მარია დობროვოლსკაია 22 წლისაა. კიევის ოლქში ცხოვრობდა, ომის დაწყებიდან ორი თვე იყო იქ და იგემა ომის საშინელებები. ცოტა ხნით ბებიასთან გადავიდა ვინიცაში, მერე კი პოლონეთში გაემგზავრა. რამდენიმე თვე იმუშავა კატოვიცეში და ლოძში. კატოვიცეში გაიცნო ქართველი, იქორწინეს და საქართველოში ჩამოვიდნენ.
მეუღლის მშობლიურ სვანეთში იყვნენ პირველ ხანებში, ოჯახმა თბილად მიიღო უკრაინელი რძალი. მარია ორსულად იყო, ქუთაისში რომ გადმოვიდნენ. როგორც ყველა უკრაინიდან ლტოლვილს, ქალთა ფონდი „სოხუმი“ მარიას ოჯახსაც დაეხმარა. ბავშვის შეძენის შემდეგ კი ფონდის წარმომადგენლებმა მოინახულეს დედა-შვილი, მიულოცეს დიდი სიხარული და მიუტანეს ბავშვისთვის საჭირო საჩუქრები: ტანსაცმელი, ჰიგიენის საშუალებები, პამპერსი, სურსათი...
ახალგაზრდა დედამ დიდი მადლობა გადაუხადა სტუმრებს თანადგომისა და მხარდაჭერისთვის, რაც ასე მნიშვნელოვანია ასეთ რთულ დროს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ტყიბულის მუნიციპალიტეტის მერიის სხდომათა დარბაზში შეიკრიბნენ ადგილობრივი რეფერირების სუბიექტები: საკრებულოს გენდერული თანასწორობის საბჭოს წევრები, ადგილობრივი თვითმმართველობის, პოლიციის და სოციალური სფეროს წარმომადგენლები, სკოლის პედაგოგები და სამედიცინო პერსონალი.
შეხვედრის მონაწილეებმა ისაუბრეს ფემიციდის ფაქტებზე, ოჯახში ძალადობის პრობლემაზე და ადგილობრივ სტრუქტურებთან თანამშრომლობის მნიშვნელობაზე.
ყურადღება გამახვილდა რეფერირების გზებზე, უწყებებს შორის თანამშრომლობასა და კოორდინაციაზე, რაც ხელს შეუწყობს ძალადობის პრევენციას.
შეხვედრაზე გაკეთდა პრეზენტაცია „ქალთა მიმართ ძალადობის ან/და ოჯახში ძალადობის მსხვერპლთა გამოვლენის, მათი დაცვის, დახმარებისა და რეაბილიტაციის ეროვნული რეფერირების პროცედურები (ეროვნული რეფერალური მექანიზმი)“.
საუბარი შეეხო მნიშვნელოვან საკითხებს: მუნიციპალიტეტის მასშტაბით არსებული სტატისტიკა შემაკავებელი ორდერების, პრობლემების იდენტიფიკაციის და მსხვერპლის დახმარების კუთხით.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ტყიბულის N6 საჯარო სკოლის სააქტო დარბაზში საგანმანათლებლო რესურს- ცენტრთან თანამშრომლობით ქალთა ფონდი „სოხუმის“ მიერ ორგანიზებული შეხვედრა ჩატარდა თემაზე „ადგილობრივი სოციალური პარტნიორობის სისტემა - თანამშრომლობა საგანმანათლებლო სექტორსა და მუნიციპალიტეტის მერიას შორის“. ტყიბულის მუნიციპალიტეტის გამოცდილება სოციალური მუშაობის დეცენტრალიზაციის წარმატებული პრაქტიკის მაგალითია. თუმცა შეხვედრის მონაწილეების აზრით, ბენეფიციარებზე მორგებული სოციალური პოლიტიკის დანერგვა, მოწყვლადი ოჯახების გაძლიერება საზოგადოების სხვადასხვა ჯგუფს შორის სისტემატური დიალოგის გარეშე შეუძლებელია.
შეხვედრაზე მერიის ბავშვთა უფლებების დაცვის განყოფილების და საგანმანათლებლო სექტორის წარმომადგენლებმა გაცვალეს მნიშვნელოვანი ინფორმაციები, რაც ხელს შეუწყობს ბავშვებისა და მათი ოჯახების სოციალურ დაცვას და გაძლიერებას.
შეხვედრაზე, მონაწილეებს ასევე მიეწოდათ ინფრომაცია პრაქტიკულ გზამკვლევზე: "გენდერული ნიშნით ძალადობის პრევენცია და მასზე რეაგირება საომარ და ომის შემდგომ პერიოდში - ქალთა ორგანიზაციების გამოცდილებები და რეკომენდაციები", რომელიც ეუთოს (OSCE) მხარდაჭერით, ქსელი WAVE-ისა და მისი ოთხი წევრის მიერ 2022 წელს შემუშავდა. აღნიშნული გზამკვლევი ეყრდნობა საომარი და პოსკონფლიქტური მდგომარეობის სხვადასხვა ეტაპზე ქალთა ორგანიზაციების სპეციფიკურ ცოდნასა და გამოცდილებას და მასში დეტალურად არის აღწერილი სტრატეგიები კონფლიქტის სხვადასხვა ფაზაში გენდერული ძალადობის პრევენციისა და რეაგირებისთვის.
- ომის დროსა და საგანგებო სიტუაციებზე რეაგირების პერიოდი, რომელსაც უკრაინელი და სომეხი პარტნიორები აზიარებენ (სექსუალური ძალადობის კრიზისული ცენტრი (ერევანი, სომხეთი), ცენტრი „ქალთა პერსპექტივები“ (ლვოვი, უკრაინა)
- გაჭიანურებული კონფლიქტი, რომელიც აღწერილია ქართველი პარტნიორის - ქალთა ფონდი „სოხუმის“ მიერ;
- ომის შემდგომი და გრძელვადიანი პერსპექტივა - წარმოდგენილი ბოსნია-ჰერცოგოვინელი პარტნიორის გამოცდილებაზე დაყრდნობით.
(პრაქტიკული სახელმძღანელო ხელმისაწვდომია აქ https://wave-network.org/.../uploads/Toolkit-Georgian.pdf...3IA)
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ხონის ქალთა საინიციატივო ორივე ჯგუფის წევრებმა კვლევის შედეგად გამოვლენილ პრობლემებზე ისაუბრეს. მათ ადგილობრივ დონეზე მოსაგვარებელი საკითხებიც შეარჩიეს და ადვოკატირების გეგმის შემუშავების დეტალებიც განიხილეს
ხონის ახალგაზრდული კლუბის წევრები მინი პროექტის განსახორციელებლად ემზადებიან. ვუთხრათ "არა" ძალადობას! - ახალგაზრდები, 2 თვის განმავლობაში, ფორუმ თეატრის პატარა სცენებით შეეცდებიან დაანახონ მაყურებელს პრობლემის სიმწვავე და დააფიქრონ ძალადობის უარყოფით შედეგებზე. მაისის შეხვედრაზე, პროექტის ასისტენტთან ერთად კიდევ ერთხელ განიხილეს შესასრულებელი აქტივობები და გეგმაც შეიმუშავეს. მონაწილეებმა, ასევე, თანაბრად გადაინაწილეს თავიანთი მოვალეობებიც.
წყალტუბოს ახალგაზრდული ჯგუფის წევრები მაისიდან საგრანტო კონკურსის ფარგლებში მინი-პროექტების განხორციელებას იწყებენ. ორივე ჯგუფთან სამუშაო შეხვედრები გაიმართა, მონაწილეებმა საორგანიზაციო საკითხები განიხილეს და ფუნქციები გადაინაწილეს. აღნიშნული სამუშაოები ხელს შეუწყობს მინი-პროექტების წარმატებით განხორციელებას.
ქალთა საინიციატივო ჯგუფის წევრებმა ჩატარებული კვლევის შედეგებს გადახედეს და სხვადასხვა პრობლემები გამოკვეთეს. იდენთიფიცირებული პრობლემების საფუძველზე ჯგუფის წევრებმა ადვოკატირების გეგმაზე იმუშავეს.
„მოსახლეობის ადამიანური უსაფრთხოების ხარისხის და გენდერული საჭიროებების შეფასების" კვლევის შედეგად, მუნიციპალიტეტში გამოვლენილი პრობლემების ადვოკატირებაზე იმსჯელეს ქალბატონებმა შეხვედრაზე, რომელიც 17 მაისს ფონდ"სოხუმის" ოფისში გაიმართა.
შემუშავდება ადვოკატირების გეგმა, გაიწერება ვადები და გადანაწილდებიან პასუხისმგებელი პირები .
აქტიურად მუშაობს ქუთაისის ახალგაზრდული კლუბიც .წევრები მინი პროექტის განსახორციელებლად ემზადებიან.
ახალგაზრდები ბულინგსა და მის სახეებზე ისაუბრებენ . ფორუმ თეატრის პატარა სცენებით შეეცდებიან დაანახონ მაყურებელს პრობლემის სიმწვავე და დააფიქრონ ძალადობის უარყოფით შედეგებზე.
მაისის შეხვედრაზე, პროექტის ასისტენტთან ერთად კიდევ ერთხელ განიხილეს შესასრულებელი აქტივობები და გეგმაც შეიმუშავეს.
მონაწილეებმა, ასევე, თანაბრად გადაინაწილეს თავიანთი მოვალეობებიც.
წალენჯიხის მუნიციპალიტეტის სოფელ ფახულანის ქალთა საინიციატივო ჯგუფმა მორიგი შეხვედრა გამართა.მოსახლეობის ადამიანური უსაფრთხოების ხარისხის და გენდერული საჭიროებების შეფასება ზუგდიდის მუნიციპალიტეტში _ეს იყო მათ მიერ განხორციელებული კვლევის თემა. შედეგები მომდევნო სამუშაო პროცესის საფუძველი იქნება,რაც ადვოკატირების გეგმის შემუშავებას ითვალისწინებს. შეხვედრაზე ასევე ისაუბრეს თემაზე:"ადგილობრივი თანამშრომლობა ბავშვებზე და ოჯახებზე ორიენტირებული სოციალური გარემოსთვის".მერიის სოციალური და ბავშვთა განყოფილების სამსახურის წარმომადგენლებმა შეხვედრის მონაწილეებს სოციალურ და ჯანდაცვის პროგრამებსა და ბავშვთა განყოფილების მუშაობის სპეციფიკის შესახებ ინფორმაცია მიაწოდეს.
„მტკიცებულებებზე დამყარებული ადვოკატირების პროცესი“- სენაკის ქალთა საინიციატივო ჯგუფის წევრებთან ამ თემაზე ტრენინგი ჩატარდა . რას გულისხმობს პრობლემათა ადვოკატირების პროცესი და რამდენად მნიშვნელოვანია ეფუძნებოდეს მტკიცებულებებს-მონაწილეებმა ინფორმაცია ამ საკითხებზე მოისმინეს.ჯგუფის წევრებმა იმ პრობლემების ადვოკატირების გეგმაზე იმუშავეს, რომელიც კვლევის შედეგად გამოიკვეთა.
იმავე დღეს სენაკში შეხვედრა ახალგაზრდული ჯგუფის წევრებთანაც გაიმართა . მონაწილეებმა საპროექტო აქტივობების გეგმაზე იმუშავეს. საორგანიზაციო საკითხებზე პასუხისმგებელი პირები განსაზღვრეს და ფუნქცია-მოვალეობები გადაინაწილეს.
ზუგდიდის მუნიციპალიტეტის კოკის ქალთა საინიციატივო ჯგუფმა კვლევა ჩაატარა თემაზე -მოსახლეობის ადამიანური უსაფრთხოების ხარისხის და გენდერული საჭიროებების შეფასება ზუგდიდის მუნიციპალიტეტში.
შედეგად გამოკვეთა ის პრობლემები, რომლებიც თემში აქტუალურია. მათ მოსაგვარებლად კი ადვოკატირების გეგმა შემუშავდება.
“დეზინფორმაციის ამოცნობა და სწორი , გადამოწმებული ინფორმაციის მოძიება” - ამ პროექტის განხორციელებას კოკის ახალგაზრდული კლუბი გეგმავს.
თანამედროვე, ინფორმაციულ ეპოქაში როგორ გავარჩიოთ ერთმანეთისგან სწორი და არასწორი ინფორმაცია, როგორ ავირიდოთ თავიდან დეზინფორმაციის საფუძველზე წარმოქმნილი კონფლიქტური სიტუაციები-ახალგაზრდები ამ საკითხებზე ფორუმ თეატრისთვის სცენებს მოამზადებენ.
დიდინეძის ახალგაზრდული კლუბი პროექტით დაგეგმილ გეგმილ აქტივობებზე მუშაობს. პროექტის მიზანია სპეციალური საჭიროების მქონე (სსმ) მოსწავლეებისათვის ჯანსაღი ინკლუზიური გარემოს შექმნა. ამისთვის კი საჭიროა სასკოლო საზოგადოებაში (მასწავლებელი, მოსწავლე, მშობელი) ცნობიერების ამაღლება, რაც ხელს შეუწყობს სწორი კომუნიკაციის მეთოდების შემუშავებას და დამკვიდრებას.
ფორუმ თეატრის მეთოდის მეშვეობით გაიმართება სცენების ჩვენება , არსებულ პრობლემაზე დისკუსია მოეწყობა და გადაჭრის გზების ძიება მოხდება.
რაც შეეხება დიდინეძის ქალთა საინიციატივო ჯგუფს ,მათ კვლევა ჩაატარეს თემაზე -მოსახლეობის ადამიანური უსაფრთხოების ხარისხის და გენდერული საჭიროებების შეფასება ზუგდიდის მუნიციპალიტეტში.
შედეგად გამოკვეთა ის პრობლემები, რომლებიც თემში აქტუალურია. მათ მოსაგვარებლად კი ადვოკატირების გეგმა შემუშავდება.