„ფონდი „სოხუმი“ არის ორგანიზაცია, რომელმაც იცის მშვიდობის ფასი და ომის სახე. ადამიანებს, რომლებიც აქ მუშაობენ, შეუძლიათ თანადგომა, თანაგრძნობა, ესმით ჩვენი ტკივილი და საჭიროებები, ჩვენი ტრავმები, ტრაგედიები. მადლობელი ვარ სიკეთისთვის, თანაგრძნობისა და უფასო ფსიქოლოგიური მხარდაჭერისთვის“, - ამბობს  ქალთა ფონდი „სოხუმის“ ფსიქოლოგების მიერ გამართული სარეაბილიტაციო შეხვედრების ერთ-ერთი მონაწილე.

როგორც ადრე, მარტში უკრაინელ ლტოლვილებთან მუშაობდნენ მანანა გოცირიძე და უკრაინელი ფსიქოლოგები მარინა სტეპანენკო და ანა შალიმოვა.

ჩატარდა პირველადი კონსულტაციები, ფსიქოთერაპიის კურსები. ზოგიერთი ინდივიდუალური კონსულტაცია ფინალური იყო და შეაჯამა კლიენტისა და ფსიქოლოგის ერთობლივი მუშაობა.

უკრაინელმა ფსიქოლოგებმა ასევე გამართეს ჯგუფური შეხვედრა თემაზე „როგორ ამოვიცნოთ ძალადობა“.

ფსიქოლოგები აწვდიან კლიენტებს ისეთ ინფორმაციას, რომელსაც ისინი თამამად გამოიყენებენ ცხოვრებაში, რათა შემდგომში საკუთარ თავს დაეხმარონ.

 

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

უკრაინის ომმა კიდევ უფრო გაურთულა დაავადება პოლინა მინულინას. ჩვენი ორგანიზაცია ჩამოსვლის დღიდან ეხმარებოდა ონკოპაციენტს - ექიმებთან ურთიერთობასა თუ სამკურნალო კურსისთვის საჭირო თანხის დაფარვაში. მადლიერიც  იყო, მაგრამ, სამწუხაროდ, მარტში გარდაიცვალა. ოჯახი კიდევ უფრო დიდი პრობლემის წინაშე დადგა და ქალთა ფონდი „სოხუმი“ დაეხმარა კრემაციისთვის საჭირო თანხის ანაზღაურებაში. 

ეს ჩვენი მხარდაჭერის ერთ-ერთი მაგალითია.

უკრაინიდან ლტოლვილი 470 ადამიანის სახელი და გვარია უკვე ჩვენს საინფორმაციო ბაზაში. ეს იმას ნიშნავს, რომ ყველა მათგანს მისწვდა ქალთა ფონდი „სოხუმის“ გაცემული სიკეთე.

მარტში 35 ოჯახს - 78 ადამიანს - გაეწია დახმარება (სურსათი, ჰიგიენის საშუალებები), გადავიხადეთ 6 ოჯახის კომუნალური გადასახადები.

მარტის რამდენიმე ღონისძიებაზე უკრაინელებიც აქტიურად მონაწილეობდნენ.

აქტიურად გრძელდება შემაჯამებელი შეხვედრები ახალგაზრდობის გაძლიერების ცენტრებში. უკვე დასრულდა ფინალური დღეები სამეგრელოს რეგიონის სამ მუნიციპალიტეტში. შეხვედრები გაიმართა გურიასა და აჭარაში - ჩოხატაურის  და ქობულეთის მუნიციპალიტეტებში. დასწრეთა შორის იყვნენ გენდერული თანასწორობის საბჭოების წევრები, ახალგაზრდული სამსახურის წარმომადგენლები.

კურსდამთავრებულთა ერთმა ნაწილმა საინტერესო პრეზენტაციები წარმოადგინა. შეხვედრების მონაწილეებმა, ძირითადად, მიღწეულ შედეგებზე ისაუბრეს. ხუთთვიან კურსს მაღალი შეფასება მისცეს პედაგოგებმა და მშობლებმა. კურსის ყველა მონაწილემ მიიღო სერტიფიკატი, ხოლო ყველაზე აქტიურებმა - ახალგაზრდა ტრენერების სერტიფიკატები.

მომავალი თვიდან მუნიციპალიტეტებში ახალი ჯგუფების ფორმირების პროცესი იწყება. 

შეხვედრაზე, მონაწილეებს ასევე მიეწოდათ ინფრომაცია პრაქტიკულ გზამკვლევზე: "გენდერული ნიშნით ძალადობის პრევენცია და მასზე რეაგირება საომარ და ომის შემდგომ პერიოდში - ქალთა ორგანიზაციების გამოცდილებები და რეკომენდაციები", რომელიც ეუთოს (OSCE) მხარდაჭერით, ქსელი WAVE-ისა და მისი ოთხი წევრის მიერ 2022 წელს შემუშავდა. აღნიშნული გზამკვლევი ეყრდნობა საომარი და პოსკონფლიქტური მდგომარეობის სხვადასხვა ეტაპზე ქალთა ორგანიზაციების სპეციფიკურ ცოდნასა და გამოცდილებას და მასში დეტალურად არის აღწერილი სტრატეგიები კონფლიქტის სხვადასხვა ფაზაში გენდერული ძალადობის პრევენციისა და რეაგირებისთვის.

  • ომის დროსა და საგანგებო სიტუაციებზე რეაგირების პერიოდი, რომელსაც უკრაინელი და სომეხი პარტნიორები აზიარებენ (სექსუალური ძალადობის კრიზისული ცენტრი (ერევანი, სომხეთი), ცენტრი „ქალთა პერსპექტივები“ (ლვოვი, უკრაინა)
  • გაჭიანურებული კონფლიქტი, რომელიც აღწერილია ქართველი პარტნიორის - ქალთა ფონდი „სოხუმის“ მიერ;
  • ომის შემდგომი და გრძელვადიანი პერსპექტივა - წარმოდგენილი ბოსნია-ჰერცოგოვინელი პარტნიორის გამოცდილებაზე დაყრდნობით.

(პრაქტიკული სახელმძღანელო ხელმისაწვდომია აქ https://wave-network.org/.../uploads/Toolkit-Georgian.pdf...3IA)

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

ქალთა ფონდ „სოხუმში“ უკრაინელი ქალებისთვის უკრაინელმა ფსიქოლოგებმა მარინა სტეპანენკომ და ანა შალიმოვამ ჩაატარეს ტრენინგი თემაზე „როგორ ამოვიცნოთ ძალადობა“.

ტრენინგზე განიხილეს შემდეგი თემები: ძალადობრივი ურთიერთობის გამოვლინება და უნარები ძალადობის წინააღმდეგ. ტრენერებმა ისაუბრეს სახელმწიფოს და ფონდი „სოხუმის“ მხარდაჭერაზე საგანგებო სიტუაციების დროს.

მონაწილეების თქმით, განსაკუთრებული იყო ტრენინგის მშობლიურ ენაზე ჩატარება. თემებიც სწორად იყო შერჩეული და ეს კარგი შესაძლებლობაა ქალების გაძლიერებისათვის.

 

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

- ქალები, რომლებმაც შეცვალეს საკუთარი თავი და მათ ირგვლივ არსებული გარემო. ისტორიები, რომელთა მოსმენა პოზიტიურად განაწყობს მსმენელს და მაღლა სწევს სამოქალაქო აქტივიზმის მაჩვენებელს - ასე შეაფასეს მარტში გამართული შეხვედრები ქალთა მხარდაჭერის ცენტრების მობილიზატორებმა.

შეხვედრის მონაწილეები თვლიან, რომ ქალთა გაძლიერების საქმეში განსაკუთრებული მნიშვნელობა ენიჭება ფონდი „სოხუმის“ საქმიანობას და ზოგადად, არასამთავრობო სექტორის მუშაობას. ხაზგასმით ისაუბრეს ძალადობის მსხვერპლთა მხარდაჭერის სერვისების აუცილებლობაზე.

თერჯოლის, ვანის, ტყიბულის, ჩოხატაურის და ბაღდათის ქალთა მხარდაჭერის ცენტრებში ხუთი შემთხვევის იდენტიფიცირება მოხდა. ქეისების მართვაში  ქალთა ფონდი „სოხუმის“ სპეციალისტები ჩაერთნენ. 

შეხვედრაზე, მონაწილეებს ასევე მიეწოდათ ინფრომაცია პრაქტიკულ გზამკვლევზე: "გენდერული ნიშნით ძალადობის პრევენცია და მასზე რეაგირება საომარ და ომის შემდგომ პერიოდში - ქალთა ორგანიზაციების გამოცდილებები და რეკომენდაციები", რომელიც ეუთოს (OSCE) მხარდაჭერით, ქსელი WAVE-ისა და მისი ოთხი წევრის მიერ 2022 წელს შემუშავდა. აღნიშნული გზამკვლევი ეყრდნობა საომარი და პოსკონფლიქტური მდგომარეობის სხვადასხვა ეტაპზე ქალთა ორგანიზაციების სპეციფიკურ ცოდნასა და გამოცდილებას და მასში დეტალურად არის აღწერილი სტრატეგიები კონფლიქტის სხვადასხვა ფაზაში გენდერული ძალადობის პრევენციისა და რეაგირებისთვის.

  • ომის დროსა და საგანგებო სიტუაციებზე რეაგირების პერიოდი, რომელსაც უკრაინელი და სომეხი პარტნიორები აზიარებენ (სექსუალური ძალადობის კრიზისული ცენტრი (ერევანი, სომხეთი), ცენტრი „ქალთა პერსპექტივები“ (ლვოვი, უკრაინა)
  • გაჭიანურებული კონფლიქტი, რომელიც აღწერილია ქართველი პარტნიორის - ქალთა ფონდი „სოხუმის“ მიერ;
  • ომის შემდგომი და გრძელვადიანი პერსპექტივა - წარმოდგენილი ბოსნია-ჰერცოგოვინელი პარტნიორის გამოცდილებაზე დაყრდნობით.

(პრაქტიკული სახელმძღანელო ხელმისაწვდომია აქ https://wave-network.org/.../uploads/Toolkit-Georgian.pdf...3IA)

 

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

ქუთაისის ქალთა საინიციატივო ჯგუფის წევრებმა 1 მარტს გამართულ შეხვედრაზე ინფორმაცია ქალთა სოლიდარობის საერთაშორისო დღის შესახებ მიიღეს.

განიხილეს,  თუ რატომ არის აუცილებელი ქალთა სოლიდარობა,ასევე

ლიდერ ქალებზე მოკლემეტრაჟიანი ფილმი ნახეს.

შეხვედრის ბოლოს კი  თვისებრივი კვლევის ჩატარებისას გამოვლენილი პრობლემები და ხარვეზები მიმოიხილეს.

20 მარტს ქუთაისის ახალგაზრდული კლუბის წევრებთან გამართულ მორიგ შეხვედრაზე კი ფორუმ თეატრის თემაზე -ბულინგის საკითხზე იმუშავეს.

შეადგინეს სცენარი, რომლის მიხედვითაც ფორუმ თეატრი დაიდგა.

სენაკის ქალთა სამუშაო ჯგუფის წევრებთან  ონლაინ ფორმატის შეხვედრა გაიმართა. მონაწილეებმა მოისმინეს ისტორიები ფონდი „სოხუმის“ საქმიანობის საუკეთესო პრაქტიკაზე, გაეცნენ სხვადასხვა მიმართულებით მიღწეულ შედეგებს და გაკვეთილებს.

შეხვედრის მონაწილეებმა შეაჯამეს მიღწევები რეზოლუცია 1325-ის იმპლემენტაციის კუთხით. ნახეს ვიდეოსიუჟეტი, რომელიც ქუთაისში გამართული სამოქალაქო ფორუმს აღწერდა. გაეცნენ ამ ფორუმზე სამუშაო ჯგუფების მიერ შემუშავებულ იდეებს, რომელთა ინტეგრირება ადგილობრივ პროგრამებში უნდა მოხდეს.

პროექტი ხორციელდება

გაეროს ქალთა ორგანიზაციის მხარდაჭერით

ხონის ქალთა საინიციატივო ჯგუფი აქტიურად განაგრძობს ადვოკატირების პროცესს, გარდა იმისა, რომ ჯგუფის წევრები თვალს ადევნებენ ჯერ კიდევ მოუგვარებელი პრობლემების ადვოკატირებას, მათ ასევე აირჩიეს ახალი პრობლემები, რომელთა მოგვარებასაც  აპრილიდან შეუდგებიან.

მორიგ შეხვედრაზე ჯგუფი გაეცნო სამოქალაქო ფორუმზე ხონის ჯგუფის მიერ გაწერილ აქტივობებს, რომლებიც რეზოლუცია 1325-ის სამოქმედო გეგმის იმპლემენტაციას შეუწყობს ხელს. მათ საშუალება ჰქონდათ, ენახათ პროექტის ფარგლებში გადაღებული ორი კლიპი, რომლებიც მათი მუშაობის შედეგებს ასახავს.

 

პროექტი ხორციელდება

გაეროს ქალთა ორგანიზაციის მხარდაჭერით

მარტის თვეში გამართულ შეხვედრაზე წყალტუბოს ქალთა საინიციატივო ჯგუფის წევრებმა ქალური სოლიდარობის თემასა და მის მნიშვნელობაზე ისაუბრეს.,,სოლიდარობა ნებისმიერ საკითხში მნიშვნელოვანია, ეს არის ძალა, მხარდაჭერა, თანაგრძნობა, რომელიც განსაზღვრას წარმატებას,,.- ასეთი იყო მონაწილეთა განწყობა.

მათი სურვილების დიდი ნაწილი მშვიდობას, მათი ოჯახების და ახლობლების კეთილდღეობასა და უკეთესი გარემოს შექმნას უკავშირდება.

ლიდერი ქალები, რომლებმაც შეცვალეს გარემო. რა არის სოლიდარობა და რისთვის გვჭირდება- ამ საკითხებზე იმსჯელეს წყალტუბოს ახალგაზრდული ჯგუფის წევრებმა წყალტუბოს მეოთხე და პირველ საჯარო სკოლებში.

შეხვედრაზე შესრულდა სავარჯიშოები , გაიმართა დისკუსიაც.

სასარგებლო ბმულები

სოციალური ქსელები