთ სტერეოტიპები, რა შევცვალოთ და რა დავნერგოთ ბენეფიციარ მამაკაცებთან მუშაობის პროცესში; ვინ არიან ჩვენი პარტნიორები ამ საქმეში, ვისთან ვითანამშრომლოთ - ამ და სხვა საკითხებზე ფონდი „სოხუმის“ ტრენერთა ჯგუფმა ქუთაისის SOS ბავშვთა სოფელში ორდღიანი ტრენინგი ჩაატარა.
ტრენინგი ფონდ „სოხუმსა“ და ასოციაცია „საქართველოს SOS ბავშვთა სოფელს“ შორის თანამშრომლობის პირველი შემთხვევაა. მსგავსი ტიპის პარტნიორობა ხელს შეუწყობს ოჯახის გაძლიერების კომპონენტის გაფართოებას და ეფექტიანობას.
17-19 ივლისს ბორჯომში ჩატარდა ტრენინგი თემაზე „ოჯახის გაძლიერების სტრატეგია მუნიციპალური მომსახურების კონტექსტში“.
ტრენინგს ესწრებოდნენ ადგილობრივი თვითმმართველობის წარმომადგენლები დასავლეთ საქართველოს 11 მუნიციპალიტეტიდან (ქუთაისი, წყალტუბო, ხონი, სენაკი, ზუგდიდი, ფოთი, ოზურგეთი, ლანჩხუთი, თერჯოლა, წალენჯიხა, ქობულეთი).
მუნიციპალიტეტის წარმომადგენლებმა პრეზენტაციები გააკეთეს. ტრენინგზე განხილული იყო აქტუალური თემები, მათ შორის: სახელმწიფო სტრატეგია ქალთა მიმართ/ოჯახში ძალადობის წინააღმდეგ, თვითმმართველობის როლი და უფლებამოსილება, ადგილობრივი ელექტრონული სერვისები COVID-19-ის კრიზისის პირობებში, მუნიციპალური მომსახურების გაუმჯობესება და ოჯახების გაძლიერება.
ტრენინგზე შემუშავებული სტრატეგიები ხელს შეუწყობს ოჯახების გაძლიერებას.
პროექტი ხორციელდება ორგანიზაცია Brot für die Welt - Evangelischer
რა არის პიარი? რაში გვჭირდება? რა მეთოდებით და ინსტრუმენტებით გავაპიაროთ ორგანიზაციის საქმიანობა? როგორ გავავრცელოთ ინფორმაცია, რომ მეტი აუდიტორია მოვიცვათ?
ამ თემებზე ჩატარდა ონლაინ ტრენინგი პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში. ტრენინგს ესწრებოდნენ პროექტის განმახორციელებელი სამი პარტნიორი ორგანიზაციის: ფონდი „სოხუმის“, მეწარმე ქალთა ფონდის, იმერეთის მეცნიერთა კავშირ „სპექტრისა“ და 16 სამოქალაქო საზოგადოების ორგანიზაციის წარმომადგენლები. ონლაინ შეხვედრა ინტერაქციულ რეჟიმში გაიმართა - მონაწილეებმა დასვეს კითხვები, გამოთქვეს მოსაზრებები, განიხილეს კონკრეტული მაგალითები.
პროექტი ხორციელდება ევროკავშირის მხარდაჭერით
მაისში გაიმართა ტრენინგ-ვებინარები თემაზე: „ბავშვთა მიმართ ძალადობა - ძალადობისგან თავისუფალი სკოლის მოდელი“.
მონაწილეები: პედაგოგები რაჭა-ლეჩხუმის და ქვემო სვანეთის და შიდა ქართლის რეგიონებიდან.
განხილული საკითხები: ბულინგი და ძალადობა, სტიგმები და სტერეოტიპები, ეფექტური კომუნიკაცია, ბულინგის პრევენციის ხელშეწყობა, უსაფრთხო სკოლის მონიტორინგი
ვებინარი განხორციელდა ფონდი Human Doc მიერ, მეგობრობის ხიდი „ქართლოსის“ და ფონდი „სოხუმის“ თანამშრომლობით პროექტის „საქართველოში ოჯახში ძალადობის პრევენციისა და მოძალადეთათვის თერაპიული დახმარების გაწევის" ფარგლებში.
16 მცირე პროექტი დაფინანსდა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
დასავლეთ საქართველოს 8 მუნიციპალიტეტში უკვე შეუდგნენ პროექტების განხორციელებას.
სამოქალაქო საზოგადოების ფორუმის წევრი ორგანიზაციების წარმომადგენლებს ჩაუტარდათ დამატებითი ონლაინ ტრენინგი ფინანსური ანგარიშგებისა და ბუღალტრული აღრიცხვის საკითხებზე. ტრენინგი დაეხმარება სამოქალაქო ორგანიზაციებს ფონდი „სოხუმის“ მიერ დაფინანსებული პროექტების ფინანსების სწორად წარმართვაში.
პროექტი ხორციელდება ევროკავშირის მხარდაჭერით
კულტურულ-ჰუმანიტარული ფონდი „სოხუმის“ ორგანიზებით გაიმართა ვებინარი თემაზე „როგორ დავგეგმოთ და ვაწარმოოთ ადვოკატირების კამპანია“.
ვებინარში მონაწილეობდა 16 სამოქალაქო საზოგადოების ორგანიზაცია გურიიდან, იმერეთიდან და რაჭა-ლეჩხუმიდან. ონლაინ ტრენინგის მიზანი იყო, სამოქალაქო ფორუმის წარმომადგენლები გაცნობოდნენ ადვოკატირების არსსა და მნიშვნელობას; ადვოკატირების დაგეგმვის ეტაპებსა და განხორციელების ფორმებს; ადვოკატირების სტრატეგიის შემუშავების ძირითად პრინციპებს.
ტრენინგის მსვლელობისას მონაწილეებმა გაიგეს ადვოკატირების საუკეთესო გამოცდილების მაგალითები. ჯგუფური მუშაობისას მონაწილეებს საშუალება, საკუთარი ადვოკატირების მოკლე გეგმები შეედგინათ.
პროექტი ხორციელდება ევროკავშირის მხარდაჭერით
22 აპრილს კულტურულ-ჰუმანიტარული ფონდი „სოხუმის“ ორგანიზებით, პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში გაიმართა ვებინარი თემაზე „პროექტებისა და საგრანტო განაცხადების შემუშავება“. ვებინარში მონაწილეობდა 16 სამოქალაქო საზოგადოების ორგანიზაცია გურიიდან, იმერეთიდან და რაჭა-ლეჩხუმიდან. ვებინარზე სამოქალაქო ფორუმის წარმომადგენლები გაეცნენ ხარისხიანი საპროექტო საგრანტო განაცხადების შედგენის კომპლექსურ პროცესს და ეტაპებს. მონაწილეებმა მიიღეს ინფორმაცია, რომელიც მათ დაეხმარებათ საპროექტო იდეის უკეთ შემუშავებასა და ჩამოყალიბებაში.
პროექტი ხორციელდება ევროკავშირის მხარდაჭერით
21 თებერვალს მეწარმე ქალთა ფონდის ორგანიზებით ქუთაისში სასტუმრო „ბაგრატი 1003“-ში ჩატარდა ტრენინგი თემაზე „ფართო სამოქალაქო საზოგადოების მონაწილეობით რეგიონალური საჭიროებების შეფასება - ადგილობრივ დონეზე საგზაო რუკის (PAR) რეალიზაციისთვის“.
ტრენინგის მუშაობაში მონაწილეობდა 16 სამოქალაქო საზოგადოების ორგანიზაცია გურიიდან, იმერეთიდან და რაჭა-ლეჩხუმიდან.
თეორიული ცოდნა და პრაქტიკული სამუშაოს შესრულება ტრენინგის მონაწილეებს აძლევს შესაძლებლობას, მიღებული გამოცდილება გამოიყენონ საჭიროებების უკეთ გამოვლენაში საგზაო რუკის (PAR) რეალიზაციისთვის.
პროექტი ხორციელდება ევროკავშირის მხარდაჭერით
პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში 17 იანვარს ფორუმის წევრ სამოქალაქო საზოგადოების ორგანიზაციებს ჩაუტარდათ ტრენინგი თემაზე „სახელმწიფო მმართველობის რეფორმის საგზაო რუკა (PAR) და საგზაო რუკის მონიტორინგის პროცესის რეალიზება მუნიციპალურ დონეზე“.
ტრენინგის მონაწილეებმა მიიღეს ინფორმაცია მუნიციპალურ დონეზე სამოქალაქო მონიტორინგის დაგეგმვისა და განხორციელების მექანიზმების შესახებ. ისინი აგრეთვე გაეცნენ პროექტის განმახორციელებელი ორგანიზაციების მიერ შემუშავებულ კითხვარს, რომლის მიხედვითაც რვა სამიზნე მუნიციპალიტეტის სამოქალაქო ორგანიზაციები მონიტორინგს გაუწევენ საჯარო მმართველობის რეფორმას თავიანთ მუნიციპალიტეტებში.
პროექტი ხორციელდება ევროკავშირის მხარდაჭერით
ფონდი „სოხუმის“ ქალთა მხარდაჭერის ცენტრები თავიანთ მუნიციპალიტეტებში წარმატებით ახორციელებენ მცირე პროექტებს. ახალი წლიდან ისინი ახალ პროექტებზე დაიწყებენ მუშაობას. მანამდე კი ბორჯომში მობილიზატორებისთვის ჩატარდა სამდღიანი ტრენინგი თემაზე „პროექტის დიზაინი და მართვა“. მათ ერთმანეთს გაუზიარეს გამოცდილება, ისაუბრეს მიღწევებსა და გამოწვევებზე. ტრენინგზე მუნიციპალიტეტების მიხედვით შემუშავდა სტრატეგიული მიმართულებები. სამუშაო პროცესში, თეორიისა და პრაქტიკის შერწყმის შედეგად, მობილიზატორებს საშუალება მიეცათ, ინდივიდუალურად შეემუშავებინათ საპროექტო განაცხადები.